13 ᐃᓱᒪᑖᑦᓯᐊᕈᕕᑦ ᐆᒻᒪᑎᒃᑯᑦ, ᒎᑎᒧᑦ ᐃᓴᒻᒥᓕᕐᓂᐊᕐᐳᑎᑦ.
ᐱᐅᖏᑦᑐᓕᓚᐅᕐᐳᕐᓗ, ᐊᑕᓂᐅᑉ ᐱᔪᒪᔭᖓᓂᒃ ᐆᒻᒪᑎᒥᒍᑦ ᕿᓂᓚᐅᖏᒻᒪᑦ.
ᑍᒤᒃᑲᓗᐊᕐᒪᑦ, ᐱᐅᔪᓂᒃ ᓇᓂᓯᕕᐅᕗᑎᑦ, ᕿᔪᐃᑦ ᐊᓯᕅᑦ ᒎᑎᓐᖑᐊᑦ ᐃᒋᓚᐅᕋᕕᒋᑦ ᓄᓇᒥᑦ, ᐆᒻᒪᑏᓪᓗ ᐋᖅᑭᒃᓯᒪᒐᕕᐅᒃ ᒎᑎᒥᒃ ᕿᓂᕈᒪᓪᓗᑎᑦ.”
ᓱᖕᒪᑦ ᐆᒻᒪᑎᒃᑯᑦ ᐃᓱᒪᒋᔭᕕᑦ ᐊᐅᓚᑐᐃᓐᓇᓕᕐᐹᑎᑦ, ᓱᖕᒪᓪᓗ ᓈᒻᒪᒃᓴᖏᓐᓂᕐᒧᑦ ᐃᔨᒃᑭᐅᒥᔭᒃᐱᑦ?
ᐊᔪᒐᖃᖏᑦᑐᒧᑦ ᐅᑎᕈᕕᑦ ᐃᒻᒥᓂᒡᓗ ᒥᑭᒡᓕᑎᕐᓗᑎᑦ, ᐱᐅᖏᑦᑐᓕᓃᓪᓗ ᐲᕈᕕᒋᑦ ᐊᖏᕐᕋᕐᓂᑦ,
ᑖᑦᓱᒧᖓᓗ ᑐᒃᓯᐊᓕᕈᕕᑦ, ᑖᑦᓱᒪ ᑐᓴᕐᓂᐊᕐᐹᑎᑦ; ᐊᖏᕈᑎᒋᓯᒪᔭᑎᓪᓗ ᑖᑦᓱᒧᖓ ᑲᔪᓯᑎᓪᓗᒋᑦ ᑐᓂᓗᒋᑦ.
ᑕᑯᒋᑦ, ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᒎᑎᐅᑉ ᐋᖅᑭᒋᐊᕐᑕᖓ; ᑍᒤᒻᒪᑦ ᓇᕐᕈᒋᓂᐊᕐᓇᒍ ᐊᔪᒐᖃᖏᑦᑐᒧᑦ ᓱᒋᐊᕐᑕᐅᒍᕕᑦ.
ᐅᕙᖓᓕ, ᒎᑎᒧᑦ ᓵᓕᕋᔭᕐᐳᖓ, ᐊᑐᕐᑕᒃᑲᓗ ᒎᑎᒧᑦ ᓴᖅᑭᑎᓐᓇᔭᕐᐸᒃᑲ;
ᐊᒡᒐᒃᑲ ᖁᒻᒧᑦ ᐃᓕᖕᓄᑦ ᐃᓴᒻᒥᕙᒃᑲ; ᑕᕐᓂᕐᒪ ᐃᒥᕈᒃᕕᒋᕚᑎᑦ ᓄᓇᑐᑦ ᐸᓂᕐᑐᑐᑦ. ᓰᓚ
ᐄᑦᔨᑉᑎᒥᐅᑦ ᑎᓕᔭᖏᑦ ᑎᑭᑦᓱᒫᕐᐳᑦ; ᐃᑎᐅᐱᐊᒥᐅᑦ ᒎᑎᒧᑦ ᐃᒻᒥᖕᓂᒃ ᑐᓂᔪᓐᓇᖁᓪᓗᒋᑦ.
ᐅᖁᒤᒃᓴᕐᓂᕐᒪ ᓇᓪᓕᐅᓐᓂᖓᓂ ᐊᑕᓂᖅ ᕿᓂᓚᐅᕐᐸᕋ; ᐊᒡᒐᒃᑲ ᐃᓵᖓᑎᓚᐅᕐᐸᒃᑲ ᐅᓐᓄᐊᒃᑯᑦ ᓄᖅᑲᓚᐅᕐᓇᖓ; ᑕᕐᓂᕋ ᓮᒻᒪᕐᓴᕐᑕᐅᔪᒪᓚᐅᓐᖏᓚᕐᓘᓐᓃᑦ.
ᓯᕗᓕᕐᒥᒃᑎᑐᓪᓗ ᑍᒤᖁᓇᒋᑦ, ᓯᑎᔫᓗᑎᒃ ᐊᑭᕋᕐᑐᕐᓗᑎᒡᓗ ᑭᖑᕚᕇᑦ ᐱᖁᓇᒋᑦ, ᑭᖑᕚᕇᑎᑐᑦ ᐆᒻᒪᑎᒥᖕᓂᒃ ᐃᓱᐊᕐᓯᑎᑦᓯᓚᐅᖏᑦᑐᑎᑐᑦ, ᐊᓂᕐᓂᖏᓪᓗ ᒎᑎᒧᑦ ᐊᑐᕆᐊᓕᖕᒥᖕᓂᒃ ᑲᔪᓯᑎᑦᓯᓚᐅᖏᑦᑐᑎᑐᑦ.
ᐃᔩᒃᑲᒃ ᑕᐅᑐᑦᓯᐊᕈᓐᓃᓕᕐᐴᒃ ᕿᒃᓵᖕᓂᕐᒧᑦ. ᐊᑕᓃᖅ, ᖃᐅᑕᒫᑦ ᓂᓪᓕᐊᕕᒋᕙᒋᑦ; ᐊᒡᒐᒃᑲ ᐃᓵᖓᕙᒃᑲ ᐃᓕᖕᓄᑦ.
ᒨᓯᓯᐅᑉ ᐅᖃᐅᑎᕚ, “ᑕᕝᕙᓐᖓᑦ ᐃᒡᓗᒐᓴᖕᓂᑦ ᕿᒪᕉᑎᑐᐊᕈᒪ ᑕᓕᕋ ᐃᓵᖕᓂᐊᕐᐸᕋ ᐊᑕᓂᕐᒧᑦ; ᑕᕝᕙ ᖃᐅᒻᒪᓪᓚᒃ ᓄᖅᑲᕐᓂᐊᕐᐳᖅ, ᓇᑕᖅᑯᕐᓇᕈᓐᓃᕐᓗᓂᓗ, ᖃᐅᔨᓕᖁᓪᓗᑎᑦ ᓄᓇ ᐊᑕᓂᐅᑉ ᐱᖁᑎᒋᖕᒪᒍ.
ᐆᒻᒪᑎᕗᑦ ᐅᒃᑯᐃᑦᓯᐊᕐᓗᒋᑦ ᒎᑎᒧᑦ ᐅᖃᕐᓗᑕᓗ,
“ᐱᔨ ᐊᖓᔪᖅᑳᒥ ᐱᖁᔭᖓᓂᒃ ᖃᐅᔨᒪᔪᖅ, ᐅᐸᓗᖕᒊᔭᕋᓂᓗ ᐱᓂᐊᓚᐅᖏᑦᑐᖅ ᐱᖁᔭᖓᓂᒃ, ᓱᒋᐊᕐᑕᐅᔪᒫᕐᐳᖅ ᓂᑲᒋᔭᐅᖏᓪᓗᓂ ᑏᒐᕐᑐᕐᑕᐅᔪᒫᕐᐳᖅ.
ᓴᒧᐃᓕᓕ ᐅᖃᕐᐳᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓄᑦ, “ᐊᑕᓂᕐᒧᑦ ᐅᑎᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ, ᑕᕝᕙ ᒎᑎᓐᖑᐊᑦ ᐱᒃᓴᔭᕆᓐᖏᑕᓯ ᐃᒋᑕᒃᓴᕆᕙᓯ ᒎᑎᓐᖑᐊᓪᓗ ᐊᕐᓇᐅᑉ ᐋᔅᑕᕉᑎᐅᑉ ᐊᑦᔨᓐᖑᐊᖏᑦ, ᐆᒻᒪᑎᑦᓯᒍᑦ ᑐᓂᒃᑲᓐᓂᓕᕆᑦᓯ ᐊᑕᖏᕐᑐᒧᑦ ᐊᑕᓂᖅ ᐱᔨᑦᓯᕐᑕᑐᐊᕆᓕᕐᓗᒍ, ᑕᕝᕙ ᐱᐅᓕᓂᐊᕐᐹᓯ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”
