ᔫᐱᐅᑉ ᐊᒡᓚᖏᑦ 20:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐊᒃᓱᔪᓂᒃ ᐅᖁᒤᒃᓴᕐᑎᑦᓯᓚᐅᕐᒪᑦ ᑲᒪᒋᔪᒪᓇᓂᒋᓪᓗ, ᐃᒡᓗᒥᒡᓗ ᐊᕐᓵᕐᓯᓪᓗᓂ ᐃᒡᓗᖃᓕᓚᐅᕐᐳᖅ ᓴᓇᓚᐅᓐᖏᑕᒥᓂᒃ.

ᔫᐱᐅᑉ ᐊᒡᓚᖏᑦ 20:19 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 21:19

ᐅᖃᐅᑎᔪᒫᕐᐸᑦ, ᐅᖃᕐᓗᑎᑦ, ‘ᐊᑕᓂᖅ ᐃᒫᒃ ᐅᖃᕐᐳᖅ, “ᑐᖁᑦᓯᓚᐅᕐᐲᑦ, ᐱᖁᑎᖓᓂᒡᓗ ᐱᑖᕐᓗᑏᑦ?”’ ᐅᖃᐅᑎᔪᒫᕐᐸᑦ, ᐅᖃᕐᓗᑎᑦ, ‘ᐊᑕᓂᖅ ᐃᒫᒃ ᐅᖃᕐᐳᖅ: “ᓁᐹᑦ ᐊᐅᖓᓂᒃ ᕿᒻᒦᑦ ᐊᓗᒃᑐᓚᐅᕐᑐᑦ ᐃᕝᕕᑦ ᓇᖕᒥᓂᖅ ᐊᐅᖕᓂᒃ ᐊᓗᒃᑐᕈᒫᕐᐳᑦ.”’”

ᔫᐱᐅᑉ ᐊᒡᓚᖏᑦ 18:15

ᑐᐱᖓᓃᑦᑐᖃᕐᐳᖅ ᑖᑦᓱᒪ ᐱᒋᓐᖏᑕᖓᓂᒃ; ᐃᑯᐊᓪᓚᕆᒃᑐᒥᒃ ᓯᐊᒻᒪᕐᑎᑦᓯᕕᐅᕗᖅ ᓇᔪᕐᑕᖓ.

ᔫᐱᐅᑉ ᐊᒡᓚᖏᑦ 22:6

ᐃᓚᒋᔭᕐᓂᒃ ᐊᑭᓖᑎᑦᓯᖃᑦᑕᕐᓯᒪᒐᕕᑦ ᓱᓇᐅᖏᑦᑐᒧᑦ, ᐊᓐᓄᕅᔭᕐᓗᒋᓪᓗ ᓱᓇᑕᖃᕈᓐᓁᕐᑎᓪᓗᒋᑦ ᕿᒪᒃᐸᒃᓗᒋᑦ.

ᔫᐱᐅᑉ ᐊᒡᓚᖏᑦ 35:9

ᐃᓄᐃᑦ ᐅᖁᒤᒃᓴᕐᓂᖏᑦ ᐅᓄᕐᓯᔭᕌᖓᑕ ᓂᐹᓕᕐᐸᒃᐳᑦ; ᐊᔪᒐᖃᖏᑦᑐᒧᑦ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓕᖃᑦᑕᕐᐳᑦ.

ᐃᓐᖏᕈᑎᑦ 10:18

ᐊᑖᑕᖃᖏᑦᑐᑦ, ᓵᓚᓯᐊᖑᔪᓪᓗ ᓴᐳᑎᔪᒪᕙᑎᑦ, ᐃᓄᐃᑦ ᓄᓇᒦᑦᑐᑦ ᑲᑉᐱᐊᓱᒃᑎᑦᓯᔪᓐᓃᖁᓪᓗᒋᑦ.

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”

ᐃᓐᖏᕈᑎᑦ 12:6

ᐊᑕᓂᐅᑉ ᐅᖃᐅᓯᖏᑦ ᐃᓚᒃᑲᓐᓂᕐᓯᒪᓐᖏᓚᑦ, ᓯᐅᓪᕕᕆᑎᑐᑦ ᒪᕐᕋᕐᒥ ᐅᒃᑯᓯᖕᒦᑎᓪᓗᒋᑦ ᐃᑯᒪᒃᑯᑦ ᓴᓗᒻᒪᕐᓴᕐᓯᒪᔪᑐᑦ, ᐊᓯᐊᓂᒡᓗ ᐃᓚᖃᕈᓐᓃᕐᑎᑕᐅᓯᒪᔪᑐᑦ, 7ᐃᕐᑐᕐᓗᑎᒡᓗ ᐃᑯᒪᒧᑦ ᖃᐅᔨᓴᕐᑕᐅᓯᒪᔪᑎᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:31

ᐊᒃᓗᔪᓂᒃ ᐅᖁᒤᒃᓴᕐᑎᑦᓯᔪᖅ ᐱᓐᖑᕐᑎᑎᔨᒥᓂᒃ ᐱᐅᒃᓴᓐᖏᓚᖅ, ᐊᒃᓗᔪᓂᒡᓕ ᐱᑦᓯᐊᕐᑐᖅ ᒎᑎᒥᒃ ᐅᐱᒍᓱᖕᓂᖃᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:1

ᓱᓕ ᖃᐅᔨᓇᓱᐊᒃᑲᓐᓂᓚᐅᕐᐳᖓ, ᑕᑯᓚᐅᕐᐳᖓᓗ ᐅᖁᒤᒃᓴᕐᑎᑕᐅᓂᕐᓂᒃ ᐊᑐᕐᑕᐅᔪᓂᒃ ᓯᕿᓂᐅᑉ ᐊᑖᓂ: ᑕᑯᒋᑦ ᐅᖁᒤᒃᓴᕐᑎᑕᐅᔪᑦ ᖁᕝᕕᖏᑦ, ᒪᓂᒍᐃᔨᒃᓴᖃᓐᖏᓚᓪᓕ; ᐅᖁᒤᒃᓴᕐᑎᑦᓯᔨᖏᑦ ᐊᖏᔪᒥᒃ ᐱᔪᓐᓇᕐᓂᖃᕐᐳᑦ, ᑖᒃᑯᐊᓕ ᒪᓂᒍᐃᔨᒃᓴᖃᓐᖏᓚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:8

ᑕᑯᒍᕕᑦ ᐊᔪᕐᓴᕐᑐᒥᒃ ᐅᖁᒤᑎᑕᐅᔪᒥᒃ, ᐊᑦᔨᒌᒃᑎᑦᓯᑦᓯᐊᕐᓂᐅᓪᓗ ᐃᓱᐊᕐᑐᓕᓂᐅᓪᓗ ᐊᑐᕐᑕᐅᖏᓐᓂᖓᓂᒃ ᑲᑉᐱᐊᓇᕐᑐᒃᑯᑦ, ᓄᓇᐅᑉ ᐊᐅᓚᑦᓯᔨᖏᑎᒍᑦ, ᑕᒪᓐᓇ ᑕᑕᒥᓐᓂᐊᕈᑎᒋᓇᒍ; ᐊᖓᔪᖅᑳᖅ ᖃᐅᔨᓴᕐᑎᖃᕐᒪᑦ ᐊᖓᔪᖅᑲᐅᖅᑭᔭᒥᓂᒃ, ᑖᒃᑯᐊᓗ ᐊᖓᔪᖅᑳᖑᖅᑭᔭᖃᕆᓪᓗᑎᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:34

ᑎᒍᔭᐅᓯᒪᔪᑎᑑᓕᕐᑎᓪᓗᒍ ᐊᓂᕐᓂᕗᑦ ᐊᑕᓂᐅᑉ ᖃᐅᔨᒪᕔᑦ.

ᐃᓯᑭᐊᓕᐅᑉ ᐊᒡᓚᖏᑦ 22:29

ᑕᒫᓂ ᓄᓇᓖᑦ ᓯᕘᕋᓵᕆᓂᒃᑯᑦ ᑮᓇᐅᔭᕐᑖᕐᐸᒃᐳᑦ ᑎᒡᓕᒐᖃᑦᑕᕐᓗᑎᒡᓗ, ᐊᒃᓗᔪᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ ᓱᒃᑯᔨᐊᖃᕐᐸᒃᐳᑦ, ᓄᓇᓕᑐᖃᐅᖏᑦᑐᓂᒡᓗ ᑮᓇᐅᔧᕐᑎᑦᓯᕙᒃᐳᑦ ᓈᒻᒪᓈᕐᑐᒥᒃ ᐱᓂᐊᕐᕕᒋᓇᒋᑦ.

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᐂᒨᓯᐅᑉ ᐊᒡᓚᖏᑦ 5:12

ᐊᔪᕐᓂᓯ ᐅᓄᕐᓂᖏᑦ ᖃᐅᔨᒪᒐᒃᑭᑦ, ᐊᔪᕐᑐᓕᓯᒪᔪᐊᓘᓂᓯᓗ, ᐊᑭᕋᕐᑐᕋᑦᓯᐅᒡᓗ ᐃᓱᐊᕐᑐᓕᔪᑦ, ᐊᑭᓕᕐᑕᐅᓪᓗᓯᓗ ᓴᖑᑎᑕᐅᕙᒃᓗᓯ; ᐊᔪᕐᓴᕐᑐᓪᓗ ᐱᑦᓯᐊᕐᕕᒋᓇᒋᑦ ᐃᖅᑲᕐᑐᐃᕕᖕᓂ.

ᒤᑲᐅᑉ ᐊᒡᓚᖏᑦ 2:2

ᐱᕈᕐᓰᕕᖕᓂᒃ ᐱᔪᒪᕕᒃᔪᐊᓕᕌᖓᒥᒃ ᐱᕋᔭᖕᓂᒃᑯᑦ ᐊᕐᓵᕐᓯᕙᒃᐳᑦ, ᐃᒡᓗᑖᕐᐸᒡᓗᑎᒡᓗ ᐊᕐᓵᕐᓯᓪᓗᑎᒃ. ᐅᖁᒤᒃᓴᕐᑎᑦᓯᓪᓗᑎᒡᓗ ᐊᖏᕐᕋᓕᖕᓂᒃ, ᐊᕐᓵᕐᓯᕙᒡᓗᑎᒡᓗ ᑭᖑᕐᖑᑎᔭᒃᓴᕆᔭᐅᔪᓂᒃ.

ᒤᑲᐅᑉ ᐊᒡᓚᖏᑦ 2:9

ᐃᓄᖁᑎᒃᑲ ᐊᕐᓁᑦ ᐊᓂᑎᓚᐅᕐᐸᓯ ᐊᖏᕐᕋᖏᓐᓂᑦ; ᐊᖏᕐᕋᕐᓯᒪᑦᓯᐊᕐᑐᑦ ᖁᕕᐊᓱᒃᓗᑎᒃ; ᕿᑐᕐᖓᖏᓐᓃᑦᑐᕐᓗ ᐱᓐᓇᕐᓇᕐᓂᕋ ᐲᕐᓯᒪᕙᓯ ᐃᓱᖃᖏᑦᑐᒧᑦ.

ᒨᓯᓯ ᑕᓪᓕᒪᖏᑦ 28:33

ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓂᑦ ᐱᓯᒪᔪᓄᑦ ᖃᐅᔨᒪᓐᖏᑕᑦᓯᓐᓄᑦ ᓂᐊᖂᔭᒃᓴᖁᑎᓯ ᓂᕿᒋᔭᐅᔪᒫᕐᐳᑦ ᐊᒃᓱᕈᒻᒪᕆᒃᓗᑎᑦ ᐱᓇᓱᐊᕈᑎᒋᖃᑦᑕᕐᓯᒪᔭᑎᑦ ᐱᕈᕐᑎᓐᓇᓱᐊᕐᓗᒋᑦ; ᐱᑎᑕᐅᖏᑦᓯᐊᕐᓗᓯ ᐅᖁᒤᒃᓴᕐᑎᑕᐅᔪᒫᕐᐳᓯ ᑍᒪᓐᖓᑦ ᐱᑲᒻᒪᒃᑕᐅᖃᑦᑕᕐᓗᓯᓗ ᓂᑲᒋᔭᐅᖏᓪᓗᓯ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.

ᔧᒥᓯᐅᑉ ᐊᒡᓚᖏᑦ 2:6

ᐃᓕᑦᓯᓕ ᐊᔪᕐᓴᕐᑐᓂᒃ ᓇᕐᕈᖃᑕᐅᕙᒃᑲᑦᓯ. ᐊᔪᕐᓴᖏᑦᑐᓅᑦ ᐅᖁᒤᒋᔭᑦᓯᓐᓃᑎᑕᐅᕙᓐᖏᓚᓯ? ᑖᒃᑯᓇᓐᖓᓪᓗ ᐃᖅᑲᕐᑐᒐᒃᓴᓐᖑᕐᑎᑕᐅᕙᒡᓗᓯ.

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.