18 ᑕᑯᒋᑦ, ᐅᕙᓐᓂᒃ ᓇᓗᓁᕋᓱᐊᓕᕐᐳᖓ; ᖃᐅᔨᒪᒐᒪ ᐃᓱᐊᕐᓂᕋᕐᑕᐅᓂᐊᕋᒪ.
ᖃᐅᔨᒪᒐᓗᐊᕐᐳᑎᑦ ᐸᓯᔭᒃᓴᐅᖏᓐᓂᓐᓂᒃ, ᓇᓪᓕᐊᓐᓄᓪᓘᓐᓃᑦ ᓴᐳᑦᔭᐅᔪᓐᓇᕐᓇᖓ ᐊᒡᒐᖕᓂᑦ.
ᒫᓐᓇᓕ ᐊᒡᓛᑦ ᐱᖃᓐᓇᕆᔭᓐᓄᑦ ᐃᔪᕿᑕᐅᑕᐅᓕᕐᐳᖓ; ᓱᓕᓕ ᑐᒃᓯᐊᕐᓂᒃᑲ ᒎᑎᐅᑉ ᑐᓴᖃᑦᑕᕐᐰᑦ, ᓇᓛᒎᑦᓯᐊᕐᑎᓪᓗᖓ ᐸᓯᔭᒃᓴᐅᑎᓐᓇᖓᓗ, ᐃᔪᕿᑕᒍᑕᐅᕗᖓ.
ᐅᖃᐅᓯᕆᔭᒃᑲ ᓈᓚᑦᓯᐊᒃᑭᑦ, ᓇᓗᓁᕐᓯᓇᓱᐊᕐᓂᕆᔭᒃᑲᓗ ᑐᓵᑦᓯᐊᕐᓗᒋᑦ.
ᐃᓄᖕᒧᑦ ᐃᑲᔪᕐᑕᐅᔪᒪᒐᓗᐊᕐᐳᖓ ᒎᑎᒧᑦ ᓂᓪᓕᐊᓂᐊᕐᑐᒧᑦ, ᐃᓅᑉ ᐃᓅᖃᑎᒥᓂᒃ ᐃᑲᔪᕐᐸᖕᓂᖓᑐᑦ.
ᖃᓄᐃᓐᓂᕆᔭᓐᓂᒃ ᐅᖃᐅᑎᑦᓯᐊᕋᔭᕐᐸᕋ ᑭᐅᒪᐅᑎᖃᑎᒋᓗᒍᓗ ᐅᖃᖃᑎᒋᒐᔭᕋᒃᑯ.
ᐃᓱᐊᕐᑐᓕᓂᕋ ᑎᒍᒥᐊᖏᓐᓇᕐᓂᐊᕐᐸᕋ, ᓴᒃᑯᓐᓂᐊᕐᓇᒍᓗ; ᐆᒻᒪᑎᒪ ᐃᖅᑲᕐᑐᓚᐅᖏᒻᒪᖓ ᐃᓅᓂᓕᒫᓐᓂ.
ᑕᕝᕙ ᑖᒃᑯᐊ ᐊᖑᑎᑦ ᐱᖓᓱᑦ ᔫᐱᒧᑦ ᑭᐅᓇᓱᐊᕈᓐᓁᕐᐳᑦ, ᑐᑭᓯᒐᒥᒃ ᔫᐱᐅᑉ ᐸᓯᔭᒃᓴᐅᓂᖃᖏᓐᓂᖓᓂᒃ.
‘ᐃᑦᔪᕐᓁᑦᑑᕗᖓ, ᐱᐅᖏᑦᑐᓕᓚᐅᕐᓇᖓᓗ; ᐸᓯᔭᒃᓴᐅᓐᖏᓚᖓ, ᐊᔪᕐᑐᓕᓚᐅᕐᓇᖓᓗ.
ᔫᐱ ᐅᖃᓚᐅᕐᒪᑦ, ‘ᐸᓯᔭᒃᓴᐅᓂᖃᓐᖏᓚᖓ, ᒎᑎᐅᓪᓕ ᐱᑦᓯᐊᕐᕕᒋᓯᒪᓐᖏᓛᖓ.’
ᐱᓕᕆᓇᓱᐊᕐᓂᓯ ᓈᒻᒪᓕᕐᐳᖅ ᐱᑦᓯᐊᖏᓐᓇᓱᐊᕈᓐᓁᕆᑦᓯ. ᓯᕗᓂᕐᓗᖁᔪᓐᓁᕐᓯᓐᖓ, ᓈᒻᒪᓈᕐᓯᒪᒐᒪ.
ᐸᓯᔭᒃᓴᐅᖏᒃᑲᓗᐊᕋᒪ, ᓇᖕᒥᓂᖅ ᐅᖃᐅᓯᓐᓄᑦ ᐸᓯᔭᒃᓴᕈᕋᔭᕐᐳᖓ; ᓵᑕᐅᑦᔪᑎᒃᓴᖃᖏᒃᑲᓗᐊᕈᒪ, ᑖᑦᓱᒪ ᑕᑯᑎᒐᔭᕐᐹᖓ ᓱᒋᐊᕐᑕᐅᔪᒃᓴᐅᓂᓐᓂᒃ.
ᓵᑕᐅᑦᔪᑎᒃᓴᖃᓐᖏᓚᖓ; ᐅᕙᓐᓂᒡᓕ ᓱᓇᐅᒋᔪᓐᓃᕐᐳᖓ; ᐃᓅᓯᕋ ᐊᓐᓂᕆᔪᓐᓁᕋᒃᑯ.
ᐊᑏ ᐃᖅᑲᐅᒪᓚᐅᕐᓯᓐᖓ, ᐃᖅᑲᕐᑐᐃᕕᖕᒧᐊᕐᓗᑕ ᐃᖅᑲᕐᑐᕐᑎᒌᓚᐅᕐᑕ; ᓈᒻᒪᒃᓴᖏᑦᔪᑎᓯ ᐅᖃᐅᓯᕆᓚᐅᕐᓯᐅᒃ, ᓱᓕᓂᓯ ᓴᖅᑭᖁᓪᓗᒋᑦ.
ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.
