1 “ᐃᓅᓯᕋ ᐃᕿᐊᓐᖑᕋᒃᑯ; ᓈᓚᓚᐅᓐᖓ ᓈᒻᒪᒃᓴᖏᓐᓂᕆᔭᓐᓂᒃ;
ᐃᓔᑦᔭ ᐃᓄᑑᓪᓗᓂ ᐱᓱᓚᐅᕐᐳᖅ ᐃᓄᖃᖏᑦᑐᒧᑦ ᐅᓪᓗᓕᒫᖅ ᐃᖏᕐᕋᓂᐅᓲᑎᑐᑦ, ᓄᖅᑲᕋᒥ ᐃᖏᑉᐳᖅ ᓇᐹᕐᑑᑉ ᐳᕉᒻᒥᒃ ᐊᑎᓕᐅᑉ ᑕᕐᕋᓕᓂᖓᓄᑦ; ᑕᕝᕙᓂᓗ ᑐᒃᓯᐊᕐᐳᖅ ᑐᖁᔪᒪᓪᓗᓂ, ᐅᖃᕐᓗᓂ, “ᒫᓐᓇ ᑕᒪᓐᓇ ᐊᖏᓗᐊᓕᕐᒪᑦ; ᐊᑕᓃᖅ, ᐃᓅᓯᕋ ᑎᒍᓕᕈᒃ; ᐱᐅᓂᕐᓴᐅᖏᓐᓇᒪ ᓯᕗᓕᕆᓚᐅᕐᑕᓐᓂᑦ.”
ᑕᕝᕙᑐᖅ ᐃᔨᕐᓯᒪᑎᓚᐅᓐᖓ ᑐᖁᖓᔪᑦ ᓄᓇᖓᓂ; ᑕᕝᕙᓂᓗ ᐃᔨᕐᓯᒪᑎᓪᓗᖓ ᓂᓐᖓᐅᒪᓃᑦ ᐊᓂᒍᓚᐅᖏᓐᓂᖓᓂ, ᐱᕕᒃᓴᒥᒡᓗ ᐋᖅᑭᒃᓯᓗᑎᑦ, ᐃᖅᑲᕐᑕᐅᔪᓐᓇᖁᓪᓗᖓ ᓈᒻᒪᒃᓯᒃᐸᑦ.
ᐊᒡᓛᑦ ᑕᒻᒪᕐᓯᒪᒐᓗᐊᕐᓂᕈᒪ, ᑕᒻᒪᕈᑎᒋᓯᒪᔭᒃᑲ ᐅᕙᓐᓄᑐᐊᖅ ᐃᓱᒫᓗᓇᕐᑐᑑᕗᑦ.
ᑳᖕᓇᕐᑐᖃᕐᐸᑦ ᑖᑦᓱᒪ ᑐᖁᒥᑦ ᓴᐳᑎᓂᐊᕐᐹᑎᑦ, ᐅᓇᑕᕐᓂᕐᒥᓗ ᓴᕕᒡᔪᐊᑉ ᐱᔪᓐᓇᕐᓂᖓᓂᑦ ᓴᐳᑎᓗᑎᑦ.
ᐅᖃᓪᓚᒐᓱᒋᕕᓯᓐᖔ ᑐᑭᖃᖏᑦᑐᓂᒃ ᐊᓄᕆᑎᑐᑦ ᑍᒤᑦᑐᓂᒃ; ᓱᖕᒪᓪᓕ ᐅᖃᐅᓯᒃᑲ ᑭᐅᖃᑦᑕᕐᐱᓯᐅᒃ ᓂᕆᐅᖕᓂᖃᖏᑦᓯᐊᕐᓗᓯ?
ᑍᒤᒻᒪᑦ, ᓂᐰᑦᑑᓂᐊᓐᖏᓚᖓ; ᐅᖃᓪᓚᖕᓂᐊᕐᐳᖓ ᓂᓐᖓᐅᒪᓪᓚᕆᒃᑲᒪ ᐊᓂᕐᓂᒃᑯᑦ; ᐊᑲᐅᒃᓴᓐᖏᓚᖓ ᐋᓐᓂᕐᓯᒪᓪᓚᕆᒃᑲᒪ ᑕᕐᓂᒃᑯᑦ.
ᐃᓅᓯᓐᓂᒃ ᓴᐱᓕᕐᐳᖓ; ᐃᓅᖏᓐᓇᕐᓂᐊᖏᓐᓇᒪ. ᑲᒪᒋᔪᓐᓁᓐᖓ, ᐃᓅᓯᕋ ᐊᓂᕐᓂᑐᐃᓐᓇᐅᖕᒪᑦ.
ᓵᑕᐅᑦᔪᑎᒃᓴᖃᓐᖏᓚᖓ; ᐅᕙᓐᓂᒡᓕ ᓱᓇᐅᒋᔪᓐᓃᕐᐳᖓ; ᐃᓅᓯᕋ ᐊᓐᓂᕆᔪᓐᓁᕋᒃᑯ.
ᖃᓄᖅ ᐅᖃᕈᓐᓇᕐᐳᖔ? ᐊᑕᓂᐅᑉ ᐅᖃᕐᕕᒋᖕᒪᖓ, ᑖᑦᓱᒪᓗ ᑕᒪᓐᓇ ᐱᓇᓱᐊᕐᓯᒪᖕᒪᒍ. ᓯᓂᒐ ᐅᕙᓐᓂᑦ ᕿᒫᓯᒪᖕᒪᑦ ᐆᒻᒪᑎᒃᑯᑦ ᐅᖁᒤᒃᓴᕐᓂᕋ ᐱᓪᓗᒍ.
ᐃᓛᒃ ᐱᕚᓪᓕᕈᓐᓇᖁᓪᓗᖓ ᓂᓐᖓᐅᒪᓂᕐᔪᐊᖃᓚᐅᕐᐳᖓ; ᓇᒡᓕᖕᓂᕐᓄᓪᓕ ᓴᐳᑎᓚᐅᕐᐸᕐᒪ ᐃᑎᕐᓴᒥᑦ ᐊᓯᕈᕐᑕᐅᕕᖕᒥᑦ.
ᒫᓐᓇᓕ ᐊᑕᓃᖅ, ᐃᓅᓯᕋ ᑎᒍᓕᕈᒃ, ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”
ᓯᕿᓂᐅᓪᓗ ᓄᐃᓂᖓᓂᑦ ᒎᑎᐅᑉ ᐊᑐᐃᓐᓇᕈᕐᐹ ᐊᓄᕆ ᐆᓇᕐᑐᖅ ᓯᕿᓂᐅᑉ ᓄᐃᕕᖓᑕ ᓇᓛᓂᑦ, ᓯᕿᓂᕐᓗ ᔫᓇᐅᑉ ᓂᐊᖁᐊᓄᑦ ᐊᑭᖕᒥᒃᐳᖅ, ᔫᓇᓗ ᓄᑭᖃᕈᓐᓁᑲᓴᓕᕐᐳᖅ ᑕᒪᑐᒧᖓ ᐊᑭᖕᒥᒃᑐᒧᑦ. ᕿᓚᓈᕐᐳᕐᓗ ᑐᖁᔪᒪᓪᓗᓂ, ᑐᒃᓯᐊᕐᐳᕐᓗ, ᐅᖃᕐᓗᓂ: “ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”
ᑍᒫᒃ ᐱᑎᓐᓂᐊᕈᕕᖓ, ᐊᑏ ᒫᓐᓇ ᐅᕙᓂ ᑐᖁᓕᓐᖓ, ᐃᓕᖕᓄᑦ ᖁᕕᐊᒋᔭᐅᒍᒪ, ᐊᔪᓕᓕᕐᓂᕐᒥᒃ ᑕᑯᑎᑦᑍᓕᓐᖓ!”
