10 ᐊᑍ ᐃᓘᓐᓇᓯ ᕾᓕᕆᑦᓯ ᓵᓐᓄᑦ, ᐊᑯᓐᓇᑦᓯᓐᓂ ᓯᓚᑐᔪᒥᒃ ᓇᓂᓯᖏᓐᓇᒪ.
“ᖁᓚᕐᓇᓐᖏᓚᖅ ᐃᓄᖕᓂᑦ ᐱᓪᓚᕆᖁᑕᐅᒐᕕᑦ, ᑐᖁᒍᕕᓪᓕ, ᓯᓚᑐᓂᖅ ᑐᖁᖃᑕᐅᓂᐊᕆᕗᖅ.
ᓱᓇᒥᒃ ᖃᐅᔨᒪᕖᑦ ᖃᐅᔨᒪᓐᖏᑕᑦᑎᓐᓂᒃ? ᓱᓇᒥᒃ ᑐᑭᓯᓯᒪᕖᑦ ᑐᑭᓯᐅᒪᓐᖏᑕᑦᑎᓐᓂᒃ?
ᐅᓪᓗᒃᑲ ᐊᓂᒍᕐᐳᑦ, ᐸᕐᓇᒃᓯᒪᔭᒃᑲᓗ ᓯᖁᒥᓯᒪᓕᕐᓗᑎᒃ, ᐆᒻᒪᑎᓐᓂ ᐊᒡᓛᑦ ᓂᕆᐅᒋᔭᖃᕈᓐᓁᕐᐳᖓ.
ᐃᓱᒪᖏᑦ ᑐᑭᓯᔪᓐᓇᓐᖏᑎᓐᓇᕕᒋᑦ, ᑍᒤᒻᒪᑦ ᐅᕙᓐᓂᒃ ᓵᓚᖃᕐᑎᑦᑍᓕᒃᑭᑦ.
ᓱᖕᒪᑦ ᐃᒻᒧᒃᓯᐅᒐᑎᑐᑦ ᐃᓱᒪᒋᕕᑎᒎᑦ? ᓱᖕᒪᓪᓗ ᓯᓔᑦᑑᕕᑕ ᓵᖕᓂ?
ᐃᓄᑐᖃᐅᓂᕐᒧᑦ ᐃᓄᒃ ᓯᓚᑐᔪᕈᕐᑎᑕᐅᕙᓐᖏᓚᖅ, ᐊᖓᔪᒃᓯᐅᓂᕐᒥᓄᓪᓗ ᑐᑭᓯᑎᑕᐅᕙᓐᖏᓚᖅ ᓱᓇ ᓇᓚᐅᑦᓯᖕᒪᖔᑦ.
ᑕᕝᕙ ᐊᑕᓂᖅ ᐅᖃᐅᓯᕐᓂᒃ ᑕᒪᒃᑯᓂᖓ ᐅᖃᕇᕋᒥ ᔫᐱᒧᑦ, ᐃᓕᐹᓯᒧᑦ ᑎᒪᓁᑎᒥᐅᑕᕐᒧᑦ ᐊᑕᓂᖅ ᐅᖃᓕᕐᐳᖅ, “ᐃᓕᖕᓄᑦ ᓂᓐᖓᓕᕐᐳᖓ ᐃᓚᓐᓇᕆᔭᕐᓄᓪᓗ ᒪᕐᕉᖕᓄᑦ; ᓱᓕᖏᑦᑐᒥᒃ ᐅᕙᓐᓂᒃ ᐅᖃᐅᑎᖃᓚᐅᕋᓯ, ᔫᐱᐅᓪᓕ ᐅᖃᐅᓯᕆᓯᒪᕚᖓ ᓱᓕᔪᒥᒃ.
ᐱᓕᕆᓇᓱᐊᕐᓂᓯ ᓈᒻᒪᓕᕐᐳᖅ ᐱᑦᓯᐊᖏᓐᓇᓱᐊᕈᓐᓁᕆᑦᓯ. ᓯᕗᓂᕐᓗᖁᔪᓐᓁᕐᓯᓐᖓ, ᓈᒻᒪᓈᕐᓯᒪᒐᒪ.
ᑕᕝᕙ ᑭᖑᓂᐊᒍᑦ ᖃᐅᔨᓕᕈᒫᕐᐳᓯ ᐃᓱᐊᕐᑐᓂᒃ ᐱᐅᖏᑦᑐᓂᒡᓗ, ᒎᑎᒥᒡᓗ ᐱᔨᑦᓯᕐᑐᑦ ᐱᔨᑦᓯᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ.”
ᓇᐅᒡᓕ ᓯᓚᑐᔪᑦ? ᓇᐅᒡᓕ ᐊᒡᓚᓂᒃ ᐃᓕᓯᒪᔪᑦ? ᓇᐅᒃᓕ ᐅᓪᓗᒥ ᐃᓅᔪᓂᒃ ᖃᐅᔨᒪᓇᓱᐊᕐᑎ? ᒎᑎᐅᓪᓕ ᓯᓚᕐᔪᐊᕐᒥᐅᑦ ᓯᓚᑐᓂᖏᑦ ᓯᓔᓐᓂᓐᖑᕐᑎᓚᐅᓐᖏᓔᑦ?
ᑍᒫᒃ ᐅᖃᕐᐳᖓ ᑲᓐᖑᓱᖁᓪᓗᓯ, ᓇᓗᓇᖏᒻᒪᑦ ᐃᓚᒋᔭᑦᓯᓐᓂᒃ ᓯᓚᑐᔪᕐᑕᖃᕐᒥᔪᖅ ᐃᖅᑲᕐᑐᐃᔪᓐᓇᕐᑐᒥᒃ ᐅᒃᐱᕐᑑᖃᑎᒌᑦ ᐊᑲᐅᓐᖏᓕᐅᕈᑎᖏᓐᓂᒃ ᐋᖅᑭᒃᓯᔪᓐᓇᕐᑐᒥᒃ.
