ᔫᐱᐅᑉ ᐊᒡᓚᖏᑦ 19:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᖃᑕᓐᖑᑎᒃᑲ ᐅᕙᓐᓂᒃ ᖁᔭᓈᕐᓯᑎᑉᐰᑦ, ᖃᐅᔨᒪᔭᒃᑲᓗ ᐅᕙᓐᓂᒃ ᐃᓕᑕᕐᓯᕙᒍᓐᓃᕐᐳᑦ.

ᔫᐱᐅᑉ ᐊᒡᓚᖏᑦ 19:13 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 16:20

ᐱᖃᓐᓇᕆᔭᒪ ᓱᐊᒃᐹᖓ; ᐃᔩᒃᑲᒃ ᖁᕝᕕᐅᕐᐴᒃ ᒎᑎᒧᑦ.

ᔫᐱᐅᑉ ᐊᒡᓚᖏᑦ 16:7

ᒎᑎᐅᓪᓕ ᒫᓐᓇ ᑕᖃᑎᑦᓯᐊᓕᕐᐹᖓ; ᐃᒡᓗᒥᐅᖃᑎᓕᒫᒃᑲ ᓄᖑᑎᓯᒪᓕᕐᒪᒋᑦ.

ᔫᐱᐅᑉ ᐊᒡᓚᖏᑦ 42:11

ᖃᑕᓐᖑᑎᓕᒫᖏᓪᓗ, ᓇᔭᓕᒫᖏᓪᓗ, ᖃᐅᔨᒪᓚᐅᕐᑕᓕᒫᖏᓪᓗ ᔫᐱᒧᑦ ᐳᓛᕆᐊᓚᐅᕐᐳᑦ ᓂᕆᖃᑎᒋᓪᓗᒍᓗ ᐊᖏᕐᕋᖓᓂ; ᓇᒡᓕᒍᓱᖕᓂᕐᒥᖕᓂᒃ ᐃᓚᑦᓱᒍᓱᖕᓂᕐᒥᓂᒡᓗ ᓇᓗᓁᕐᓯᓚᐅᕐᐳᑦ ᓮᒻᒪᕐᓴᕐᓗᒍᓗ ᐊᑕᓂᐅᑉ ᐅᖁᒤᑦᑐᓕᒫᓂᒃ ᑎᑭᑕᐅᑎᑦᓯᓯᒪᓂᕆᓚᐅᕐᑕᖏᓐᓂᒃ ᑖᑦᓱᒧᖓ; ᐊᑐᓂᓪᓗ ᑮᓇᐅᔭᒥᖕᓂᒃ ᑐᓂᓯᓚᐅᕐᐳᑦ ᒎᓗᓂᒡᓗ ᓇᒡᒍᐊᕐᒥᖕᓂᒃ ᑐᓂᓯᕕᒋᓪᓗᒍ.

ᔫᐱᐅᑉ ᐊᒡᓚᖏᑦ 6:15

ᐃᓚᒃᑲ ᐅᕙᓐᓂᒃ ᓴᓂᖅᑯᐃᓐᓁᓯᒪᕗᓯ, ᑰᒃᑎᑐᑦ ᐃᖏᕐᕋᔪᑎᑐᑦ.

ᔫᐱᐅᑉ ᐊᒡᓚᖏᑦ 6:20

ᓇᓂᓯᓂᐊᕆᐊᒥᓂᒃ ᓂᕆᐅᖕᓂᖃᕈᓐᓁᕐᐳᑦ; ᑰᒐᓛᕕᓂᐅᑉ ᐸᓂᕐᓯᒪᓕᕐᑑᑉ ᓴᓂᐊᓄᐊᕋᒥᒃ.

ᐃᓐᖏᕈᑎᑦ 31:11

ᐊᑭᕋᕐᑐᕐᑎᓐᓄᑦ ᒥᑕᐅᑎᒃᓴᐅᓕᓚᐅᕐᐳᖓ, ᐱᓗᐊᕐᑐᒥᒡᓕ ᓄᓇᖃᑎᒪ ᐊᑯᓐᓂᖓᓐᓂ, ᖃᐅᔨᒪᔭᓐᓄᓪᓗ ᓇᕐᕈᓇᕐᓯᓪᓗᖓ; ᐅᕙᓐᓂᒃ ᓯᓚᒥ ᑕᑯᔪᑦ ᕿᒫᕚᖓ.

ᐃᓐᖏᕈᑎᑦ 31:12

ᐳᐃᒍᕐᑕᐅᓯᒪᕗᖓ ᑐᖁᖓᔪᑎᑐᑦ ᐃᓱᒪᔪᓐᓇᕈᓐᓃᕐᑐᑐᑦ; ᐃᓗᓕᖁᑎᑐᑦ ᓯᖁᒥᓯᒪᔪᑎᑐᖅ ᑍᒤᓕᕐᐳᖓ.

ᐃᓐᖏᕈᑎᑦ 38:11

ᐱᖃᓐᓇᕆᔭᒪ ᐃᓚᒋᕙᒃᑕᒪᓗ ᐃᑭᓕᕐᑕᐅᓯᒪᓂᒃᑲ ᐱᓪᓗᒋᑦ ᓂᒍᕐᐹᖓ, ᓇᖕᒥᓂᒃᑲᓗ ᐅᖓᓯᒃᑐᒥ ᓇᖏᕐᐳᑦ.

ᐃᓐᖏᕈᑎᑦ 38:12

ᐅᕙᓐᓂᒡᓕ ᑐᖁᑦᓯᔪᒪᔪᑦ ᓂᒐᕐᑎᑕᐅᕕᒃᓴᓐᓂᒃ ᐋᖅᑭᒃᓱᐃᕗᑦ; ᐅᕙᓐᓂᒡᓗ ᐋᓐᓂᕐᓯᔪᒪᔪᑦ ᖃᓄᐃᓕᔭᐅᑦᔪᑎᒃᓴᓐᓂᒃ ᐅᖃᐅᓯᖃᕐᐳᑦ.

ᐃᓐᖏᕈᑎᑦ 41:9

ᐱᖃᓐᓇᕆᔭᒪᓘᓐᓃᑦ ᖃᐅᔨᒪᑦᓯᐊᕐᑕᒪ ᓱᓕᔪᕆᑦᓯᐊᕐᑕᒪᓗ, ᓂᕆᖃᑎᒋᕙᒃᑕᒪ ᑭᖕᒥᖕᒥᓄᑦ ᐅᓗᕆᐊᕐᓵᕐᐹᖓ.

ᐃᓐᖏᕈᑎᑦ 69:20

ᒥᑕᐅᑕᐅᓂᐅᑉ ᐆᒻᒪᑎᒐ ᓯᖁᒥᓯᒪᖕᒪᒍ, ᐅᖁᒤᑦᑐᐊᓗᖕᒦᓕᕐᐳᖓ. ᓇᒡᓕᒋᔨᒃᓴᓐᓂᒃ ᕿᓂᕋᓗᐊᕋᒪ, ᐱᑕᖃᓚᐅᓐᖏᓚᖅ; ᒪᓂᒍᕐᑎᒃᓴᓐᓂᒡᓗ, ᓇᓂᓯᓚᐅᖏᓐᓂᕗᖓ.

ᐃᓐᖏᕈᑎᑦ 69:8

ᑕᑯᓕᒪᓇᖏᑦᑑᓕᕐᐳᖓ ᖃᑕᓐᖑᑎᓐᓄᑦ, ᐃᓚᒋᔭᐅᖏᑦᑐᑎᑐᑦ ᑍᒤᓕᕐᐳᖓ ᐊᓈᓇᒪ ᕿᑐᕐᖓᖏᓐᓄᑦ.

ᐃᓐᖏᕈᑎᑦ 69:9

ᐃᒡᓗᖕᓂᒃ ᑲᔪᖏᕈᑎᖃᕐᓂᕐᒧᑦ ᑕᖃᑎᑕᐅᕗᖓ, ᐃᓕᖕᓂᒃ ᐅᖃᕐᓂᕐᓘᑎᖃᕐᑐᑦ ᐅᖃᕐᓂᕐᓗᖕᓂᖏᑕ ᑐᕝᕕᒋᕚᖓ.

ᐃᓐᖏᕈᑎᑦ 88:18

ᐃᓚᒋᔭᒃᑲ ᐃᓚᓐᓇᕆᔭᒃᑲᓗ ᐅᖓᓯᒃᓯᑎᑉᐸᑎᑦ ᐅᕙᓐᓂᑦ; ᐃᓚᓐᓇᕆᓂᕐᐹᒃᑲᓗ ᑖᕐᑐᒧᐊᕐᑎᑉᐸᑎᑦ.

ᐃᓐᖏᕈᑎᑦ 88:8

ᐃᓚᓐᓇᕆᔭᒃᑲ ᐅᕙᓐᓂᑦ ᐅᖓᓯᒃᓯᑎᓚᐅᕐᐸᑎᑦ; ᓇᕐᕈᓇᕐᑐᓐᖑᕐᑎᓚᐅᕐᐸᕐᒪ ᑖᒃᑯᓄᖓ; ᒪᑐᑦᔪᑎᔭᐅᓯᒪᕗᖓ ᐊᓂᔪᓐᓁᓪᓕᖁᓪᓗᖓ ᑕᕝᕙᓐᖓᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:19

ᑕᐱᕆᖃᑦᑕᓚᐅᕐᑕᒃᑲ ᐃᑲᔪᕐᑎᒋᔪᒪᒐᓗᐊᕋᒃᑭᑦ, ᐊᕕᑉᐹᖓ, ᑐᓂᕐᕈᓯᕐᑎᑦᓯᔨᖁᑎᒃᑲ ᐊᖓᔪᖅᑳᖁᑎᒃᑲᓗ ᐱᕐᓕᕋᕐᐳᑦ, ᐃᒡᓗᒐᓴᒡᔪᐊᓂ ᕿᓂᕋᓗᐊᕐᓗᑎᒃ ᓂᕿᒃᓴᒥᖕᓂᒃ ᐃᓅᑦᔪᑎᒋᓂᐊᕐᑕᒥᖕᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:2

ᐅᓐᓄᐊᒃᑯᑦ ᕿᐊᖓᔭᖕᓂᕐᒧᑦ ᖁᕝᕕᖏᑦ ᑰᒐᕐᐳᑦ ᑮᓇᖓᓂ. ᐃᓚᓐᓇᕆᔭᖃᖏᑦᑐᑎᑐᑦ ᓮᒻᒪᕐᓮᔨᒃᓴᖃᓐᖏᓚᖅ, ᐃᓚᓐᓇᕆᓚᐅᕐᑕᖏᑕ ᐊᑭᕋᕐᑐᓕᕐᒪᑦᔪᒃ.

ᒫᑎᐅᓯᐅᑉ ᐊᒡᓚᖏᑦ 26:56

ᑕᒪᒃᑯᐊᓕᒫᑦ ᐱᓂᐊᕐᓂᐅᕗᑦ, ᓇᓚᐅᑦᑍᔫᑉ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᑎᑕᐅᖁᓪᓗᒋᑦ.” ᐃᓕᓐᓂᐊᕐᑎᓕᒫᖏᑦᑕᓕ ᔩᓱᓯ ᕿᒪᑉᐹᑦ ᕿᒫᓪᓗᑎᒃ.

ᑎᒧᑎᒧᑦ ᐂᑉᐸᖏᑦ 4:16

ᓇᖕᒥᓂᖅ ᓴᐳᑎᓇᓱᐊᕐᑎᓪᓗᖓ ᐃᖅᑲᕐᑐᐃᕕᖕᒥ ᐃᑲᔪᕐᑕᐅᓚᐅᖏᓐᓇᒪ; ᑕᒤᓐᓄᓪᓕ ᕿᒪᒃᑕᐅᓚᐅᕐᐳᖓ. ᑍᒃᑯᐊᓕ ᓵᑕᒃᓴᓐᖑᖁᖏᒃᑲᓗᐊᕐᐸᒃᑲ ᑕᒪᑐᒧᖓ!