ᔫᐱᐅᑉ ᐊᒡᓚᖏᑦ 28:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᒪᑯᐊ ᑍᒤᓪᓗᐊᖃᖏᓐᓂᕗᑦ ᑕᑯᒥᓇᕐᑐᑦ ᑰᕋᓕᒥᒃ ᐊᑎᓖᑦ ᐊᓕᒍᐃᓪᓗ; ᓯᓚᑐᓂᐅᑉ ᐊᑭᑐᓂᖓ ᐱᒃᑯᒥᓇᕐᑐᓂᑦ ᐊᑭᑐᓂᕐᓴᐅᖕᒪᑦ.

ᔫᐱᐅᑉ ᐊᒡᓚᖏᑦ 28:18 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:15

ᒎᓗᑕᖃᕐᐳᖅ ᐅᔭᕋᑦᓯᐊᕙᖕᓂᒡᓗ ᐊᑭᑐᔪᓂᒃ ᐊᒥᒐᖏᑦᑐᕐᑕᖃᕐᓱᓂ; ᖃᐅᔨᒪᓂᖃᕐᑑᑉ ᐅᖃᐅᓯᖏᑦ ᐱᐅᓴᐅᑎᑎᑐᑦ ᐊᑭᑐᔪᑎᑐᑦ ᑍᒤᑉᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:13

ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᓯᓚᑐᓂᕐᒥᒃ ᓇᓂᓯᔪᖅ, ᐃᓄᒡᓗ ᑐᑭᓯᔪᓐᓇᕐᓯᔪᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:15

ᓯᓚᑐᓂᖅ ᐱᖁᑎᓂᑦ ᐊᑭᑐᔪᓂᑦ ᐱᒋᔪᒥᓇᕐᓂᕐᓴᐅᕗᖅ; ᑐᓱᒋᔭᕐᓄᓪᓗ ᑕᒤᓐᓄᑦ ᐊᑦᔨᒋᑎᑕᒃᓴᐅᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:10

ᑭᓇ ᐊᕐᓇᒥᒃ ᐂᑉᐸᑦᓯᐊᕙᐅᔪᒥᒃ ᓇᓂᓯᔪᓐᓇᕐᐹ? ᑖᓐᓇ ᐱᓪᓚᕆᐅᓂᕐᓴᒻᒪᕆᐅᕗᖅ ᐱᖁᑎᓂᑦ ᑕᑯᒥᓇᕐᑐᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:11

ᓯᓚᑐᓂᖅ ᐱᐅᓂᕐᓴᐅᕗᖅ ᐱᖁᑎᓂᑦ ᐱᐅᓴᐅᑎᓂᑦ; ᐱᔪᒪᔭᓕᒫᕐᓂᒡᓗ ᐊᑦᔨᖃᕈᓐᓇᕋᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:7

ᐊᖓᔪᖅᑳᕐᔪᐊᑉ ᐸᓂᖏᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᓐᓂᕐᒧᑦ ᐊᐳᑎᑐᑦ ᓴᓗᒪᑎᒋᓚᐅᕐᐳᑦ, ᑎᒥᖏᑦ ᐋᖅᑭᑦᓯᐊᕐᓯᒪᓪᓗᑎᒃ ᑕᐅᑦᑐᑦᓯᐊᕆᒡᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 27:16

ᐱᖁᑎᓕᐊᓘᒐᑦᓯ ᓯᕆᐊᒥᐅᑦ ᓂᐅᕕᐊᕆᕙᒃᐰᑦ; ᑕᐅᕐᓯᐅᑎᔭᐅᕙᒃᐳᑦ ᐅᔭᕋᖕᓄᑦ ᑕᑯᒥᓇᕐᑐᓄᑦ ᐃᒧᕋᐅᓪᓄᑦ, ᖃᓪᓗᓈᕐᑕᑦᓯᐊᓄᓪᓗ ᐊᐅᐸᓪᓚᕆᒃᑐᓄᑦ, ᓵᑦᑐᓄᓪᓗ ᑕᕐᓯᕐᑐᕐᓯᒪᔪᓄᑦ ᖃᓪᓗᓈᕐᑕᓄᑦ ᓵᑦᑐᓄᑦ, ᐃᒪᕐᒥᐅᑕᓄᑦ ᐅᔭᕋᕈᕐᓂᑯᓄᑦ, ᐊᓕᒎᔭᕐᓄᑦ ᐊᐅᐸᕐᑐᓄᑦ ᐊᑭᓕᕐᑕᐅᓪᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 7:6

“ᐃᑦᔪᕐᓁᑦᑐᒥᒃ ᑐᓂᓯᓂᐊᕋᓯ ᕿᒻᒥᓄᑦ; ᓴᐸᖓᖁᑎᓯᓗ ᐊᑭᑐᔪᑦ ᐃᒋᓐᓂᐊᕐᓇᒋᑦ ᑰᒃᑰᓰᑦ ᓯᕗᓂᖓᓐᓄᑦ, ᑖᒃᑯᓇᓐᖓᑦ ᑐᓪᓕᕋᕐᑕᐅᑐᐃᓐᓇᕋᔭᕐᒪᑕ ᐃᓕᖕᓄᓪᓗ ᓵᓪᓗᑎᒃ ᐹᔭᐅᑐᐃᓐᓇᕆᐊᖃᕋᕕᑦ.”

ᑎᒧᑎᒧᑦ ᓯᕗᓪᓖᑦ 2:9

ᐊᕐᓁᑦᑕᐅᖅ ᐊᑐᕐᑕᒥᖕᓂᒃ ᐃᒃᐱᒍᓱᑦᓯᐊᕐᑐᒃᓴᐅᕗᑦ ᐊᓐᓄᕌᕐᓯᒪᑦᓯᐊᕐᓗᑎᒃᓗ, ᓄᔭᕐᒥᖕᓂᒃ ᑕᑯᒥᓇᕐᓮᓗᐊᖏᓪᓗᑎᒃ, ᒎᓗᓂᒃ, ᓴᐸᖓᕐᓂᒃ, ᐊᑭᑐᔪᓂᒃ ᐊᑎᔭᒃᓴᕐᓯᐅᑐᐃᓐᓇᕋᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:4

ᐊᕐᓇᕐᓗ ᐊᓐᓄᕌᕐᓯᒪᕗᖅ ᓵᑦᑐᒥᒃ ᐊᐅᐸᓪᓚᕆᒃᑐᒥᒃ ᐊᐅᐸᕐᑐᒥᒡᓗ, ᒎᓗᓂᒡᓗ ᐅᔭᕋᖕᓂᒡᓗ ᐱᐅᔪᓂᒃ ᓴᐸᖓᕐᓂᒡᓗ ᐊᓐᓄᕌᒥ ᖄᖓᒍᑦ ᐱᐅᓴᐅᑎᖃᕐᐳᖅ, ᑎᒍᒥᐊᕐᓗᓂᓗ ᖃᓪᓗᑎᒥᒃ ᒎᓗᒥᒃ ᐃᒪᖃᕐᑐᒥᒃ ᓇᕐᕈᓇᕐᑐᓂᒃ ᐊᖑᓐᓂᐊᖃᑦᑕᕐᓂᖓᑕᓗ ᓴᓗᒤᓐᓂᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:12

ᓂᐅᕕᐊᒃᓴᖁᑎᖃᕐᒪᑕ ᒎᓗᓂᒃ, ᓯᐅᓪᕕᕆᓂᒃ, ᐅᔭᕋᖕᓂᒡᓗ ᐱᐅᓴᐅᑎᓂᒃ, ᓴᐸᖓᕐᓂᒡᓗ, ᖃᓪᓗᓈᕐᑕᑦᓯᐊᓂᒃ ᓵᑦᑐᓂᒃ, ᐊᐅᐸᓪᓚᕆᒃᑐᓂᒃ, ᐱᐊᒃᑐᓂᒡᓗ, ᐊᑭᑐᔪᒃᓴᔭᓂᒡᓗ ᐊᐅᐸᕐᑐᓂᒃ, ᕿᔪᖕᓂᒡᓗ ᐊᑦᔨᒌᖏᑦᑐᓂᒃ ᕿᔪᓯᐊᕙᖕᓂᒃ, ᑑᒑᕐᓂᒡᓗ ᓴᓇᓯᒪᔪᓂᒃ ᐊᒥᓱᓂᒃ, ᕿᔪᖕᓂᒡᓗ ᐊᑭᑐᔪᒃᓴᔭᓂᒃ ᓴᓇᓯᒪᔪᓂᒃ, ᑲᓐᓄᔭᓂᒃ, ᓴᕕᕋᔭᖕᓂᒃ, ᐅᔭᕋᖕᓂᒡᓗ ᒫᕐᐳᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:21

ᐃᑎᕐᑕᕐᕕᖏᓪᓗ 12 ᓴᐸᖓᒃᓴᔭᐅᕗᑦ ᐃᒫᓂᑦ ᐱᓯᒪᔪᑦ, ᐃᑎᕐᑕᕐᕖᑦ ᐊᑐᓂᑦ ᐊᑕᐅᓯᕐᒥᑦ ᓴᐸᖓᒃᓴᔭᒥᑦ ᓴᓇᓯᒪᓪᓗᑎᒃ, ᐃᒡᓗᒐᓴᒡᔪᐊᓪᓗ ᐊᖅᑯᑎᖏᑦ ᒎᓘᕗᑦ ᐃᓚᓯᒪᓇᑎᒃ, ᐊᓕᒍᕐᑎᑐᑦ ᑕᑯᒃᓴᐅᓇᑦᓯᐊᕐᓗᑎᒃ.