3 ᐊᖑᑎᑦ ᑖᕐᑐᐊᓗᖕᒥ ᕿᓂᓲᖑᕗᑦ, ᓄᓇᐅᑉ ᐃᓗᐊᓄᑦ ᖃᒧᖔᓗᒃ ᐃᑎᕐᓴᓕᐅᕆᓪᓗᑎᒃ ᓴᕕᕋᔭᒃᓴᒥᒃ ᕿᓂᓲᖑᕗᑦ ᑖᕐᑐᐊᓗᖕᒦᓪᓗᑎᒃ.
ᐃᑎᔪᒦᑦᑐᑦ ᑖᕐᑐᕐᔪᐊᕐᒥ ᒪᑐᐃᕈᑎᕔᑦ; ᑖᕐᑐᕐᔪᐊᒦᑦᑐᑦ ᖃᐅᒪᔪᒧᑦ ᖃᐅᒻᒥᑕᐅᑎᓪᓗᒋᑦ.
ᓴᕕᕋᔭᒃᓮᑦ ᓄᓇᐅᑉ ᐃᓗᐊᓂᑦ ᐱᔭᐅᓲᖑᕗᑦ, ᑲᓐᓄᔧᓪᓗ ᐊᐅᒃᑎᑕᐅᓲᖑᕗᑦ ᓴᕕᕋᔭᒃᓴᓂᑦ.
ᓄᓇᒋᔭᐅᖏᑦᑐᒥ ᓇᕐᓴᒥ ᐅᔭᕋᒃᑕᕐᕕᖕᒥᒃ ᐃᑎᕐᕕᓕᐅᕐᐳᑦ; ᐃᓄᖕᓄᑦ ᐃᖏᕐᕋᕕᐅᓚᐅᕐᓯᒪᖏᑦᑐᒥ, ᑕᕝᕙᓂ ᓴᓇᕗᑦ ᐅᐸᒃᑕᐅᕙᖏᑦᑐᒥ, ᐊᒃᓱᓈᓄᑦ ᓂᕕᖓᐅᑎᖃᕐᓗᑎᒃ ᐱᓇᓱᐊᕐᐸᒃᐳᑦ ᐊᐅᓚᑲᑦᑖᖃᑦᑕᕐᓗᑎᒃ.
ᐅᓪᓗᖅ ᑍᓐᓇ ᓄᒫᓇᕐᓯᓗᓂ ᑖᕐᓯᒻᒪᕆᓕᕐᓕ. ᓄᕗᔭᓄᑦ ᐅᓕᒃᑕᐅᓕ; ᕿᕐᓈᖓᔪᓄᑦ ᑲᑉᐱᐊᓵᕐᑕᐅᓕ.
ᓯᐅᓪᕕᕆᐅᑉ ᐱᔪᒥᓇᕐᓂᖓᑐᑦ ᕿᓂᓪᓚᕆᒃᑯᕕᐅᒃ, ᐱᓪᓚᕆᐊᓘᑉ ᕿᓂᕐᑕᐅᔭᕆᐊᖃᕐᓂᖓᑐᑦ ᓇᓂᓇᓱᐊᕐᓂᐊᕈᕕᐅᒃ.
ᐃᓕᓐᓂᐊᓚᐅᕐᐳᖓ, ᕿᓂᕐᓗᖓᓗ ᓄᓇᒦᑦᑐᓕᒫᓂᒃ; ᑐᑭᓯᕗᖓ ᒎᑎᐅᑉ ᐃᓄᐃᑦ ᐅᖁᒤᑦᑐᓂᒃ ᑐᓂᓯᕕᒋᖕᒪᒋᑦ!
ᑕᑯᒋᑦ, ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᑍᒤᑎᑦᓯᓐᖏᓛᖅ? ᐃᓄᐃᑦ ᓴᓇᖕᒪᑕ ᐃᑯᐊᓪᓚᒃᑐᒃᓴᑐᐃᓐᓇᕐᓂᒃ, ᐃᓅᖃᑎᒌᒡᔪᐃᓪᓗ ᐃᒻᒥᖕᓂᒃ ᑕᖃᑎᑉᐳᑦ ᓱᓇᒃᓴᐅᖏᑦᑐᒧᑦ.
ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.
ᐊᖓᔪᖅᑳᖓᑕ ᖁᕕᐊᒋᓕᓚᐅᕐᐹ ᑍᒫᒃ ᓯᓚᑐᔪᒥᒃ ᐱᓇᓱᐊᕐᒪᑦ; ᒪᑐᒪ ᓯᓚᕐᔪᐊᑉ ᐃᓄᖏᑦ ᓯᓚᑐᐊᕿᓇᓱᐊᕈᓐᓇᕐᓂᕐᓴᐅᖕᒪᑕ ᖃᐅᒪᔪᒥᐅᑕᓂᑦ, ᐱᔭᕆᐊᖃᕐᑕᒥᖕᓂ ᐱᓇᓱᐊᕐᑎᓪᓗᒋᑦ.