11 ᒎᑎᐅᑉ ᑐᓂᕐᕈᑎᒋᕚᖓ ᐅᒃᐱᖏᑦᑐᓄᑦ, ᐂᑦᑑᑎᒋᓪᓗᓂᖓᓗ ᐱᐅᖏᑦᑐᓕᔪᓄᑦ.
ᐅᖁᒤᒃᓴᕐᑎᑦᓯᔭᕆᐊᒃᓴᖅ ᓈᒻᒪᓈᕐᓯᒪᔪᕆᕖᑦ? ᐊᒡᒐᖕᓄᑦ ᓴᓇᓯᒪᔭᕐᓂᒃ ᓇᕐᕈᔪᒃᓴᐅᕖᑦ? ᖁᕕᐊᒋᔭᖃᖔᕐᓗᑎᓪᓗ ᐱᐅᖏᑦᑐᓕᔪᑦ ᐱᓇᓱᐊᕐᓂᖏᓐᓂᒃ?
ᐃᓄᐃᑦ ᐅᕙᓐᓂᒃ ᓇᕐᕈᓂᕐᒧᑦ ᐂᑦᑕᖃᑦᑕᕐᐳᑦ; ᒥᑕᐅᑎᒋᓪᓗᖓ ᐅᓗᐊᒃᑯᑦ ᐸᑎᒃᑕᐅᕗᖓ, ᑲᑐᑦᔨᓪᓗᑎᒃ ᐊᑭᕋᕐᑐᕐᐹᖓ.
ᖃᓄᐃᖏᑦᓯᐊᕐᑎᓪᓗᖓ, ᑖᑦᓱᒪ ᓯᖁᑦᑎᓚᐅᕐᐹᖓ; ᑐᖅᑯᔮᒃᑯᑦ ᑎᒍᓪᓗᖓ ᐋᓐᓂᕐᓯᓚᐅᕐᐹᖓ ᓯᖃᓪᓕᓪᓗᖓ; ᓇᑉᐸᐅᑎᓚᐅᕐᐹᖓᓗ ᐱᒋᐊᖃᑦᑕᕋᒃᓴᕆᔪᒪᓪᓗᓂᖓ,
ᓱᖕᒪᑦ ᐊᑭᕋᕐᑐᕐᐱᓯᓐᖓ ᒎᑎᒥᑦ ᐊᑭᕋᕐᑐᕐᑕᐅᖕᒥᑎᓪᓗᖓ? ᓱᖕᒪᑦ ᑎᒥᒪ ᐅᖁᒤᒃᓴᕐᓂᖓ ᓱᓕ ᓈᒻᒪᒋᓕᖏᑉᐱᓯᐅᒃ?
ᖃᐅᔨᔪᓐᓇᓐᖏᓚᓰ ᒎᑎᐅᑉ ᐅᕙᓐᓄᑦ ᑍᒤᓕᐅᕐᓂᖓᓂᒃ? ᐱᓇᓱᐊᕐᓗᓂᖓ ᓄᓗᐊᕐᑎᑕᒥᑐᑦ ᑍᒤᓯᒪᖕᒪᖓ.
ᑕᕝᕙ ᓵᑖᓇᓯ ᐊᑕᓂᐅᑉ ᓇᔪᕐᑕᖓᓂᑦ ᕿᒪᕉᑎᕗᖅ, ᔫᐱᓗ ᓇᐅᒃᑯᑐᐃᓐᓇᖅ ᐊᔪᐊᓕᕐᑎᑉᐹ ᑎᒥᓕᒫᖓ ᐃᑎᒐᖏᑕ ᐊᓗᖏᖕᓂᑦ ᐱᒋᐊᕐᓗᒍ ᑲᑦᔨᖓᓄᑦ ᑎᑭᓪᓗᒍ.
“ᒎᑎ ᐆᒪᖕᒪᑦ, ᐅᕙᓐᓂᒃ ᐊᑦᔨᒋᔭᐅᓐᖏᑎᑦᓯᔪᖅ, ᐊᔪᒐᖃᖏᑦᑐᕐᓗ, ᑕᕐᓂᓐᓂᒃ ᖃᓯᓕᓇᕐᓯᑎᑦᓯᔪᖅ;
ᓈᒻᒪᓈᕐᓯᒪᖏᓐᓂᕋ ᓇᓗᓁᕈᓐᓇᕐᐱᐅᒃ? ᑕᒻᒪᕐᓯᒪᓂᕋᕈᓐᓇᕐᐱᖔ ᐃᓕᖕᓂᒃ ᑕᒻᒪᕐᓯᒪᖏᓐᓂᕋᕐᓗᑎᑦ?
ᓄᓇᕐᔪᐊᖅ ᐱᐅᖏᑦᑐᓕᔪᓄᑦ ᑐᓂᔭᐅᓯᒪᕗᖅ; ᐃᓅᖃᑎᒥᖕᓂᒡᓗ ᐋᖅᑭᒃᓱᐃᔨᓕᒫᑦ ᑕᑯᓐᓇᕈᓐᓁᕐᑎᓯᒪᓪᓗᓂᒋᑦ ᒎᑎᓕ ᑍᒤᑎᑦᓯᖏᑉᐸᑦ, ᑭᓇᓕ ᑍᒪ ᑍᒤᑎᑦᓯᓯᒪᕙ?
ᐊᑭᕋᕐᑐᕐᑎᒪ ᐱᔪᒪᔭᖏᓐᓄᑦ ᑐᓂᓂᐊᕐᓇᖓ; ᓴᒡᓗᓪᓗᑎᒃ ᐸᓯᒃᓯᓇᓱᒃᑐᑦ ᐊᑭᕋᕐᑐᕐᒪᖓ, ᐊᓂᕐᓵᕐᑐᕐᒪᑕ ᑲᑉᐱᐊᓱᒃᑎᑦᓯᔪᒪᓂᕐᒥᒃ.
ᐊᑭᕋᕐᑐᕐᑎᒪ ᐊᒡᒐᖏᓐᓄᑦ ᑐᓂᓚᐅᖏᓐᓇᕕᖓ: ᐃᑎᒐᒃᑲ ᐃᓕᒐᕕᒋᑦ ᐱᕕᑐᔪᒧᑦ.
ᑕᑯᒋᑦ ᐱᐅᖏᑦᑐᓕᔪᖅ ᓴᖅᑭᑎᑦᓯᕗᖅ ᓈᓚᖏᓐᓂᕐᒥᒃ; ᐃᓛᒃ, ᓇᑦᔨᓕᕐᐳᖅ ᐃᓱᐊᖏᑦᑐᒥᒃ ᕿᑐᕐᖓᕐᑖᕐᓗᓂᓗ ᓴᒡᓗᓂᕐᒥᒃ.
ᒎᑎᐅᑉ ᐃᓄᓕᒫᑦ ᓈᓚᖏᓐᓂᕐᒦᑎᓚᐅᕐᐰᑦ, ᑕᒪᕐᒥᒃ ᓂᑲᒋᔪᒪᓪᓗᒋᑦ.
ᓂᕐᑑᑎᓗᐊᓕᖁᓇᖓ ᑕᒪᒃᑯᐊ ᑕᑯᑎᑕᐅᓃᑦ ᐊᖏᔪᑦ ᐱᓪᓗᒋᑦ, ᑎᒥᒃᑯᑦ ᐊᑲᐅᓐᖏᓗᑕᕐᑖᑎᑕᐅᓚᐅᕐᐳᖓ, ᓵᑖᓇᓯᐅᑉ ᑎᓕᔭᖓᓂᒃ ᐅᕙᓐᓄᑦ ᐋᓐᓂᐊᑎᑦᓯᔭᕐᑐᕐᑐᒥᒃ, ᐱᐅᔪᕆᓕᖁᓇᖓ ᐅᕙᓐᓂᒃ.
ᐅᓪᓗᒥ ᓇᓗᓁᕐᓯᕗᑎᑦ ᐅᕙᓐᓄᑦ ᐱᓂᐊᑦᓯᐊᕐᓂᕐᓂᒃ, ᐊᑕᓂᐅᑉ ᐊᒡᒐᖕᓄᑦ ᑐᓂᒐᓗᐊᕐᒪᖓ ᑐᖁᓚᐅᖏᓐᓇᕕᓐᖓ.
