15 ᓂᕆᐅᒋᔭᒃᓴᕋᓕ ᑍᒪ ᓇᓃᓕᕋᔭᕐᐸ? ᑭᐊᓗ ᓂᕆᐅᖕᓂᕋ ᑕᑯᒐᔭᕐᐸᐅᒃ?
ᑕᑯᒋᑦ, ᑖᑦᓱᒪ ᓱᒋᐊᕐᐸᖓ; ᓂᕆᐅᒋᔭᒃᓴᖃᓐᖏᓚᖓ; ᐃᓅᓯᕆᔭᓐᓂᒡᓕ ᓴᐳᓐᓂᐊᕐᓂᐊᕐᐳᖓ ᑖᑦᓱᒧᖓ.
ᑖᑦᓱᒪ ᓯᖁᒥᓚᐅᕐᒪᖓ ᐊᕙᑎᓕᒫᓐᓂᑦ, ᓱᓇᐅᔪᓐᓃᕐᐳᖓ, ᓂᕆᐅᖕᓂᕋᓗ ᓄᓱᓚᐅᕐᐹ ᓇᐹᕐᑐᑎᑐᑦ.
ᓱᓇᒥᒃ ᓴᓐᖏᔫᑦᔪᑎᒃᓴᖃᓕᕐᐳᖔ ᐃᓅᒃᑲᓐᓂᕋᓱᐊᕈᑎᒃᓴᒥᒃ? ᓱᖕᒪᓪᓗ ᓱᓕ ᐃᓅᔪᒃᓴᐅᕗᖓ ᓂᕆᐅᒋᔭᒃᓴᖃᕈᓐᓁᕐᓗᖓ?
ᒎᑎᒥᒃ ᓯᕘᕋᓃᑦ ᑕᒪᓐᓇ ᒪᓂᒍᕈᑎᒋᖏᑉᐱᐅᒃ? ᐃᓅᓯᕐᐱᓪᓗ ᐸᓯᔭᒃᓴᐅᓂᖃᖏᓐᓂᖓ ᓂᕆᐅᖕᓂᖃᕈᑎᒋᖏᑉᐱᐅᒃ?
ᐅᓪᓗᒃᑲ ᓱᒃᑲᓂᕐᓴᐅᕗᑦ ᓄᕕᕐᓴᐅᑎᐅᑉ ᓱᑲᑎᕈᑎᖓᑕ ᓇᓕᐊᖕᓄᕋᐅᑎᖓᓂᑦ, ᐃᓱᓕᑉᐸᓪᓕᐊᕗᓪᓗ ᓂᕆᐅᖕᓂᕐᑕᖃᓚᐅᕋᑎᒃ.
“ᐃᓱᒪᓚᐅᕐᐳᖓ, ᐃᓅᓯᕐᒪ ᐃᓅᔪᒥᓇᑦᓯᐊᕐᓂᖓᓂ ᐊᐅᓪᓚᕆᐊᖃᕋᓱᒋᓪᓗᖓ; ᑐᖁᖓᔪᑦ ᐃᑎᕐᑕᕐᕕᖓᒍᑦ; ᐃᓅᓯᕋ ᑭᐱᔭᐅᓂᐊᕋᓱᒋᓪᓗᒍ.
ᐅᖃᓕᕐᐳᖓᓕ, ᐃᓅᓯᑦᓯᐊᒥᒃ ᖃᐅᔨᒪᔭᖃᓐᖏᓕᕋᒪ ᐊᑕᓂᖅ ᓂᕆᐅᒡᕕᒋᔪᓐᓃᕐᐸᕋ.
ᐃᒪᕐᒧᑦ ᐅᔭᕅᑦ ᓄᖑᑕᐅᔪᓐᓇᕐᐳᑦ; ᓯᓚᓗᒡᔪᐊᓕᕐᐸᓪᓗ ᑰᖕᒧᑦ ᐃᑦᔪᖅ ᓄᖑᑕᐅᔪᓐᓇᕐᐳᖅ; ᑍᒫᒃᑕᐅᖅ ᐃᓅᑉ ᓂᕆᐅᖕᓂᖓ ᓄᖑᑎᓯᒪᕙᑦ.
ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑖᒃᑯᐊ ᓴᐅᓃᑦ ᐃᓴᕆᐊᓕᐅᑉ ᑭᖑᕚᓕᒫᕆᕔᑦ. ᑕᑯᒋᑦ, ᐅᖃᖃᑦᑕᕐᐳᑦ, ‘ᓴᐅᓂᕗᑦ ᐸᓂᕐᓯᒪᓕᕐᐳᑦ, ᓂᕆᐅᒋᔭᒃᓴᖃᕈᓐᓃᕐᓗᑕᓗ; ᓯᕗᓂᒃᓴᖃᕈᓐᓃᕐᐳᒍᑦ.’
