ᔪᐊᓇᓯᐅᑉ ᐊᒡᓚᖏᑦ 5:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐊᑖᑕ ᐃᖅᑲᕐᑐᐃᓐᖏᓚᖅ ᑭᓇᒥᒡᓘᓐᓃᑦ, ᐃᕐᓂᓂᓕ ᐃᖅᑲᕐᑐᐃᔪᓐᓇᕐᓂᕐᒥᒃ ᑐᓂᓯᕕᒋᓯᒪᕚ.

Aglait Ijjurnaittut

²² Ataata iqqaqtuinngilaq kinamigluunniit, Irninili iqqaqtuijunnarnirmik tunisivigisimavaa.

ᔪᐊᓇᓯᐅᑉ ᐊᒡᓚᖏᑦ 5:22 ပူးပေါင်းရင်းမြစ်များ

ᔪᐊᓇᓯᐅᑉ ᐊᒡᓚᖏᑦ 5:27

ᐃᕐᓂᓂ ᑐᓂᓯᕕᒋᕚ ᐱᔪᓐᓇᕐᓂᕐᒥᒃ ᐃᖅᑲᕐᑐᐃᔪᓐᓇᖁᓪᓗᒍ, ᐃᓅᑉ ᐃᕐᓂᕆᖕᒪᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 17:31

ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 10:42

ᑖᑦᓱᒪ ᐱᖁᓚᐅᕐᐹᑎᒍᑦ ᐃᓄᖕᓂᒃ ᐊᔪᕆᕐᑐᐃᖁᓪᓗᑕ, ᓇᓗᓁᕐᓯᓗᑕᓗ ᑖᓐᓇᐅᖕᒪ ᒎᑎᐅᑉ ᐃᖅᑲᕐᑐᐃᔨᒃᓴᓐᖑᕐᑎᓯᒪᔭᖓ ᐃᓅᔪᓄᑦ ᑐᖁᓯᒪᔪᓄᓪᓗ.

ᔪᐊᓇᓯᐅᑉ ᐊᒡᓚᖏᑦ 9:39

ᔩᓱᓯ ᐅᖃᕐᐳᖅ, “ᐃᖅᑲᕐᑐᐃᔭᕐᑐᕐᓗᖓ ᓯᓚᕐᔪᐊᕐᒧᑦ ᑎᑭᑉᐳᖓ, ᑕᐅᑐᖏᑦᑐᑦ ᑕᐅᑐᓕᖁᓪᓗᒋᑦ, ᑕᐅᑐᒃᑐᓪᓗ ᑕᐅᑐᒍᓐᓃᖁᓪᓗᒋᑦ.”

ᑎᒧᑎᒧᑦ ᐂᑉᐸᖏᑦ 4:1

ᐱᖁᓪᓚᕆᒃᐸᒋᑦ ᒎᑎᐅᑉ ᓵᖓᓂ ᙭ᔅᑑᓯ ᔩᓱᓯᐅᓪᓗ ᑖᓐᓇ ᐃᖅᑲᕐᑐᐃᔪᒫᕐᒪᑦ ᐃᓅᔪᓂᒃ ᑐᖁᖓᔪᓂᒡᓗ, ᑎᑭᑦᓱᒫᕐᒪᓪᓗ ᐊᐅᓚᑦᓯᔭᕐᑐᕐᓗᓂ.

ᕉᒪᒥᐅᓄᑦ 2:16

ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᕆᔭᒃᑲ ᒪᓕᒡᓗᒋᑦ, ᑕᒪᓐᓇ ᐊᑐᕈᒫᕐᐳᖅ ᒎᑎ ᐃᖅᑲᕐᑐᐃᓕᕐᐸᑦ ᐃᓄᐃᑦ ᐃᔨᕐᓯᒪᔭᖏᓐᓂᒃ ᔩᓱᓯ ᙭ᔅᑑᓯᑯᑦ.

ᔪᐊᓇᓯᐅᑉ ᐊᒡᓚᖏᑦ 17:2

ᐃᕐᓃᑦ ᑐᓂᓯᕕᒋᓯᒪᒐᕕᐅᒃ ᐱᔪᓐᓇᕐᓂᕐᒥᒃ ᐃᓄᓕᒫᓄᑦ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᑐᓂᓯᖁᓪᓗᒍ ᑐᓂᓯᒪᔭᓕᒫᕐᓄᑦ ᑖᑦᓱᒧᖓ.

ᐲᑦᑐᕉᓯ ᓯᕗᓪᓖᑦ 4:5

ᐃᓅᓯᕐᒥᖕᓂᒡᓕ ᒎᑎᒧᑦ ᐅᖃᐅᓯᖃᕆᐊᖃᕈᒫᕐᐳᑦ ᐅᐸᓗᖕᒊᕐᓯᒪᔪᒧᑦ ᐃᖅᑲᕐᑐᐃᓂᐊᕐᓗᓂ ᐃᓅᔪᓂᒃ ᑐᖁᖓᔪᓂᒡᓗ.

ᐃᓐᖏᕈᑎᑦ 96:13

ᐊᑕᓂᖅ ᕾᓕᕐᒪᑦ, ᓄᓇᕐᔪᐊᕐᒥᐅᑦ ᐊᐅᓚᑦᓱᒪᓪᓗᒋᑦ. ᑖᑦᓱᒪ ᓄᓇᕐᔪᐊᕐᒥᐅᑦ ᐊᐅᓚᑦᓱᒫᕐᐰᑦ ᓈᒻᒪᓈᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᓱᓕᑦᓯᐊᕐᓂᕐᒥᒍᑦ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 98:9

ᓄᓇᕐᔪᐊᕐᒥᒃ ᐊᐅᓚᑦᓯᔭᕐᑐᕐᓗᓂ ᑎᑭᒻᒪᑦ. ᓄᓇᕐᔪᐊᕐᒥᐅᑦ ᐃᓄᖏᑦ ᐊᐅᓚᓐᓂᐊᕐᐰᑦ ᓈᒻᒪᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᐊᑦᔨᒌᒃᑎᓐᓂᐊᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 3:35

ᐊᑖᑕᐅᑉ ᐃᕐᓂᓂ ᓇᒡᓕᒋᕚ, ᑕᒤᑦᑕᓗ ᑐᓂᓚᐅᕐᐰᑦ ᑖᑦᓱᒪ ᐱᔪᓐᓇᕐᓂᖓᓄᑦ.

ᒫᑎᐅᓯᐅᑉ ᐊᒡᓚᖏᑦ 11:27

“ᐊᑖᑕᒪ ᑕᒤᓐᓂᒃ ᑐᓂᓯᕕᒋᓚᐅᕐᒪᖓ; ᐃᕐᓂᖅ ᖃᐅᔨᒪᔭᐅᓐᖏᓚᖅ ᐊᑖᑕᐅᑉ ᑭᓯᒥ ᖃᐅᔨᒪᕚ, ᐊᑖᑕᑦᑕᐅᖅ ᖃᐅᔨᒪᔭᐅᖏᓐᓂᕗᖅ ᐃᕐᓂᐅᑉ ᑭᓯᒥ ᖃᐅᔨᒪᕚ, ᑖᒃᑯᓄᖓᓗ ᐃᕐᓂᐅᑉ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:9

ᖁᕕᐊᓱᒋᑦ ᐃᓅᓱᒃᑑᔪᑎᑦ, ᐃᓅᓱᖕᓂᕐᓂ, ᐆᒻᒪᑎᕕᓪᓗ ᖁᕕᐊᓱᒃᑎᓪᓕᑎᑦ ᐅᓪᓗᓂ ᐃᓅᓱᒃᑑᓂᕐᓂ. ᐆᒻᒪᑎᕕᑦ ᐊᑐᕈᒪᔭᖏᓐᓂᒃ ᐊᑐᕆᑦ, ᑕᑯᔭᕐᓂᒡᓗ ᑕᒤᓐᓂᒃ, ᖃᐅᔨᒪᓗᑎᓪᓕ ᑕᒪᒃᑯᓄᖓ ᑕᒤᓐᓄᑦ ᒎᑎᐅᑉ ᐃᖅᑲᕐᑐᕈᒫᕐᒪᑎᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:14

ᒎᑎᐅᑉ ᑕᒤᑕ ᐱᓂᐊᕐᓃᑦ ᐃᖅᑲᕐᑐᐃᕕᖕᒧᑦ ᐱᑎᑦᓱᒫᕐᒪᒋᑦ, ᐃᔨᕐᓯᒪᔪᓪᓗ ᐊᒡᓛᑦ, ᐱᐅᔫᒐᓗᐊᕐᐸᑕ ᐱᐅᖏᑦᑑᒐᓗᐊᕐᐸᑕᓘᓐᓃᑦ.