19 ᐃᓱᐊᕐᑐᓕᔪᓪᓕ ᑕᒪᑐᒥᖓ ᑕᑯᒐᒥᒃ ᖁᕕᐊᓱᒃᐳᑦ; ᐸᓯᔭᒃᓴᐅᖏᑦᑐᑦ ᐃᔪᕐᐳᑦ ᑖᒃᑯᐊ ᒥᑕᐅᑎᒋᓪᓗᒋᑦ,
ᐃᓄᐃᑦ ᖃᓄᐃᑦᔪᑎᖃᖏᑦᑐᑦ ᑕᒪᑐᒥᖓ ᖁᐊᕐᓵᕈᑎᖃᕐᐳᑦ, ᐸᓯᔭᒃᓴᐅᖏᑦᑐᕐᓗ ᓵᓐᖓᓯᔭᕆᐊᖃᓕᕐᐳᖅ ᒎᑎᖃᖏᑦᑐᓂᒃ.
ᐸᓯᔭᒃᓴᐅᖏᑦᑐᕐᓕ ᓂᕆᐅᓇᖏᑦᑐᒃᑯᑦ ᑐᖁᑲᓪᓚᖕᒪᑦ, ᑕᒪᓐᓇ ᐃᓱᒪᔮᕐᓂᖅ ᑖᑦᓱᒪ ᐃᔪᕈᑎᒋᑐᐃᓐᓇᕐᐹ.
ᐃᓱᐊᕐᑐᓕᔪᑦ ᑕᕝᕙ ᑕᒪᑐᒥᖓ ᑕᑯᓂᐊᕐᐳᑦ ᖁᕕᐊᓱᖕᓂᐊᕐᓗᑎᒡᓗ, ᐱᐅᖏᑦᑐᓕᒫᓪᓗ ᓂᐸᖏᕐᑎᑕᐅᓂᐊᕐᐳᑦ.
ᖃᖅᑲᖅ ᓮᐅᓂ ᖁᕕᐊᓱᒡᓕ, ᔫᑕᐅᓪᓗ ᐸᓂᖏᑦ ᐊᓕᐊᓁᒍᓱᒡᓕᑦ, ᐃᖅᑲᕐᑐᐃᑦᓯᐊᕐᓂᑎᑦ ᐱᑦᔪᑎᒋᓗᒋᑦ.
ᐃᓱᐊᕐᑐᑦ ᐊᒡᓛᑦ ᑕᑯᔪᒫᕆᕗᑦ ᓯᕘᕋᓗᑎᒡᓗ, ᐃᒡᓚᐅᑎᒋᔪᒫᕐᐹᑎᑦ ᐅᖃᕐᓗᑎᒃ,
ᐃᓱᐊᕐᑐᑦ ᖁᕕᐊᓱᒍᒫᕐᐳᑦ ᐃᑲᔪᕐᓯᕐᑕᐅᓂᕐᒥᖕᓂᒃ ᑕᑯᓕᕈᑎᒃ; ᐃᑎᒐᑎᒡᓗ ᐅᐊᓴᕈᒫᕐᐰᑦ ᐱᐅᖏᑦᑐᓕᔪᑦ ᐊᐅᖏᓐᓄᑦ.
ᐃᓱᐊᕐᑐᓪᓕ ᖁᕕᐊᓲᑎᖃᕐᓕᑦ ᐊᑕᓂᕐᒥᒃ, ᕿᒫᕝᕕᒋᓗᒍᓗ! ᐃᓅᑦᓯᐊᕋᓱᒃᑐᓕᒫᑦ ᐆᒻᒪᑎᒥᒍᑦ ᓂᕐᑐᐃᓕᕐᓕᑦ.
ᓮᐅᓂ ᑐᓴᕋᒥ ᐊᓕᐊᓁᒍᓱᓕᕐᐳᖅ, ᔫᑕᐅᓪᓗ ᐸᓂᖏᑦ ᓂᕐᑐᐃᓕᕐᐳᑦ, ᐊᑕᓃᖅ, ᐋᖅᑭᒃᓱᐃᓂᑎᑦ ᐱᑦᔪᑎᒋᓪᓗᒋᑦ.
ᐃᓱᐊᕐᑐᑦ ᐱᕙᓪᓕᐊᑦᓯᐊᓕᕌᖓᑕ ᐃᒡᓗᒐᓴᒡᔪᐊᑦ ᖁᕕᐊᓱᓕᕐᐸᒃᐳᑦ, ᐱᐅᖏᑦᑐᓪᓕ ᐊᓯᕈᕐᑕᐅᔭᕌᖓᑕ ᓯᕆᓂᕐᒧᑦ ᖁᕕᐊᓱᖕᓂᕐᑕᖃᕐᐳᖅ.
“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”