ᔫᐱᐅᑉ ᐊᒡᓚᖏᑦ 17:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐊᖑᑦ ᐱᖃᓐᓇᕆᔭᒥᓂᒃ ᐱᔭᐅᒃᑬᒃᐸᑦ ᑮᓇᐅᔭᕐᑖᕈᒪᓂᕐᒧᑦ, ᑕᕝᕙ ᕿᑐᕐᖓᖏᑕ ᑕᒪᓐᓇ ᐅᖁᒤᒃᓴᐅᑎᒋᓕᕐᓂᐊᕐᐹᑦ.

ᔫᐱᐅᑉ ᐊᒡᓚᖏᑦ 17:5 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 11:12

ᑭᓯᐊᓂ ᐊᑖᑍᑦ ᑍᕕᑎ ᐱᔪᑎᒋᓪᓗᒍ ᑍᒤᓕᐅᕐᓂᐊᖏᑦᑐᖓ ᐃᓅᑎᓪᓗᑎᑦ, ᑭᓯᐊᓂ ᐃᕐᓃᑦ ᐊᖓᔪᖅᑳᕐᔪᐊᓐᖑᕐᐸᑦ ᑍᒤᓕᐅᓛᕐᐳᖓ.

ᔫᐱᐅᑉ ᐊᒡᓚᖏᑦ 11:20

ᐱᐅᖏᑦᑐᓕᔪᓪᓕ ᐃᔨᖏᑦ ᑕᑯᓂᐊᓐᖏᓚᑦ; ᐊᓐᓇᒡᕕᒃᓴᒥᓂᒡᓗ ᓇᒡᕚᕐᓂᐊᓐᖏᓚᑦ, ᓂᕆᐅᒋᔭᒃᓴᑐᐊᕆᓕᕐᓂᐊᕐᐹᑦ ᑐᖁᔪᒫᕐᓂᑎᒃ.”

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:19

ᑎᕝᕕᐊᕐᑍᓂᕐᓂᒃ ᐅᖃᐅᓯᖃᕐᐸᒃᑐᑦ ᖃᐅᔨᔭᐅᔭᕆᐊᖃᖏᑦᑐᓂᒃ ᓴᖅᑭᑎᕆᕗᖅ; ᑍᒤᒻᒪᑦ ᓯᓔᑦᑐᓂᒃ ᐅᖃᐅᑎᒃᓴᕋᔪᒃᑐᑦ ᐃᓚᒋᑦᑍᓕᒃᑭᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:5

ᓯᓚᖅᑲᑎᒥᓂᒃ ᓂᕐᑐᐃᓐᖑᐊᕐᑐᖅ ᐱᐅᒋᔭᐅᔪᒪᒧᑦ ᓄᓗᐊᓂᒃ ᓂᖏᑎᑦᓯᕗᖅ ᐃᑎᒐᖕᒥᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:17

ᐃᑲᔪᕐᑎᒃᓴᕐᓯᐅᓚᐅᕐᐳᒍᑦ ᓴᐱᓕᑐᐃᓐᓇᕐᓗᑕ ᓱᓇᖃᖏᑦᑐᒧᑦ ᓱᓇᐅᕝᕙ, ᐃᓅᖃᑎᒌᒡᔪᐊᓂᓪᓗ ᐃᑲᔪᕐᓯᕐᑕᐅᓂᐊᕋᓱᒋᓪᓗᑕ ᐅᑕᖅᑭᓚᐅᕐᐳᒍᑦ ᑖᒃᑯᐊᓕ ᐱᐅᓕᓯᔪᓐᓇᓚᐅᓐᖏᓚᑦ.

ᒨᓯᓯ ᐱᖓᔪᖏᑦ 19:13

“ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ.

ᒨᓯᓯ ᐱᖓᔪᖏᑦ 19:16

ᐅᖃᐅᓯᕐᓗᖕᒥᒃ ᐃᓅᖃᑎᖕᓂᒃ ᐱᐅᓐᖏᑎᑦᓯᔪᒥᒃ ᓯᐊᒻᒪᕐᑎᑦᓯᔭᕆᐊᖃᓐᖏᓚᑎᑦ ᐃᓅᖃᑎᖕᓄᑦ. ᐃᓅᖃᑎᕕᓪᓗ ᐃᓅᓯᖓᓂᒃ ᑲᑉᐱᐊᓇᕐᑐᒦᑎᑦᓯᔭᕆᐊᖃᓐᖏᓚᑎᑦ. ᐅᕙᖓ ᐊᑕᓂᐅᒐᒪ.

ᒨᓯᓯ ᑕᓪᓕᒪᖏᑦ 28:65

ᑕᒪᒃᑯᓇᓂᓗ ᐃᓅᖃᑎᒌᒡᔪᐊᓃᑎᓪᓗᓯ ᓮᓕᑦᓯᐊᕐᓇᕐᑐᒥᒃ ᓇᓂᓯᔪᒫᓐᖏᓚᓯ, ᓇᖕᒥᓂᕆᔭᕐᓂᒡᓗ ᑍᔭᒃᓴᕐᑕᖃᕈᒫᓐᖏᓚᖅ; ᐊᑕᓂᐅᑉ ᓵᓚᒋᔭᐅᑎᑦᓱᒫᕐᒪᓯ ᐃᓱᒪᔮᕐᓂᕐᒧᑦ, ᓂᕆᐅᒋᔭᒃᓴᖃᖏᓐᓂᕐᒧᑦ, ᓴᐱᓕᕐᓂᕐᒧᓪᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:5

ᐃᓕᑦᓯ ᖃᐅᔨᒪᑦᓯᐊᕐᐳᓯ ᓮᒻᒪᕐᓮᓐᖑᐊᑐᐃᓐᓇᕐᑐᓂᒃ ᐅᖃᐅᓯᖃᓚᐅᖏᓐᓇᑦᑕ, ᐱᖁᑎᓐᓂᐊᕈᒪᑐᐃᓐᓇᕐᓂᕐᒧᓪᓗ ᐅᖃᐅᓯᖃᓚᐅᖏᓐᓂᕗᒍᑦ, ᒎᑎᐅᑉ ᖃᐅᔨᒪᕚᑎᒍᑦ;