ᔪᐊᓇᓯᐅᑉ ᐊᒡᓚᖏᑦ 7:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᙭ᔅᑑᓯᓕ ᑎᑭᑉᐸᑦ, ᖃᐅᔨᒪᔪᖃᕐᓂᐊᓐᖏᓚᖅ ᓇᑭᑦ ᐱᓯᒪᖕᒪᖔᑦ; ᐅᓇᓕ ᑕᒪᑦᑕ ᖃᐅᔨᒪᔭᕗᑦ ᓇᑭᑦ ᐱᓯᒪᖕᒪᖔᑦ.”

Aglait Ijjurnaittut

²⁷ Christuusili tikippat, qaujimajuqarnianngilaq nakit pisimangmangaat; unali tamatta qaujimajavut nakit pisimangmangaat.”

ᔪᐊᓇᓯᐅᑉ ᐊᒡᓚᖏᑦ 7:27 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 11:1

ᐱᕈᓕᕐᑐᖃᕈᒫᕐᐳᖅ ᔨᓯᐅᑉ ᓇᐹᕐᑐᕕᓂᖓᑕ ᑭᐱᔭᐅᓂᖓᓂᑦ, ᐊᕙᓚᖓᔪᒥᒃ ᐱᕈᕐᑐᖃᕈᒫᕐᐳᖅ ᐊᒫᖓᓂᑦ ᓴᖅᑭᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 53:8

ᐅᑯᒤᒃᓴᕐᑎᑕᐅᓂᒃᑯᑦ ᐃᖅᑲᕐᑐᕐᑕᐅᓂᒃᑯᓪᓗ ᐊᐅᓪᓚᕈᑦᔭᐅᓚᐅᕐᐳᖅ; ᑭᓇ ᐅᖃᐅᓯᖃᕈᓐᓇᓚᐅᕐᐸ ᑭᖑᕚᒃᓴᖏᓐᓂᒃ? ᓄᓇᒥ ᐃᓅᔪᓂᒃ ᐃᓚᖃᕈᓐᓃᕐᑎᑕᐅᓚᐅᕐᒪᑦ, ᐃᓄᖁᑎᒪ ᓈᓚᒍᒪᖏᓐᓂᖏᓐᓄᑦ ᐋᓐᓂᐊᑎᑕᐅᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 23:5

“ᑕᑯᒋᑦ, ᐅᓪᓗᑦ ᓇᓪᓕᐅᑎᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᒪᑭᑎᑦᓯᔪᒫᕋᒪ ᑍᕕᑎᐅᑉ ᑭᖑᕚᒋᓐᓂᑦ ᐃᓱᐊᕐᑐᓕᔪᒥᒃ, ᐊᖓᔪᖅᑳᕐᔪᐊᒃᓴᒥᒃ ᓯᓚᑐᓂᖃᕐᑐᒥᒃ, ᓄᓇᖁᑎᒥᓂ ᓈᒻᒪᓈᑦᓯᐊᕐᑐᒥᒃ ᐃᓱᐊᕐᑐᒥᒡᓗ ᐊᐅᓚᑦᓯᔪᒫᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 30:21

ᓇᖕᒥᓂᕐᒥᖕᓂᓪᓗ ᓯᕗᓕᕐᑎᑖᕈᒫᕐᐳᑦ ᐊᖓᔪᖅᑳᕐᔪᐊᖃᕐᓗᑎᒡᓗ ᐃᓅᖃᑎᒥᖕᓂᑦ ᐱᔪᒥᒃ. ᐅᕙᓐᓄᓪᓗ ᖃᒡᓕᑎᓐᓂᐊᕐᐸᕋ ᖃᓂᒋᔭᓐᓃᓪᓗᓂ ᐃᓅᖁᓪᓗᒍ. ᑭᓇ ᕾᔪᓐᓇᕐᐹ ᐅᕙᓐᓄᑦ ᑐᓐᖓᓴᕐᑕᐅᖏᓪᓗᓂ?

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᒫᑯᓯᐅᑉ ᐊᒡᓚᖏᑦ 6:3

ᕿᔪᓕᕆᔨᐅᓐᖏᓛᖅ ᒥᐊᕆᐅᑉ ᐃᕐᓂᖓ ᖃᑕᓐᖑᑎᖏᓪᓗ ᔧᒥᓯ, ᔫᓯᓗ, ᔫᑕᓯᓗ, ᓮᒨᓂᓗ ᓇᔭᖏᓪᓗ ᓇᔪᕐᑎᒋᓐᖏᓚᕘᑦ?” ᑍᒤᒻᒪᑦ ᑲᒪᒋᔪᒪᔪᓐᓃᕐᐹᑦ.

ᓘᑲᓯᐅᑉ ᐊᒡᓚᖏᑦ 4:22

ᐊᔪᖏᓐᓂᖓ ᐅᖃᐅᓯᕆᕚᑦ, ᑲᒪᓪᓗᑎᒃ ᐅᖃᕈᓐᓇᑦᓯᐊᕐᓂᖓᓂᒃ; ᐅᖃᕐᓗᑎᒃ, “ᐅᓇ ᔫᓯᐱᐅᑉ ᐃᕐᓂᕆᓐᖏᓚᐅᒃ?”

ᔪᐊᓇᓯᐅᑉ ᐊᒡᓚᖏᑦ 6:42

ᑕᕝᕙ ᐅᖃᕐᐳᑦ, “ᐅᓇ ᔩᓱᓯᐅᓐᖏᓛᖅ ᔫᓯᐱᐅᑉ ᐃᕐᓂᖓ ᐊᑖᑕᖓ ᐊᓈᓇᖓᓗ ᖃᐅᔨᒪᖏᓚᕗᑦ? ᖃᓄᐃᒻᒪᓪᓕᐅᓇ ᐅᖃᓕᕆᕙ ‘ᕿᓚᖕᒥᑦ ᑎᑭᓯᒪᕗᖓ’?”

ᔪᐊᓇᓯᐅᑉ ᐊᒡᓚᖏᑦ 7:15

ᔫᑎᑦ ᐊᖓᔪᖅᑳᖏᑦ ᑲᒪᔪᐊᓘᓕᕐᐳᑦ ᐅᖃᕐᓗᑎᒃ, “ᖃᓄᐊᓗᖑᓇ ᖃᐅᔨᒪᔪᐊᓘᓕᕐᐹ ᐃᓕᓐᓂᐊᕐᕕᖕᒥ ᐃᓕᓐᓂᐊᓚᐅᕐᓯᒪᓇᓃ?”

ᔪᐊᓇᓯᐅᑉ ᐊᒡᓚᖏᑦ 9:29

ᖃᐅᔨᒪᕗᒍᑦ ᒎᑎᐅᑉ ᒨᓯᓯ ᐅᖃᖃᑎᒋᖃᑦᑕᓚᐅᕐᒪᒍ, ᑍᓐᓇᓕ ᐊᖑᑦ, ᖃᐅᔨᒪᓐᖏᓚᕗᑦ ᓇᑭᑦ ᐱᓯᒪᖕᒪᖔᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:33

ᑲᓐᖑᓇᕐᑐᒦᑎᑕᐅᓪᓗᓂ ᓇᓛᒍᑦ ᐃᖅᑲᕐᑐᕐᑕᐅᓚᐅᓐᖏᓚᖅ, ᑭᖑᕚᒃᓴᖏᑦ ᑭᓇᒧᓪᓘᓐᓃᑦ ᐅᖃᐅᓯᐅᔪᓐᓇᕐᓂᐊᓐᖏᓚᑦ, ᐃᓅᓯᖓ ᓄᓇᕐᔪᐊᕐᒥᑦ ᐲᕐᑕᐅᓚᐅᕐᒪᑦ.”