13 ᓯᓚᑐᓂᐅᑉ ᐊᖅᑯᑎᖓ ᐃᓅᑉ ᖃᐅᔨᒪᓐᖏᓛ, ᐃᓅᔪᓂᓗ ᓇᓂᔭᐅᔪᓐᓇᕋᓂ.
ᐃᒪᕕᐅᑉ ᐃᑎᓂᖓ ᐅᖃᕐᐳᖅ, ‘ᐅᕙᓐᓃᓐᖏᓚᖅ,’ ᐃᒪᕐᕕᒡᓗ ᐅᖃᕆᕗᖅ, ‘ᐱᓯᒪᓐᖏᓚᕋ.’
ᖃᓂᕐᐱᑦ ᐅᖃᐅᓯᕆᔭᖏᑦ ᐱᖁᔧᑦ ᐱᐅᒋᓂᕐᓴᕆᕙᒃᑲ ᒎᓗᓂᑦ ᓯᐅᓪᕕᕆᓂᓪᓗ ᑮᓇᐅᔭᒐᓴᕐᔪᐊᓂᑦ.
ᐱᔪᒥᓇᕐᓂᕐᓴᐅᕗᑦ ᒎᓗᒥᑦ, ᐊᒡᓛᑦ, ᒎᓗᒥᑦ ᐱᐅᓂᕐᐹᒥᑦ; ᕼᐊᓂᒥᑦ ᓰᕐᓇᕐᓂᕐᓴᐅᔪᖅ, ᐃᒍᑦᓴᐅᓪᓗ ᐃᕙᕕᐊᓂᑦ ᐱᓯᒪᔪᒥᑦ ᕼᐊᓂᒥᑦ.
ᓴᐱᓕᕋᔭᓚᐅᕋᒪ ᐅᒃᐱᓚᐅᖏᒃᑯᒪ ᐊᑕᓂᐅᑉ ᐱᑦᓯᐊᕐᓂᖓᓂᒃ ᑕᑯᑎᑕᐅᓂᐊᕐᓂᓐᓂᒃ, ᐃᓅᔪᑦ ᓄᓇᖓᓂ.
ᒎᑎᐅᑉ ᑍᒫᑦᓮᓐᓇᖅ ᐊᓯᕈᕈᒫᕐᐹᑎᑦ ᐃᓱᖃᖏᑦᑐᒧᑦ; ᐊᐅᓪᓚᕈᑎᔪᒫᕐᐹᑎᑦ, ᐃᓂᒋᔭᕐᓂᑦ ᓄᓱᒍᒫᕐᒪᑎᑦ, ᐲᕐᑎᓪᓗᑎᓪᓗ ᐃᓅᔪᑦ ᓄᓇᖓᓂᑦ. ᓰᓚ
ᓯᓚᑐᓂᕐᑖᕐᓂᑦ ᐱᐅᓂᕐᓴᐅᕗᖅ ᒎᓗᒥᒃ ᐱᑖᕐᓂᕐᒥᑦ, ᑐᑭᓯᔪᓐᓇᕐᓯᓂᖅ ᓂᕈᐊᕆᔭᒃᓴᐅᓂᕐᓴᐅᕗᖅ ᓯᐅᓪᕕᕆᒥᑦ.
ᓱᓕᔪᖅ ᓂᐅᕕᐊᕆᒍᒃ, ᓂᐅᕐᕈᑎᒋᓂᐊᕐᓇᒍᓗ; ᓯᓚᑐᓂᕐᓗ ᓂᐅᕕᐊᕆᒍᒃ, ᐃᓕᓐᓂᐊᕐᑎᑕᐅᓂᕐᓗ, ᑐᑭᓯᑦᓯᐊᕐᓂᕐᓗ.
ᓯᓚᑐᓂᖅ ᐱᐅᓂᕐᓴᐅᕗᖅ ᐱᖁᑎᓂᑦ ᐱᐅᓴᐅᑎᓂᑦ; ᐱᔪᒪᔭᓕᒫᕐᓂᒡᓗ ᐊᑦᔨᖃᕈᓐᓇᕋᓂ.
ᐅᖃᓚᐅᕐᐳᖓ, ᐊᑕᓂᕐᒥᒃ ᑕᑯᓂᐊᕈᓐᓃᕐᐳᖓ ᐃᓄᐃᑦ ᐃᓅᔪᑦ ᓄᓇᖓᓂ; ᐃᓄᖕᓂᒃ ᑕᑯᖃᑦᑕᕐᓂᐊᕈᓐᓃᕐᐳᖓ ᓄᓇᕐᔪᐊᕐᒥ ᐃᓂᖃᕐᑐᓂᒃ.
ᐅᑯᒤᒃᓴᕐᑎᑕᐅᓂᒃᑯᑦ ᐃᖅᑲᕐᑐᕐᑕᐅᓂᒃᑯᓪᓗ ᐊᐅᓪᓚᕈᑦᔭᐅᓚᐅᕐᐳᖅ; ᑭᓇ ᐅᖃᐅᓯᖃᕈᓐᓇᓚᐅᕐᐸ ᑭᖑᕚᒃᓴᖏᓐᓂᒃ? ᓄᓇᒥ ᐃᓅᔪᓂᒃ ᐃᓚᖃᕈᓐᓃᕐᑎᑕᐅᓚᐅᕐᒪᑦ, ᐃᓄᖁᑎᒪ ᓈᓚᒍᒪᖏᓐᓂᖏᓐᓄᑦ ᐋᓐᓂᐊᑎᑕᐅᓚᐅᕐᐳᖅ.
ᖃᐅᔨᒪᓇᖓᓕ ᓄᕐᕋᐅᔭᕐᑎᑐᑦ ᑐᖁᑕᐅᕕᒃᓴᒥᓄᑦ ᐋᑕᐅᓕᕐᑐᑎᑐᑦ ᑍᒤᓚᐅᕐᐳᖓ. ᖃᐅᔨᒪᓚᐅᓐᖏᓚᖓ ᐋᖅᑭᒃᓱᐃᓯᒪᔪᕕᓂᐅᓕᕐᑎᓪᓗᒋᑦ ᑐᖁᑦᓯᔪᒪᓪᓗᑎᒃ ᐅᕙᓐᓂᒃ, ᐅᖃᕐᓗᑎᒃ, “ᓇᐹᕐᑐᖅ ᐊᓯᕈᓚᐅᕐᓚᕗᑦ ᐱᕈᕐᑐᖏᓪᓗ ᐆᒪᔪᑦ ᓄᓇᖓᓂᑦ ᓇᑲᓚᐅᕐᓚᕗᑦ, ᐊᑎᖓᓗ ᐃᖅᑲᐅᒪᔭᐅᔪᓐᓁᖁᓪᓗᒍ.”
“ᐃᓛᒥᐅᑦᑕᐅᖅ ᑕᕝᕙᓃᒃᑭᕗᑦ ᐃᓚᓕᒫᕕᓂᖏᓪᓗ ᐊᕙᑖᓂ ᐃᓗᕕᕐᓯᒪᒋᕗᑦ; ᑐᖁᑕᐅᓯᒪᔪᓕᒫᑦ ᓴᕕᒡᔪᐊᒧᑦ ᑐᖁᑕᐅᓯᒪᔪᑦ, ᑭᐱᓯᒪᖏᑦᑐᓄᑦ ᐃᓚᒋᔭᐅᓕᕐᐳᑦ ᓄᓇᐅᑉ ᐊᑖᓂ, ᐃᓅᓪᓗᑎᒃ ᑲᑉᐱᐊᓱᒃᑎᑦᓯᕙᓚᐅᕐᑐᑦ ᐃᓅᖃᑎᒥᖕᓂᒃ, ᑲᓐᖑᓲᑎᒃᓴᒥᖕᓂᒃ ᓇᔪᕐᑎᖃᕐᓗᑎᒃ ᑐᖁᖓᔪᓄᑦ ᐃᓚᒋᔭᐅᕗᑦ.
