11 ᓂᓐᖓᐅᒪᓂᓂ ᐅᕙᓐᓄᑦ ᑐᕌᕐᑎᓯᒪᕚ, ᐊᑭᕋᕐᑐᑎᒥᑐᓪᓗ ᑍᒤᑎᓕᕐᓗᖓ.
ᓱᖕᒪᑦ ᑮᓁᑦ ᐅᕙᓐᓄᑦ ᐃᔨᕐᓯᒪᕕᐅᒃ? ᓱᖕᒪᓪᓗ ᐊᑭᕋᕐᑎᑐᑦ ᐱᓇᓱᐊᕐᕕᒋᕕᖓ?
ᐃᓱᒪᔮᕐᓂᖅ ᐃᓱᒫᓘᑎᖃᕐᓂᕐᓗ ᐅᖁᒤᒃᓴᕈᑎᒋᕚ, ᐊᖓᔪᖅᑳᕐᔪᐊᑉ ᐅᓇᑕᕐᓂᕐᒧᑦ ᐸᕐᓇᖕᓂᖓᑐᑦ ᐱᓇᓱᐊᕐᑕᐅᕗᖅ.
ᒎᑎᐅᑉ ᓂᓐᖓᐅᑎᓪᓗᓂᖓ, ᐆᒥᒋᓕᕐᐹᖓ; ᑕᑯᓴᕐᓗᓂᖓ ᐃᔨᒃᑭᐅᒥᕚᖓ, ᑮᒻᒥᕗᕐᓗ ᐆᒥᓱᖕᓂᕐᒧᑦ.
ᒎᑎᓕ ᐱᑦᔪᑎᒃᓴᕐᓯᒐᒥ ᐅᕙᓐᓂᒃ ᐊᑭᕋᕐᑐᓕᓚᐅᕐᐳᖅ, ᐆᒥᒋᔨᒥᑐᓪᓗ ᐱᓇᓱᐊᕐᕕᒋᓚᐅᕐᐹᖓ.
ᐊᑕᓃᖅ ᖃᓄᖅ ᐊᑯᓂᐅᑎᒋᔪᖅ ᐃᔨᕐᓯᒪᓂᐊᕐᐲᑦ? ᖃᓄᕐᓗ ᐊᑯᓂᐅᑎᒋᔪᖅ ᓂᓐᖓᐅᒪᓃᑦ ᐃᑯᐊᓚᔪᑎᑐᑦ ᑍᒤᓐᓂᐊᕐᐹ?
ᓂᓐᖓᖕᓂᕐᓄᑦ ᓄᑮᕐᑎᑕᐅᕗᒍᑦ; ᓂᓐᖓᐅᒪᓂᕐᓄᓪᓗ ᓱᒃᑯᑕᐅᕗᒍᑦ ᑲᑉᐱᐊᓱᖕᓂᕐᒧᑦ.
ᐱᑎᒃᓯᒥᓄᑦ ᑐᕌᕐᑎᑉᐹᑎᒍᑦ ᐱᒋᐊᕈᒪᓪᓗᑕ ᐊᑭᕋᕐᑎᑐᑦ, ᓄᖑᑕᐅᑎᑉᐰᑦ ᖁᕕᐊᒋᓪᓗᒋᑦ ᐃᓅᖃᑎᓐᓈᕆᔭᕗᑦ, ᓂᓐᖓᕕᒃᔪᐊᕐᓂᕐᒥᓄᑦ ᐃᑯᐊᓪᓔᔭᕐᑐᕐᑐᑎᑐᑦ ᓮᐅᓂᐅᑉ ᐸᓂᖏᑕ ᑐᐱᖏᑦ ᓄᖑᑕᐅᑎᑉᐰᑦ.
ᐊᑕᓂᖅ ᐊᑭᕋᕐᑎᑐᑦ ᑍᒤᓕᕐᐳᖅ ᐃᓴᕆᐊᓕᒥᐅᓂᒃ ᓄᖑᕅᓪᓗᓂ, ᐃᒡᓗᒐᓴᒡᔪᐊᖁᑎᖏᑦ ᓄᖑᑎᒻᒪᒋᑦ ᐱᔭᐅᒌᒃᑯᑎᖏᓪᓗ ᓯᖁᑦᑎᕐᓱᒋᑦ ᔫᑕᐅᑉ ᐸᓂᖏᓐᓄᑦ ᓇᓂᑐᐃᓐᓇᖅ ᕿᒃᓵᖕᓇᕐᑐᖃᕐᑎᑦᓯᕗᖅ ᐅᒡᒍᐊᕐᓇᕐᑐᖃᕐᑎᑦᓯᓪᓗᓂᓗ.
ᓂᓐᖓᐅᓯᕋ ᐃᑯᒪᑎᑐᑦ ᐃᑯᐊᓪᓚᒃᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒦᑦᑐᓕᒫᓂᒡᓗ ᐃᑯᐊᓪᓚᒃᑎᑦᓯᓂᐊᕐᐳᖅ. ᐊᒡᓛᑦ ᓄᓇᕐᔪᐊᑉ ᐊᒃᐸᓯᖕᓂᖓᓃᑦᑐᑦ ᑎᑭᓪᓗᒋᑦ ᖃᖅᑬᓪᓗ ᑐᓐᖓᕕᖏᑦ ᐊᒡᓛᑦ ᑎᑭᓪᓗᒋᑦ.
