ᔪᐊᓇᓯᐅᑉ ᐊᒡᓚᖏᑦ 6:71 - ᐊᒡᓔᑦ ᐃᑦᔪᕐᖕᓁᑦᑐᑦ

⁷¹ ᔫᑕᓯᒥᒃ ᐅᖃᐅᓯᖃᓚᐅᕐᐳᖅ ᓮᒨᓂ ᐃᔅᑲᕆᐊᑎᐅᑉ ᐃᕐᓂᖓᓂᒃ, ᔫᑕᓯ ᔩᓱᓯᐅᑉ ᐃᓕᓐᓂᐊᕐᑎᖏᓐᓄᑦ 12ᓄᑦ ᐃᓚᒋᔭᐅᒐᓗᐊᕐᓗᓂ, ᑭᖑᓂᖓᒍᑦ ᔩᓱᓯᒥᒃ ᐱᔭᐅᑎᑦᓯᔪᒫᕐᒪᑦ.

Aglait Ijjurnaittut

⁷¹ Juutasimik uqausiqalauqpuq Saimuuni Iskariatiup irninganik, Juutasi Jiisusiup ilinniaqtinginnut 12-nut ilagijaugaluarluni, kinguningagut Jiisusimik pijautitsijumaarmat.

ᔪᐊᓇᓯᐅᑉ ᐊᒡᓚᖏᑦ 6:71 ပူးပေါင်းရင်းမြစ်များ

ᐃᓐᖏᕈᑎᑦ 41:9

ᐱᖃᓐᓇᕆᔭᒪᓘᓐᓃᑦ ᖃᐅᔨᒪᑦᓯᐊᕐᑕᒪ ᓱᓕᔪᕆᑦᓯᐊᕐᑕᒪᓗ, ᓂᕆᖃᑎᒋᕙᒃᑕᒪ ᑭᖕᒥᖕᒥᓄᑦ ᐅᓗᕆᐊᕐᓵᕐᐹᖓ.

ᒫᑎᐅᓯᐅᑉ ᐊᒡᓚᖏᑦ 10:2

ᐋᐴᓯᑕᓖᑦ 12 ᐊᑎᖏᑦ ᐅᑯᐊᖑᕗᑦ: ᓯᕗᓪᓕᕐᐹᖅ, ᓮᒨᓂ, ᑍᔭᐅᔪᖅ ᐲᑦᑐᕉᓯᒥᒃ ᖃᑕᓐᖑᑖᓗ ᐋᓐᑐᕉ; ᔧᒥᓯᒃᑯᒡᓗ ᔪᐊᓇᓯᑯᒃ ᓄᑲᕇᒃ, ᓯᐱᑎᐅᑉ ᐃᕐᓂᖏᒃ.

ᒫᑎᐅᓯᐅᑉ ᐊᒡᓚᖏᑦ 10:4

ᓮᒨᓂᓗ ᑬᓇᓂᒥᐅᒥᒃ ᑍᔭᐅᔪᖅ ᔫᑕᓯᓗ ᐃᔅᑲᕆᐊᑦ, ᑖᑦᓱᒪ ᔩᓱᓯ ᐱᔭᐅᑎᓚᐅᕐᐹ.

ᒫᑯᓯᐅᑉ ᐊᒡᓚᖏᑦ 14:10

ᑕᕝᕙ ᔫᑕᓯ ᐃᔅᑲᕆᐊᑦ, ᐃᓕᓐᓂᐊᕐᑎᖏᑕ 12 ᐃᓚᖓᑦ, ᐊᓂᓪᓗᓂ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᐊᕐᐳᖅ, ᔩᓱᓯᒥᒃ ᐱᔭᐅᑎᑦᓯᔪᒪᓪᓗᓂ ᑖᒃᑯᓄᖓ.

ᔪᐊᓇᓯᐅᑉ ᐊᒡᓚᖏᑦ 12:4

ᔫᑕᓯᓕ ᐃᔅᑲᕆᐊᑦ, ᐃᓕᓐᓂᐊᕐᑎᖏᑕ ᐃᓚᖓᑦ, ᔩᓱᓯᒥᒃ ᐱᔭᐅᑎᑦᓯᓛᕐᑐᖅ; ᐅᖃᕐᐳᖅ:

ᔪᐊᓇᓯᐅᑉ ᐊᒡᓚᖏᑦ 13:2

ᐅᓐᓄᒍᒻᒥᑕᖃᑎᒌᒃᑎᓪᓗᒋᑦ, ᓵᑖᓇᓯ ᐃᓱᒪᑖᕐᑎᑦᓯᓯᒪᓕᕇᕐᒪᑦ ᔫᑕᓯ ᐃᔅᑲᕆᐊᑎᒥᒃ, ᓮᒨᓂᐅᑉ ᐃᕐᓂᖓᓂᒃ, ᔩᓱᓯᒥᒃ ᐱᔭᐅᒃᑬᖁᓪᓗᒍ,

ᔪᐊᓇᓯᐅᑉ ᐊᒡᓚᖏᑦ 13:26

ᔩᓱᓯᐅᑉ ᑭᐅᕚ, “ᓂᐊᖂᔭᒥᒃ ᒥᓱᒃᓯᓗᖓ ᑐᓂᓯᕕᒋᔭᕋ ᑖᓐᓇᐅᓂᐊᕐᐳᖅ.” ᑕᕝᕙ ᔩᓱᓯ ᓂᐊᖂᔭᒥᒃ ᐊᕕᒃᓯᓪᓗᓂ ᒥᓱᒃᐹ, ᑐᓂᓪᓗᒍ ᔫᑕᓯᒧᑦ, ᓮᒨᓂᐅᑉ ᐃᔅᑲᕆᐊᑎᐅᑉ ᐃᕐᓂᖓᓄᑦ.

ᔪᐊᓇᓯᐅᑉ ᐊᒡᓚᖏᑦ 2:2

ᔩᓱᓯᑦᑕᐅᖅ ᕾᖁᔭᐅᓯᒪᒋᕗᑦ ᑲᑎᑎᑕᐅᔫᖕᓄᑦ, ᐃᓕᓐᓂᐊᕐᑎᖏᓪᓗ.

ᔪᐊᓇᓯᐅᑉ ᐊᒡᓚᖏᑦ 20:24

ᑑᒪᓯᐅᓪᓕ 12 ᐃᓚᖓᑦᑕ, ᒪᕐᕈᓕᐊᕕᓂᕐᒥᒃ ᑍᔭᐅᔫᑉ ᐃᓚᒋᓚᐅᓐᖏᓔᑦ ᔩᓱᓯ ᑎᑭᑎᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 6:64

ᐊᑯᓐᓇᑦᓯᓐᓃᑦᑐᖃᕐᐳᕐᓕ ᐃᓚᒋᔭᑦᓯᓐᓂᒃ ᐅᒃᐱᕈᓱᖕᓂᖃᖏᑦᑐᒥᒃ.” ᔩᓱᓯ ᐱᒋᐊᕐᓂᖓᓂᑦ ᖃᐅᔨᒪᑦᓯᐊᓚᐅᕐᒪᑦ ᓇᓪᓕᐊᖑᖕᒪᖔᑦ ᐅᒃᐱᕈᓱᖏᑦᑐᖅ, ᓇᓪᓕᐊᑦᑕᓗ ᐱᔭᐅᒃᑲᕈᒫᕐᒪᖔᒍ.

ᔪᐊᓇᓯᐅᑉ ᐊᒡᓚᖏᑦ 6:70

ᔩᓱᓯᐅᑉ ᑭᐅᕔᑦ, “ᐃᓕᑦᓯ 12ᓗᓯ ᓂᕈᐊᓚᐅᓐᖏᓚᑦᓯ? ᐃᓚᑦᓯᓕ ᐃᓚᖓᑦ ᓵᑖᓇᓯᐅᕗᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:23

ᑖᓐᓇ ᔩᓱᓯ, ᒎᑎᐅᑉ ᐱᖁᔨᓯᒪᓂᖓ ᐸᕐᓇᒃᓯᒪᓪᓚᕆᖕᓂᖓᓗ ᒪᓕᒡᓗᒍ ᐃᓕᑦᓯᓐᓄᑦ ᑎᒍᔭᐅᑎᑕᐅᓚᐅᕐᐳᖅ, ᑖᓐᓇ ᑭᑭᐊᒃᑐᕐᑕᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ ᐃᓄᖕᓄᑦ ᐊᔪᕐᑐᓕᔪᓄᑦ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.