ᔫᐱᐅᑉ ᐊᒡᓚᖏᑦ 28:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᓯᓚᓗᒃ ᐋᖅᑭᒃᓯᒪᕚ ᐱᒋᐊᕐᕕᒃᓴᖓᓗ, ᑲᓪᓘᓪᓗ ᑲᓪᓕᕐᕕᒃᓴᖓ ᐋᖅᑭᒃᓯᒪᒋᕚ;

ᔫᐱᐅᑉ ᐊᒡᓚᖏᑦ 28:26 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 28:27

ᑕᕝᕙ ᓯᓚᑐᓂᖅ ᑕᑯᒐᒥᐅᒃ ᓇᓗᓁᓚᐅᕐᐹ; ᐋᖅᑭᒃᓱᓚᐅᕐᐹ, ᖃᐅᔨᓴᕋᒥᐅᒃ ᓈᒻᒪᒋᓚᐅᕐᐹ.

ᔫᐱᐅᑉ ᐊᒡᓚᖏᑦ 36:26

ᑕᑯᒋᑦ, ᒎᑎᐅᑉ ᐊᖏᔪᕐᔪᐊᖑᕗᖅ, ᖃᐅᔨᔪᓐᓇᓐᖏᓚᕗᓪᓗ; ᑖᑦᓱᒪᓗ ᐊᕐᕌᒍᖏᑦ ᖃᐅᔨᔭᐅᔪᓐᓇᕋᑎᒃ.

ᔫᐱᐅᑉ ᐊᒡᓚᖏᑦ 36:27

ᑖᑦᓱᒪ ᓄᓇᕐᔪᐊᑉ ᐃᒪᖓ ᖁᒻᒧᐊᒃᑎᖃᑦᑕᕐᐹ, ᑕᑉᐹᓐᖓᓪᓗ ᐃᒪᕐᒥᒃ ᓯᓚᓗᓕᕐᑎᖃᑦᑕᕐᐹ.

ᔫᐱᐅᑉ ᐊᒡᓚᖏᑦ 36:29

ᓇᓪᓕᐊᓐᓄᑦ ᑐᑭᓯᔭᐅᔪᓐᓇᕐᐹ ᖃᓄᖅ ᓄᕗᔧᑦ ᐃᖏᕐᕋᕙᖕᒪᖔᑕ? ᑲᓪᓘᓪᓗ ᐃᕗᓗᖕᓂᖓ ᓯᓚᒃᑯᑦ ᖃᓄᖅ ᓂᓪᓕᐊᖃᑦᑕᕐᒪᖔᑦ? ᑕᑉᐸᐅᓇ ᐃᒡᓗᕕᒐᐅᔭᐅᑉ ᖁᓛᖓᓂᑦ?

ᔫᐱᐅᑉ ᐊᒡᓚᖏᑦ 36:32

ᑖᑦᓱᒪ ᐊᒡᒐᓂ ᐅᓕᒃᓯᒪᕔᑦ ᖃᐅᒻᒪᓪᓚᖕᒧᑦ, ᐱᖁᔨᓂᖓᒍᓪᓗ ᖃᐅᒻᒪᓪᓚᖃᑦᑕᕐᐳᖅ.

ᔫᐱᐅᑉ ᐊᒡᓚᖏᑦ 37:11

ᓄᕗᔭᑦ ᕿᕐᓈᖓᔪᑦ ᐃᓗᓪᓕᕐᓯᒪᖃᑦᑕᕐᐰᑦ ᖃᐅᓯᕐᑐᒥᒃ; ᓄᕗᔭᓂᑦ ᑕᕝᕙ ᖃᐅᒻᒪᓪᓔᑦ ᓯᐊᒻᒪᖃᑦᑕᕐᐳᑦ.

ᔫᐱᐅᑉ ᐊᒡᓚᖏᑦ 37:2

ᓈᓚᒋᑦᓯ ᑖᑦᓱᒪ ᓂᐱᖓᓂᒃ ᐃᒃᑐᓚᐅᕐᓂᕐᒥᑦ, ᐃᕗᓘᕐᓂᕐᓗ ᑖᑦᓱᒪ ᖃᓂᖓᓂᑦ ᐱᖕᒪᑦ.

ᔫᐱᐅᑉ ᐊᒡᓚᖏᑦ 37:3

ᕿᓚᐅᑉ ᐊᑖᒍᑦ ᐊᑕᖐᒪᔪᒥᒃ ᑲᓪᓕᕐᑎᑦᓯᕙᒃᐳᖅ, ᓄᓇᕐᔪᐊᑉ ᐃᓱᐊᓂᑦ ᐃᓱᐊᓄᑦ ᑎᑭᓪᓗᒍ ᖃᐅᒻᒪᓪᓚᒃᑎᑦᓯᕙᒃᐳᖅ.

ᔫᐱᐅᑉ ᐊᒡᓚᖏᑦ 37:4

ᓂᐱᖓᑕ ᑭᖑᓂᖓᒍᑦ ᐃᕗᓘᒥᓂᖓ ᑐᓴᕐᓴᕈᕐᐳᖅ; ᑭᖑᕐᖓᒍᑦ ᐃᑐᓚᐅᕐᓗᓂ ᓂᐱᕐᔪᐊᖓ ᓂᓪᓕᕆᕗᖅ ᐃᓕᕋᓇᕐᑑᓪᓗᓂ, ᓂᐱᖓ ᑐᓴᕐᓴᐅᑎᓪᓗᒍ ᑕᕝᕙ ᖃᐅᒻᒫᓪᓚᑲᑕᓕᕐᐳᖅ ᓇᐅᒃᑯᑐᐃᓐᓇᖅ.

ᔫᐱᐅᑉ ᐊᒡᓚᖏᑦ 37:6

ᑖᑦᓱᒪ ᐱᖁᔨᓂᖓᒍᑦ ᐊᐳᑦ ᑲᑕᒐᖃᑦᑕᕐᐳᖅ ᓄᓇᒧᑦ; ᓯᓚᓗᒃᑎᑉᐹᑦᑕᐅᖅ ᐃᒥᕐᒥᒡᓗ ᑯᕕᑐᐃᓐᓇᕐᑎᓪᓗᒍ, ᐱᔪᓐᓇᕐᓂᒃᑯᑦ.

ᔫᐱᐅᑉ ᐊᒡᓚᖏᑦ 38:25

ᑭᓇ ᐃᑎᕐᓴᓕᐅᓚᐅᕐᐸ ᓯᓚᓘᑉ ᑯᕕᕕᒃᓴᖓᓂᒃ? ᑭᐊᓗ ᖃᐅᒻᒪᓪᓚᒃ ᓯᓚᕐᓂᕐᓗᒡᓗ ᐊᖅᑯᓯᕐᐸᐅᒃ?

ᔫᐱᐅᑉ ᐊᒡᓚᖏᑦ 38:26

ᓯᓚᓗᒃᑎᑦᓯᓪᓗᓂ ᓄᓇᒧᑦ ᐃᓄᖃᖏᑦᑐᒧᑦ, ᓯᐅᕅᓐᓇᕐᒧᑦ ᐃᓄᖃᖏᑦᑐᒧᑦ;

ᔫᐱᐅᑉ ᐊᒡᓚᖏᑦ 38:27

ᐃᒥᕐᑎᑦᓯᔪᒪᓪᓗᓂ ᓄᓇᒥᒃ ᐸᓂᕐᑐᒥᒃ ᐃᒥᕈᒃᑐᒥᒡᓗ, ᑕᒪᓐᓇ ᓄᓇ ᐃᕕᒡᓱᒐᕐᓂᒃ ᐱᕈᕐᕕᐅᓕᖁᓪᓗᒍ.

ᐃᓐᖏᕈᑎᑦ 135:7

ᑖᑦᓱᒪ ᓄᕗᔧᑦ ᐊᓄᕆᑕᓖᑦ ᖁᒻᒧᐊᒃᑎᑉᐰᑦ ᓄᓇᐅᑉ ᐃᓱᖏᓐᓂᑦ, ᖃᐅᒻᒪᓪᓚᒃᑎᑦᓯᖃᑦᑕᕐᑐᖅ ᓯᓚᓗᒃᑎᓪᓗᒍ; ᐊᓄᕌᓕᕐᑎᑦᓯᖃᑦᑕᕐᑐᕐᓗ ᓯᕐᓗᐊᖁᑎᒥᓂᑦ ᐱᔪᓂᒃ.

ᐃᓐᖏᕈᑎᑦ 148:8

ᐃᑯᒪᐅᑉ ᓇᑕᖅᑯᕐᓁᓪᓗ, ᐊᐳᑎᐅᑉ ᓂᓔᓪᓗ; ᐊᓄᕆᐅᑉ ᐊᖅᑯᓇᕐᔪᐊᑉ, ᑖᑦᓱᒪ ᐱᖁᔨᓂᖓᓂᒃ ᒪᓕᒃᑐᑦ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:22

ᐊᑕᓂᐅᑉ ᐱᓐᖑᕐᑎᓚᐅᕐᐹᖓ ᓯᕗᓪᓕᕐᐹᖑᓪᓗᖓ, ᐱᓐᖑᕐᑎᑦᓯᕙᓪᓕᐊᓕᕐᑎᓪᓗᒍ ᑍᑦᓱᒪᓂᐊᓗᒃ.

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᐂᒨᓯᐅᑉ ᐊᒡᓚᖏᑦ 4:7

“ᓯᓚᓗᒡᓗ ᓄᖅᑲᖓᑎᓚᐅᕐᐸᕋ, ᓱᓕ ᑕᖅᑭᓂᒃ ᐱᖓᓱᓂᒃ ᑲᑎᕐᓱᐃᕕᒃ ᓇᓪᓕᐅᑎᓚᐅᕐᑎᓐᓇᒍ, ᐃᒡᓗᒐᓴᖕᓂ ᐊᑕᐅᓯᕐᓂ ᓯᓚᓗᒃᑎᑦᓯᓚᐅᕐᐳᖓ, ᐃᒡᓗᒐᓴᖕᓂᓗ ᐊᓯᖏᓐᓂ ᓯᓚᓗᒃ ᓄᖅᑲᖓᑎᓚᐅᕐᐸᕋ, ᐱᕈᕐᓰᕖᑦ ᐃᓚᖏᑦ ᓯᓚᓗᒃᑕᐅᑎᓚᐅᕐᐸᒃᑲ; ᐱᕈᕐᓰᕖᓪᓗ ᓯᓚᓗᒡᕕᐅᓚᐅᖏᑦᑐᑦ ᑐᖁᓕᓚᐅᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 10:1

ᐊᑕᓂᖅ ᐅᐱᕐᖔᒃᑯᑦ ᓯᓚᓗᖁᔨᖁᓯᐅᒃ, ᑕᕝᕙ ᓄᕗᔭᖃᕐᑎᓐᓂᐊᕐᐹ ᓯᓚᕈᔪᒃᓯᐅᑎᓂᒃ ᓯᓚᓗᓕᕐᓗᓂ, ᐃᓄᓕᒫᓄᑦ ᐱᕈᕐᓰᕕᖁᑎᓕᒫᖏᓐᓄᓪᓗ.