ᔪᐊᓇᓯᐅᑉ ᐊᒡᓚᖏᑦ 9:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᖃᐅᔨᒪᕗᒍᑦ ᒎᑎᐅᑉ ᒨᓯᓯ ᐅᖃᖃᑎᒋᖃᑦᑕᓚᐅᕐᒪᒍ, ᑍᓐᓇᓕ ᐊᖑᑦ, ᖃᐅᔨᒪᓐᖏᓚᕗᑦ ᓇᑭᑦ ᐱᓯᒪᖕᒪᖔᑦ.”

Aglait Ijjurnaittut

²⁹ Qaujimavugut Guutiup Muusisi uqaqatigiqattalaurmagu, tainnali angut, qaujimanngilavut nakit pisimangmangaat.”

ᔪᐊᓇᓯᐅᑉ ᐊᒡᓚᖏᑦ 9:29 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 22:27

ᐅᖃᐅᑎᓗᒍᓗ, ‘ᐊᖓᔪᖅᑳᕐᔪᐊᖅ ᐃᒫᒃ ᐅᖃᕐᐳᖅ: “ᐅᓇ ᐊᖑᑦ ᑎᒍᔭᐅᒪᕕᖕᒧᐊᕐᑕᐅᓕ, ᓂᕆᔪᒪᑎᖃᑦᑕᕐᓗᒍᓗ ᓁᒪᓗᓂ ᓂᐊᖂᔭᒥᒃ ᐃᒥᕐᒥᒡᓗ, ᐅᑎᓚᐅᖅᑳᕐᑎᓐᓇᖓ, ᖃᓄᐃᖏᑦᓯᐊᕐᓗᖓ.”’”

ᐊᑕᓃᑦ ᐂᑉᐸᖏᑦ 9:11

ᔨᕼᐆ ᐊᖓᔪᖅᑳᖑᖃᑎᒥᓄᑦ ᐅᑎᕐᒪᑦ ᐃᓚᖓᑦᑕ ᐊᐱᕆᕚ, “ᖃᓄᐃᑦᑐᖃᖏᒃᑲᓗᐊᕐᐹ ᓱᖕᒪᓂᓐᓇ ᑐᑮᕈᓯᒪᔪᕐᔫᔮᕐᑐᖅ ᐃᓕᖕᓂᒃ ᑕᑯᔭᕐᑐᐃᕚ?” ᔨᕼᐆᓪᓕ ᑭᐅᕚ, “ᐊᖑ ᑍᓐᓇ ᖃᐅᔨᒪᕙᓯ ᖃᓄᐃᑦᑐᓂᒡᓗ ᐅᖃᐅᓯᖃᓲᖑᖕᒪᖔᑦ ᖃᐅᔨᒪᒋᕙᓯ.”

ᐃᓐᖏᕈᑎᑦ 103:7

ᑖᑦᓱᒪ ᐱᓇᓱᐊᕈᒪᔭᒥᓂᒃ ᒨᓯᓯ ᖃᐅᔨᑎᓚᐅᕐᐹ, ᐱᓂᐊᕐᓂᕐᒥᓂᒡᓗ ᐃᓴᕆᐊᓕᒥᐅᑦ ᖃᐅᔨᑎᓚᐅᕐᐰᑦ.

ᐃᓐᖏᕈᑎᑦ 105:26

ᑖᑦᓱᒪ ᐱᔨᓂ ᒨᓯᓯ ᑎᓕᓚᐅᕐᐹ, ᐂᕉᓂᓗ ᓂᕈᐊᕐᓯᒪᔭᓂ.

ᐃᓐᖏᕈᑎᑦ 106:16

ᒨᓯᓯᒥᒃ ᓯᒡᒐᑦᔨᓚᐅᕐᐳᑦ ᐃᓄᖃᖏᑦᑐᒥ ᑕᖕᒫᕐᓯᒪᓪᓗᑎᒃ, ᐂᕉᓂᒥᒡᓗ ᐊᑕᓂᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐃᓐᖏᕈᑎᑦ 22:6

ᐅᕙᖓᓕ ᖁᐱᕐᕉᕗᖓ, ᐃᓅᓇᖓᓗ; ᐃᓄᖕᓄᑦ ᓇᕐᕈᓇᕐᐳᖓ, ᐃᓄᒋᐊᒃᑐᓂᑦ ᐃᓚᒋᔭᐅᔪᒪᓐᖏᓚᖓ.

ᒪᓚᑬᑉ ᐊᒡᓚᖏᑦ 4:4

“ᐃᖅᑲᐅᒪᒋᑦᓯ ᒨᓯᓯᐅᑉ ᐱᔨᒪ ᐱᖁᔭᖏᓐᓂᒃ, ᐊᑐᕐᑕᐅᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ ᑐᓂᓯᕕᒋᓚᐅᕋᒃᑯ ᕼᐆᕆᑉᒥ ᐃᓴᕆᐊᓕᒥᐅᓕᒫᓄᑦ ᐱᐅᓯᐅᖁᔭᓐᓂᒃ.

ᒨᓯᓯ ᓯᑕᒪᖏᑦ 16:28

ᒨᓯᓯᓗ ᐅᖃᕐᐳᖅ, “ᒫᓐᓇ ᖃᐅᔨᑦᔪᑎᒋᓂᐊᕋᑦᓯᐅᒃ ᐊᑕᓂᐅᑉ ᑎᓕᓚᐅᕐᒪᖓ ᑕᒪᒃᑯᓂᖓ ᐱᓇᓱᐊᖁᓪᓗᖓ, ᓇᖕᒥᓂᖅ ᐃᓱᒪᒋᔭᓐᓂᒃ ᑍᒤᓕᐅᓚᐅᖏᓐᓇᒪ.

ᒫᑎᐅᓯᐅᑉ ᐊᒡᓚᖏᑦ 12:24

ᐹᕆᓯᑦ ᑕᒪᑐᒥᖓ ᑐᓴᕋᒥᒃ, ᐅᖃᕐᐳᑦ, “ᐅᓇ ᔩᓱᓯ ᐊᓂᕐᓂᕐᓗᖕᓂᒃ ᐃᓄᖕᒥᑦ ᐊᓂᑎᑦᓯᖃᑦᑕᕐᑐᖅ ᐊᓂᕐᓂᕐᓗᐃᑦ ᐊᖓᔪᖅᑳᖓᓐᓄᑦ ᐱᐅᓪᓯᐹᐱᒧᑦ ᐱᔪᓐᓇᕐᓂᖃᕐᑎᑕᐅᓪᓗᓂ ᑍᒤᓕᐅᖃᑦᑕᕐᑐᖅ.”

ᒫᑎᐅᓯᐅᑉ ᐊᒡᓚᖏᑦ 26:61

ᐅᖃᕐᓗᑎᒃ, “ᐅᓇ ᐊᖑᑦ ᐅᖃᓚᐅᕐᑐᖅ, ‘ᒎᑎᐅᑉ ᑐᒃᓯᐊᕐᕕᒃᔪᐊᖁᑎᖓ ᓯᖁᒥᑦᓱᓐᓇᕐᐸᕋ, ᐅᓪᓗᐃᓪᓕ ᐱᖓᔪᐊᓐᓂ ᐅᑎᕐᑎᓪᓗᒍ ᓇᑉᐸᕐᑎᑦᓱᓐᓇᕆᕙᕋ.’”

ᓘᑲᓯᐅᑉ ᐊᒡᓚᖏᑦ 23:2

ᔩᓱᓯᒥᒃ ᐃᖅᑲᕐᑐᒐᒃᓴᖑᕐᑎᑎᓯᒪᔪᑦ ᐅᖃᕐᐳᑦ, “ᐅᓇ ᖃᐅᔨᓚᐅᕐᐸᕗᑦ ᐃᓅᖃᑎᑦᑎᓐᓂᒃ ᑕᒻᒪᕐᓮᔪᖅ, ᐃᓂᕐᑎᓚᐅᕐᐹᑎᒍᑦ ᓰᓴᕆᒧᑦ ᑖᒃᓰᔭᖃᑦᑕᖁᓇᑕ, ᐃᒻᒥᓂᒃ ᒥᓮᐊᓯᐅᓂᕋᕐᓗᓂ ᐊᖓᔪᖅᑳᕐᔪᐊᖑᓂᕋᓗᓂᓗ.”

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᔪᐊᓇᓯᐅᑉ ᐊᒡᓚᖏᑦ 7:27

᙭ᔅᑑᓯᓕ ᑎᑭᑉᐸᑦ, ᖃᐅᔨᒪᔪᖃᕐᓂᐊᓐᖏᓚᖅ ᓇᑭᑦ ᐱᓯᒪᖕᒪᖔᑦ; ᐅᓇᓕ ᑕᒪᑦᑕ ᖃᐅᔨᒪᔭᕗᑦ ᓇᑭᑦ ᐱᓯᒪᖕᒪᖔᑦ.”

ᔪᐊᓇᓯᐅᑉ ᐊᒡᓚᖏᑦ 7:28

ᔩᓱᓯ ᑐᒃᓯᐊᕐᕕᒡᔪᐊᕐᒥ ᐊᔪᕆᕐᑐᐃᓪᓗᓂ, ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᖃᐅᔨᒪᓪᓚᕆᒃᐱᓯᓐᖔ? ᖃᐅᔨᒪᓪᓚᕆᒃᑲᓗᐊᕐᐱᓯ ᓇᑭᑦ ᐱᓯᒪᖕᒪᖔᕐᒪ? ᐅᕙᓐᓂᒃ ᑎᑭᑎᓯᒪᖏᓐᓇᒪ; ᐅᕙᓐᓂᒃ ᑎᓕᓯᔪᖅ ᓱᓕᑦᓯᐊᕐᑑᕗᖅ, ᑖᓐᓇ ᖃᐅᔨᒪᓐᖏᑕᓯ.

ᔪᐊᓇᓯᐅᑉ ᐊᒡᓚᖏᑦ 8:14

ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓇᓗᓁᕋᓗᐊᕈᒪ, ᓇᓗᓁᔭᕐᓂᕋ ᓱᓕᕗᖅ, ᖃᐅᔨᒪᒐᒪ ᓇᑭᑦ ᐱᓯᒪᖕᒪᖔᕐᒪ ᓇᒧᓪᓗ ᐂᓂᐊᕐᒪᖔᕐᒪ, ᐃᓕᑦᓯᓕ ᖃᐅᔨᒪᓐᖏᓚᓯ ᓇᑭᑦ ᐱᖕᒪᖔᕐᒪ ᓇᒧᓪᓗ ᐂᓂᐊᕐᒪᖔᕐᒪ.

ᔪᐊᓇᓯᐅᑉ ᐊᒡᓚᖏᑦ 9:16

ᑕᕝᕙ ᐹᕆᓯᑦ ᐃᓚᖏᑦ ᐅᖃᓕᕐᐳᑦ, “ᑖᓐᓇ ᐊᖑᑦ ᑍᒤᓕᐅᕐᑐᖅ ᒎᑎᒥᑦ ᐱᓐᖏᓚᖅ, ᓴᐸᑎᒥ ᐱᖁᔧᑦ ᒪᓕᖏᒻᒪᒋᑦ.” ᐃᓚᖏᓪᓕ ᐅᖃᕐᐳᑦ, “ᖃᓄᕐᓕ ᐃᓄᒃ ᐊᔪᕐᑐᓕᔪᖅ ᑍᒫᒃ ᓇᓗᓁᒃᑯᑕᕐᒥᒃ ᓴᖅᑭᑎᑦᓯᔪᓐᓇᕐᐹ?” ᑕᕝᕙᓃᑦᑐᓪᓗ ᐃᓱᒪᖃᑎᒌᒍᓐᓃᕐᐳᖅ ᐊᕕᒃᓯᒪᓕᕐᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 9:24

ᑕᕝᕙ ᑭᖑᓪᓕᕐᒥ ᑕᐅᑐᓚᐅᖏᑦᑐᖅ ᕾᖁᓕᕆᕚᑦ, ᐅᖃᐅᑎᓪᓗᒍᓗ, “ᒎᑎ ᓂᕐᑐᓚᐅᕈᒃ; ᖃᐅᔨᒪᕗᒍᑦ ᐊᖑᑦ ᑖᓐᓇ ᐊᔪᕐᑐᓕᔫᖕᒪᑦ.”

ᔪᐊᓇᓯᐅᑉ ᐊᒡᓚᖏᑦ 9:30

ᑖᑦᓱᒪ ᑭᐅᕔᑦ, “ᑕᒪᓐᓇ ᑲᒪᓂᐊᕐᓇᑦᓯᐊᕐᐳᖅ! ᖃᐅᔨᒪᖏᓐᓇᑦᓯ ᑖᓐᓇ ᓇᑭᑦ ᐱᓯᒪᖕᒪᖔᑦ, ᑖᑦᓱᒪᓗ ᑕᐅᑐᓕᕐᑎᓚᐅᕐᐹᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 22:22

ᐃᓄᐃᑦ ᐸᐅᓗᓯᒥᒃ ᓈᓚᑦᓯᐊᕐᐳᑦ; ᐅᖃᐅᓯᕆᔭᖏᑦ ᑭᖑᓪᓕᕐᐹᑦ ᑎᑭᓪᓗᒋᑦ, ᓂᐱᖁᕐᑐᓪᓗᑎᒃ ᓂᓪᓕᐊᓚᐅᕐᐳᑦ, “ᑖᓐᓇ ᑐᖁᑕᐅᓕ, ᑍᒤᑦᑐᖅ ᐃᓅᔪᒃᓴᐅᖏᒻᒪᕆᒃᐳᖅ ᓄᓇᒥ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:22

ᒎᑎᐅᓪᓕ ᐃᑲᔪᐃᓐᓇᕐᐹᖓ ᐅᓪᓗᒥᒧᑦ ᑎᑭᓪᓗᒍ, ᒫᓐᓇᓗ ᓇᖏᕐᐳᖓ ᓇᓗᓁᕐᓯᔪᓐᓇᕐᓗᖓ ᐊᑦᔨᒌᒃᑐᒥᒃ ᐃᓄᖕᓄᑦ ᐊᑦᔨᒌᖏᑦᑐᓄᑦ, ᐅᖃᐅᓯᖃᕐᐳᖓ ᓇᓚᐅᑦᑍᔪᑦ ᒨᓯᓯᐅᓪᓗ ᓇᓪᓕᐅᑎᓂᐊᕐᓂᕋᕐᓯᒪᔭᖏᑕ ᐊᓯᐊᒎᖏᑦᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:35

“ᒨᓯᓯ ᐃᓴᕆᐊᓕᒥᐅᓂᑦ ᓇᕐᕈᒋᔭᐅᓚᐅᕐᑐᖅ ᐅᖃᐅᑦᔭᐅᓪᓗᓂ ‘ᑭᐊ ᐊᐅᓚᑦᓯᔨᓐᖑᕐᑎᒻᒪᑏᑦ ᐃᖅᑲᕐᑐᐃᔨᓐᖑᕐᑎᓪᓗᑎᓪᓗ ᐅᕙᑦᑎᓐᓅᑦ?’ ᑖᓐᓇ ᑎᓕᔭᐅᓚᐅᕐᐳᖅ ᒎᑎᒧᑦ, ᐊᐅᓚᑦᓯᔨᐅᖁᓪᓗᒍ ᓴᐳᑦᔨᔨᐅᖁᓪᓗᒍᓗ, ᐂᖏᓕᒥᒃ ᐊᖅᑯᑎᖃᕐᓗᓂ ᐅᕐᐱᒐᕐᓂ ᐃᑯᐊᓚᔪᒥ ᑕᑯᓚᐅᕐᑕᖓᓂᒃ.

ᒨᓯᓯ ᑕᓪᓕᒪᖏᑦ 34:10

ᐃᓴᕆᐊᓕᒥᐅᓂᓕ ᑍᒪᓐᖓᓂᑦ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᑕᖃᓚᐅᕐᓯᒪᓐᖏᓚᖅ ᒨᓯᓯᑐᑦ ᑍᒤᑦᑐᒥᒃ; ᐊᑕᓂᐅᑉ ᑮᓇᕐᒥᑦ ᑮᓇᕐᒧᑦ ᐅᖃᖃᑎᒋᖃᑦᑕᓚᐅᕐᒪᒍ.

ᐄᑉᕈᐃᓄᑦ 1:1

ᑍᑦᓱᒪᓂ ᒎᑎᐅᑉ ᓯᕗᓕᕆᓚᐅᕐᑕᕗᑦ ᐅᓄᕐᑐᐃᕐᓱᕐᓗᓂ ᐅᖃᕐᕕᒋᖃᑦᑕᓚᐅᕐᒪᒋᑦ ᓇᓚᐅᑦᑍᔪᑎᒍᑦ ᐊᑦᔨᒌᖏᑦᑐᑎᒍᑦ ᐱᓇᓱᐊᕐᓗᓂ;

ᐄᑉᕈᐃᓄᑦ 1:2

ᐅᓪᓗᓂᓕ ᑭᖑᓪᓕᕐᓂ ᐅᖃᓪᓚᒡᕕᒋᓚᐅᕐᐹᑎᒍᑦ ᐃᕐᓂᕐᒥᒍᑦ, ᑖᓐᓇ ᓱᓇᓕᒫᑦᓯᐊᕐᓂᒃ ᑭᖑᕐᖑᑦᔨᔪᒃᓴᐅᖁᓪᓗᒍ ᓂᕈᐊᕐᓯᒪᕚ, ᑖᑦᓱᒨᓇᓗ ᓯᓚᕐᔪᐊᖅ ᐱᓐᖑᕐᑎᓚᐅᕐᐹ.