ᔫᐱᐅᑉ ᐊᒡᓚᖏᑦ 26:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑖᑦᓱᒪ ᓄᕗᑦᓴᕆᒃᑐᑦ ᐃᒥᕐᒥᒃ ᐃᒻᒥᕐᐰᑦ, ᐃᒪᖃᕈᓐᓇᕐᑎᑉᐰᓪᓗ ᖄᖁᓇᒋᑦ ᐃᒥᐅᑉ ᐅᖁᒤᓐᓂᖓᓄᑦ.

ᔫᐱᐅᑉ ᐊᒡᓚᖏᑦ 26:8 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 36:29

ᓇᓪᓕᐊᓐᓄᑦ ᑐᑭᓯᔭᐅᔪᓐᓇᕐᐹ ᖃᓄᖅ ᓄᕗᔧᑦ ᐃᖏᕐᕋᕙᖕᒪᖔᑕ? ᑲᓪᓘᓪᓗ ᐃᕗᓗᖕᓂᖓ ᓯᓚᒃᑯᑦ ᖃᓄᖅ ᓂᓪᓕᐊᖃᑦᑕᕐᒪᖔᑦ? ᑕᑉᐸᐅᓇ ᐃᒡᓗᕕᒐᐅᔭᐅᑉ ᖁᓛᖓᓂᑦ?

ᔫᐱᐅᑉ ᐊᒡᓚᖏᑦ 38:37

ᑭᓇ ᓯᓚᑐᓂᕐᒥᓄᑦ ᓄᕗᔭᓂᒃ ᓈᓮᔪᓐᓇᕐᐹ? ᐅᕝᕙᓗ ᑭᓇ ᐃᒥᒃᑯᕕᖕᒥᒃ ᕿᓚᖕᒦᑦᑐᒥᒃ ᑯᕕᑎᑦᓯᔪᓐᓇᕐᐸ?

ᔫᐱᐅᑉ ᐊᒡᓚᖏᑦ 38:9

ᐃᒪᕐᔪᐊᖅ ᓄᕗᔭᓂᒃ ᐊᓐᓄᕌᕐᑎᓚᐅᕐᐸᕋ, ᐃᒻᒧᓯᕐᓗᒍᓗ ᓄᕗᑦᑕᕆᒃᑐᒥᒃ ᑖᕐᑐᕐᔪᐊᕐᒥᒃ.

ᐃᓐᖏᕈᑎᑦ 135:7

ᑖᑦᓱᒪ ᓄᕗᔧᑦ ᐊᓄᕆᑕᓖᑦ ᖁᒻᒧᐊᒃᑎᑉᐰᑦ ᓄᓇᐅᑉ ᐃᓱᖏᓐᓂᑦ, ᖃᐅᒻᒪᓪᓚᒃᑎᑦᓯᖃᑦᑕᕐᑐᖅ ᓯᓚᓗᒃᑎᓪᓗᒍ; ᐊᓄᕌᓕᕐᑎᑦᓯᖃᑦᑕᕐᑐᕐᓗ ᓯᕐᓗᐊᖁᑎᒥᓂᑦ ᐱᔪᓂᒃ.

ᐃᓐᖏᕈᑎᑦ 147:8

ᕿᓚᖕᒥᒃ ᐅᓕᒃᓯᔪᖅ ᓄᕗᔭᓄᑦ, ᓄᓇᐅᓪᓗ ᓯᓚᓗᒃᑕᐅᓂᒃᓴᖓᓂᒃ ᐊᑐᐃᓐᓇᕈᐃᕙᒃᓗᓂ, ᖃᖅᑲᓂᓗ ᐃᕕᒃᓱᒐᕐᓂᒃ ᐱᕈᕐᑎᑦᓯᕙᒃᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:4

ᑭᓇ ᕿᓚᓕᐊᓚᐅᕐᓯᒪᕚ ᐊᒻᒪ ᐅᑎᕐᒥᓗᓂ ᓄᓇᒧᑦ? ᑭᓇ ᐊᓄᕆᒥᒃ ᐊᒡᒐᖕᒥᓄᑦ ᑎᒎᖅᑬᔪᓐᓇᕐᐹ? ᑭᓇ ᐃᒥᕐᒥᒃ ᐊᓐᓄᕌᒥᓄᑦ ᕿᓚᒃᓱᐃᓯᒪᕚ? ᑭᓇ ᑲᑎᑦᓯᓯᒪᕙ ᐃᒪᕐᔪᐊᕐᒥᒃ ᐊᓐᓄᕌᒥᓄᑦ? ᑭᓇ ᐋᖅᑭᒃᓯᓯᒪᕙ ᓄᓇᕐᔪᐊᑉ ᑭᒡᓕᖏᓐᓂᒃ? ᑭᓇᒥᒃ ᐊᑎᖃᕐᐸ, ᐃᕐᓂᖓᓗ ᑭᓇᐅᕙ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:28

ᓄᕗᔭᓪᓗ ᐃᓂᒃᓴᖏᓐᓅᖅᑲᓕᕐᑎᓪᓗᓂᒋᑦ ᕿᓚᖕᒥ, ᐃᒪᕐᔪᐊᒥᓗ ᐃᑎᔪᒥ ᑯᕖᓐᓇᕐᑐᑦ ᓴᖅᑭᑎᓕᕐᑎᓪᓗᓂᒋᑦ.

ᐂᓮᐊᓯᐅᑉ ᐊᒡᓚᖏᑦ 5:6

ᐊᑑᑎᖃᕈᓐᓃᕐᑎᑦᓱᒪᕙᕋ, ᕔᓂᒃᓮᓪᓗ ᐱᕈᕐᕕᖏᑦ ᓇᑲᑎᕐᑕᐅᖃᑦᑕᕐᓂᐊᓐᖏᓪᓚᑦ ᓄᓇᖓᓗ ᐊᕿᓕᓴᕐᑕᐅᕙᖏᓪᓗᓂ, ᐊᕚᓚᕿᐊᓪᓗ ᐅᕐᐱᒊᓪᓗ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ; ᓄᕗᔧᓪᓗ ᐱᖁᔪᒫᕐᐸᒃᑲ ᑕᕝᕗᖓ ᓯᓚᓗᖁᓇᒋᑦ.”

ᔨᕆᒤᐊᐅᑉ ᐊᒡᓚᖏᑦ 10:13

ᓂᓪᓕᕌᖓᑦ ᐃᒤᑦ ᕿᓚᖕᒦᑦᑐᑦ ᐃᒃᑑᓛᕐᐳᑦ, ᓄᕗᔭᓂᒡᓗ ᓴᖅᑭᑎᑦᓯᕙᒡᓗᓂ ᓄᓇᕐᔪᐊᑉ ᑭᒡᓕᖓᓂᑦ, ᖃᐅᒻᒫᓪᓚᖃᕐᑎᑦᓯᓪᓗᓂᓗ ᓯᓚᓗᒃᑐᒥ, ᐊᓄᕆᖃᕐᑎᑦᓯᓪᓗᓂᓗ ᐱᖁᑎᒃᑯᕕᖕᒥᓂᑦ.