9 ᐊᑲᐅᖏᑦᑐᒧᑦ ᑎᑭᑕᐅᒍᓂ, ᑐᒃᓯᐊᕐᐸᑦ ᒎᑎᐅᑉ ᑐᓴᕋᔭᕐᐸᐅᒃ?
ᐃᖅᑲᕐᑐᕐᑕᐅᓕᕈᓂ ᐸᓯᔭᒃᓴᐅᓂᕋᕐᑕᐅᓕ; ᑐᒃᓯᐊᕐᓂᖓᓗ ᐊᔪᕐᑐᓕᓂᓐᖑᕐᑎᑕᐅᓕ.
ᑖᒃᑯᐊ ᓂᓪᓕᐊᕗᑦ ᐃᑲᔪᕐᑕᐅᔪᒪᓂᕐᒥᒃ, ᐃᑲᔪᕐᑎᒃᓴᕐᓯᐊᕋᑎᒡᓗ. ᐊᑕᓂᕐᒧᑦ ᐊᒡᓛᑦ ᓂᓪᓕᐊᕗᑦ, ᑖᒃᑯᓂᖓᓕ ᑭᐅᓐᖏᓚᖅ.
ᐊᓇᐅᓕᓚᕐᐸᒃᑲ ᐳᔪᕐᓗᒃᑐᑦ ᒥᑭᔫᑕᐅᓕᕐᓗᑎᖅ ᑎᒃᑕᐅᕗᓪᓗ ᐊᓄᕆᒧᑦ; ᐃᒋᓚᐅᕐᐸᒃᑲᓗ ᓴᓂᕐᑎᑐᑦ ᐊᖅᑯᒻᒧᑦ ᐃᒋᑕᐅᔪᑎᑐᑦ.
ᐆᒻᒪᑎᒃᑯᑦ ᐱᐅᖏᑦᑐᓕᓂᕐᒥᒃ ᐊᓐᓂᕆᔭᖃᕈᒪ, ᐊᑕᓂᐅᑉ ᑐᓴᕐᓂᐊᓐᖏᓛᖓ.
ᐅᐃᒪᔮᕐᓇᕐᑐᒧᑦ ᑎᑭᑕᐅᒍᕕᑦ ᓯᓚᕐᓂᕐᓗᖕᒧᑦ ᑎᑭᑕᐅᔪᑎᑐᑦ, ᐅᖁᒤᒃᓴᕐᓂᕐᓗ ᐅᓚᔪᔭᕐᑎᑐᑦ ᑎᑭᐅᑎᒃᐸᑦ, ᐱᕖᓱᐊᓂᖅ ᐃᓱᒪᔮᕐᓂᕐᓗ ᐃᓕᖕᓄᑦ ᑎᑭᑉᐸᑦ.
ᑕᕝᕙ ᐅᕙᓐᓄᑦ ᓂᓪᓕᐊᓕᕈᒫᕐᐳᑎᑦ, ᑭᓯᐊᓂᓕ ᑭᐅᑦᔮᓐᖏᓚᖓ; ᐊᒃᓱᕈᕐᓗᑎᑦ ᐅᕙᓐᓂᒃ ᕿᓂᓕᕈᒫᕐᐳᑎᑦ ᓇᓂᔭᐅᓂᐊᓐᖏᓚᖓᓕ.
ᓯᐅᑎᒥᓂᒃ ᒪᑐᓯᔫᑉ ᐱᖁᔭᓂᒃ ᓈᓚᒍᒪᖏᓪᓗᓂ, ᑖᑦᓱᒪ ᑐᒃᓯᐊᕐᓂᖓᑦᑕᐅᖅ ᐆᒥᒋᔭᐅᔪᒫᕐᐳᖅ.
“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.
ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐱᐅᖏᑦᑐᒧᑦ ᑎᑭᑕᐅᑎᓐᓂᐊᕐᐸᒃᑲ ᕿᒫᔪᓐᓇᕐᓂᐊᓐᖏᑕᖓᓐᓂᒃ, ᐅᕙᓐᓂᒃ ᑕᑎᖃᕋᓱᒃᑲᓗᐊᕐᐸᑕ, ᑐᓴᕐᓂᐊᓐᖏᓚᒃᑲ.
ᑐᒃᓯᐊᕋᓗᐊᕐᐸᑕ ᓂᕆᑦᑍᓕᓗᑎᒃ, ᑐᒃᓯᐊᕐᓂᖏᑦ ᑐᓴᕐᓂᐊᓐᖏᓚᒃᑲ, ᐃᑯᐊᓚᑦᓯᓗᑎᒃ ᑐᓂᕐᕈᓯᕋᓗᐊᕐᐸᑕ ᓂᐊᖂᔭᒃᓴᓂᒡᓘᓐᓃᑦ ᑐᓂᕐᕈᑎᖏᑦ ᐃᓚᓕᐅᕐᓂᐊᓐᖏᓚᒃᑲ; ᐊᓯᕈᕐᑕᐅᑎᓐᓂᐊᕐᐸᒃᑲᓕ ᐅᓇᑕᕐᓂᒃᑯᑦ, ᑳᖕᓇᕐᑐᒃᑯᑦ, ᖃᓂᒪᓇᕐᑐᑎᒍᓪᓗ.”
ᑍᒤᒻᒪᑦ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᓕᕐᐸᒃᑲ; ᐊᓐᓇᒃᑎᓐᓂᐊᓐᖏᓚᒃᑲ ᓂᑲᒋᓂᐊᕐᓇᒋᓪᓗ; ᕾᒐᓛᕐᓗᑎᒃ ᓂᓪᓕᐊᒐᓗᐊᕐᐸᑕ ᐅᕙᓐᓄᑦ ᑐᓴᑦᔮᓐᖏᓚᒃᑲ.”
ᐆᒻᒪᑎᒥᖕᓂᑦ ᐱᔪᒥᒃ ᐱᓇᑎᒃ ᑐᒃᓯᐊᕐᕕᒋᓚᐅᕐᐹᖓ, ᐃᓐᓇᖓᕕᖕᒥᖕᓂᑦ ᐃᓚᓐᓂᕐᓴᕐᓗᑎᒃ ᑐᒃᓯᐊᕐᕕᒋᓚᐅᕋᓗᐊᕐᐹᖓ; ᕿᓄᓪᓗᑎᒃ ᓂᐊᖂᔭᒃᓴᒥᒃ ᕔᓂᒥᒡᓗ ᐃᒻᒥᖕᓂᒃ ᑭᓪᓕᐊᓪᓗᑎᒃ, ᐅᕙᓐᓂᒃ ᐊᑭᕋᕐᑐᓚᐅᕐᐳᑦ.
ᒪᑐᒪ ᑭᖑᕐᖓᒍᑦ ᓯᕗᓕᕐᑏᑦ, ᑐᒃᓯᐊᕈᒫᕐᐳᑦ ᐊᑕᓂᕐᒧᑦ, ᑭᓯᐊᓂᓕ ᑐᓴᕐᓂᐊᓐᖏᓔᑦ; ᑍᑲᓂ ᑮᓇᓂ ᐃᔨᕈᒫᕐᐹ ᑖᒃᑯᓇᓐᖓᑦ, ᐱᐅᖏᑦᑐᐊᓗᖕᓂᒃ ᐱᓂᐊᓚᐅᕐᓂᖏᑦ ᐱᓪᓗᒋᑦ.
ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ, “ᓂᓪᓕᐊᒐᒪ ᓈᓚᒍᒪᓚᐅᖏᓚᑦ, ᑍᒤᒻᒪᑦ ᓂᓪᓕᐊᒐᓗᐊᕐᒪᑕ ᐅᕙᓐᓄᑦ ᓈᓚᒍᒪᓚᐅᓐᖏᓚᒃᑲ.
ᐃᒡᓘᑉ ᐃᓄᐊᑕ ᒪᑭᓪᓗᓂ ᒪᑐ ᒪᑐᒃᐸᒍ; ᐃᓕᑦᓯ ᑕᕝᕙ ᓯᓚᑖᓂ ᓇᖏᓕᕈᒫᕐᐳᓯ ᑎᒡᓗᒃᑐᕐᓗᓯ, ᐅᖃᕈᒫᕐᐳᓯ, ‘ᐊᑕᓃᖅ, ᒪᑐᐃᕈᑎᑎᒍᑦ,’ ᑖᑦᓱᒪ ᑭᐅᔪᒫᕐᐹᓯ, ‘ᓇᑭᓐᖔᕐᒪᖔᑦᓯ ᖃᐅᔨᒪᓐᖏᓚᑦᓯ.’
ᖃᐅᔨᒪᕗᒍᓪᓕ ᒎᑎᐅᑉ ᐊᔪᕐᓂᕐᒦᑦᑐᑦ ᑐᓴᖏᒻᒪᒋᑦ; ᒎᑎᒥᒡᓕ ᑲᒪᑦᓯᐊᕐᑐᑦ ᐱᖁᔭᖓᓂᒡᓗ ᐊᑐᑦᓯᐊᕐᑐᑦ, ᒎᑎᐅᑉ ᑐᓴᕐᒪᒋᑦ.
ᑕᕝᕙ ᐅᑎᕋᑦᓯ ᐊᑕᓂᕐᒧᑦ ᕿᐊᓪᓗᓯ ᑐᒃᓯᐊᓕᓚᐅᕐᐳᓯ ᐃᑲᔪᕐᑕᐅᔪᒪᓪᓗᓯ, ᑖᑦᓱᒪᓕ ᑐᓴᓚᐅᓐᖏᓛᓯ ᐅᖃᐅᓯᕆᔭᓯᓘᓐᓃᑦ ᐃᒃᐱᒋᓚᐅᓐᖏᓔᑦ.”
ᑐᒃᓯᐊᕋᓗᐊᕋᑦᓯᓗ ᐱᕙᓐᖏᓚᓯ, ᑐᒃᓯᐊᕐᓂᓯ ᓈᒻᒪᖏᒻᒪᑦ, ᓇᖕᒥᓂᖅ ᐱᔪᒪᓃᓇᑦᓯᓐᓄᑦ ᐊᑐᕈᒪᓐᓗᒋᑦ ᑐᒃᓯᐊᕈᑎᖃᕋᑦᓯ.