16 ᑕᑯᒋᑦ, ᐃᒻᒥᖕᓂᒃ ᐱᔪᓐᓇᕐᓂᕐᒥᖕᓄᑦ ᒪᑭᓯᒪᓂᕋᕐᐳᑦ, ᐱᐅᖏᑦᑐᓕᔪᓪᓕ ᐃᓱᒪᒋᔭᖏᑦ ᐊᖏᖃᑎᒋᔪᓐᓇᓐᖏᓚᒃᑲ.
ᑖᒃᑯᐊᒃ ᐃᓱᒪᒃᓴᕐᓯᐅᕐᕕᖏᖕᓄᑦ ᐃᓚᐅᔪᒪᓐᖏᓚᖓ ᐆ ᐊᓂᕐᓂᕋᓗ, ᐃᓚᒋᔭᐅᖁᖏᓐᓂᕙᕋ ᐃᓄᒋᐊᒃᑐᖁᑎᖏᓐᓂ; ᓂᓐᖓᐅᒪᓪᓗᑎᒃ ᐊᖑᑎᓂᒃ ᑐᖁᑦᓯᕙᖕᒪᑎᒃ ᐃᒻᒧᒃᓯᐅᒐᐅᓪᓗ ᐊᖑᓴᓪᓗᖏᓐᓂᒃ ᐱᓐᖑᐊᕈᑎᒋᓪᓗᒋᑦ ᓄᑭᖏᓐᓂᒃ ᑭᒃᑐᕋᕐᑎᑦᓯᔪᓐᓇᕐᓱᑎᒃ.
ᐅᖃᕐᓗᓂᓗ, “ᐃᕐᓂᐊᖑᓚᐅᕐᐳᖓ ᓱᓇᖃᕐᓇᖓ, ᑐᖁᓂᐊᕆᕗᖓ ᓱᓇᖃᖏᓪᓗᖓ. ᐊᑕᓂᐅᑉ ᑐᓂᓚᐅᕐᐰᑦ ᒫᓐᓇᓗ ᐊᑕᓂᐅᑉ ᑎᒍᒋᕔᑦ. ᐊᑕᓂᐅᑉ ᐊᑎᖓ ᓂᕐᑐᕐᑕᐅᓕ!”
ᐅᖁᒤᒃᓴᕐᑎᑦᓯᔭᕆᐊᒃᓴᖅ ᓈᒻᒪᓈᕐᓯᒪᔪᕆᕖᑦ? ᐊᒡᒐᖕᓄᑦ ᓴᓇᓯᒪᔭᕐᓂᒃ ᓇᕐᕈᔪᒃᓴᐅᕖᑦ? ᖁᕕᐊᒋᔭᖃᖔᕐᓗᑎᓪᓗ ᐱᐅᖏᑦᑐᓕᔪᑦ ᐱᓇᓱᐊᕐᓂᖏᓐᓂᒃ?
ᓱᓕᓕ ᐊᖏᕐᕋᖏᑦ ᐊᔪᕐᓴᕈᓐᓁᕐᑎᓚᐅᕐᐰᑦ ᐱᐅᔪᓂᒃ; ᐱᐅᖏᑦᑐᓕᔪᓪᓕ ᐃᓱᒪᒋᔭᖏᑦ ᐱᖃᑕᐅᕕᒋᔪᓐᓇᓐᖏᓚᒃᑲ.
ᖁᕕᐊᓱᑦᓯᐊᕐᐳᖅ ᐊᖑᑦ, ᒎᑎᖃᖏᑦᑐᑦ ᐱᖁᔨᓂᖏᓐᓂᒃ ᒪᓕᖏᑦᑐᖅ, ᐊᔪᕐᑐᓕᔪᓪᓗ ᐊᖅᑯᑎᖏᓐᓃᖏᑦᑐᖅ. ᒥᑕᐅᑎᖃᕐᑐᓪᓗ ᐃᒃᓯᕙᕝᕕᖏᓐᓂ ᐃᒃᓯᕙᖏᑦᑐᖅ.
ᐃᕐᓃᒃ ᐊᔪᕐᑐᓕᔪᓄᑦ ᑲᔪᖏᕐᓴᕐᑕᐅᒍᕕᑦ ᐊᖏᕐᑍᓕᕙᒃᑭᑦ.
ᐃᓅᓯᓯ ᐅᖓᓯᒃᑎᓯᐅᒃ ᐊᕐᓇᒥᑦ ᑍᒤᑦᑐᒥᑦ, ᐃᒡᓗᖓᑕᓗ ᐅᒃᑯᐊᖓ ᖃᒡᓕᑦᑍᓕᓗᒍ.
ᐃᓄᖕᒥᒡᓗ ᓇᓕᐊᓐᓂᒃ ᐊᓄᕆᒥᒃ ᐊᐅᓚᑦᓯᔪᖃᕈᓐᓇᖏᒻᒪᑦ, ᑍᒤᒻᒪᑦ ᐅᓪᓗᒥᒡᓗ ᑐᖁᕕᒃᓴᒥᒃ ᐊᐅᓚᑦᓯᔪᖃᕈᓐᓇᖏᓐᓂᕗᖅ. ᐅᓇᑕᕐᑐᒃᓴᖅ ᓄᖅᑲᕐᑎᑕᐅᖏᒻᒪᑦ ᐅᓇᑕᕐᑎᓪᓗᒋᑦ, ᐱᐅᖏᑦᑐᓕᓂᕐᓗ ᓄᖅᑲᕐᑎᑦᓯᓂᐊᖏᓐᓂᕗᖅ ᐱᓇᓱᐊᕐᑎᒋᔭᒥᓂᒃ.
ᐊᖓᔪᖅᑳᖓᑕ ᕾᖁᕚ ᐅᖃᐅᑎᓪᓗᒍ, ‘ᑐᓴᕐᑕᕋ ᑕᒪᓐᓇ ᓱᓕᕚ? ᑲᒪᒋᔭᑎᒃ ᐱᖁᑎᒃᑲ ᓇᓗᓁᑦᓯᐊᕐᓗᒋᑦ ᕾᓕᒃᑭᑦ, ᐱᖁᑎᓐᓂᒃ ᑲᒪᔨᐅᔭᕆᐊᖃᕈᓐᓃᕋᕕᑦ.’
ᐂᑉᕋᕼᐋᒻ ᐅᖃᐅᑎᕚ, ‘ᐃᕐᓃᒃ, ᐃᖅᑲᐅᒪᒋᑦ ᐃᓅᑎᓪᓗᑎᑦ ᐱᐅᔪᓂᒃ ᐱᖃᓚᐅᕋᕕᑦ, ᓛᓴᕉᓯᓕ ᐱᐅᖏᑦᑐᓂᒃ ᐱᑎᑕᐅᖃᑦᑕᓚᐅᕐᐳᖅ; ᒫᓐᓇ ᒫᓂ ᖁᕕᐊᓱᓕᕐᐳᖅ, ᐃᕝᕕᓪᓗ ᐋᓐᓂᐊᕐᑎᑕᐅᕗᑎᑦ.