10 ᐃᒪᐅᑉ ᖁᓛᓂ ᑭᒡᓕᓕᐅᕆᓯᒪᕗᖅ, ᐊᕕᒃᓯᒪᐅᑎᐅᖁᓪᓗᒍ ᖃᐅᒪᔪᒧᑦ ᑖᕐᑐᒧᓪᓗ.
ᓄᓇᕐᔪᐊᖃᕐᓂᓕᒫᖓᓂ, ᐱᕈᕐᓰᓐᓇᕐᓂᐊᕐᐳᖅ ᑲᑎᑦᓯᕕᖃᕐᓗᓂᓗ, ᓂᒡᓚᓱᒃᐸᒡᓗᓂ ᐅᖅᑰᕙᒡᓗᓂᓗ, ᐊᐅᔭᖃᕐᓗᓂ ᐅᑭᐅᖃᕐᓗᓂᓗ, ᐅᓪᓗᖃᕐᓗᓂ ᐅᓐᓄᐊᖃᕐᓗᓂᓗ, ᑕᒪᒃᑯᐊ ᓄᖅᑲᕐᓂᐊᓐᖏᓚᑦ.”
ᕿᓚᐅᑉ ᓱᑲᖏᑦ ᓴᔪᒃᐱᓗᒃᐳᑦ, ᖁᐊᕐᓵᕐᓗᑎᒡᓗ ᑖᑦᓱᒪ ᓱᐊᖕᓂᖓᓄᑦ.
ᑕᕝᕙ ᐅᓚᔪᔭᕐᒥᑦ ᐊᑕᓂᖅ ᐅᖃᕐᐳᖅ ᔫᐱᒧᑦ, ᐅᖃᕐᓗᓂᓗ:
ᖃᐅᒪᔫᑉ ᐃᓂᖓᑕ ᐊᖅᑯᑎᖓ ᖃᐅᔨᒪᕕᐅᒃ? ᑖᕐᔪᐊᓪᓗ ᐃᓂᖓ ᓇᓃᑉᐹ?
ᑖᒃᑯᐊ ᐃᓂᒋᔭᖓᓄᐊᕈᑦᔨᔪᓐᓇᕐᐲᑦ? ᐊᖏᕐᕋᖏᓐᓄᐊᖓᔪᒥᒃ ᐊᖅᑯᒻᒥᒃ ᖃᐅᔨᖁᓪᓗᑎᑦ?
ᖃᐅᒪᔫᑉ ᐱᒋᐊᕐᓂᖓᑕ ᐊᖅᑯᑎᖓᓄᐊᕆᐊᒥᒃ ᖃᐅᔨᒪᕖᑦ? ᐅᕝᕙᓗ ᐊᓄᕆᐅᑉ ᐱᒋᐊᕐᕕᖓᓂᒃ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᒃ?
ᐃᒪᕐᔪᐃᑦ ᐃᒪᖏᑦ ᑲᑎᕐᓱᕐᐰᑦ ᐊᑕᐅᓯᕐᒧᑦ; ᐃᑎᔪᕐᔪᐊᓪᓗ ᐱᖁᑎᖃᕐᕕᖕᓄᑦ ᐃᓕᕔᑦ.
ᕿᓔᑦ ᐱᓐᖑᕐᑎᓕᕐᒪᒋᑦ, ᑕᕝᕙᓃᓚᐅᕐᐳᖓ, ᐃᒪᕐᔪᐊᓪᓗ ᐊᖕᒪᓗᕐᓂᖓ ᐋᖅᑭᓕᕐᑎᓪᓗᓂᐅᒃ,
ᐃᒪᕕᐅᓪᓗ ᐃᑎᓂᕆᔭᕆᐊᖃᕐᑕᖏᑦ ᓈᒻᒪᒃᓯᓕᕐᑎᓪᓗᓂᒋᑦ, ᐃᒪᕐᔪᐊᑉ ᐅᓕᖃᑦᑕᕐᓂᒃᓴᖓᑕ ᐃᓱᓕᑦᑕᕐᕕᒃᓴᖓ ᐅᖃᐅᓯᕆᑎᓪᓗᓂᐅᒃ, ᓄᓇᕐᔪᐊᑉ ᑐᓐᖓᕕᒃᓴᖓ ᐋᖅᑭᒃᓱᓕᕐᑎᓪᓗᓂᐅᒃ ᑕᕝᕙᓃᓚᐅᕐᐳᖓ.
ᐅᕙᓐᓃᒃ ᓯᕘᕋᔪᒃᓴᐅᓐᖏᓚᓰ? ᐊᑕᓂᖅ ᐅᖃᕐᐳᖅ, ᓴᔪᒃᑐᒃᓴᐅᓐᖏᓚᓰ ᓵᓐᓂ? ᓯᐅᕋᖅ ᑭᒡᓕᒋᔭᐅᑎᓐᓇᒃᑯ ᑕᕆᐅᕐᒧᑦ: ᑕᕆᐅᖅ ᖄᖏᓚᐅᕐᓯᒪᓂᐊᕈᓐᓃᕐᑎᓪᓗᒍ ᐃᓱᖃᖏᑦᑐᒧᑦ, ᒪᓪᓕᕐᑕᐅᖃᑦᑕᕐᓂᐊᕋᓗᐊᕐᐳᖅ ᑭᓯᐊᓂᓕ ᓄᖅᑲᕐᑕᕐᕕᒌᓐᓇᐅᔭᕐᓂᐊᕐᐹ ᒪᓕᐊᓗᐃᑦ ᓯᒡᔭᒧᑦ ᒥᕿᑦᑕᕐᐸᖕᓂᐊᕋᓗᐊᕐᐳᑦ ᑭᓯᐊᓂᓕ ᐅᖓᑖᓄᐊᕈᓐᓇᕐᓂᐊᓐᖏᓚᑦ ᐃᒪᐅᑉ ᑎᑭᑦᑕᕆᐊᖃᓐᖏᑕᖓᓄᑦ.