ᔪᐊᓇᓯᐅᑉ ᐊᒡᓚᖏᑦ 8:54 - ᐊᒡᓔᑦ ᐃᑦᔪᕐᖕᓁᑦᑐᑦ

⁵⁴ ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓂᕐᑑᑎᒍᒪ, ᓂᕐᑑᑎᓂᕋ ᐊᑐᕋᔭᓐᖏᓚᖅ; ᐊᑖᑕᒐᓕ ᑖᓐᓇᐅᕗᖅ ᐅᕙᓐᓂᒃ ᓂᕐᑐᕐᓇᕐᑎᑦᓯᔪᖅ, ᑖᓐᓇ ᒎᑎᒋᓂᕋᕐᑕᓯ.

Aglait Ijjurnaittut

⁵⁴ Jiisusiup kiuvait, “Uvannik niqtuutiguma, niqtuutinira aturajanngilaq; Ataatagali taannauvuq uvannik niqturnaqtitsijuq, taanna Guutiginiraqtasi.

ᔪᐊᓇᓯᐅᑉ ᐊᒡᓚᖏᑦ 8:54 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:27

ᐱᐅᓐᖏᓚᖅ ᐊᖏᓗᐊᕐᑐᒥᒃ ᕼᐊᓂᒥᒃ ᓂᕆᒋᐊᖅ, ᑍᒤᒃᑭᕗᖅ ᓇᖕᒥᓂᖅ ᓂᕐᑐᕐᑕᐅᒍᑎᒃᓴᒥᒃ ᕿᓂᕆᐊᖅ ᓂᕐᑐᕐᑕᐅᓂᒻᒪᕆᐅᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 66:5

“ᐊᑕᓂᐅᑉ ᐅᖃᐅᓯᖓ ᑐᓴᓕᕐᓯᐅᒃ, ᐃᓕᑦᓯ ᐅᖃᐅᓯᖓᓄᑦ ᓴᔪᒃᑐᓯ; ᖃᑕᓐᖑᑎᓯ ᐃᓕᑦᓯᓐᓂᒃ ᐆᒥᓱᖕᒪᑕ, ᐃᓕᑦᓯᓐᓂᒃ ᓇᕐᕈᓕᕐᓯᒪᔪᑦ ᐊᑎᕋ ᐱᓪᓗᒍ ᐅᖃᕐᒪᑕ, ‘ᐊᑕᓂᖅ ᓂᕐᑐᕐᑕᐅᓕ, ᑕᑯᓂᐊᕋᑦᑕ ᖁᕕᐊᓱᒃᑎᓪᓗᓯ’; ᑭᓯᐊᓂᓕ ᑖᒃᑯᐊ ᑲᓐᖑᓱᒃᑎᑕᐅᔪᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 1:9

ᐊᑕᓂᕐᓗ ᐅᖃᕐᐳᖅ ᕼᐆᓯᐊᒧᑦ, “ᐊᑦᓯᕈᒃ ‘ᓘ-ᐋᒥᒥᒃ,’ ᐃᓴᕆᐊᓕᒥᐅᑦ ᐃᓄᖁᑎᒋᖏᓐᓇᒃᑭᑦ ᑖᒃᑯᓄᖓᓗ ᒎᑎᒋᔭᐅᓇᖓ.”

ᔪᐊᓇᓯᐅᑉ ᐊᒡᓚᖏᑦ 17:1

ᔩᓱᓯ ᑕᒪᒃᑯᓂᖓ ᐅᖃᕇᕋᒥ, ᕿᓚᖕᒧᑦ ᑕᑯᓴᕐᓗᓂ ᐅᖃᕐᐳᖅ, “ᐊᑖᑖᒃ, ᐃᑲᕐᕋᖅ ᓇᓪᓕᐅᑎᕗᖅ; ᐃᕐᓃᑦ ᓂᕐᑐᕐᓇᕐᓯᑎᓕᕈᒃ, ᓂᕐᑐᕐᓇᕐᑎᑕᐅᖁᓪᓗᑎᑦᑕᐅᖅ ᐃᕐᓂᕐᓄᑦ.

ᔪᐊᓇᓯᐅᑉ ᐊᒡᓚᖏᑦ 17:5

ᒫᓐᓇ, ᐊᑖᑖᒃ ᓂᕐᑐᕐᓇᕐᑎᓚᐅᓐᖓ ᓇᖕᒥᓂᖅ ᓇᔫᑎᓂᕐᓄᑦ ᐱᒋᓚᐅᕐᑕᓐᓄᑦ ᐃᓕᖕᓂ ᓇᔫᑎᑎᓪᓗᖓ ᓯᓚᕐᔪᐊᖅ ᓴᓇᔭᐅᓚᐅᖄᕐᑎᓐᓇᒍ.

ᔪᐊᓇᓯᐅᑉ ᐊᒡᓚᖏᑦ 2:11

ᑕᒪᑦᔭ ᔩᓱᓯᐅᑉ ᓇᓗᓁᒃᑯᑕᖏᑕ ᓯᕗᓪᓕᕐᐹᖓᑦ, ᐱᓂᐊᕐᓂᕆᓚᐅᕐᑕᖓ ᑬᓇᒥ ᒐᓕᓕᐊᒦᑦᑐᒥ, ᑕᕝᕙᓂ ᓂᕐᑐᕐᓇᕐᓂᕐᔪᐊᓂ ᓴᖅᑭᑎᓚᐅᕐᐹ; ᐃᓕᓐᓂᐊᕐᑎᖏᑕᓗ ᐅᒃᐱᕆᕚᑦ.

ᔪᐊᓇᓯᐅᑉ ᐊᒡᓚᖏᑦ 5:41

“ᐃᓄᖕᓄᑦ ᓂᕐᑐᕐᑕᐅᓇᓱᐊᓐᖏᓚᖓ.

ᔪᐊᓇᓯᐅᑉ ᐊᒡᓚᖏᑦ 7:18

ᓇᓪᓕᐊᑦ ᐱᔪᓐᓇᕐᓂᑐᐃᓐᓇᕐᒥᒍᑦ ᐅᖃᓪᓚᒃᑐᖅ ᐃᒻᒥᓂᒃ ᓂᕐᑐᕐᑕᐅᑦᔪᑎᒃᓴᒥᓂᒃ ᐱᓇᓱᐊᕐᐳᖅ; ᓇᓪᓕᐊᓪᓕ ᑎᓕᔨᒥᓂᒃ ᓂᕐᑐᕐᑕᐅᑎᑦᓯᓇᓱᐊᕐᑐᖅ ᓱᓕᑦᓯᐊᕐᐳᖅ, ᑖᑦᓱᒪᓂᓗ ᓴᒡᓗᓂᕐᑕᖃᕋᓂ.

ᔪᐊᓇᓯᐅᑉ ᐊᒡᓚᖏᑦ 7:39

ᔩᓱᓯᓕ ᑕᒪᑐᒥᖓ ᐅᖃᕐᐳᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐅᖃᐅᓯᖃᕐᓗᓂ, ᑖᑦᓱᒧᖓ ᐅᒃᐱᕐᑐᓄᑦ ᑐᓂᔭᐅᔪᒫᕐᑐᒥᒃ; ᑍᑦᓱᒪᓂ ᓱᓕ ᒎᑎᐅᑉ ᐊᓂᕐᓂᖓ ᑐᓂᔭᐅᓚᐅᖏᒻᒪᑦ, ᔩᓱᓯ ᓱᓕ ᓂᕐᑐᕐᓇᕐᓯᑎᑕᐅᕕᒃᓴᒥᓄᑦ ᑎᑭᐅᑎᓯᒪᓚᐅᖏᒻᒪᑦ.

ᔪᐊᓇᓯᐅᑉ ᐊᒡᓚᖏᑦ 8:41

ᐊᑖᑕᑦᓯ ᐱᓂᐊᓚᐅᕐᑕᖏᓐᓂᒃ ᐱᓇᓱᐊᕐᐳᓯ.” ᑖᒃᑯᐊ ᐅᖃᐅᑎᕚᑦ, “ᐊᓯᓐᓂᐊᕐᓂᕐᒧᑦ ᕿᑐᕐᖓᕐᑖᖑᓯᒪᓐᖏᓚᒍᑦ; ᐊᑕᐅᓯᕐᒥᒃ ᐊᑖᑕᖃᕐᐳᒍᑦ ᒎᑎᒥᒃ.”

ᔪᐊᓇᓯᐅᑉ ᐊᒡᓚᖏᑦ 8:50

ᓂᕐᑐᕐᑕᐅᓂᒃᓴᕋ ᕿᓂᓐᖏᓚᕋ; ᑕᒪᑐᒥᖓᓕ ᕿᓂᕐᑐᖃᕇᕐᐳᖅ ᑖᓐᓇᓗ ᐃᖅᑲᕐᑐᐃᔪᒫᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 3:13

ᐂᑉᕋᕼᐋᒻ ᒎᑎᖓ ᐂᓴᑭᐅᓪᓗ ᒎᑎᖓ ᔧᑰᓪᓗ ᒎᑎᖓᑕ, ᓯᕗᓕᕕᓂᑦᑕᓗ ᒎᑎᖓᑕ, ᐱᔨᓂ ᔩᓱᓯ ᓂᕐᑐᕐᓇᕐᓯᑎᓚᐅᕐᐹ, ᑖᓐᓇ ᐊᖓᔪᖅᑳᓄᑦ ᑎᒍᔭᐅᑎᓚᐅᕐᑕᓯ ᓇᕐᕈᓇᕐᓯᑎᓚᐅᕐᑕᓯᓗ ᐰᓛᑑᓯᐅᑉ ᑕᒃᑯᐊᓂ, ᐰᓛᑑᓯᐅᑉ ᐊᓂᑎᑕᐅᖁᒐᓗᐊᕐᑎᓪᓗᓂᐅᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:18

ᐃᒻᒥᓂᒃ ᓈᒻᒪᒐᓱᒋᔪᖅ ᓈᒻᒪᒋᔭᐅᓕᕈᑎᒋᓗᓂᐅᒃ ᐱᖏᒻᒪᑦ, ᐊᑕᓂᐅᓪᓕ ᓈᒻᒪᖕᓂᕋᕐᑕᖓ ᑖᓐᓇ ᓈᒻᒪᒃᑐᑑᕗᖅ.

ᐲᑦᑐᕉᓯ ᓯᕗᓪᓖᑦ 1:12

ᓴᖅᑭᑎᑦᓯᕕᐅᓚᐅᕐᐳᑦ ᓇᖕᒥᓂᖅ ᐱᕙᓪᓕᕈᑎᒃᓴᒥᖕᓄᑦ ᑍᒤᓕᐅᖏᓐᓂᖏᓐᓂᒃ ᐃᓕᑦᓯᓕ ᐱᕙᓪᓕᕈᑎᒃᓴᑦᓯᓐᓄᑦ, ᒫᓐᓇ ᐃᓕᑦᓯᓐᓄᑦ ᐅᖃᐅᓯᐅᓯᒪᓕᕐᐳᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒃᑎᓄᑦ, ᐊᓂᕐᓂᖅ ᐃᑦᔪᕐᓁᑦᑐᒃᑯᑦ ᕿᓚᖕᒥᑦ ᐱᓯᒪᔪᒃᑯᑦ. ᑕᒪᓐᓇᑦᑕᐅᖅ ᐊᒡᓛᑦ ᐂᖏᓖᓄᑦ ᑐᑭᓯᔭᐅᔪᒪᕗᖅ.

ᐲᑦᑐᕉᓯ ᓯᕗᓪᓖᑦ 1:21

ᑖᑦᓱᒨᓇ ᒎᑎ ᐅᒃᐱᕐᕕᒋᕙᓯ, ᑖᓐᓇ ᑐᖁᒥᑦ ᒪᑭᑎᑦᓯᓚᐅᕐᑐᖅ ᑖᑦᓱᒥᖓ ᓂᕐᑐᕐᓇᕐᓯᑎᓪᓗᒍᓗ, ᑍᒤᒻᒪᑦ ᐅᒃᐱᕐᓂᑦᓯ ᓂᕆᐅᖕᓂᓯᓗ ᒎᑎᒦᑉᐳᑦ.

ᐲᑦᑐᕉᓯ ᐂᑉᐸᖏᑦ 1:17

ᓇᔫᑎᓚᐅᕋᑦᑕ ᐅᐱᒋᔭᐅᑎᓪᓗᒍ ᓂᕐᑐᕐᓇᕐᑎᑕᐅᑎᓪᓗᒍᓗ ᒎᑎ ᐊᑖᑕᒧᑦ ᓂᐱ ᑐᓴᓚᐅᕐᐸᕗᑦ ᐱᓐᓇᕐᓇᕐᑐᔪᐊᒥᑦ ᐱᔪᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᓪᓗᒍ ᖁᕕᐊᒋᑦᓯᐊᕐᑕᕋ,”