ᔫᐱᐅᑉ ᐊᒡᓚᖏᑦ 16:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑦᓱᖏᐅᑎᓯᒪᕚᖓ, ᑕᒪᓐᓇᓗ ᓇᓗᓁᒃᑯᑕᐅᕗᖅ ᐊᑭᕋᕐᑐᕐᑕᐅᓂᓐᓄᑦ; ᓴᓪᓗᐊᓘᓕᕐᐳᖓ ᓴᐅᓃᓐᓇᐅᓕᕐᓗᖓᓗ, ᖁᓚᖏᑦᔪᑕᐅᓕᕐᐳᕐᓗ ᐸᓯᔭᒃᓴᐅᓂᓐᓄᑦ ᑍᒤᓐᓂᕋᕐᑕᐅᓪᓗᖓ.

ᔫᐱᐅᑉ ᐊᒡᓚᖏᑦ 16:8 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 10:17

ᖃᐅᔨᓴᕐᑎᖁᑎᕾᓐᓇᕐᐳᑎᑦ ᐅᕙᓐᓂᒃ ᖃᐅᔨᓇᓱᒃᑐᓂᒃ, ᓂᓐᖓᐅᒪᓃᓪᓗ ᐅᕙᓐᓄᑦ ᐱᕙᓪᓕᐊᑐᐃᓐᓇᕐᓗᓂ ᑍᒪᓐᖓᑦ; ᐃᓱᒪᒃᓴᕐᓯᐅᕐᐳᑎᑦ ᖃᓄᒃᑲᓐᓂᖅ ᐅᕙᓐᓂᒃ ᐊᑭᕋᕐᑐᕆᐊᒃᓴᖅ.

ᔫᐱᐅᑉ ᐊᒡᓚᖏᑦ 17:7

ᕿᒃᓵᖕᓂᕐᒧᑦ ᑕᑯᓐᓇᑦᓯᐊᕈᓐᓁᕐᐳᖓ, ᐊᕙᑎᓕᒫᒃᑲᓗ ᑕᕐᕋᑎᑐᑦ ᓵᑦᑑᑎᒋᓕᕐᐳᑦ.

ᔫᐱᐅᑉ ᐊᒡᓚᖏᑦ 19:20

ᓴᐅᓂᒃᑲ ᐅᕕᓂᓐᓄᑦ ᐊᑕᑎᑕᐅᑐᐃᓐᓇᓕᕐᐳᑦ, ᐆᒪᓱᖔᕐᔪᑐᐃᓐᓇᓕᕐᐳᖓᓗ ᓯᕐᓚᑦᓯᐊᖅ.

ᔫᐱᐅᑉ ᐊᒡᓚᖏᑦ 33:21

ᑎᒥᖓ ᓴᓗᒃᑎᓐᓂᕐᒧᑦ ᒥᑭᒡᓕᖁᓪᓗᒍ; ᓴᐅᓂᖏᓪᓗ ᐅᕕᓂᖓᓄᑦ ᑕᕐᕆᓯᒪᑐᐃᓐᓇᕐᑑᔭᓕᕐᑎᓪᓗᒋᑦ.

ᐃᓐᖏᕈᑎᑦ 106:15

ᑖᑦᓱᒪᓗ ᑐᓂᓯᕕᒋᓚᐅᕐᐰᑦ ᐱᔪᒪᔭᖏᓐᓂᒃ; ᖃᓂᒻᒪᓯᕐᒥᒡᓗ ᓴᓗᒃᑎᓐᓇᕐᑐᒥᒃ ᑎᑭᑕᐅᑎᓪᓗᒋᑦ.

ᐃᓐᖏᕈᑎᑦ 109:24

ᓰᖅᑰᒃᑲᒃ ᓄᑭᖏᕈᑎᕘᒃ ᓂᕆᑦᑍᓕᓂᕐᒧᑦ; ᑎᒥᒐᓗ ᓴᓪᓗᕈᕐᐳᖅ ᐅᕕᓂᖃᕈᓐᓃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 10:16

ᑍᒤᒻᒪᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᖃᓂᒻᒪᓯᕐᒥᒃ ᓴᓗᒃᑎᓐᓇᕐᑐᒥᒃ ᑎᑭᑎᑦᓯᔪᒫᕐᐳᖅ ᐅᓇᑕᕐᑐᒃᓴᓄᑦ ᖁᐃᓂᔪᓄᑦ, ᑖᑦᓱᒪᓗ ᐱᓐᓇᕐᓇᕐᓂᖓᑕ ᐊᐅᓚᑕᖓᓂ ᐃᑯᐊᓪᓚᒃᑐᖃᕈᒫᕐᐳᖅ, ᐃᑯᒪᐅᑉ ᐃᑯᐊᓚᓂᖓᑐᑦ ᑍᒤᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 24:16

ᐅᖓᓯᒃᑐᒥ ᓄᓇᖃᕐᑐᒍᑦ ᑐᓵᔪᒫᕐᐳᒍᑦ ᐅᐱᒍᓱᒡᓗᑎᒃ ᐃᓐᖏᕈᑎᖃᕐᑐᓂᒃ ᐃᓴᕆᐊᓕᒥᐅᓂᒃ, ᐃᓅᖃᑎᒌᒡᔪᐊᑦ ᐃᓱᐊᕐᑑᓂᕋᕐᓗᒋᑦ. ᓂᕆᐅᒋᔭᒃᓴᖃᓐᖏᓚᖓᓕ ᐱᐅᔪᓐᓃᕐᐸᓪᓕᐊᑐᐃᓐᓇᕋᑦᑕ, ᐊᑭᕋᕐᑐᕋᓱᒃᑐᑦ ᐊᑭᕋᕐᑐᕐᐸᓪᓕᐊᑐᐃᓐᓇᕐᒪᑕ, ᑎᕐᓕᐊᖃᑦᑍᓂᖓᓪᓗ ᐱᕙᓪᓕᐊᑐᐃᓐᓇᕐᓗᓂ.

ᐃᐱᓯᒥᐅᓄᑦ 5:27

ᐅᒃᐱᕐᑑᖃᑎᒌᑦ ᐃᒻᒥᓄᑦ ᐱᑎᑦᓱᒪᓪᓗᒋᑦ ᑕᑯᒥᓇᕐᑑᓕᕐᑎᓪᓗᒋᑦ, ᓴᓗᒪᑦᓯᐊᕐᓗᑎᒃ ᐸᓯᔭᒃᓴᐅᓂᖃᕈᓐᓃᕐᑎᓪᓗᒋᑦ, ᐱᐅᖏᑦᑐᒥᒃ ᑕᕐᓴᖃᖏᑦᓯᐊᕐᓗᑎᒃ ᐃᒧᓪᓕᖓᓂᖃᕋᑎᒡᓗ, ᓱᓇᑐᐃᓐᓇᕐᒧᓪᓗ ᓈᒻᒪᓐᖏᑦᔪᑎᒃᓴᖃᖏᓪᓗᑎᒃ.

ᕉᑎᐅᑉ ᐅᓂᒃᑲᐅᓯᓂᖓ 1:21

ᑕᕝᕙᓐᖓᑦ ᐊᐅᓪᓚᕐᑎᓪᓗᑕ ᐊᑕᖏᐅᒪᑦᓯᐊᓚᐅᕐᐳᒍᑦ ᐃᓚᒌᑎᒍᑦ, ᐊᑕᓂᐅᓪᓕ ᐅᑎᕐᑎᓕᕐᐸᖓ ᐃᓕᐊᕐᔫᓕᕐᓗᖓ. ᓱᖕᒪᑦ ᓱᓕ ᓁᐅᒥᒥᒃ ᑍᔪᒪᕕᓯᓐᖔ? ᐊᑕᓂᐅᑉ ᐊᔪᒐᖃᖏᑦᑑᑉ ᐅᕙᓐᓂᒃ ᓈᒻᒪᒃᓴᖏᓐᓂᕐᒥᓂᒃ ᖃᐅᔨᑎᓯᒪᓕᕐᒪᖓ, ᕿᒃᓵᖕᓇᕐᑐᒦᑎᓪᓗᖓᓗ.”