20 ᐱᖃᓐᓇᕆᔭᒪ ᓱᐊᒃᐹᖓ; ᐃᔩᒃᑲᒃ ᖁᕝᕕᐅᕐᐴᒃ ᒎᑎᒧᑦ.
ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.
ᓈᒻᒪᒃᓴᖏᓐᓂᒃᑲ ᑖᑦᓱᒧᖓ ᓈᕕᑉᐸᒃᑲ; ᐊᑲᐅᓐᖏᓕᐅᕈᑎᒋᔭᒃᑲ ᑖᑦᓱᒧᖓ ᓴᖅᑭᑎᑉᐸᒃᑲ.
ᓇᒡᓕᒋᔭᒃᑲ ᐅᕙᓐᓂᒃ ᐊᑭᓖᕗᑦ ᐊᑭᕋᕐᑐᕐᓂᕐᒥᒃ, ᐅᕙᖓᓕ ᑐᒃᓯᐅᑎᕙᒃᑲ.
ᐅᕙᓐᓂᒃ ᒥᑕᐅᑎᒃᓴᕐᑐᑦ ᐊᕙᑎᓐᓃᑉᐳᑦ; ᑕᑯᓐᓇᖃᑦᑕᕐᐸᒃᑲᓗ ᒥᑕᐅᑎᒃᓴᕕᒡᔪᐊᕐᑎᓪᓗᒋᑦ.
ᐃᓕᑦᓯᑐᑦᑕᐅᖅ ᐅᖃᓪᓚᒍᓐᓇᕋᓗᐊᕐᑐᖓ, ᐃᓂᒋᔭᓐᓃᖔᕋᔭᕈᑦᓯ; ᓂᐊᖁᕋ ᐃᓕᕿᑕᒫᕐᓗᒍ ᐃᓕᑦᓯᓐᓂᒃ ᓱᓇᐅᒃᓴᖏᓐᓂᕐᒧᑦ ᐅᖃᓪᓚᒡᕕᒋᔪᓐᓇᕋᔭᕆᕙᑦᓯ.
ᒎᑎᐅᓪᓕ ᒫᓐᓇ ᑕᖃᑎᑦᓯᐊᓕᕐᐹᖓ; ᐃᒡᓗᒥᐅᖃᑎᓕᒫᒃᑲ ᓄᖑᑎᓯᒪᓕᕐᒪᒋᑦ.
ᑮᓇᕋ ᐊᐅᐸᕐᓯᕗᖅ ᕿᐊᖓᔭᖕᓂᕐᒧᑦ, ᐃᔩᒃᑲᒃ ᐳᓪᓕᓕᕐᐴᒃ ᐊᑖᒍᓪᓗ ᕿᕐᓂᕐᓯᓪᓗᑎᒃ;
ᐃᓄᖕᒧᑦ ᐃᑲᔪᕐᑕᐅᔪᒪᒐᓗᐊᕐᐳᖓ ᒎᑎᒧᑦ ᓂᓪᓕᐊᓂᐊᕐᑐᒧᑦ, ᐃᓅᑉ ᐃᓅᖃᑎᒥᓂᒃ ᐃᑲᔪᕐᐸᖕᓂᖓᑐᑦ.
ᕿᒃᓵᖕᓂᕐᒧᑦ ᑕᑯᓐᓇᑦᓯᐊᕈᓐᓁᕐᐳᖓ, ᐊᕙᑎᓕᒫᒃᑲᓗ ᑕᕐᕋᑎᑐᑦ ᓵᑦᑑᑎᒋᓕᕐᐳᑦ.
ᖃᑕᓐᖑᑎᒃᑲ ᐅᕙᓐᓂᒃ ᖁᔭᓈᕐᓯᑎᑉᐰᑦ, ᖃᐅᔨᒪᔭᒃᑲᓗ ᐅᕙᓐᓂᒃ ᐃᓕᑕᕐᓯᕙᒍᓐᓃᕐᐳᑦ.
“ᐊᑕᓃᖅ ᐃᖅᑲᐅᒪᒋᑦ, ᓱᕐᕋᔪᐃᑦᑑᓪᓗᖓ ᐱᔨᑦᓯᓚᐅᕋᒃᑭᑦ ᐅᐱᒋᑦᓯᐊᕐᓗᑎᑦ, ᑍᒪᓐᖓᓕᒫᕐᓗ ᐱᔪᒪᔧᑦ ᒪᓕᑦᓯᐊᕋᓱᖏᓐᓇᓚᐅᕋᑯ.” ᑕᕝᕙ ᕼᐃᓯᑬᐊ ᐊᖏᔪᒥᒃ ᕿᐊᓕᕐᐳᖅ.
ᖃᓄᕐᑐᖅ ᓇᓃᓐᓂᖓᓂᒃ ᖃᐅᔨᓚᐅᕐᓚᖓ, ᓇᔪᕐᑕᖓᓄᑦ ᐃᒃᓯᕙᐅᑕᖓᓄᑦ ᐅᐸᖕᓂᐊᕋᒃᑯ.
