ᔫᐱᐅᑉ ᐊᒡᓚᖏᑦ 20:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑰᖕᓂᒃ ᑕᑯᔪᓐᓇᕐᓯᓂᐊᓐᖏᓚᖅ, ᖄᒥᑉᐸᓪᓕᐊᔪᒥᒃ ᑰᒐᓛᓂᒃ, ᕼᐊᓂᓂᒃ ᐃᒻᒧᖕᓂᒡᓗ.

ᔫᐱᐅᑉ ᐊᒡᓚᖏᑦ 20:17 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:8

ᓰᓯᓕᐊᕆᓯᒪᔪᒥᒡᓗ ᐱᕗᖅ, ᐃᒻᒧᖕᒥᒡᓗᑦᑕᐅᖅ, ᐃᒻᒧᒃᓯᐅᒐᐅᓪᓗ ᓄᕐᕋᖓ ᐃᒐᔭᐅᕋᑖᕐᑐᖅ, ᑖᒃᑯᐊᓗ ᒪᓂᕔᑦ ᑖᒃᑯᓄᖓ; ᓇᐹᕐᑑᓪᓗ ᐊᑖᓂ ᓇᖕᒥᓂᖅ ᐱᔨᑦᓯᕋᕐᐰᑦ, ᑖᒃᑯᐊᓗ ᓂᕆᑎᓪᓗᒋᑦ.

ᓴᒧᐃᓕ ᐂᑉᐸᖏᑦ 17:29

ᕼᐊᓂᓂᒡᓗ, ᓰᐱᓂᒡᓗ ᓰᓯᓂᒡᓗ, ᓂᕿᓂᒡᓗ ᐆᒪᔪᖁᑎᖏᓐᓂᑦ ᐱᔪᓂᒃ, ᑍᕕᑎᒃᑯᑦ ᐃᓚᖏᑕᓗ ᓂᕆᔭᒃᓴᖏᓐᓂᒃ; ᖃᐅᔨᒪᓚᐅᕋᒥᒃ ᑍᕕᑎᒃᑯᑦ ᐃᓚᖏᓪᓗ ᑳᒐᔭᕐᓂᖏᓐᓂᒃ ᑕᖃᓯᒪᓗᑎᒡᓗ ᐃᒥᕈᒃᑲᔭᕐᓂᖏᓐᓂᒡᓗ ᐃᓄᖃᔪᐃᑦᑐᒥᓐᖔᕐᓗᑎᒃ.

ᐊᑕᓃᑦ ᐂᑉᐸᖏᑦ 7:2

ᐅᓇᑕᕐᑏᑦ ᐊᖓᔪᖅᑳᖓ ᐊᖓᔪᖅᑳᔪᐊᑉ ᐊᒃᑐᐊᔭᖓ ᑕᓕᕐᒥᓄᑦ ᒎᑎᐅᑉ ᐃᓄᖁᑎᖓᓄᑦ ᐅᖃᕐᐳᖅ, “ᑕᑯᒋᑦ, ᐊᑕᓂᐅᑉ ᕿᓚᒃ ᐅᒃᑯᐃᕐᓗᒍ ᑯᕕᑎᑦᓯᒐᔭᕋᓗᐊᕐᐹ ᓂᕿᒃᓴᓂᒃ, ᑕᒪᓐᓇ ᐅᖃᐅᓯᕆᔧᑦ ᐊᑑᑎᓕᕈᓐᓇᕋᔭᕐᐹ?” ᐃᓔᓴᐅᑉ ᑭᐅᕚ, ᓇᖕᒥᓂᖅ ᐃᔨᖕᓄᑦ ᑕᒪᓐᓇ ᑕᑯᓛᕐᐸᑦ ᑭᓯᐊᓂᓕ ᐅᖁᒻᒥᕐᓯᕕᒋᔪᒫᓐᖏᓚᑦ.

ᔫᐱᐅᑉ ᐊᒡᓚᖏᑦ 29:6

ᐆᒪᔪᖁᑎᒃᑲ ᐃᒻᒧᓕᐅᑦᓯᐊᕐᐸᓚᐅᕐᐳᑦ ᐊᒥᒐᖏᑦᑐᒥᒃ, ᓇᐹᕐᑐᖁᑎᒃᑲᓗ ᐅᕐᓱᒃᓴᓂᒃ ᐱᕈᕐᑎᑦᓯᑦᓯᐊᖃᑦᑕᓚᐅᕐᐳᑦ!

ᐃᓐᖏᕈᑎᑦ 81:16

ᐃᓕᑦᓯᓕ ᓂᕆᑎᒐᔭᕐᐸᑦᓯ ᓂᐊᖂᔭᒃᓴᓂᒃ ᓂᕿᑦᓯᐊᕙᐅᓂᕐᐹᓂᒃ, ᐃᒍᑦᓮᓪᓗ ᓰᕐᓇᐅᑎᖓᓂᑦ ᕼᐊᓂᒥᒃ ᕾᕐᑐᒥᑦ ᐱᔪᓂᒃ ᐃᓚᖃᕐᑎᓪᓗᒍ ᐱᔪᒪᓃᑦ ᓈᒻᒪᒃᓯᑎᒐᔭᕐᐸᕋ.”

ᐂᓮᐊᓯᐅᑉ ᐊᒡᓚᖏᑦ 36:17

ᐊᐅᓪᓚᕈᑎᓂᐊᕐᐸᑦᓯ ᓇᖕᒥᓂᖅ ᓄᓇᒋᓂᐊᕐᑕᑦᓯᓐᓄᑦ, ᑖᓐᓇ ᓄᓇᑖᕆᓂᐊᕐᑕᓯ ᓄᓇᑦᓯ ᐊᑦᔨᑐᐃᓐᓇᕆᖕᒪᒍ, ᐱᕈᕐᕕᐅᔪᓐᓇᕐᑐᖅ ᓂᐊᖂᔭᒃᓴᓂᒃ ᕔᓂᒃᓮᓪᓗ ᐸᐅᕐᖓᖏᓐᓂᒃ, ᓂᐊᖂᔭᒃᓴᓕᒃ ᕔᓂᒃᓴᖃᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 41:17

ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 7:15

ᐃᒻᒧᖕᒥᒃ ᕼᐊᓂᒥᒡᓗ ᓂᕿᖃᕈᒫᕐᐳᖅ, ᓇᖕᒥᓂᕐᓱᕐᓗᓂ ᐊᑐᕆᐊᖃᕐᑕᒥᓂᒃ ᓂᕈᐊᕈᓐᓇᓕᕈᓂ ᐱᐅᖏᑦᑐᖅ ᓇᕐᕈᒋᔪᒫᕐᐹ ᐱᐅᔪᕐᓕ ᓂᕈᐊᖔᕐᓗᒍ.

ᐂᓮᐊᓯᐅᑉ ᐊᒡᓚᖏᑦ 7:22

ᐃᒻᒧᖃᓗᐊᕐᓂᖏᓐᓄᑦ ᐃᒻᒧᖁᑎᖃᓗᐊᒻᒪᕆᒍᒫᕐᐳᖅ, ᓂᕿᖃᕈᒫᕐᓗᓂᓗ ᓰᓯᓕᐊᕆᓯᒪᔪᒥᒃ, ᐊᒥᐊᒃᑯᑑᔪᓪᓗ ᓄᓇᒥᖕᓂ ᓂᕿᒃᓴᖃᕈᒫᕐᐳᑦ ᓰᓯᓕᐊᕆᓯᒪᔪᒥᒃ ᕼᐊᓂᒥᒡᓗ.

ᒨᓯᓯ ᓯᑕᒪᖏᑦ 14:23

ᐃᒫᓪᓚᕆᒃ ᑕᑯᓂᐊᓐᖏᓚᑦ ᓄᓇᒥᒃ ᐊᑖᑕᖏᓐᓄᑦ ᐊᖏᕈᑎᒋᓯᒪᔭᓐᓂᒃ, ᐅᕙᓐᓂᒡᓗ ᓇᕐᕈᔪᓕᒫᑦ ᑍᑦᓱᒥᖓ ᑕᑯᓂᐊᓐᖏᓚᑦ.

ᓘᑲᓯᐅᑉ ᐊᒡᓚᖏᑦ 16:24

ᕾᒐᓛᓕᕐᐳᖅ, ‘ᐊᑖᑖᒃ ᐂᑉᕋᕼᐋᒻ, ᓂᑲᒋᓚᐅᓐᖓ, ᓛᓴᕉᓯ ᑎᓕᓚᐅᕈᒃ ᑎᑭᓂ ᒥᓱᒡᓗᒍ ᐃᒥᕐᒧᑦ, ᐅᖃᓐᓂᒃ ᓂᒡᓕᑎᕆᖁᓗᒍ; ᐋᓐᓂᐊᔪᐊᓘᒐᒪ ᐅᕙᓂ ᐃᑯᒫᓗᖕᒥ.’

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:1

ᑕᕝᕙ ᐂᖏᓕᐅᑉ ᑕᑯᑎᒃᑭᕚᖓ ᑰᖕᒥᒃ ᐃᓅᓯᖃᕐᓇᕐᑐᒥᒃ ᐃᒪᓕᖕᒥᒃ, ᐊᓕᒍᕐᑐᑦ ᑍᒤᑦᑐᒥᒃ ᑲᑭᐊᒃᑐᒥᒃ ᐃᒪᓕᖕᒥᒃ, ᒎᑎᐅᑉ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓᓐᓂᑦ ᑰᒃᑐᒥᒃ