4 ᖃᓄᐃᓐᓂᕆᔭᓐᓂᒃ ᐅᖃᐅᑎᑦᓯᐊᕋᔭᕐᐸᕋ ᑭᐅᒪᐅᑎᖃᑎᒋᓗᒍᓗ ᐅᖃᖃᑎᒋᒐᔭᕋᒃᑯ.
ᐅᖃᓚᐅᕐᐳᑎᓪᓕ, ‘ᐱᐅᔪᒥᒃ ᐱᓂᐊᕐᕕᒋᓂᐊᕐᐸᒋᑦ, ᑭᖑᕚᒃᓴᑎᓪᓗ ᐃᒪᐅᑉ ᑭᒡᓕᖓᓂ ᓯᐅᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᐃᓄᒋᐊᓗᐊᕐᓂᕐᒧᑦ ᓈᓴᕐᑕᐅᔪᓐᓇᖏᓪᓗᑎᒃ.’”
ᑕᑯᒋᑦ, ᐅᕙᓐᓂᒃ ᓇᓗᓁᕋᓱᐊᓕᕐᐳᖓ; ᖃᐅᔨᒪᒐᒪ ᐃᓱᐊᕐᓂᕋᕐᑕᐅᓂᐊᕋᒪ.
ᓈᒻᒪᒃᓴᖏᑦᔪᑎᒋᔭᓐᓂᒡᓕ ᐅᖃᐅᓯᖃᕈᒪᕗᖓ ᒎᑎᒧᑦ ᐊᔪᒐᖃᖏᑦᑐᒧᑦ, ᒎᑎ ᐂᕙᖃᑎᒋᔪᒪᕙᕋ ᐊᑐᕐᑕᒃᑲ ᐱᑦᔪᑎᒋᓗᒋᑦ.
ᖃᓄᕐᑐᖅ ᓇᓃᓐᓂᖓᓂᒃ ᖃᐅᔨᓚᐅᕐᓚᖓ, ᓇᔪᕐᑕᖓᓄᑦ ᐃᒃᓯᕙᐅᑕᖓᓄᑦ ᐅᐸᖕᓂᐊᕋᒃᑯ.
ᖃᓄᖅ ᑭᐅᒐᔭᕐᒪᖔᑦ ᖃᐅᔨᔪᒪᒐᔭᕐᐸᕋ, ᖃᓄᕐᓗ ᐅᖃᕋᔭᕐᒪᖔᑦ ᑐᑭᓯᔪᒪᒐᔭᕐᓗᖓ.
ᐊᔪᕆᕐᑐᓚᐅᕐᑎᒍᑦ ᖃᓄᖅ ᒎᑎᒧᑦ ᐅᖃᕐᑐᒃᓴᐅᖕᒪᖔᑦᑕ; ᐃᓱᒪᑖᕈᓐᓇᖏᓐᓇᑦᑕ ᖃᓄᐃᓕᔭᕆᐊᒃᓴᖅ ᑖᕐᑐᒦᓐᓂᑦᑎᓐᓄᑦ.
“ᐊᔪᒐᖃᖏᑦᑐᒥᒃ ᓈᒻᒪᖏᑦᔪᑎᒃᓴᕐᓯᐅᕐᓗᑎᑦ ᐊᑭᒪᔪᒪᕖᑦ? ᒎᑎᒥᒃ ᐂᕙᖃᑎᖃᕈᒪᔫᑉ, ᑕᒪᓐᓇ ᑭᐅᓕᕐᓕᐅᒃ.”
ᐊᑏᑦ ᐱᓪᓗᒍ, ᐊᑕᓃᖅ, ᐃᓱᒪᒋᔪᓐᓁᕐᕕᒋᓐᖓ ᑕᒻᒪᕐᓂᓐᓂᒃ, ᐅᓄᕐᑐᐊᓘᒐᓗᐊᕐᑎᓪᓗᒋᑦ.
ᒎᑏ, ᐊᑭᓂᐊᕈᑎᓚᐅᓐᖓ, ᐃᓅᖃᑎᒌᒡᔪᐊᓄᓪᓗ ᒎᑎᖃᖏᑦᑐᓄᑦ ᐱᓂᐊᕐᓂᓐᓂᒃ ᐅᖃᓪᓚᒍᑎᓗᖓ; ᓴᐳᑎᓗᖓᓗ ᐃᓄᖕᓂᑦ ᐅᐃᕕᕆᒃᓯᔪᓂᑦ ᓱᓕᖏᑦᑐᓂᒡᓗ ᐱᓂᐊᕐᓂᖃᕐᑐᓂᑦ.
ᐊᑏ ᐃᖅᑲᐅᒪᓚᐅᕐᓯᓐᖓ, ᐃᖅᑲᕐᑐᐃᕕᖕᒧᐊᕐᓗᑕ ᐃᖅᑲᕐᑐᕐᑎᒌᓚᐅᕐᑕ; ᓈᒻᒪᒃᓴᖏᑦᔪᑎᓯ ᐅᖃᐅᓯᕆᓚᐅᕐᓯᐅᒃ, ᓱᓕᓂᓯ ᓴᖅᑭᖁᓪᓗᒋᑦ.
