22 ᐅᓄᖏᑦᑐᓂᒃ ᐊᕐᕌᒍᓂᒃ ᓱᓕ ᐃᓅᓂᐊᕐᐳᖓ, ᑭᖑᕐᖓᒍᓪᓕ ᐊᐅᓪᓚᕈᒫᕐᐳᖓ ᐅᑎᕐᓂᐊᕈᓐᓁᕐᓗᖓ.”
ᒫᓐᓇᕈᓗᒃ ᑕᕝᕙᐅᔪᓐᓃᓛᓕᕋᒪ ᐅᑎᒃᑲᓐᓂᕐᓂᐊᕈᓐᓃᕐᓗᖓ, ᓄᓇᒧᑦ ᑖᕐᑐᒧᑦ ᑕᑯᒃᓴᐅᓇᕐᑐᕐᑕᖃᖏᑦᑐᒧᑦ,
ᐃᓄᒡᓕ ᑐᖁᒍᓂ, ᑕᕝᕙ ᐃᓱᓕᑉᐳᖅ; ᐃᓄᒃ ᐊᓂᕐᓂᖃᕈᓐᓁᕈᓂ, ᑍᒪ ᓇᒧᓐᖓᕐᐸ?
ᐃᓄᒃ ᑐᖁᒍᓂ, ᑭᖑᓂᖓᒍᑦ ᐃᓅᓕᒃᑲᓐᓂᕈᓐᓇᕐᐹ? ᐅᑕᖅᑭᔪᒪᖔᕐᐳᖓᓕ ᐅᓪᓗᓂᒃ ᐱᐅᓂᕐᓴᐅᓕᕐᓂᐊᕐᑐᓂᒃ, ᑕᒪᓐᓇ ᐊᓂᒍᕐᓯᐊᕆᓗᒍ.
ᐃᓅᓯᖓᑕ ᑕᑭᓂᒃᓴᖓ ᓯᕗᓂᖓᒍᑦ ᐋᖅᑭᒃᓱᕐᑕᐅᔭᕇᕐᓯᒪᕗᖅ, ᑕᖅᑮᓪᓗ ᐃᓅᕕᒋᓂᐊᕐᑕᖏᑦ ᐃᓕᖕᓃᑉᐳᑦ, ᑕᒪᓐᓇ ᐋᖅᑭᒃᓱᕇᕐᓯᒪᒐᕕᐅᒃ ᑭᓇᒧᓪᓘᓐᓃᑦ ᐊᓯᑦᔨᕐᑕᐅᔪᓐᓇᓐᖏᓚᖅ.
ᐃᓄᖕᒧᑦ ᐃᑲᔪᕐᑕᐅᔪᒪᒐᓗᐊᕐᐳᖓ ᒎᑎᒧᑦ ᓂᓪᓕᐊᓂᐊᕐᑐᒧᑦ, ᐃᓅᑉ ᐃᓅᖃᑎᒥᓂᒃ ᐃᑲᔪᕐᐸᖕᓂᖓᑐᑦ.
“ᐃᓅᔪᓐᓁᕐᕕᒃᓴᕋ ᖃᒡᓕᕗᖅ, ᐊᓂᕐᓂᕋ ᓯᖁᒥᓯᒪᓕᕐᒪᑦ, ᐃᓗᕕᒃᓴᕋᓗ ᐅᕙᓐᓂᒃ ᐅᑕᖅᑭᓕᕐᐳᖅ.
ᑍᒪᓕ ᓇᓪᓚᖓᓕᕋᔭᕐᐳᖓ ᓂᐱᖃᖏᓪᓗᖓ; ᓯᓂᓕᕋᔭᕐᐳᖓ; ᑕᕾᕐᓯᑐᐃᓐᓇᓕᕐᓗᖓᓗ,
ᐃᓄᐃᑦ ᑲᑉᐱᐊᓱᓕᕐᐸᑕ ᐳᕐᑐᔪᒦᓐᓂᕐᒥᒃ, ᐊᖅᑯᑎᒥᓗ ᐱᓱᒋᐊᒥ ᑲᑉᐱᐊᓱᓕᕐᐸᑕ; ᓇᐹᕐᑐᖅ ᖃᖁᐊᒐᓕᒃ ᐋᓪᒪᓂᒃ ᐊᑎᓕᖕᓂᒃ ᓄᓇᕋᕐᑖᓕᕐᐸᑦ, ᐱᒡᓕᕐᑕᐅᔮᕐᑐᕐᓗ ᓱᒃᑬᑦᑑᓕᕐᐸᑦ ᐂᕕᒋᔭᒥᓄᑦ ᐃᕿᐊᓱᓕᕐᓗᓂ. ᐃᓄᒡᓗ ᐃᓂᒃᓴᒥᓄᑦ ᐃᓱᖃᖏᑦᑐᒧᑦ ᐂᒃᐸᑦ, ᐃᓄᐃᓪᓗ ᐃᓚᓐᖓᕐᓂᕐᒧᑦ ᕿᒃᓵᒃᑐᑦ ᐱᓱᑲᑕᓕᕐᐸᑕ ᐊᖅᑯᑎᒥ.