14 ᓇᖕᒥᓂᒃᑲ ᐅᕙᓐᓂᒃ ᐊᕕᑦᓯᕗᑦ; ᐃᓚᓐᓇᕆᔭᒃᑲᓗ ᐅᕙᓐᓂᒃ ᕿᒤᓪᓗᑎᒃ.
ᐃᒥᕐᑎᑦᓯᔩᓪᓕ ᑲᒪᔨᖓᑕ ᔫᓯᐱ ᐃᖅᑲᐅᒪᓚᐅᓐᖏᓛ, ᐳᐃᒍᑦᓯᐊᕐᓗᒍᓗ.
ᐊᕼᐃᑐᐱᓕᐅᑉ ᐃᓱᒻᒥᕐᑐᐃᑦᔪᑎᒋᔭᖏᑦ ᑍᑦᓱᒪᓂᐅᑎᓪᓗᒍ ᒪᓕᒐᒃᓴᓪᓚᕆᐅᑎᑕᐅᕙᓚᐅᕐᐳᖅ ᒎᑎᐅᑉ ᐅᖃᐅᓯᖓᑐᑦ; ᑕᒪᖏᖕᓄᑦ ᑍᕕᑎᒧᑦ ᐋᑉᓴᓚᒻᒧᓪᓗ.
ᑐᔪᕐᒥᐊᑦᑕ ᐊᒡᓛᑦ ᐳᐃᒍᕐᓯᒪᓕᕐᐹᖓ; ᐊᕐᓁᑦ ᐊᖏᕐᕋᓐᓂ ᐱᔨᒪ ᑕᑯᓕᒪᓇᖏᑦᑐᑎᑐᑦ ᐱᓕᕐᐹᖓ; ᓂᐅᕐᕈᐊᑎᑐᓪᓗ ᐱᓇᓱᐊᕐᕕᒋᖃᑦᑕᓕᕐᓗᖓ.
ᐊᒡᓛᑦ ᐃᓚᓐᓇᕆᓂᕐᐹᓐᓄᑦ ᓇᕐᕈᒋᔭᐅᓕᕐᐳᖓ, ᓇᒡᓕᒋᔭᓐᓄᓪᓗ ᐊᑭᕋᕐᑐᕐᑕᐅᓕᕐᓗᖓ.
ᖃᑕᓐᖑᑎᓕᒫᖏᓪᓗ, ᓇᔭᓕᒫᖏᓪᓗ, ᖃᐅᔨᒪᓚᐅᕐᑕᓕᒫᖏᓪᓗ ᔫᐱᒧᑦ ᐳᓛᕆᐊᓚᐅᕐᐳᑦ ᓂᕆᖃᑎᒋᓪᓗᒍᓗ ᐊᖏᕐᕋᖓᓂ; ᓇᒡᓕᒍᓱᖕᓂᕐᒥᖕᓂᒃ ᐃᓚᑦᓱᒍᓱᖕᓂᕐᒥᓂᒡᓗ ᓇᓗᓁᕐᓯᓚᐅᕐᐳᑦ ᓮᒻᒪᕐᓴᕐᓗᒍᓗ ᐊᑕᓂᐅᑉ ᐅᖁᒤᑦᑐᓕᒫᓂᒃ ᑎᑭᑕᐅᑎᑦᓯᓯᒪᓂᕆᓚᐅᕐᑕᖏᓐᓂᒃ ᑖᑦᓱᒧᖓ; ᐊᑐᓂᓪᓗ ᑮᓇᐅᔭᒥᖕᓂᒃ ᑐᓂᓯᓚᐅᕐᐳᑦ ᒎᓗᓂᒡᓗ ᓇᒡᒍᐊᕐᒥᖕᓂᒃ ᑐᓂᓯᕕᒋᓪᓗᒍ.
ᐳᐃᒍᕐᑕᐅᓯᒪᕗᖓ ᑐᖁᖓᔪᑎᑐᑦ ᐃᓱᒪᔪᓐᓇᕈᓐᓃᕐᑐᑐᑦ; ᐃᓗᓕᖁᑎᑐᑦ ᓯᖁᒥᓯᒪᔪᑎᑐᖅ ᑍᒤᓕᕐᐳᖓ.
ᐱᖃᓐᓇᕆᔭᒪ ᐃᓚᒋᕙᒃᑕᒪᓗ ᐃᑭᓕᕐᑕᐅᓯᒪᓂᒃᑲ ᐱᓪᓗᒋᑦ ᓂᒍᕐᐹᖓ, ᓇᖕᒥᓂᒃᑲᓗ ᐅᖓᓯᒃᑐᒥ ᓇᖏᕐᐳᑦ.
ᐃᓚᓐᓈᖃᕐᑐᖃᕐᐳᖅ ᐃᓚᓐᓇᕆᔭᐅᓐᖑᐊᕐᑐᓂᒃ, ᐃᓚᓐᓈᖃᓪᓚᕆᒃᑐᕐᓕ ᖃᑕᓐᖑᑎᒥᑦ ᖃᓂᓐᓂᕐᓴᐅᔪᓐᓇᕐᐳᖅ.
ᐅᖃᐅᓯᐅᓂᓐᓂᒃ ᑐᓴᖃᑦᑕᕐᐳᖓ, ᐅᕙᓐᓂᒃ ᐊᕙᑎᓕᒫᓐᓂᑦ ᑲᑉᐱᐊᓵᕆᔪᓂᒃ, ᐅᖃᐅᓯᐅᖁᔨᔪᑦ ᐅᖃᐅᓯᖃᕈᒪᔪᓪᓗ, ᐃᓚᓐᓇᕆᔭᓕᒫᒃᑲ ᐅᑕᖅᑭᕗᑦ ᑕᒻᒪᕐᓂᐊᕐᒪᖔᕐᒪ, ᐅᖃᕐᓗᑎᒃ, “ᐃᒻᒪᖄ ᓯᓔᕐᕆᔭᐅᓂᐊᕐᐳᖅ, ᐋᖅᑭᒋᐊᕐᓂᐊᕐᐸᕗᑦ ᑕᕝᕙ.”
ᐅᓐᓄᐊᒃᑯᑦ ᕿᐊᖓᔭᖕᓂᕐᒧᑦ ᖁᕝᕕᖏᑦ ᑰᒐᕐᐳᑦ ᑮᓇᖓᓂ. ᐃᓚᓐᓇᕆᔭᖃᖏᑦᑐᑎᑐᑦ ᓮᒻᒪᕐᓮᔨᒃᓴᖃᓐᖏᓚᖅ, ᐃᓚᓐᓇᕆᓚᐅᕐᑕᖏᑕ ᐊᑭᕋᕐᑐᓕᕐᒪᑦᔪᒃ.
“ᐊᖑᑦ ᐱᔭᐅᒃᑬᔪᒫᕐᐳᖅ ᖃᑕᓐᖑᑎᒥᓂᒃ ᑐᖁᑎᑕᐅᖁᓪᓗᒍ, ᐊᑖᑕᐅᔪᕐᓗ ᑍᒫᑦᓮᓐᓇᖅ ᐱᔪᒫᕆᕗᖅ ᕿᑐᕐᖓᒥᓄᑦ; ᕿᑐᕐᖓᕐᓗ ᐊᖓᔪᖅᑳᒥᖕᓂᒃ ᐊᑭᕋᕐᑐᓕᕈᒫᕐᐳᑦ ᑐᖁᑕᐅᑎᑦᓯᓗᑎᒃ.
“ᑕᒪᑐᒥᖓ ᐅᖃᐅᑎᔧᓐᓇᕆᓐᖏᓚᑦᓯ; ᖃᐅᔨᒪᒐᒃᑭᑦ ᓂᕈᐊᕐᓯᒪᔭᒃᑲ; ᐊᒡᓔᓪᓕ ᓇᓚᐅᑦᓯᔭᕆᐊᖃᕐᒪᑕ ᐅᖃᕐᑐᑦ: ‘ᓂᕆᖃᑎᒋᔭᒪ ᐊᑭᕋᕐᑐᓕᕐᐹᖓ.’
