12 ᓇᑭᓪᓕ ᓯᓚᑐᓂᖅ ᓇᒡᕚᕐᑕᐅᔪᓐᓇᕐᐹ? ᓇᑭᓪᓗ ᑐᑭᓯᓂᖅ ᓇᓂᔭᐅᔪᓐᓇᕐᐹ?
ᑍᒤᒻᒪᑦ ᐱᔩᑦ ᑐᓂᓯᕕᒋᓚᐅᕈᒃ ᐃᓱᒪᒃᑯᑦ ᑐᑭᓯᔪᓐᓇᕐᓂᕐᒥᒃ ᐊᐅᓚᑦᓯᔪᓐᓇᖁᓪᓗᖓ ᐃᓄᖁᑎᖕᓂᒃ, ᖃᐅᔨᒪᔪᓐᓇᖁᓪᓗᖓ ᐱᐅᔪᒥᒃ ᐱᐅᖏᑦᑐᒥᒡᓗ; ᑭᓇᓖ ᐊᐅᓚᑦᓯᔪᓐᓇᕐᐸ ᐃᓄᖁᑎᖕᓂᒃ ᑍᒫᒃ ᐅᓄᕐᑐᕐᔪᐊᖑᔪᓂᒃ?”
ᑰᑦ ᓯᒥᒃᑐᕐᑕᐅᕗᑦ ᑰᒍᓐᓃᕐᑎᑕᐅᓪᓗᑎᒃ; ᑕᓕᐅᒪᔪᑦ ᓴᖅᑭᑎᑕᐅᕗᑦ ᖃᐅᒪᔪᒧᑦ.
ᓇᑭᓪᓕ ᑍᒪ ᓯᓚᑐᓂᖅ ᐱᓯᒪᓕᕐᐹ? ᑐᑭᓯᓂᕐᓗ ᓇᓂ ᐃᓂᖃᓕᕐᐹ?
ᒎᑎᐅᑉ ᑭᓯᒥ ᓯᓚᑐᓂᐅᑉ ᐊᖅᑯᑎᖓ ᖃᐅᔨᒪᕚ, ᐃᓂᒋᔭᖓᓗ ᓇᑭᑦ ᓇᒡᕚᕐᑕᐅᔪᓐᓇᕐᓂᖓ ᖃᐅᔨᒪᓪᓗᒍ.
ᐃᓄᖕᒧᓪᓗ ᐅᖃᕐᓗᓂ, ‘ᑕᑯᒋᑦ, ᐊᑕᓂᕐᒥᒃ ᓯᕘᕋᓂᖅ, ᑕᒪᓐᓇ ᓯᓚᑐᓂᐅᕗᖅ; ᐊᔪᕐᓂᕐᒥᒡᓗ ᕿᒤᓂᖅ ᑕᕝᕙ ᑐᑭᓯᓂᐅᕗᖅ.’”
ᓱᓕᑦᓯᐊᕐᑐᒥᒃ ᐱᔪᒪᕗᑎᑦ ᐃᓗᒥᑦ ᐱᔪᒥᒃ, ᐃᓗᒃᑯᓪᓗ ᐃᔨᕐᓯᒪᔪᒃᑯᑦ ᓯᓚᑐᓂᕐᒥᒃ ᖃᐅᔨᑎᓐᓂᐊᕐᐸᕐᒪ.
ᐊᑕᓂᐅᑉ ᓄᓇᕐᔪᐊᖅ ᓯᓚᑐᓂᕐᒥᓄᑦ ᐱᒋᐊᕐᑎᓯᒪᕚ; ᖃᐅᔨᒪᓂᕐᒥᓄᓪᓗ ᕿᓚᒃ ᐃᓂᑖᕐᑎᓯᒪᕚ;
ᓯᓚᑐᓂᖅ ᐱᐅᕗᖅ ᐱᖁᑎᓂᒃ ᕿᒤᕕᐅᔪᑎᑐᑦ, ᐱᕚᓪᓕᕈᑕᐅᓪᓗᓂᓗ ᓯᕿᓂᕐᒥᒃ ᑕᑯᔪᓄᑦ.
ᑖᓐᓇᑐᐊᖅ ᒪᑐᐃᕐᓯᔪᓐᓇᕐᒪᑦ ᑕᒤᓐᓂᒃ ᐃᔨᕐᓯᒪᔪᓂᒃ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ.
ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.
ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.
