ᔫᐱᐅᑉ ᐊᒡᓚᖏᑦ 12:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑖᓐᓇ ᐱᓐᖑᕐᑎᓯᒪᔭᓕᒫᒥ ᐃᓅᓯᖏᓐᓂᒃ ᐊᐅᓚᑦᓯᕗᖅ; ᐊᓂᕐᓂᖃᕐᑐᓕᒫᑦ ᐃᓅᓯᖏᑦ ᑖᑦᓱᒪ ᐱᔪᓐᓇᕐᓂᖓᓃᑉᐳᑦ.

ᔫᐱᐅᑉ ᐊᒡᓚᖏᑦ 12:10 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 2:7

ᐊᑕᓂᕐᓕ ᒎᑎ ᐃᓄᒃᓴᓕᐅᕐᐳᖅ ᓄᓇᐅᑉ ᐃᓚᖓᓂᒃ ᐱᓪᓗᓂ; ᓱᕐᓗᖓᒍᑦ ᐊᓂᕐᓵᕐᕕᒋᕚ ᐃᓅᓯᖃᕐᓇᕐᑐᒥᑦ; ᐃᓄᒡᓗ ᑕᕝᕙ ᐆᒻᒪᕐᐳᖅ.

ᒨᓯᓯ ᓯᕗᓪᓖᑦ 6:17

ᑕᑯᒋᑦ, ᐅᓕᕕᒃᔪᐊᖃᕐᑎᑦᓱᒫᕐᐸᕋ ᓄᓇᕐᔪᐊᓕᒫᖅ, ᐆᒪᔪᓕᒫᑦ ᓄᓇᒥ ᓄᖑᑕᐅᖁᓪᓗᒋᑦ, ᑕᒪᕐᒥᒃ ᐊᓂᕐᓂᖃᕐᑐᑦ ᕿᓚᐅᑉ ᐊᑖᓂ; ᓱᓇᑐᐃᓐᓁᓪᓗ ᓄᓇᒦᑦᑐᓕᒫᑦ ᑐᖁᖁᓪᓗᒋᑦ.

ᔫᐱᐅᑉ ᐊᒡᓚᖏᑦ 27:3

ᐊᓂᕐᓂᓐᓄᑦ ᓇᔪᕐᑕᐅᓂᓐᓂ, ᒎᑎᐅᓪᓗ ᐊᓂᕐᓂᖓ ᓱᕐᓗᒃᑯᑦ ᐊᓂᕐᑎᕆᐅᑎᒋᓂᓐᓂ;

ᔫᐱᐅᑉ ᐊᒡᓚᖏᑦ 27:8

ᓱᓇᒥᒡᓕ ᒎᑎᖃᖏᑦᑐᖅ ᓂᕆᐅᒋᔭᒃᓴᖃᕐᐹ? ᐃᓅᓯᖓ ᒎᑎᐅᑉ ᑎᒍᒃᐸᒍ,

ᔫᐱᐅᑉ ᐊᒡᓚᖏᑦ 33:4

ᒎᑎᐅᑉ ᐊᓂᕐᓂᖓᑕ ᓴᓇᓚᐅᕐᐹᖓ, ᐊᔪᒐᖃᖏᑦᑑᓪᓗ ᐊᓂᕐᓂᖓᑕ ᐃᓅᓯᕐᑖᕐᑎᓚᐅᕐᐹᖓ.

ᐃᓐᖏᕈᑎᑦ 104:29

ᑮᓁᑦ ᑕᓕᑎᑐᐊᕋᕕᐅᒃ, ᑕᕝᕙ ᑲᑉᐱᐊᓱᓕᕐᐳᑦ; ᐊᓂᕐᓂᖏᑦ ᑎᒍᑐᐊᕋᕕᒋᑦ, ᑕᕝᕙ ᑐᖁᕗᑦ ᐅᑎᕐᓗᑎᒡᓗ ᓄᓇᒧᑦ.

ᐃᓐᖏᕈᑎᑦ 104:30

ᐊᓂᕐᓃᑦ ᑎᓕᒐᕕᐅᒃ, ᑕᕝᕙ ᐱᓐᖑᕐᑎᑕᐅᕗᑦ; ᓄᓇᕐᔪᐊᓪᓗ ᓴᖅᑭᔮᕐᓂᖓ ᓄᑖᓐᖑᕐᑎᑉᐸᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:1

ᑕᒪᒃᑯᐊ ᐆᒻᒪᑎᓐᓂ ᐃᓱᒪᒋᓚᐅᕐᐸᒃᑲ, ᖃᐅᔨᓚᐅᕐᐳᖓᓗ ᐃᓱᐊᕐᑐᑦ ᓯᓚᑐᔪᓪᓗ ᑲᓄᐃᓕᐅᕐᑕᖏᑦ ᒎᑎᐅᑉ ᐊᒡᒐᖏᓐᓃᒻᒪᑕ. ᐃᓄᖕᒥᒡᓕ ᑭᓇᒥᒡᓘᓐᓃᑦ ᖃᐅᔨᒪᔪᖃᓐᖏᓚᖅ ᓇᒡᓕᖕᓂᕐᒥᒃ ᐆᒥᓱᖕᓂᕐᒥᒡᓘᓐᓃᑦ ᐱᓂᐊᕐᕕᐅᓂᐊᕐᒪᖔᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 42:5

ᒎᑎ ᐊᑕᓂᖅ ᐅᖃᕐᐳᖅ, ᐱᓐᖑᕐᑎᑦᓯᓯᒪᔪᖅ ᕿᓚᖕᒥᒃ ᐃᓯᕕᓪᓗᒋᓪᓗ, ᓯᐊᒻᒪᕐᑎᑦᓯᓚᐅᕐᑐᖅ ᓄᓇᕐᔪᐊᕐᒧᑦ ᑕᕝᕙᓐᖓᑦ ᐱᔪᓂᒃ, ᐃᓄᖕᓂᒃ ᐊᓂᕐᓂᖃᕐᑎᑦᓯᔪᖅ ᑕᕝᕙᓂ ᐃᓂᖃᕐᑐᓂᒃ, ᐊᓂᕐᓂᖃᕐᑎᑦᓯᓪᓗᓂᓗ ᐃᓅᔪᓂᒃ:

ᐂᓮᐊᓯᐅᑉ ᐊᒡᓚᖏᑦ 57:16

ᐸᓯᒃᓯᓂᐊᓐᖏᓚᖓ ᑕᐅᕗᖓᓕᒫᖅ, ᓂᓐᖓᐅᒤᓐᓇᕐᓂᐊᕐᓇᖓᓗ; ᐃᓅᑉ ᐊᓂᕐᓂᖓ ᓵᓐᓂ ᐊᔪᓕᖁᓇᒍ, ᑕᕐᓂᖏᓪᓗ ᓴᓇᓚᐅᕋᒃᑭᑦ.

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.

ᒨᓯᓯ ᓯᑕᒪᖏᑦ 16:22

ᑖᒃᑯᐊᒃ ᐹᒻᒪᒃᓗᑎᒃ ᓄᓇᒧᑦ ᑐᓪᓗᑎᒃ ᐅᖃᕐᐳᑦ, “ᒎᑎ, ᒎᑎᐅᔪᑎᑦ ᑎᒥᖃᕐᑐᑦ ᐊᓂᕐᓂᖏᓐᓄᑦ, ᐃᓄᒃ ᐊᑕᐅᓯᖅ ᐱᐅᖏᑦᑐᓕᒃᐸᑦ, ᐃᓄᒋᐊᒃᑐᕐᔪᐊᓕᒫᑦ ᓂᓐᖓᐅᑎᔭᕆᐊᖃᕐᐱᒌᑦ?”

ᔪᐊᓇᓯᐅᑉ ᐊᒡᓚᖏᑦ 3:6

ᑎᒥᒥᑦ ᐃᕐᓂᐊᖑᔪᖅ ᐃᓄᑐᐃᓐᓇᐅᕗᖅ ᑎᒥᖃᕐᓗᓂ, ᐊᓂᕐᓂᕐᒥᓪᓕ ᐃᕐᓂᐊᖑᔪᖅ ᐊᓂᕐᓂᒃᑯᑦ ᐃᓅᓕᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 17:25

ᐃᓄᐃᓪᓗ ᐊᒡᒐᖏᓐᓄᑦ ᐱᔨᑦᓯᕐᑕᐅᔭᕆᐊᖃᓐᖏᓚᖅ ᒪᑭᑕᑎᑕᐅᓇᓱᐊᕐᓗᓂ, ᓇᖕᒥᓂᖅ ᐃᓅᓯᖃᕐᑎᑦᓯᖕᒪᑦ ᐃᓄᖕᓂᒃ ᐊᓂᕐᓂᖃᕐᑎᑦᓯᓪᓗᓂᓗ, ᑭᓱᑐᐃᓐᓇᕐᓂᒃ ᐱᖃᕐᑎᑦᓯᓪᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 17:28

ᐅᖃᐅᓯᐅᓯᒪᖕᒪᑦ, ‘ᑖᑦᓱᒪᓂ ᐃᓅᕗᒍᑦ ᐊᐅᓚᓪᓗᑕᓗ ᑕᑯᒃᓴᐅᕗᒍ’; ᐅᖃᐅᓯᕐᓂᒃ ᐋᖅᑭᒃᓱᐃᔨᖁᑎᓯ ᐃᓕᑦᓯᓐᓃᑦᑐᑦ ᐅᖃᕐᓯᒪᔪᖃᕐᒪᑕ, ‘ᐅᕙᒍᑦᑕᐅᖅ ᑖᑦᓱᒪ ᕿᑐᕐᖓᕆᕚᑎᒍᑦ.’