6 ᐱᔪᓐᓇᕐᓂᓕᒫᒥᓄᑦ ᐅᕙᓐᓂᒃ ᐊᑭᒋᐊᕋᔭᕐᑐᒃᓴᐅᕚ? ᐋᒃᑲ, ᐅᖃᐅᓯᕆᔭᓐᓂᖏᓐᓇ ᓈᓚᑦᓯᐊᕋᔭᕐᑐᖅ.
ᓱᒋᐊᕐᓯᓃᑦ ᐅᕙᓐᓂᒃ ᓄᖅᑲᕐᑎᓚᐅᕈᒃ, ᑲᑉᐱᐊᓵᕆᓂᕐᓄᓪᓗ ᖁᐊᕐᓵᕐᑎᓐᓂᐊᕐᓇᖓ.
ᖃᓄᖅ ᑭᐅᒐᔭᕐᒪᖔᑦ ᖃᐅᔨᔪᒪᒐᔭᕐᐸᕋ, ᖃᓄᕐᓗ ᐅᖃᕋᔭᕐᒪᖔᑦ ᑐᑭᓯᔪᒪᒐᔭᕐᓗᖓ.
ᓲᖑᓂᒃᑯᑦ ᐱᓇᓱᐊᕆᐊᖃᕋᔭᕈᒪ, ᑕᑯᒋᑦ ᓲᖑᓗᐊᕐᐳᖅ! ᐊᑦᔨᒌᒃᑎᑦᓯᓂᒃᑯᑦ ᐱᓇᓱᐊᕆᐊᖃᕋᔭᕈᒪ, ᓇᓪᓕᐊᑦᑕ ᐂᖁᔪᓐᓇᕋᔭᕐᐸᐅᒃ?
ᓇᓪᓕᐊᑦᑕ ᑭᐅᒫᖃᑎᒋᔪᒪᒍᓂᐅᒃ, ᐊᐱᕐᓱᕈᓐᓇᕐᐳᖅ ᐅᓄᕐᑐᐊᓗᖕᓂᒃ ᑭᐅᔭᐅᔪᓐᓇᖏᑦᑐᓂᒃ.
ᒎᑎ ᓯᓚᑐᔪᕐᔪᐊᖑᖕᒪᑦ ᐊᔪᖏᑦᑐᕐᔪᐊᖑᓪᓗᓂᓗ ᓇᓪᓕᐊᓐᓄᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ.
ᓂᓪᓕᐊᕕᒋᒐᒃᑭᑦ ᑕᕝᕙ ᑭᐅᓚᐅᕐᐸᕐᒪ, ᓯᕘᕋᔪᓐᓃᕐᑎᓪᓗᖓ ᑕᕐᓂᕋᓗ ᓲᖑᓯᑎᓪᓗᒍ.
ᒫᓐᓇ ᑖᑦᓱᒧᖓ ᓂᓐᖓᒃᓯᒪᓐᖏᓚᖓ, ᐅᕐᐱᒐᕐᓂᒃ ᑲᑭᓐᓇᕐᑐᖃᕐᑐᓂᒃ ᐱᕈᕐᕕᐅᓕᕌᖓᑦ ᐃᓱᐊᖏᑦᔪᑎᒃᓴᐅᓂᐊᕐᑐᓂᒃ ᐃᑯᐊᓪᓚᒃᐸᒃᐸᒃᑲ.
ᐊᑕᓂᐅᑉ ᐃᓄᖁᑎᓂ ᓱᒋᐊᓚᐅᕐᒪᒋᑦ ᐊᐅᓪᓚᕈᑦᔭᐅᑎᓪᓗᒋᑦ ᓄᓇᒋᔭᖓᓐᓂᑦ. ᐊᐅᓪᓚᕈᑎᓚᐅᕐᐰᑦ ᐊᓄᕆᕐᔪᐊᕐᒥᒃ ᐊᓄᕌᕐᑎᑦᓯᓪᓗᓂ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᒥᒃ.
“ᐊᑕᓂᖅ ᒎᑎ ᐅᖃᕐᐳᖅ, ᐅᕙᓐᓂᓪᓚᕆᒃ ᐱᔪᒥᒃ, ᐅᖃᐅᑎᕙᑦᓯ ᐊᐅᓚᑦᓯᓛᕐᐳᖓ ᑕᓕᓐᓄᑦ ᓴᓐᖏᔪᒧᑦ, ᓂᓐᖓᐅᓯᕐᒥᒃ ᐃᓚᖃᕐᑐᒧᑦ, ᐊᖓᔪᖅᑳᕐᔪᐊᖑᓛᕋᒪ ᐃᓕᑦᓯᓐᓄᑦ.
ᐃᓅᖃᑎᒌᒡᔪᐊᑦ ᓯᓚᑖᓄᑦ ᐃᓄᖃᔪᐃᑦᑐᒧᑦ ᐂᑎᑦᓱᒫᕐᐸᑦᓯ, ᑕᕝᕙᓂᓗ ᐃᖅᑲᕐᑐᕈᒫᕐᐸᑦᓯ ᑕᒃᑯᒧᓪᓚᕆᒃ.