ᔪᐊᓇᓯᐅᑉ ᐊᒡᓚᖏᑦ 6:57 - ᐊᒡᓔᑦ ᐃᑦᔪᕐᖕᓁᑦᑐᑦ

⁵⁷ ᐊᑖᑕᐅᑉ ᐆᒪᔪᑉ ᑎᓕᓯᒪᖕᒪᖓ, ᐅᕙᖓᓗ ᐃᓅᕗᖓ ᐊᑖᑕᒐ ᐱᓪᓗᒍ, ᑍᒫᒃᑕᐅᖅ ᐅᕙᓐᓂᒃ ᓂᕆᔪᖅ ᐃᓅᓂᐊᕐᐳᖅ ᐅᕙᖓ ᐱᓪᓗᖓ.

Aglait Ijjurnaittut

⁵⁷ Ataataup uumajup tilisimangmanga, uvangalu inuuvunga Ataataga pillugu, taimaaktauq uvannik nirijuq inuuniaqpuq uvanga pillunga.

ᔪᐊᓇᓯᐅᑉ ᐊᒡᓚᖏᑦ 6:57 ပူးပေါင်းရင်းမြစ်များ

ᐃᓐᖏᕈᑎᑦ 18:46

ᐊᑕᓂᖅ ᐃᓅᕗᖅ! ᕾᕐᑐᕋ ᓂᕐᑐᕐᑕᐅᓕ! ᐱᐅᓕᔭᐅᓂᕐᒪ ᒎᑎᖓ ᐊᖏᔪᕈᕐᑎᑕᐅᓕ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 16:16

ᑕᕝᕙ ᓮᒨᓂ ᐲᑦᑐᕉᓯᐅᑉ ᑭᐅᕚ, “ᒥᓮᐊᓯᐅᕗᑎᑦ, ᒎᑎᐅᑉ ᐆᒪᔫᑉ ᐃᕐᓂᖓ.”

ᔪᐊᓇᓯᐅᑉ ᐊᒡᓚᖏᑦ 14:19

ᐊᑯᓂᐅᖏᑦᑐᖅ ᓯᓚᕐᔪᐊᕐᒥᐅᑦ ᑕᑯᖃᑦᑕᕐᓂᐊᕈᓐᓃᕐᐹᖓ, ᐃᓕᑦᓯᓕ ᑕᑯᓛᕆᕙᑦᓯᓐᖓ; ᐃᓅᒐᒪ, ᐃᓕᑦᓯᑦᑕᐅᖅ ᐃᓅᓂᐊᕆᕗᓯ.

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 17:21

ᑐᒃᓯᐊᕐᐳᖓ ᑖᒃᑯᐊᓕᒫᑦ ᐊᑕᐅᓯᐅᖁᓪᓗᒋᑦ; ᐃᕝᕕᑦᑕᐅᖅ ᐊᑖᑖᒃ, ᐃᓗᓐᓃᓐᓇᕕᑦ, ᐅᕙᖓᓗ ᐃᓗᖕᓃᓐᓇᒪ, ᑖᒃᑯᐊᑦᑕᐅᖅ ᐃᓗᑦᑎᓐᓃᖁᓪᓗᒋᑦ, ᓯᓚᕐᔪᐊᕐᒥᐅᑦ ᐅᒃᐱᓕᖁᓪᓗᒋᑦ ᑎᓕᓚᐅᕋᕕᖓ.

ᔪᐊᓇᓯᐅᑉ ᐊᒡᓚᖏᑦ 3:17

ᒎᑎᐅᑉ ᐃᕐᓂᓂ ᑎᓕᓚᐅᖏᒻᒪᒍ ᓯᓚᕐᔪᐊᕐᒧᑦ, ᓯᓚᕐᔪᐊᕐᒥᐅᓂᒃ ᐃᒋᑕᒃᓴᓐᖑᕐᑎᑦᓯᖁᓗᒍ, ᓯᓚᕐᔪᐊᕐᒥᐅᓪᓕ ᐱᐅᓕᔭᐅᖁᓪᓗᒋᑦ ᑖᑦᓱᒨᓇ.

ᔪᐊᓇᓯᐅᑉ ᐊᒡᓚᖏᑦ 5:26

ᓲᕐᓗ ᐊᑖᑕ ᓇᖕᒥᓂᖅ ᐃᓅᓯᖃᕐᒪᑦ ᐃᒻᒥᒃᑯᑦ, ᑍᒫᒃᑕᐅᖅ ᐃᕐᓂᓂ ᑐᓂᓯᕕᒋᕚ ᐃᓅᓯᖃᖁᓪᓗᒍ ᐃᒻᒥᒃᑯᑦ.

ᔪᐊᓇᓯᐅᑉ ᐊᒡᓚᖏᑦ 6:29

ᔩᓱᓯᐅᑉ ᑭᐅᕔᑦ, “ᑕᕝᕙ ᒎᑎᐅᑉ ᐃᒫᒃ ᐱᖁᕚᓯ; ᐅᒃᐱᖁᓪᓗᓯ ᑎᓕᔭᖓᓄᑦ.”

ᔪᐊᓇᓯᐅᑉ ᐊᒡᓚᖏᑦ 6:38

ᕿᓚᖕᒥᑦ ᑎᑭᓚᐅᕋᒪ, ᐱᔪᒪᔭᓐᓂᒃ ᐱᓇᓱᐊᕆᐊᕐᑐᕐᓇᖓ, ᑖᑦᓱᒪᓕ ᑎᓕᔨᒪ ᐱᔪᒪᔭᖓᓂᒃ ᐱᓇᓱᐊᕆᐊᕐᑐᕐᓗᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:22

ᓲᕐᓗ ᐋᑕᒥᒃᑯᑦ ᐃᓄᓕᒫᑦ ᑐᖁᑎᑕᐅᓯᒪᖕᒪᑕ, ᑍᒫᒃᑕᐅᖅ ᙭ᔅᑑᓯᒃᑯᑦ ᐃᓄᓕᒫᑦ ᒪᑭᑎᑕᐅᔪᒫᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:45

ᐃᒫᒃ ᑎᑎᕋᕐᓯᒪᖕᒪᑦ, “ᐋᑕᒥ ᓯᕗᓪᓕᖅ ᐆᒻᒪᕐᑎᑕᐅᓚᐅᕐᐳᖅ ᑎᒥᖃᕐᓗᓂ”; ᐋᑕᒥᓕ ᑭᖑᓪᓕᖅ ᐊᓂᕐᓂᒃᑯᑦ ᐃᓅᓯᕐᑖᕐᑎᑦᓯᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:4

ᓴᓐᖐᓐᓂᕐᒥ ᑭᑭᐊᒃᑐᕐᑕᐅᓚᐅᕐᐳᖅ, ᐆᒪᕗᕐᓕ ᒎᑎᐅᑉ ᐱᔪᓐᓇᕐᓂᖓᒍᑦ. ᑍᒫᒃᑕᐅᖅ ᑖᑦᓱᒪᓂ ᓴᓐᖐᑦᑑᕗᒍᑦ, ᒎᑎᐅᓪᓕ ᐱᔪᓐᓇᕐᓂᖓᒍᑦ ᑖᓐᓇ ᐃᓅᖃᑎᒋᓂᐊᕐᐸᕗᑦ ᐱᓇᓱᐊᓕᕈᑦᑕ ᐃᓕᑦᓯᓐᓄᑦ.

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:9

ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᔪᐊᓇᓯ ᓯᕗᓪᓖᑦ 4:9

ᒎᑎᐅᑉ ᓇᒡᓕᖕᓂᓂ ᐊᑯᓐᓇᑦᑎᓐᓄᑦ ᓴᖅᑭᑎᓚᐅᕐᐹ, ᒎᑎᐅᑉ ᐃᕐᓂᑐᐊᓂ ᑎᓕᓚᐅᕐᒪᒍ ᓯᓚᕐᔪᐊᕐᒧᑦ, ᐅᕙᒍᑦ ᑖᑦᓱᒨᓇ ᐃᓅᖁᓪᓗᑕ.