ᔫᐱᐅᑉ ᐊᒡᓚᖏᑦ 2:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓱᓕᓕ ᐅᖓᓯᒃᑐᒦᓪᓗᑎᒃ ᔫᐱᒥᒃ ᑕᑯᒐᒥᒃ, ᐃᓕᑕᕆᓐᖏᓛᑦ; ᐃᓕᑕᕆᓕᕋᒥᑦᔪᒡᓗ ᕿᐊᓕᕐᐳᑦ; ᐊᓐᓄᕌᑎᒡᓗ ᐊᓕᒃᑐᕐᐰᑦ ᐳᔪᕋᕐᒥᒡᓗ ᖁᒻᒧᐊᒃᑎᑦᓯᓪᓗᑎᒃ ᓂᐊᖁᒥᖕᓂᒃ ᑕᒪᑐᒧᖓ ᑲᑕᒑᕕᐅᑎᑉᐳᑦ.

ᔫᐱᐅᑉ ᐊᒡᓚᖏᑦ 2:12 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 27:34

ᐄᓴᓗ ᐊᑖᑕᖓᑕ ᐅᖃᐅᓯᖏᓐᓂᒃ ᑐᓴᕋᒥ, ᐃᓗᐃᓪᓕᕐᓗᓂ ᕿᐊᔪᐊᓘᓕᕐᐳᖅ, ᐊᑖᑕᒥᓄᓪᓗ ᐅᖃᕐᓗᓂ, “ᓮᒻᒪᕐᑎᓚᐅᓐᖓᑦᑕᐅᖅ ᐊᑖᑖᒃ!”

ᓴᒧᐃᓕ ᐂᑉᐸᖏᑦ 13:36

ᐅᖃᕇᕋᑖᑦᓯᐊᕐᑎᓪᓗᒍᓕ, ᑕᑯᒋᑦ, ᑍᕕᑎᐅᑉ ᐃᕐᓂᖏᑦ ᐃᑎᕐᐳᑦ; ᓂᓪᓕᐊᓪᓗᑎᒃ ᕿᐊᓯᕗᑦ; ᑍᕕᑎᓗ ᐱᔨᓕᒫᖏᓪᓗ ᕿᐊᖃᑕᐅᓕᕐᐳᑦ ᓂᐱᖅᑯᕐᑐᓪᓗᑎᒃ.

ᐄᓱᕋᐅᑉ ᐊᒡᓚᖏᑦ 9:3

ᑕᒪᑐᒥᖓ ᑐᓴᕋᒪ, ᕿᒃᓵᖕᓂᕐᒧᑦ ᐊᓐᓄᕌᒃᑲ ᐊᓕᓚᐅᕐᐸᒃᑲ, ᓄᔮᕐᑐᓚᐅᕐᐳᖓ ᐅᒥᒃᑲᓗ ᓄᓱᓚᐅᕐᐸᒃᑲ, ᐃᖏᓪᓗᖓᓗ ᓯᖁᒥᑦᓯᐊᓚᐅᕐᐳᖓ ᕿᒃᓵᖕᓂᕐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 9:1

ᐅᓪᓗᑦ 24ᒋᓕᕐᑕᖓᓂ ᑕᖅᑭᒥ ᑕᕝᕙᓂᑦᓮᓐᓇᖅ ᐃᓴᕆᐊᓕᒥᐅᑦ ᐃᓄᖏᑦ ᑲᑎᓚᐅᕐᐳᑦ ᓂᕆᑦᑍᓕᔭᕐᑐᕐᓗᑎᒃ, ᐊᓐᓄᕌᕐᓗᑎᒃ ᐊᕐᔭᓕᓂᕐᓂᒡᓗ ᐳᔪᕋᕐᓂᒡᓗ ᓂᐊᖁᕐᒥᓅᕐᓯᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᖕᓂᕐᒥᖕᓂᒃ.

ᐃᔅᑕᐅᑉ ᐊᒡᓚᖏᑦ 4:1

ᑕᕝᕙ ᒧᐊᑎᑬ ᑕᒪᑐᒥᖓ ᐱᓇᓱᐊᕐᑕᐅᔪᒥᒃ ᖃᐅᔨᒐᒥ, ᐊᓐᓄᕌᓂ ᐊᓕᒃᐰᑦ ᐳᑐᕐᓛᒥᒡᓗ ᐊᑎᓪᓗᓂ ᐃᒻᒥᓂᒃ ᐊᕐᔭᓕᓂᕐᑎᕐᐳᖅ, ᐃᒡᓗᒐᓮᓪᓗ ᕿᑎᖓᓄᐊᕐᓗᓂ, ᓂᐱᖅᑯᕐᑐᓪᓗᓂᓗ ᕿᐊᓕᕐᐳᖅ ᐅᒡᒍᐊᕐᓂᕐᒧᑦ ᓂᐹᔪᐊᓘᓪᓗᓂ;

ᔫᐱᐅᑉ ᐊᒡᓚᖏᑦ 1:20

ᔫᐱᓗ ᓂᑯᕕᓐᓇᒥ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᒧᑦ, ᓂᐊᖁᓂᓗ ᓄᔧᔭᕐᐹ, ᒪᓂᖅᑲᒧᓪᓗ ᐹᒻᒪᒃᓗᓂ ᑐᒃᓯᐊᕐᐳᖅ.

ᔫᐱᐅᑉ ᐊᒡᓚᖏᑦ 19:14

ᓇᖕᒥᓂᒃᑲ ᐅᕙᓐᓂᒃ ᐊᕕᑦᓯᕗᑦ; ᐃᓚᓐᓇᕆᔭᒃᑲᓗ ᐅᕙᓐᓂᒃ ᕿᒤᓪᓗᑎᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:10

ᓮᐅᓂᐅᓪᓗ ᐊᖓᔪᖅᑳᖏᑦ ᓂᓪᓕᐊᑦᔪᑎᒃᓴᖃᕈᓐᓁᕋᒥᒃ ᒪᓂᖅᑲᒥ ᐃᒃᓯᕚᑐᐃᓐᓇᓕᕐᐳᑦ, ᐊᕐᔭᓕᓂᕐᓂᒃ ᓂᐊᖁᕐᒥᓄᐊᖅᑬᕗᑦ ᐆᒪᔪᓪᓗ ᒥᖅᑯᕕᓂᖏᓐᓂᒃ, ᓴᓇᓯᒪᔪᓂᒃ ᐊᓐᓄᕌᑲᕐᓗᑎᒃ, ᔨᕉᓴᓕᐅᑉ ᐊᕐᓇᖁᑎᖏᑦ ᒪᓂᖅᑲᒧᑦ ᐅᑯᖓᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 27:30

ᓂᐱᕐᔪᐊᒧᑦ ᐅᒡᒍᐊᕈᒫᕐᐳᑦ, ᕿᐊᕕᒡᔪᐊᕐᓗᑎᒡᓗ. ᓴᓂᕐᓂᒃ ᓂᐊᖁᕐᒥᖕᓄᐊᕐᓯᓪᓗᑎᒃ ᐊᕐᔭᓕᓂᕐᓂ ᐊᒃᓴᑳᖃᑦᑕᕈᒫᕐᐳᑦ;

ᔮᓱᐊᑉ ᐊᒡᓚᖏᑦ 7:6

ᑕᕝᕙ ᔮᓱᐊ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐊᓐᓄᕌᑎᒃ ᐊᓕᒃᐰᑦ ᕿᒃᓵᖕᓂᕐᒧᑦ, ᐹᒻᒪᒃᐳᓪᓗ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᑕ ᓵᖓᓄᑦ, ᑕᕝᕙᓃᓚᐅᕐᐳᓪᓗ ᐅᓐᓄᒃ ᑎᑭᓪᓗᒍ; ᐊᕐᔭᓕᓂᕐᓂᒡᓗ ᓂᐊᖁᕐᒥᓅᕆᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᕕᒡᔪᐊᕐᓂᕐᒥᖕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:19

ᓂᐊᖁᑎᒡᓗ ᓴᓂᕐᒥᒃ ᑲᑕᒑᕕᒋᓪᓗᒋᑦ, ᕿᐊᕗᑦ ᐅᒡᒍᐊᕐᓗᑎᒡᓗ, ᐅᖃᕐᐳᑦ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᔪᕐᓴᕈᓐᓃᕐᕕᐅᓯᒪᕗᑦ ᐅᒥᐊᕐᑐᕐᑎᓄᑦ! ᐃᑲᕐᕋᒥᒃ ᐊᑕᐅᓯᕐᒥᒃ ᓄᖑᑉᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 2:4

ᐊᑕᓂᐅᑉ ᐂᖏᓕᖓᑕ ᑍᒫᒃ ᐅᖃᐅᑎᖕᒪᒋᑦ, ᐃᓴᕆᐊᓕᒥᐅᑦ ᐃᓄᓕᒫᖏᑦ ᓂᐱᖅᑯᕐᑐᓪᓗᑎᒃ ᕿᐊᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 11:4

ᑕᕝᕙ ᐅᖃᕆᐊᕐᑐᕐᑐᑦ ᑎᑭᒻᒪᑕ ᒋᐱᐊᒧᑦ, ᓴᐅᓕᐅᑉ ᓇᔪᕐᑕᖓᓄᑦ, ᐅᖃᓚᐅᕐᐳᑦ ᐱᓂᐊᕐᓂᐅᔪᓂᒃ ᐃᓄᖕᓄᑦ; ᐃᓄᐃᓪᓗ ᑐᓴᕋᒥᒃ ᕿᒃᓵᖕᓂᕐᒧᑦ ᓂᐱᖃᕐᓗᑎᒃ ᕿᐊᓕᕐᐳᑦ.

ᓴᒧᐃᓕ ᓯᕗᓪᓖᑦ 30:4

ᑕᕝᕙ ᑍᕕᑎᒃᑯᑦ ᐃᓚᖏᓪᓗ ᓂᐱᖃᕐᓗᑎᒃ ᕿᐊᓕᕐᐳᑦ, ᑭᐊᖏᓐᓇᓚᐅᕐᐳᓪᓗ ᑕᖃᓂᕐᒧᑦ ᕿᐊᔪᓐᓁᓪᓕᒐᒥᒃ ᑭᓯᐊᓂ ᓄᖅᑲᕐᓗᑎᒃ.

ᓴᒧᐃᓕ ᓯᕗᓪᓖᑦ 4:12

ᐊᖑᑦ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᔪᖅ ᐅᓪᓔᓐᓇᕐᓗᓂᖅ ᐅᓇᑕᕐᕕᐅᔪᒥᑦ ᓮᓗᐊᒧᑦ ᑎᑭᑉᐳᖅ, ᐊᓐᓄᕌᖏᑦ ᐊᓕᒃᑐᕐᓯᒪᓪᓗᑎᒃ ᓂᐊᖁᖓᓗ ᐳᔪᕋᒥᑎᕐᓯᒪᓪᓗᓂ.