ᔫᐱᐅᑉ ᐊᒡᓚᖏᑦ 27:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᓯᐅᓪᕕᕆᓂᒃ ᑲᑎᑦᓯᓗᓂ ᓴᓂᕐᑎᑐᑦ ᐳᕐᑐᓯᑎᑦᓯᔪᓐᓇᕋᓗᐊᕐᐳᖅ, ᐊᓐᓄᕌᓂᒡᓗ ᓄᐊᑦᓯᓗᓂ ᖃᓕᕇᓕᑎᑦᓯᔪᓐᓇᕋᓗᐊᕐᐳᖅ ᒪᕐᕋᑎᑐᑦ;

ᔫᐱᐅᑉ ᐊᒡᓚᖏᑦ 27:16 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 10:27

ᐊᖓᔪᖅᑳᕐᔪᐊᖑᑎᓪᓗᒍ ᓯᐅᓪᕕᕆᑦ ᐅᔭᕋᑐᐃᓐᓇᑎᑐᑦ ᐱᓚᐅᕐᐰᑦ ᔨᕉᓴᓕᒥ, ᕿᔪᐃᓪᓗ ᓰᑕᕇᑦ ᓯᑕᒃᑍᑦ ᓇᐹᕐᑐᑐᐃᓐᓇᕐᑎᑐᑦ ᓯᑲᒧᐊᑎᑐᑦ ᑍᒤᑦᑑᓪᓗᑎᒃ ᔫᑕᐅᑉ ᓇᑎᕐᓇᖓᓃᑦᑐᑎᑐᑦ.

ᐃᔅᑕᐅᑉ ᐊᒡᓚᖏᑦ 8:1

ᐅᓪᓗᒥ ᑕᕝᕙᓂ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᑯᐃᓐ ᐃᔅᑕᕐ ᕼᐂᒪᓂᐅᑉ ᔫᑎᑦ ᐊᑭᕋᕐᑐᕐᑎᖓᑦᑕ, ᐱᖁᑎᓕᒫᖏᓐᓂᒃ ᑐᓂᓯᕕᒋᕚ. ᒧᐊᑎᑬᓗ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᐃᑎᕐᑎᑕᐅᕗᖅ, ᐃᔅᑕᐅᑉ ᐅᖃᐅᓯᕆᓚᐅᕐᒪᒍ ᓱᓇᒋᖕᒪᖔᕐᒥᐅᒃ.

ᔫᐱᐅᑉ ᐊᒡᓚᖏᑦ 15:29

ᑖᑦᓱᒪᓕ ᐊᔪᕐᓴᖏᓐᓂᖓ ᓄᖑᔪᒫᕐᐳᖅ ᐊᑯᓂᐅᖏᑦᑐᖅ, ᐱᖁᑎᖏᓪᓗ ᓄᓇᕐᔪᐊᕐᒧᑦ ᓯᐊᒻᒪᕐᑎᑕᐅᓂᐊᕋᑎᒃ;

ᔫᐱᐅᑉ ᐊᒡᓚᖏᑦ 20:10

ᕿᑐᕐᖓᖏᑦ ᐱᑦᓯᐊᕋᓱᓕᕈᒫᕐᐳᑦ ᐊᒃᓱᔪᓂᒃ, ᐊᒡᒐᖏᑕᓗ ᐱᓂᐊᕐᓂᖏᑎᒍᑦ ᐊᔪᕐᓴᖏᑦᔪᑎᓂᒃ ᐅᑎᕐᕕᐅᔪᒫᕐᐳᑦ.

ᔫᐱᐅᑉ ᐊᒡᓚᖏᑦ 22:24

ᒎᓗᖁᑎᑎᑦ ᐃᓕᓗᒋᑦ ᓄᓇᒧᑦ, ᒎᓗᖁᑎᑎᓪᓗ ᐱᐅᓂᕐᐹᑦ ᐅᐱᕼᐃᒥᐅᑍᑦ ᐃᓕᓗᒋᑦ ᕾᕐᑐᑦ ᖂᖕᓂᖏᓐᓄᑦ,

ᔫᐱᐅᑉ ᐊᒡᓚᖏᑦ 27:15

ᑭᖑᕚᖏᓐᓂᑦ ᐊᒥᐊᒃᑰᔪᑦ ᐋᓐᓂᐊᓇᕐᑐᒧᑦ ᑐᖁᔪᒫᕐᐳᑦ, ᐅᐃᒡᒐᕐᓂᖏᓪᓗ ᐃᓚᓐᖓᕋᓗᐊᕈᑎᒃ ᕿᒃᓵᒍᑎᖃᕈᒫᓐᖏᓚᑦ.

ᔫᐱᐅᑉ ᐊᒡᓚᖏᑦ 27:17

ᐳᕐᑐᓯᑎᑦᓯᔪᓐᓇᕋᓗᐊᕐᐳᖅ, ᐃᓱᐊᕐᑐᓕᔫᓪᓕ ᐊᑐᕈᒫᕐᐰᑦ, ᐸᓯᔭᒃᓴᐅᖏᑦᑐᓪᓗ ᓯᐅᓪᕕᕆᓂᒃ ᐊᕕᒃᑐᐃᔪᒫᕐᐳᑦ.

ᔫᐱᐅᑉ ᐊᒡᓚᖏᑦ 3:15

ᐊᖓᔪᖅᑳᕐᔪᐊᑉ ᐃᕐᓂᖏᑦ ᐃᓚᒋᓗᒋᑦ ᒎᓗᖁᑎᓕᑦ, ᐃᒡᓗᒥᖕᓂᒃ ᑕᑍᓯᒪᔪᑦ ᓯᐅᓪᕕᕆᓂᒃ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:22

ᐃᓄᑦᓯᐊᕙᒃ ᑭᖑᕐᖑᑎᔭᒃᓴᖁᑎᖃᕐᐳᖅ ᕿᑐᕐᖓᒥ ᕿᑐᕐᖓᖏᓐᓄᑦ, ᐊᔪᕐᑐᓕᔫᓪᓕ ᐊᒃᓗᐃᓐᓂᖓ ᐊᑐᐃᓐᓇᕈᕐᑕᐅᕗᖅ ᓇᓛᒎᕐᑐᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:26

ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.

ᕼᐊᐸᑲᐅᑉ ᐊᒡᓚᖏᑦ 2:6

ᐅᖃᐅᓯᐅᒐᔪᒃᑐᒥᒃ ᐅᖃᐅᓯᐅᖃᑦᑕᓕᕐᓂᐊᓐᖏᓛᑦ? ᒥᑕᐅᑕᐅᓗᑎᒡᓗ ᐅᖃᐅᓯᐅᖃᑦᑕᕐᓂᐊᓐᖏᓛᑦ? ᐅᖃᕐᓗᑎᒃ, ‘ᑲᑉᐱᐊᓐᓇᒦᒃ! ᐊᔪᕐᓴᕈᓐᓃᕐᑐᑦ ᑲᑎᕐᓱᐃᓂᕐᒧᑦ ᐱᒋᓐᖏᑕᒥᓂᒃ, ᖃᓄᖅ ᐊᑯᓂᐅᑎᒋᔪᖅ ᑍᒤᓕᐅᕐᓂᐊᕐᐹᑦ? ᐱᑖᕐᑐᕐᑐᓪᓗ ᐊᑭᓕᕐᑕᐅᔪᒪᓂᒃᑯᑦ.’”

ᔨᐸᓁᐊᐅᑉ ᐊᒡᓚᖏᑦ 1:11

ᐅᒡᒍᐊᕐᓂᕐᒧᑦ ᕿᐊᓕᕆᑦᓯ ᒧᐊᕐᑖᒥᐅᖑᔪᓯ, ᑕᐅᕐᓯᔨᓕᒫᑦ ᓄᖑᑕᐅᖕᒪᑕ; ᓯᐅᓪᕙᓂᒡᓗ ᐅᖁᒤᓐᓂᕐᓯᐅᕐᑎᓕᒫᑦ ᓄᖑᑕᐅᖕᒪᑕ.

ᓴᑲᕅᐊᐅᑉ ᐊᒡᓚᖏᑦ 9:3

ᑍᕆᒥ ᓄᓇᖃᕐᑐᑦ ᐊᕙᓗᓕᐅᕈᑎᓯᒪᔫᒐᓗᐊᑦ ᓴᓐᖏᔪᒥᒃ, ᓯᐅᓪᕕᕆᒥ ᑲᑎᕐᓯᓯᒪᔫᒐᓗᐊᑦ ᐳᔪᕐᓗᒃᑎᑐᑦ ᐊᖏᑎᒋᔪᒥᒃ, ᒎᓗᖁᑎᖃᕐᓗᑎᒡᓗ ᐱᐅᑦᓯᐊᕐᑐᒥᒃ ᒪᕐᕋᕐᑎᑐᑦ ᐊᖅᑯᑎᒦᑦᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 6:19

“ᓇᖕᒥᓂᖅ ᐊᔪᕐᓴᖏᑦᔪᑎᒃᓴᑦᓯᓐᓂᒃ ᑲᑎᕐᓱᐃᓂᐊᕋᓯ ᑕᒫᓂ ᓄᓇᒥ, ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ, ᒪᓐᖏᕐᑐᕆᒧᓪᓗ ᓱᒃᑯᑕᐅᔪᓐᓇᕐᑐᓂᒃ, ᑎᒡᓕᒃᑎᓄᓪᓗ ᐃᓵᕐᑕᐅᓗᑎᒃ ᑎᒡᓕᒃᑕᐅᔪᓐᓇᕐᑐᓂᒃ.

ᔧᒥᓯᐅᑉ ᐊᒡᓚᖏᑦ 5:2

ᐊᔪᕐᓴᓐᖏᑦᔪᑎᓯ ᐊᐅᓂᐅᓕᕐᐳᑦ ᐊᓐᓄᕌᓯᓗ ᖁᐱᕐᕈᓄᑦ ᖃᓪᓗᓈᕐᑕᕐᑐᓲᓄᑦ ᓂᕆᔭᐅᓯᒪᓕᕐᓗᑎᒃ.