ᔫᐱᐅᑉ ᐊᒡᓚᖏᑦ 14:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐱᕈᕐᓯᐊᑎᑐᑦ ᐱᕈᕐᐳᖅ, ᑐᖁᓕᓗᓂᓗ; ᑕᕐᕋᑎᑐᑦ ᕿᒫᕗᖅ, ᐱᑕᖃᕈᓐᓁᕐᓗᓂᓗ.

ᔫᐱᐅᑉ ᐊᒡᓚᖏᑦ 14:2 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 29:15

ᑐᔪᕐᒥᐊᑎᑐᑦ ᑍᒤᑉᐳᒍ ᓵᖕᓂ, ᓂᐅᕐᕈᐊᑎᑑᕐᐳᒍᓪᓗ, ᓯᕗᓕᑦᑎᑐᑦ; ᐅᓪᓗᕗᑦ ᓄᓇᒥ ᑕᕐᕋᑎᑐᑦ ᑍᒤᑉᐳᑦ, ᓇᔪᐃᓐᓇᒐᒃᓴᕐᑕᖃᕋᓂᓗ.

ᔫᐱᐅᑉ ᐊᒡᓚᖏᑦ 15:33

ᕔᓂᒃᓴᓕᒃᑎᑐᑦ ᐱᕈᕇᖏᑦᑐᓂᒃ ᑲᑕᒊᔪᑎᑐᑦ ᑍᒤᑉᐳᖅ, ᓇᐹᕐᑐᑎᑐᓪᓗ ᐅᕐᓱᒃᓴᓂᒃ ᑲᑕᒊᔪᑎᑐᑦ ᑍᒤᓪᓗᓂ.

ᔫᐱᐅᑉ ᐊᒡᓚᖏᑦ 4:20

ᐅᓪᓛᑉ ᐅᓐᓅᓪᓗ ᐊᑯᓐᓂᖓᓂ ᑐᖁᑕᐅᕗᑦ; ᐱᑕᖃᕈᓐᓃᓪᓚᕆᒃᐳᑦ ᖃᐅᔨᔭᐅᓇᑎᒃ ᒪᓗᒋᔭᐅᓇᑎᒡᓘᓐᓃᑦ.

ᔫᐱᐅᑉ ᐊᒡᓚᖏᑦ 8:9

ᐃᓅᓯᕗᑦ ᓁᑦᑐᑯᓘᖕᒪᑦ, ᖃᐅᔨᒪᓇᑕᓗ, ᓄᓇᒦᓐᓂᕗᑦ ᑕᕐᕋᑐᐃᓐᓇᕐᑎᑐᑦ ᑍᒤᒻᒪᑦ.

ᐃᓐᖏᕈᑎᑦ 102:11

ᐅᓪᓗᒃᑲ ᐅᓐᓄᒃᐸᓪᓕᐊᔫᑉ ᑕᕐᕋᖓᑐᑦ ᐳᒃᑭᒡᓕᕙᓪᓕᐊᓕᕐᐳᑦ; ᐃᕕᒃᓱᒃᑲᑎᑐᑦ ᐸᓂᓕᕐᑐᑎᑐᑦ ᑍᒤᓕᕐᐳᖓ.

ᐃᓐᖏᕈᑎᑦ 102:12

ᐃᕝᕕᓪᓕ ᐊᑕᓃᖅ, ᑍᒤᓕᖎᓐᓇᕐᓂᐊᕐᐳᑎᑦ ᐃᓱᖃᖏᑦᑐᒧᑦ; ᐃᖅᑲᐅᒪᔭᐅᖏᓐᓇᕐᓂᐊᕐᓗᑎᓪᓗ ᑭᖑᕚᕇᒃᐸᓪᓕᐊᔪᓕᒫᓄᑦ.

ᐃᓐᖏᕈᑎᑦ 102:5

ᐋᓐᓂᐊᓂᕐᒧᑦ ᓂᐹᓂᕐᒧᓪᓗ ᓴᐅᓃᓐᓇᕈᕐᐳᖓ.

ᐃᓐᖏᕈᑎᑦ 144:4

ᐃᓄᒃ ᐊᓂᕐᓂᓕᔮᕐᓇᕐᑐᒥ ᐊᓂᕐᓂᕐᑎᑐᑦ ᑍᒤᑉᐳᖅ, ᐅᓪᓗᖏᓪᓗ ᓄᓇᐅᑉ ᑕᕐᕋᓕᓂᖓᑕ ᐃᖏᕐᕋᓂᖓᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 37:2

ᐃᕕᒃᓱᒃᑲᑎᑐᑦ ᓇᑲᑕᐅᓴᕅᓐᓂᐊᕐᒪᑕ, ᓄᓇᕋᕐᑎᑐᓪᓗ ᑐᖑᔪᕐᑐᑎᑐᑦ ᑐᖁᓕᓴᕅᓐᓂᐊᕐᒪᑕ.

ᐃᓐᖏᕈᑎᑦ 39:5

ᐅᓪᓗᒃᑲ ᐊᒡᒐᐅᑉ ᐃᓵᒃᑕᖓᑐᑦ ᑕᑭᑎᒋᕗᑦ! ᐊᕐᕌᒍᐃᓪᓗ ᐃᓅᓂᐊᕐᑕᒃᑲ ᓱᓇᐅᓐᖏᓚᑦ ᓵᖕᓂ; ᐊᕐᕌᒍᒃᑲᓗ ᓱᓇᐅᓐᖏᓚᑦ ᐃᓕᖕᓄᑦ ᐃᓄᐃᓪᓗ ᐃᓅᓯᕐᒥ ᐊᔪᖏᓐᓂᖓᑦ ᐳᔪᑐᐃᓐᓇᐅᕗᖅ! ᓰᓚ

ᐃᓐᖏᕈᑎᑦ 39:7

ᒫᓐᓇᓕ ᐊᑕᓃᖅ ᓱᓇᒥᒃ ᐅᑕᖅᑭᕗᖔ? ᐃᓕᖕᓂᓪᓕ ᓂᕆᐅᒃᐳᖓ.

ᐃᓐᖏᕈᑎᑦ 92:12

ᐃᓱᐊᕐᑐᓕᔪᑦ ᐱᕈᕐᓂᐊᕐᐳᑦ ᓇᐹᕐᑐᑎᑐᑦ ᐹᒥᑎᑐᑦ, ᐱᕈᕐᓂᐊᕐᐳᑦ ᓇᐹᕐᑐᑎᑐᑦ ᓰᑕᕆᑎᑐᑦ ᓕᐸᓇᓂᒦᑦᑐᑎᑐᑦ.

ᐃᓐᖏᕈᑎᑦ 92:7

ᐱᐅᖏᑦᑐᑦ ᐱᕈᓕᕐᐸᑕ ᐃᕕᒃᓱᒃᑲᑎᑐᑦ, ᐊᔪᕐᑐᓕᔪᓪᓗ ᑕᒪᕐᒥᒃ ᓴᖅᑭᓕᕐᐸᑕ ᐱᕈᕐᕕᐅᓕᕐᑐᑎᑐᑦ, ᑖᒃᑯᐊ ᓯᕗᓂᒃᓴᖃᓕᕇᕐᐳᑦ ᐊᓯᕈᕐᑕᐅᕕᒃᓴᒥᖕᓂᒃ ᐃᓱᖃᖏᑦᑐᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:13

ᐊᔪᕐᑐᓕᔪᓪᓕ ᐱᐅᔪᒥᒃ ᑐᕌᒐᖃᓐᖏᓚᑦ, ᒎᑎᒥᒃ ᓯᕘᕋᖏᒻᒪᑕ, ᐅᓪᓗᖏᑦ ᑕᑭᔫᔪᒫᓐᖏᓚᑦ ᑕᕐᕋᑐᑦ ᑕᑭᔫᔪᑐᑦ.

ᔧᒥᓯᐅᑉ ᐊᒡᓚᖏᑦ 4:14

ᖃᐅᔨᒪᓐᖏᓚᓯᓕ ᖃᐅᒃᐸᐅᓛᕐᑐᒥᒃ, ᐃᓅᓯᓯ ᖃᓄᐃᑦᑑᓛᕐᒪᖔᑦ? ᐳᔪᕐᑎᑐᑦ ᑍᒤᑉᐳᖅ ᓴᖅᑭᑬᓐᓇᕐᓗᓂ ᑕᕝᕔᓐᓇᕐᓗ ᐊᓯᐅᕗᖅ.

ᐲᑦᑐᕉᓯ ᓯᕗᓪᓖᑦ 1:24

ᐊᒡᓔᑦ ᐅᖃᕐᒪᑕ, “ᐃᓄᓕᒫᑦ ᐃᕕᒃᓱᒐᕐᑎᑐᑦ ᑍᒤᑉᐳᑦ, ᑕᑯᒥᓇᕐᓂᖏᓪᓗ ᓄᓇᕋᕐᑎᑐᑦ ᑍᒤᑦᑑᓪᓗᑎᒃ; ᐃᕕᒃᓱᒃᑲᑦ ᐸᓂᓕᕐᐳᑦ ᐱᕈᕐᑐᓪᓗ ᑐᖁᓕᓪᓗᑎᒃ.