ᔪᐊᓇᓯᐅᑉ ᐊᒡᓚᖏᑦ 4:42 - ᐊᒡᓔᑦ ᐃᑦᔪᕐᖕᓁᑦᑐᑦ

⁴² ᐊᕐᓇᒧᑦ ᐅᖃᕐᐳᑦ, “ᒫᓐᓇ ᐅᒃᐱᓕᕐᐳᒍᑦ ᐅᖃᐅᓯᕐᑎᑦ ᐱᑦᔪᑎᒋᑐᐃᓐᓇᕐᓇᒋᑦ, ᐅᕙᒍᓪᓕ ᓇᖕᒥᓂᖅ ᑐᓴᕋᑦᑎᒍ, ᑐᑭᓯᓪᓗᑕᓗ ᐃᓛᒃ ᑖᓐᓇ ᓱᓕᔪᒥᒃ ᐱᐅᓕᔨᐅᖕᒪᑦ ᓯᓚᕐᔪᐊᕐᒥᐅᓄᑦ.”

Aglait Ijjurnaittut

⁴² Arnamut uqaqput, “Maanna ukpiliqpugut uqausiqtit pijjutigituinnarnagit, uvagulli nangminiq tusarattigu, tukisillutalu ilaak taanna sulijumik piulijiungmat silarjuarmiunut.”

ᔪᐊᓇᓯᐅᑉ ᐊᒡᓚᖏᑦ 4:42 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 45:22

ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.

ᐂᓮᐊᓯᐅᑉ ᐊᒡᓚᖏᑦ 52:10

ᐊᑕᓂᐅᑉ ᑕᓕᕐᒥ ᐂᖓ ᐃᑦᔪᕐᓁᑦᑐᖅ ᓯᖀᕐᑎᕐᒪᒍ ᐃᓅᖃᑎᒌᒡᔪᐊᑦ ᑕᒤᑕ ᑕᑯᓐᓈᕐᑎᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᐱᐅᓕᒃᓯᓂᖓ ᑕᑯᔪᒫᕐᐹᑦ.

ᒫᑎᐅᓯᐅᑉ ᐊᒡᓚᖏᑦ 1:21

ᐃᕐᓂᕐᒥᒃ ᐃᕐᓂᔪᒫᕐᐳᖅ, ᑖᓐᓇ ᔩᓱᓯᒥᒃ ᐊᑎᕐᑖᕐᑎᓛᕐᐸᑦ, ᑖᑦᓱᒪ ᐃᓄᖁᑎᓂ ᐱᐅᓕᔪᒫᕐᒪᒋᑦ ᐊᔪᕐᓂᖏᓐᓂᑦ.”

ᓘᑲᓯᐅᑉ ᐊᒡᓚᖏᑦ 2:32

ᖃᐅᒪᔪᖅ ᖃᐅᒻᒪᒃᓮᖁᓪᓗᒍ ᔫᑎᐅᖏᑦᑐᓂᒃ, ᐃᓄᖁᑎᕕᓪᓗ ᐃᓴᕆᐊᓕᒥᐅᑦ ᓂᕐᑐᕐᓇᕈᑎᒃᓴᖓᑦ.”

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᔪᐊᓇᓯᐅᑉ ᐊᒡᓚᖏᑦ 11:17

ᔩᓱᓯ ᑕᕝᕗᖓ ᑎᑭᓐᓇᒥ, ᖃᐅᔨᕗᖅ ᓛᓴᕉᓯ ᐅᓪᓗᓂ ᓯᑕᒪᓂᒃ ᐃᓗᕕᕐᑕᐅᓯᒪᓕᕇᕐᒪᑦ.

ᔪᐊᓇᓯᐅᑉ ᐊᒡᓚᖏᑦ 17:8

ᐅᖃᐅᓰᑦ ᑐᓂᓚᐅᕐᑕᑎᑦ ᐅᕙᓐᓄᑦ ᑖᒃᑯᓄᖓ ᐅᖃᐅᓯᕆᓚᐅᕐᐸᒃᑲ, ᑖᒃᑯᐊᓗ ᐃᓚᓕᐅᓚᐅᕐᐰᑦ ᓱᓕᔪᒥᒃ ᖃᐅᔨᓪᓗᑎᒃ ᐃᓕᖕᓂᑦ ᐱᓯᒪᓂᓐᓂᒃ; ᐅᒃᐱᓕᕐᓗᑎᒡᓗ ᑎᓕᓚᐅᕋᕕᖓ.

ᔪᐊᓇᓯᐅᑉ ᐊᒡᓚᖏᑦ 4:29

“ᕾᓗᓯ ᐊᖑᑦ ᑕᑯᔭᕐᑐᕐᓯᐅᒃ ᐱᓂᐊᓚᐅᕐᓯᒪᔭᓕᒫᓐᓂᒃ ᐅᖃᐅᑦᔨᔨᒋᔭᕋ. ᙭ᔅᑑᓯᐅᖏᒻᒪᖔᑦ.”

ᔪᐊᓇᓯᐅᑉ ᐊᒡᓚᖏᑦ 4:41

ᐅᓄᕐᓂᕐᓮᓪᓕ ᐅᒃᐱᓕᕐᐳᑦ ᐅᖃᐅᓯᖏᑦ ᐱᑦᔪᑎᒋᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:23

ᑍᕕᑎᐅᑉ ᑭᖑᕚᖓ ᐃᓴᕆᐊᓕᒥᐅᓄᑦ ᒎᑎᐅᑉ ᐱᐅᓕᔨᓐᖑᕐᑎᓚᐅᕐᐹ, ᔩᓱᓯ, ᑍᒫᒃ ᐱᓂᐊᕐᓂᕋᕐᓯᒪᒐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 4:12

“ᐊᓯᐊᓂᒃ ᐱᐅᓕᔨᒃᓴᖃᓐᖏᓚᖅ, ᐊᑎᕐᑕᖃᓐᖏᓚᕐᓗ ᓄᓇᕐᔪᐊᓕᒫᒥ ᐃᓄᖕᓄᑦ ᑐᓂᔭᐅᓯᒪᔪᒥᒃ ᐱᐅᓕᔭᐅᑦᔪᑎᒃᓴᑦᑎᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:19

ᑕᕝᕙ, ᒎᑎ ᙭ᔅᑑᓯᒃᑯᑦ ᓯᓚᕐᔪᐊᕐᒥᐅᓂᒃ ᐃᓚᓐᓇᕆᔭᕐᑖᕐᓯᒪᖕᒪᑦ, ᐊᔪᕐᑐᓕᓂᖏᓐᓂᒃ ᐃᓱᒪᒋᔪᓐᓁᕐᕕᒋᓪᓗᒋᑦ, ᐃᓄᖕᓄᓪᓗ ᐅᖃᓪᓚᖁᕚᑎᒍᑦ ᐃᓚᓐᓇᕆᔭᐅᓕᕈᓐᓇᕐᓂᖏᓐᓂᒃ.

ᑎᒧᑎᒧᑦ ᓯᕗᓪᓖᑦ 4:10

ᒫᓐᓇᒧᑦ ᑎᑭᓪᓗᒍ ᐱᓇᓱᐊᕐᐸᒃᐳᒍᑦ ᐊᒃᓱᕈᕐᓗᑕ, ᓂᕆᐅᖕᓂᖃᕋᑦᑕ ᒎᑎᒥᒃ ᑐᖁᓱᐃᑦᑐᒥᒃ, ᐱᐅᓕᔨᐅᔪᒥᒃ ᐃᓄᖕᓂᒃ ᑕᒤᓐᓂᒃ, ᐱᓗᐊᕐᓗᓂᓕ ᐅᒃᐱᕈᓱᒃᑐᓄᑦ.

ᔪᐊᓇᓯ ᓯᕗᓪᓖᑦ 2:2

ᑖᓐᓇᓗ ᐊᖅᑯᑎᒃᓴᑑᕗᖅ ᐊᔪᕐᓂᑦᑕ ᐃᓱᒪᒋᔪᓐᓁᕐᑕᐅᑦᔪᑎᒃᓴᖏᓐᓄᑦ, ᐅᕙᒍᑑᖏᑦᑐᕐᓕ ᓯᓚᕐᔪᐊᕐᒥᐅᓪᓕ ᑕᒪᕐᒥᒃ ᐊᔪᕐᓂᖏᑦ ᐱᓪᓗᒋᑦ.

ᔪᐊᓇᓯ ᓯᕗᓪᓖᑦ 4:14

ᑕᑯᓯᒪᕗᒍᑦ ᓇᓗᓁᕐᓯᕗᒍᓪᓗ ᐊᑖᑕᐅᑉ ᐃᕐᓂᓂ ᑎᓕᓚᐅᕐᒪᒍ ᓯᓚᕐᔪᐊᕐᒥᐅᓄᑦ ᐱᐅᓕᔨᐅᖁᓪᓗᒍ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.