8 ᓇᖕᒥᓂᖅ ᐃᑎᒐᒥᓄᑦ ᓄᓗᐊᕐᐳᖅ, ᓂᒐᕐᓄᓪᓗ ᐱᓱᒡᓗᓂ ᐅᐸᒍᑎᕗᖅ.
ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐱᖁᔭᐅᓕᕐᓂᐊᕐᑐᓂᒃ ᑎᑎᕋᓚᐅᕆᑦ ᑖᒃᑯᐊ ᑐᖁᕋᕐᑕᐅᖁᓪᓗᒋᑦ, ᐊᖓᔪᖅᑳᕐᔪᐊᓪᓗ ᐱᓇᓱᐊᕐᑎᖏᑕ ᐊᖓᔪᖅᑳᖏᑦ ᐊᑭᓕᕐᓂᐊᕐᐸᒃᑲ ᓯᐅᓪᕕᕆᓂᒃ 10,000ᓂᒃ ᐅᖁᒤᓐᓂᕐᓯᐅᑎᕗᑦ ᒪᓕᒡᓗᒋᑦ, ᑖᒃᑯᓇᓐᖓᓪᓗ ᐊᖓᔪᖅᑳᕐᔪᐊᑉ ᑮᓇᐅᔭᖃᐅᑎᖓᓄᑦ ᐃᓕᔭᐅᖁᓪᓗᒋᑦ.”
ᕼᐂᒪᓂᓕ ᐅᓂᒃᑳᕐᒪᑦ ᓄᓕᐊᒥᓄᑦ ᔨᕆᓯᒧᑦ ᐃᓚᓐᓇᕆᔭᒥᓄᓪᓗ ᑕᒪᒃᑯᓂᖓ ᖃᓄᐃᓕᐅᖅᑲᐅᓂᕐᒥᓂᒃ, ᐃᓕᓯᒪᔪᖁᑎᖏᑕ ᓄᓕᐊᖓᑕᓗ ᔨᕆᓯᐅᑉ ᐅᖃᐅᑎᕚᑦ, “ᒧᐊᑎᑬᒧᑦ, ᔫᑎᒧᑦ ᓵᓚᐅᕙᓪᓕᐊᓕᕈᕕᑦ, ᓵᓚᒋᔪᓐᓇᕐᓂᐊᕈᓐᓁᕐᐸᑦ, ᓇᓗᓇᖏᑦᑐᒥᒡᓕ ᓵᓚᐅᖔᕐᓂᐊᓕᕐᐳᑎᑦ ᑖᑦᓱᒧᖓ.”
ᑕᕝᕙᓂ ᕼᐂᒪᓂ ᕿᒥᑕᐅᕗᖅ ᕿᒥᑦᓯᕕᖕᒥ ᓴᓇᔭᐅᑎᓚᐅᕐᑕᒥᓂ ᒧᐊᑎᑬ ᐱᓪᓗᒍ. ᑕᕝᕙ ᐊᖓᔪᖅᑳᕐᔪᐊᖅ ᓮᒻᒪᕐᐳᖅ.
ᑕᕝᕙ ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᐱᕆᕗᖅ ᑯᐃᓐ ᐃᔅᑕᕐᒧᑦ, “ᑭᓇᐅᕚ ᑍᓐᓇ, ᓇᓃᑉᐸᓗ, ᑍᒫᒃ ᐱᓇᓱᐊᕈᒪᓗᓂ ᐃᓱᒪᖃᕐᑐᖅ?”
ᑭᖕᒥᖕᒥᒍᑦ ᒥᑭᒋᐊᕐᑎᑕᐅᕗᖅ; ᓂᒐᕐᒧᑦ ᐃᑎᒐᖏᑦ ᓂᒐᕐᑎᑕᐅᓪᓗᑎᒃ.
ᖃᐅᔨᔪᓐᓇᓐᖏᓚᓰ ᒎᑎᐅᑉ ᐅᕙᓐᓄᑦ ᑍᒤᓕᐅᕐᓂᖓᓂᒃ? ᐱᓇᓱᐊᕐᓗᓂᖓ ᓄᓗᐊᕐᑎᑕᒥᑐᑦ ᑍᒤᓯᒪᖕᒪᖓ.
ᑍᒤᒻᒪᑦ ᒫᓐᓇ ᐊᕙᑎᓕᒫᕐᓂ ᓂᒐᕐᑕᖃᓕᕐᐳᖅ, ᓂᕆᐅᓇᖏᑦᑐᓄᓪᓗ ᑲᑉᐱᐊᓇᕐᑐᓄᑦ ᖁᐊᕐᓵᖓᑎᑕᐅᓕᕐᓗᑎᑦ;
ᑳᒃᑐᑦ ᐱᕈᕐᓰᕕᖓᓂᑦ ᓂᕆᕗᑦ, ᑲᑭᓪᓚᕐᓇᕐᑐᑦ ᐊᑯᓐᓂᖓᓂ ᐊᒡᓛᑦ ᐱᕈᕐᓯᒪᕗᑦ; ᐃᒥᕈᒃᑐᓪᓗ ᐃᒥᕐᓂᐊᕐᐳᑦ ᐊᔪᕐᓴᖏᑦᔪᑎᖏᓐᓂᒃ.
ᐊᓯᕈᕐᑕᐅᓇᕐᑐᒧᑦ ᓂᕆᐅᓇᖏᑦᑐᒧᑦ ᑎᑭᑕᐅᓕᑦ, ᓄᓗᐊᓄᓪᓗ ᐃᔨᕐᑐᐊᒥᓄᑦ ᓇᖕᒥᓂᖅ ᐱᔭᕆᓕᕐᓕᑦ; ᐊᓯᕈᕐᓇᕐᑐᒧᑦ ᑍᑯᖓᓪᓗᐊᖅ ᑲᑕᓕᕐᓕᑦ.
ᐃᓅᖃᑎᒌᒡᔪᐊᑦ ᑭᕕᓯᒪᕗᑦ ᐃᑎᕐᓴᕐᔪᐊᕐᒧᑦ ᓴᓇᓯᒪᔭᒥᖕᓄᑦ; ᓄᓗᐊᓄᑦ ᓇᖕᒥᓂᖅ ᐃᔨᕐᓯᒪᔭᒥᖕᓄᑦ ᐃᑎᒐᖏᑦ ᓂᒐᕕᑉᐳᑦ.
ᐱᐅᖏᑦᑐᓕᔪᖅ ᐊᔪᕐᓂᕐᒥᓄᑦ ᒥᑭᒋᐊᕐᑎᑉᐳᖅ, ᐃᓱᐊᕐᑐᓕᔪᕐᓕ ᐃᓐᖏᕐᐳᖅ ᖁᕕᐊᓱᒡᓗᓂᓗ.
ᐱᐅᖏᑦᑐᖅ ᓇᖕᒥᓂᖅ ᐊᔪᕐᑐᓕᓂᕐᒥᓄᑦ ᑎᒍᔭᐅᑎᑉᐳᖅ, ᓇᖕᒥᓂᖅ ᓄᓗᐊᓕᐊᕆᓯᒪᔭᒥᓄᑦ ᐊᔪᕐᓂᕐᒧᑦ ᐃᐱᕐᑕᐅᕗᖅ.
ᐃᓘᓐᓇᓯ ᓈᓚᒃᓯᓐᖓ! ᑲᑉᐱᐊᓇᕐᑐᖃᕐᐳᖅ ᓇᓂᑐᐃᓐᓇᖅ, ᑲᑕᒃᕕᒃᓴᕐᑕᖃᐅᕐᓗᓂᓗ ᐱᔭᐅᕕᒃᓴᕐᑕᖃᐅᕐᐳᖅ ᐃᓕᑦᓯᓐᓂᒃ ᑕᒤᓐᓂᒃ ᐅᑕᖅᑭᔪᓂᒃ.
ᑲᑉᐱᐊᓇᕐᑐᓂᒃ ᕿᒫᓇᓱᒃᑑᒐᓗᐊᑦ ᐃᑎᕐᓴᓄᑦ ᑲᑕᒍᒫᕐᐳᑦ, ᐃᑎᕐᓴᓂᓪᓗ ᐊᓐᓇᒃᑑᒐᓗᐊᑦ ᑎᒍᓯᑦᔪᑎᒃᓴᓕᐊᕆᔭᐅᓯᒪᔪᓄᑦ ᐱᔭᐅᔪᒫᕐᐳᑦ, ᓯᓚᓗᕐᔪᐊᖃᕈᒫᕐᐳᖅ ᕿᓚᒥᑦ, ᓄᓇᕐᔪᐊᓪᓗ ᑐᓐᖓᓂᖏᑦ ᓴᔪᒃᑎᑕᐅᔪᒫᕐᐳᑦ.
ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓄᓗᐊᓂᒃ ᐃᒋᑦᓯᕕᒋᔪᒫᕐᐸᒋᑦ ᐃᓄᒐᓴᒡᔪᐊᑦ ᑕᑯᓐᓇᕐᑎᓪᓗᒋᑦ; ᓄᓗᐊᕐᓯᒪᑎᓪᓗᑎᓪᓗ ᓄᓇᒧᑦ ᖃᑭᑦᓱᒫᕐᐸᒋᑦ.
ᐱᓪᓚᕆᒃᑐᖁᑎᒋᔭᐅᔪᕐᓴᐅᕗᖅ ᐅᒃᐱᕐᑑᖃᑎᒌᑦ ᓯᓚᑖᓃᑦᑐᓄᑦ, ᑲᓐᖑᓲᑎᒃᓴᐅᒐᔭᕐᑐᒧᑦ ᑲᑕᖁᓇᒍ ᓵᑖᓇᓯᐅᑉ ᓂᒐᕐᑎᑦᓯᓂᖓᓄᑦ.
ᐊᒃᓗᐃᑦᑐᒪᔪᓪᓕ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᐅᑎᓂᐊᕐᐳᑦ, ᓂᒐᕐᑎᑕᐅᓗᑎᒃ, ᓯᓔᓐᓂᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐃᒃᖠᒎᕐᓂᕐᓄᓪᓗ ᐊᔪᓕᕐᓇᕐᑐᓄᑦ ᑕᒪᓐᓇ ᑕᕝᕙ ᐃᓄᖕᓂᒃ ᑲᑕᒃᑎᑦᓯᕙᒃᑐᖅ ᐊᓯᕈᕐᑕᐅᑎᑦᓯᕙᒡᓗᓂᓗ.
ᓵᑖᓇᓯᐅᓪᓗ ᓂᒐᖓᓂᑦ ᓴᐳᑎᔭᐅᖁᓪᓗᒋᑦ, ᑖᑦᓱᒧᖓ ᑎᒍᔭᐅᓂᕐᒥᖕᓄᑦ ᐱᔪᒪᔭᖓᓂᒃ ᒪᓕᓕᓚᐅᕐᓂᕆᔭᒥᖕᓂᑦ.
