ᔫᐱᐅᑉ ᐊᒡᓚᖏᑦ 1:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᔫᐱᓗ ᓂᑯᕕᓐᓇᒥ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᒧᑦ, ᓂᐊᖁᓂᓗ ᓄᔧᔭᕐᐹ, ᒪᓂᖅᑲᒧᓪᓗ ᐹᒻᒪᒃᓗᓂ ᑐᒃᓯᐊᕐᐳᖅ.

ᔫᐱᐅᑉ ᐊᒡᓚᖏᑦ 1:20 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 37:29

ᕉᐱᓂᓕ ᐅᑎᕋᒥ ᐃᑎᕐᓴᒧᓪᓗ ᑕᑯᒋᐊᕋᒥ ᔫᓯᐱ ᑕᑯᓐᖏᓛ, ᐊᓐᓄᕌᓂᓗ ᐊᓕᒃᐰᑦ.

ᒨᓯᓯ ᓯᕗᓪᓖᑦ 37:34

ᑕᕝᕙ ᔧᑰᑉ ᐊᓐᓄᕌᓂ ᐊᓕᒃᐰᑦ, ᖃᓪᓗᓈᕐᑕᒥᒡᓗ ᐳᑐᕐᓛᒥᒃ ᐊᑎᓯᓪᓗᓂ, ᐃᕐᓂᓂᓗ ᕿᒃᓵᒍᑎᒋᕚ ᐅᓪᓗᓂᒃ ᐅᓄᕐᑐᓂᒃ.

ᐊᑕᓃᑦ ᐂᑉᐸᖏᑦ 2:12

ᐃᓔᓴᐅᓪᓗ ᑕᑯᒐᒥᐅᒃ ᓂᐱᖅᑯᕐᑐᓪᓗᓂ ᕾᒐᓛᕐᐳᖅ, “ᐊᑖᑖᒃ! ᐊᑖᑖᒃ! ᐃᓴᕆᐊᓕᒥᐅᑦ ᕿᒧᒃᓯᐅᑎᖏᑦ ᕿᒻᒥᕐᔪᐊᒦᑦᑐᖁᑎᖓᓗ!” ᐃᓔᓴᐅᓪᓗ ᑕᑯᒃᑲᓐᓂᕈᓐᓃᕐᐹ, ᐊᓐᓄᕌᓂ ᓇᖕᒥᓂᖅ ᐊᑐᕐᑕᓂ ᐊᓕᒃᐹ ᒪᕐᕉᓕᓪᓗᒍ.

ᑯᕉᓂᑲ ᐂᑉᐸᖏᑦ 7:3

ᐃᓴᕆᐊᓕᐅᓪᓗ ᑭᖑᕚᓕᒫᖏᑦ ᑕᑯᒐᒥᒃ ᐃᑯᒪᒥᒃ ᐊᖅᑲᕐᑐᒥᒃ ᐊᑕᓂᐅᓪᓗ ᓂᕐᑐᕐᓇᕐᓂᖓᑕ ᑐᒃᓯᐊᕐᕕᒡᔪᐊᕐᒧᐊᕐᓂᖓᓂᒃ, ᐹᒻᒪᒃᐳᑦ ᑮᓇᑎᑦ ᓄᓇᒧᑦ ᕿᑯᕐᒧᑦ ᐊᒃᑐᕐᓗᒋᑦ, ᑐᒃᓯᐊᕐᐳᑦ ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ ᐊᑕᓂᕐᒥᒃ ᐅᖃᕐᓗᑎᒃ: “ᑖᓐᓇ ᐱᐅᔫᕗᖅ, ᓇᒡᓕᖕᓂᖓᓗ ᓱᖁᓯᔪᐃᑦᑐᖅ ᕿᓄᐃᑦᑑᕗᖅ ᐃᓱᖃᖏᑦᑐᒧᑦ.”

ᐄᓱᕋᐅᑉ ᐊᒡᓚᖏᑦ 9:3

ᑕᒪᑐᒥᖓ ᑐᓴᕋᒪ, ᕿᒃᓵᖕᓂᕐᒧᑦ ᐊᓐᓄᕌᒃᑲ ᐊᓕᓚᐅᕐᐸᒃᑲ, ᓄᔮᕐᑐᓚᐅᕐᐳᖓ ᐅᒥᒃᑲᓗ ᓄᓱᓚᐅᕐᐸᒃᑲ, ᐃᖏᓪᓗᖓᓗ ᓯᖁᒥᑦᓯᐊᓚᐅᕐᐳᖓ ᕿᒃᓵᖕᓂᕐᒧᑦ.

ᔫᐱᐅᑉ ᐊᒡᓚᖏᑦ 1:19

ᐊᓄᕆᕐᔪᐊᕐᒧᑦ ᑎᑭᑕᐅᑲᓪᓚᖅᑲᐅᕗᑦ ᓄᓇᖃᕐᕕᐅᕙᖏᑦᑐᒥᑦ ᐱᔪᒧᑦ. ᐃᒡᓗᖓᓗ ᓱᕋᒃᑕᐅᕗᖅ ᐊᓄᕆᒧᑦ ᑕᒪᕐᒥᒡᓗ ᑐᖁᑕᐅᓪᓗᑎᒃ ᐅᕙᖓᓕ ᐊᒥᐊᒃᑯᑑᕗᖓ ᕿᒫᖅᑲᐅᒐᒪ ᐅᖃᐅᑎᔪᒪᓪᓗᑎᑦ.”

ᔫᐱᐅᑉ ᐊᒡᓚᖏᑦ 2:12

ᓱᓕᓕ ᐅᖓᓯᒃᑐᒦᓪᓗᑎᒃ ᔫᐱᒥᒃ ᑕᑯᒐᒥᒃ, ᐃᓕᑕᕆᓐᖏᓛᑦ; ᐃᓕᑕᕆᓕᕋᒥᑦᔪᒡᓗ ᕿᐊᓕᕐᐳᑦ; ᐊᓐᓄᕌᑎᒡᓗ ᐊᓕᒃᑐᕐᐰᑦ ᐳᔪᕋᕐᒥᒡᓗ ᖁᒻᒧᐊᒃᑎᑦᓯᓪᓗᑎᒃ ᓂᐊᖁᒥᖕᓂᒃ ᑕᒪᑐᒧᖓ ᑲᑕᒑᕕᐅᑎᑉᐳᑦ.

ᒨᓯᓯ ᐂᑉᐸᖏᑦ 4:31

ᐃᓄᐃᓪᓗ ᐅᒃᐱᕈᓱᓕᕐᐳᑦ; ᑐᓴᕋᒥᒡᓗ ᐊᑕᓂᐅᑉ ᐅᐸᒍᑎᓂᕕᓂᖓᓂᒃ ᐃᓴᕆᐊᓕᒥᐅᓄᑦ ᐅᖁᒤᒃᓴᕐᑎᑕᐅᓂᖏᓐᓂᒡᓗ ᑕᑯᓯᒪᓂᖓᓂᒃ ᖃᐅᔨᒐᒥᒃ, ᐅᑯᓪᓗᑎᒃ ᑐᒃᓯᐊᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 7:29

“ᓄᔧᔭᕐᓗᓯ ᓄᔧᔭᕐᓂᑯᓯ ᐃᒋᓪᓗᒋᑦ, ᕿᒃᓵᖕᓂᑦᓯᓐᓂᒃ ᓴᖅᑭᑎᑦᓯᓕᕆᑦᓯ ᐱᖑᐃᑦ ᖄᖏᓐᓂ, ᐊᑕᓂᐅᑉ ᑭᖑᕚᖑᖃᑎᒌᖑᔪᓯ ᖁᔭᓈᕐᒪᓯ ᓂᓐᖓᐅᒪᕕᒋᓕᕐᐹᓯ.

ᔪᐃᓕᐅᑉ ᐊᒡᓚᖏᑦ 2:13

ᐆᒻᒪᑎᓯ ᐊᓕᒃᓯᒋᑦ, ᐊᓐᓄᕌᓯ ᐱᓇᒋᑦ; ᐊᑕᓂᕐᒧᑦ ᒎᑎᑦᓯᓐᓄᑦ ᐅᑎᓕᕆᑦᓯ, ᑖᓐᓇ ᐱᑦᓯᐊᕐᓂᖃᕐᒪᑦ ᓂᑲᒍᓱᒡᓗᓂᓗ, ᓂᓐᖓᒃᓴᕅᖏᑦᑐᖅ ᓇᓪᓕᒍᓱᒃᑐᕐᔪᐊᖑᓂᕐᒥᓄᓪᓗ ᓱᒋᐊᕐᓯᔪᒪᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 26:39

ᑕᐅᕗᓐᖓᒃᑲᓐᓂᑐᐃᓐᓇᕐᖢᓂ ᒪᓂᖅᑲᒧᑦ ᐹᒻᒪᒃᓗᓂ ᑐᒃᓯᐊᕐᐳᖅ, “ᐊᑖᑖᒃ, ᐊᔪᕐᓇᖏᑉᐸᑦ, ᐅᓇ ᐃᒥᐅᑦ ᐅᕙᓐᓂᑦ ᐲᓚᐅᕈᒃ! ᐱᔪᒪᔭᕋᐅᖏᑦᑐᕐᓕ, ᐱᔪᒪᔧᓪᓕ ᐊᑐᕐᓕ.”

ᒨᓯᓯ ᑕᓪᓕᒪᖏᑦ 9:18

ᑕᒪᑐᒪ ᑭᖑᓂᖓᒍᑦ ᐊᑕᓂᐅᑉ ᓵᖓᓂ ᐹᒻᒪᖓᓕᓚᐅᕆᕗᖓ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ ᓱᓇᒥᒡᓘᓐᓃᑦ ᓂᕆᓚᐅᕐᓇᖓ ᐃᒥᓚᐅᕐᓇᖓᓗ. ᑍᒤᓕᐅᓚᐅᕐᐳᖓᓕ ᐊᑕᓂᕐᒧᑦ ᐊᔪᕐᑐᓕᓚᐅᕐᓂᑦᓯᓐᓄᑦ ᐊᖏᔪᒥᒃ ᓂᓐᖓᒃᑎᓚᐅᕋᑦᓯᐅᒃ.

ᔮᓱᐊᑉ ᐊᒡᓚᖏᑦ 7:6

ᑕᕝᕙ ᔮᓱᐊ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐊᓐᓄᕌᑎᒃ ᐊᓕᒃᐰᑦ ᕿᒃᓵᖕᓂᕐᒧᑦ, ᐹᒻᒪᒃᐳᓪᓗ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᑕ ᓵᖓᓄᑦ, ᑕᕝᕙᓃᓚᐅᕐᐳᓪᓗ ᐅᓐᓄᒃ ᑎᑭᓪᓗᒍ; ᐊᕐᔭᓕᓂᕐᓂᒡᓗ ᓂᐊᖁᕐᒥᓅᕆᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᕕᒡᔪᐊᕐᓂᕐᒥᖕᓂᒃ.

ᐲᑦᑐᕉᓯ ᓯᕗᓪᓖᑦ 5:6

ᑍᒤᒻᒪᑦ, ᐃᓕᑦᓯᓐᓂᒃ ᒥᑭᒡᓕᑎᕆᑦᓯ ᒎᑎᐅᑉ ᐱᔪᓐᓇᕐᑐᕐᔪᐊᑉ ᐊᒡᒐᖏᓐᓄᑦ, ᑖᑦᓱᒪ ᑕᕝᕙ ᐊᖏᔪᕈᕐᑎᑦᓱᒫᕐᐹᓯ ᐱᕕᒃᓴᕆᔪᒪᔭᒥᒍᑦ.