ᔪᐊᓇᓯᐅᑉ ᐊᒡᓚᖏᑦ 8:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᖃᐅᔨᒪᕗᖓ ᐂᑉᕋᕼᐋᒻ ᑭᖑᕚᕆᖕᒪᓯ; ᑐᖁᓐᓇᓱᐊᕐᐸᑦᓯᓐᖓᓕ, ᐅᖃᐅᓯᒃᑲ ᐃᑎᕐᕕᒃᓴᖃᖏᒻᒪᑕ ᐃᓕᑦᓯᓐᓄᑦ.

Aglait Ijjurnaittut

³⁷ Qaujimavunga Aiprahaam kinguvaaringmasi; tuqunnasuaqpassinngali, uqausikka itirviksaqanngimmata ilissinnut.

ᔪᐊᓇᓯᐅᑉ ᐊᒡᓚᖏᑦ 8:37 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 13:15

ᐃᓱᒪᖏᑦ ᑭᒡᓕᖃᑦᓯᐊᕐᑎᑦᓯᔪᓐᓃᕐᒪᑕ, ᓯᐅᑎᖏᓪᓗ ᑐᓵᑦᓯᐊᕈᓐᓃᕐᓗᑎᒃ. ᓯᑯᓐᖏᖓᓪᓗᑎᒡᓗ, ᓯᑯᓐᖏᖏᒃᑯᑎᒃ ᑕᑯᑐᐃᓐᓇᕆᐊᖃᕋᒥᒃ, ᓯᐅᑎᒥᖕᓄᓪᓗ ᑐᓵᑐᐃᓐᓇᕆᐊᖃᕋᒥᒃ, ᐆᒻᒪᑎᒥᒍᓪᓗ ᑐᑭᓯᑐᐃᓐᓇᕆᐊᖃᕋᒥᒃ, ᐅᕙᓐᓄᓪᓗ ᓵᒋᐊᑐᐃᓐᓇᕆᐊᖃᕋᒥᒃ ᐅᕙᖓᓗ ᐋᖅᑭᒃᑲᔭᕐᐸᒃᑲ.’

ᒫᑎᐅᓯᐅᑉ ᐊᒡᓚᖏᑦ 3:9

ᐸᓯᔭᒃᓴᐅᖏᓐᓇᓱᒋᑦᑍᓕᒋᑦᓯ ᐃᓱᒪᓗᓯ, ‘ᐂᑉᕋᕼᐋᒻ ᑭᖑᕚᕆᕚᑎᒍᑦ’; ᐅᖃᐅᑎᕙᑦᓯᓕ, ᒎᑎ ᒪᑯᓂᖓ ᐅᔭᕋᖕᓂᒃ ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᑎᑦᓯᔪᓐᓇᕐᐳᖅ!

ᔪᐊᓇᓯᐅᑉ ᐊᒡᓚᖏᑦ 10:31

ᑕᕝᕙ ᔫᑎᑦ ᐅᔭᖅᑲᓂᒃ ᑎᒍᓯᒋᕗᑦ ᔩᓱᓯ ᒥᓪᓗᕈᒪᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 11:53

ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᑎᒃ ᐃᓱᒪᒃᓴᕐᓯᐅᖃᑎᒌᓕᕐᐳᑦ ᔩᓱᓯᒥᒃ ᖃᓄᐃᓕᐅᕐᓗᑎᒃ ᑐᖁᑦᓯᒐᔭᕐᒪᖔᕐᒥᒃ.

ᔪᐊᓇᓯᐅᑉ ᐊᒡᓚᖏᑦ 5:44

ᖃᓄᖅ ᐅᒃᐱᕈᓐᓇᕐᐱᓰ? ᐃᓅᖃᑎᑦᓯᓐᓄᑦ ᓂᕐᑐᕐᑕᐅᔪᒪᓂᕐᒥᒃ ᐱᓇᓱᐊᖃᑦᑕᕐᓗᓯ ᒎᑎᒧᓪᓗ ᓂᕐᑐᕐᑕᐅᓂᒃᓴᑐᐊᖅ ᕿᓂᕐᓇᒍ.

ᔪᐊᓇᓯᐅᑉ ᐊᒡᓚᖏᑦ 7:1

ᑕᒪᑐᒪ ᑭᖑᕐᖓᒍᑦ ᔩᓱᓯ ᒐᓕᓕᐊᒃᑯᑦ ᐃᖏᕐᕋᕗᖅ; ᔫᑎᐊᒃᑯᓪᓕ ᐃᖏᕐᕋᔪᒪᓐᖏᓚᖅ, ᔫᑎᑦ ᐊᖓᔪᖅᑳᖏᑕ ᑐᖁᑦᓱᒪᖕᒪᑦᔪᒃ.

ᔪᐊᓇᓯᐅᑉ ᐊᒡᓚᖏᑦ 7:19

ᒨᓯᓯᐅᑉ ᐱᖁᔭᓂᒃ ᑐᓂᓯᕕᒋᓚᐅᓐᖏᓛᓰ? ᓇᓪᓕᓯᓘᓐᓃᑦ ᐱᖁᔭᓂᒃ ᒪᓕᒃᑐᖃᓐᖏᓚᓯ. ᓱᖕᒪᑦ ᑐᖁᓐᓇᓱᐊᕐᐱᓯᓐᖔ?”

ᔪᐊᓇᓯᐅᑉ ᐊᒡᓚᖏᑦ 7:25

ᑍᒤᒻᒪᑦ ᔨᕉᓴᓕᒻᒥᐅᑦ ᐃᓚᖏᑦ ᐅᖃᕐᐳᑦ, “ᐅᓈ ᑖᓐᓇᐅᓐᖏᓚᖅ ᐊᖓᔪᖅᑲᐅᔪᑦ ᑐᖁᑦᓱᒪᔭᖓᑦ?

ᔪᐊᓇᓯᐅᑉ ᐊᒡᓚᖏᑦ 8:33

ᑕᕝᕙ ᑭᐅᕚᑦ, “ᐂᑉᕋᕼᐋᒻ ᑭᖑᕚᕆᕚᑎᒍᑦ, ᓇᓪᓕᐊᓐᓅᓪᓘᓐᓃᑦ ᓯᐊᓛᕆᔭᐅᓚᐅᕐᓯᒪᓐᖏᓚᒍᑦ. ᖃᓄᖅ ᑐᑭᓕᖕᒥᒃ ᐅᖃᕐᐲᑦ, ‘ᕿᓚᕈᑦᔮᕐᓂᐊᕐᐹᓯ’?”

ᔪᐊᓇᓯᐅᑉ ᐊᒡᓚᖏᑦ 8:43

ᓱᖕᒪᑦ ᐅᖃᐅᓯᕆᔭᒃᑲ ᑐᑭᓯᖏᑉᐱᓯᐅᒃ? ᐅᖃᐅᓯᒃᑲ ᓈᓚᒍᒪᖏᓐᓇᑦᓯᒋᒃ ᑐᓵᔪᒪᓇᒋᓪᓗ.

ᔪᐊᓇᓯᐅᑉ ᐊᒡᓚᖏᑦ 8:56

ᐂᑉᕋᕼᐋᒻ ᐊᑖᑕᓯ ᖁᕕᐊᓱᓚᐅᕐᐳᖅ ᑕᑯᔪᒫᓕᕋᒥ ᐅᓪᓗᕆᔪᒫᕐᑕᓐᓂᒃ; ᑕᑯᒐᒥᐅᒃᓗ ᖁᕕᐊᓱᓚᐅᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 8:59

ᑕᕝᕙ ᐅᔭᖅᑲᓂᒃ ᑎᒍᓯᕗᑦ ᒥᓪᓗᕈᒪᓪᓗᒍ; ᔩᓱᓯᓕ ᐃᔨᕐᐳᖅ, ᐊᓂᓪᓗᓂᓗ ᑐᒃᓯᐊᕐᕕᒡᔪᐊᕐᒥᑦ.

ᔪᐊᓇᓯᐅᑉ ᐊᒡᓚᖏᑦ 8:6

ᑍᒤᓕᕗᓪᓕ ᔩᓱᓯᒥᒃ ᐆᒃᑐᕋᓱᐊᕐᓗᑎᒃ, ᐸᓯᔭᒃᓴᓐᖑᕐᑎᑦᓯᔪᒪᓪᓗᑎᒃ ᑖᑦᓱᒥᖓ. ᔩᓱᓯᓕ ᐅᑯᓪᓗᓂ ᑎᑭᕐᒥᓄᑦ ᓄᓇᒃᑯᑦ ᑎᑎᕋᓕᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 13:26

“ᐃᓴᕆᐊᓕᒥᐅᖑᖃᑎᒃᑲ, ᐂᑉᕋᕼᐋᒻ ᑭᖑᕚᖏᑦ, ᐃᓕᑦᓯᓗ ᐅᕙᓃᑦᑐᓯ ᒎᑎᒥᒃ ᓯᕘᕋᔪᓯ, ᐅᕙᑦᑎᓐᓄᑦ ᐅᖃᐅᓰᑦ ᑕᒪᒃᑯᐊ ᐱᐅᓕᔭᐅᓇᕐᑐᑦ ᑐᓂᔭᐅᓯᒪᕗᑦ.

ᕉᒪᒥᐅᓄᑦ 9:7

ᐂᑉᕋᕼᐋᒻᓗ ᕿᑐᕐᖓᕆᔧᓐᓇᕆᓐᖏᓔᑦ ᑭᖑᕚᕆᔭᕋᓗᐊᓂ, ᒎᑎ ᐅᖃᕐᓯᒪᒐᓗᐊᕐᑎᓪᓗᒍ, “ᐂᓴᑭᒃᑯᑦ ᑭᖑᕚᑎᑦ ᐱᔪᒫᕐᐳᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:14

ᓇᓪᓕᐊᑦ ᒎᑎᐅᑉ ᐊᓂᕐᓂᖓᓂᒃ ᐱᖃᖏᑦᑐᖅ ᒎᑎᐅᑉ ᐊᓂᕐᓂᖓᑕ ᑐᓂᕐᕈᑎᖏᓐᓂᒃ ᐱᔪᓐᓇᓐᖏᓚᖅ, ᑍᒤᑦᑐᓄᑦ ᑕᒪᒃᑯᐊ ᑐᑭᖃᓐᖏᓚᑦ, ᑐᑭᓯᔪᓐᓇᕐᓇᒋᓪᓗ ᐊᓂᕐᓂᒃᑯᑦ ᑭᓯᐊᓂ ᑐᑭᓯᓇᕐᓯᑎᑕᐅᔪᓐᓇᕐᒪᑕ.

ᔪᐊᓇᓯ ᓯᕗᓪᓖᑦ 2:14

ᐊᑖᑕᐅᔪᓯ ᑎᑎᕋᕐᕕᒋᓚᐅᕐᐸᑦᓯ, ᑖᓐᓇ ᖃᐅᔨᒪᒐᑦᓯᐅᒃ ᐱᒋᐊᕐᓂᖓᓂᑦ ᐱᑕᕾᓐᓇᓚᐅᕐᑐᖅ. ᐃᓅᓱᒃᑑᔪᓯ ᑎᑎᕋᕐᕕᒋᓚᐅᕐᐸᑦᓯ, ᐱᔪᓐᓇᕐᓂᖃᑦᓯᐊᕋᑦᓯ, ᒎᑎᐅᓪᓗ ᐅᖃᐅᓯᖓ ᐃᓗᑦᓯᓐᓃᒻᒪᑦ, ᐱᐅᖏᑦᑐᐊᓗᒡᓗ ᓵᓚᒋᓯᒪᒐᑦᓯᐅᒃ.