ᔪᐊᓇᓯᐅᑉ ᐊᒡᓚᖏᑦ 4:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᓇᓪᓕᐅᑎᔪᒫᕐᐳᕐᓕ, ᒫᓐᓇᓗ ᓇᓪᓕᐅᑎᓯᒪᓕᕐᐳᖅ, ᐊᑖᑕᒧᑦ ᑐᒃᓯᐊᕐᑐᑦ ᓱᓕᑦᓯᐊᕐᑐᒥᒃ ᑐᒃᓯᐊᖃᑦᑕᓕᕐᕕᒃᓴᓐᖓᑦ, ᐊᓂᕐᓂᒃᑰᕐᓗᑎᒃ ᓱᓕᑦᓯᐊᕐᑐᒥᒃ, ᐊᑖᑕ ᑍᒪᓐᓇ ᑐᒃᓯᐊᖃᑦᑕᕈᓐᓇᕐᑐᓂᒃ ᕿᓂᕐᒪᑦ.

Aglait Ijjurnaittut

²³ Nalliutijumaaqpurli, maannalu nalliutisimaliqpuq, Ataatamut tuksiaqtut sulitsiaqtumik tuksiaqattalirviksanngat, Anirnikkuurlutik sulitsiaqtumik, Ataata taimanna tuksiaqattarunnaqtunik qinirmat.

ᔪᐊᓇᓯᐅᑉ ᐊᒡᓚᖏᑦ 4:23 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 29:17

ᖃᐅᔨᒪᕗᖓ, ᒎᑎᒑ, ᐆᒻᒪᑏᑦ ᖃᐅᔨᓴᖃᑦᑕᕋᕕᒋᑦ, ᐃᓱᐊᕐᓂᕐᒦᑦᑐᓪᓗ ᖁᕕᐊᒋᒐᕕᒋᑦ; ᐅᕙᖓᓕ, ᐆᒻᒪᑎᒪ ᐃᓱᐊᕐᓂᖓᓄᑦ ᓇᖕᒥᓂᖅ ᐱᔪᒪᓂᕋ ᒪᓕᒡᓗᒍ ᑐᓂᓯᕗᖓ ᑕᒪᒃᑯᓂᖓᓕᒫᖅ, ᒫᓐᓇᓗ ᐃᓄᖁᑎᑎᑦ ᑕᑯᓯᒪᕙᒃᑲ, ᒫᓐᓇ ᐅᕙᓃᑦᑐᑦ, ᐱᔪᒪᑦᓯᐊᕐᓗᑎᒃ ᖁᕕᐊᓱᒡᓗᑎᒡᓗ ᑐᓂᓯᕗᑦ ᐃᓕᖕᓄᑦ.

ᐃᓐᖏᕈᑎᑦ 147:11

ᐊᑕᓂᐅᓪᓕ ᓯᕘᕋᒋᔨᓂ ᖁᕕᐊᒋᕔᑦ, ᑖᑦᓱᒪ ᓇᒡᓕᖕᓂᖓᓂᒃ ᓱᖁᓯᔪᐃᑦᑐᒥᒃ ᓂᕆᐅᒋᔭᒃᓴᖃᕐᑐᑦ.

ᐃᓐᖏᕈᑎᑦ 17:1

ᑐᓵᓚᐅᕆᑦ ᐱᑦᔪᑎᒃᓴᓪᓚᕆᓐᓂᒃ, ᐊᑕᓃᖅ, ᑐᒃᓯᐊᕐᓂᕋ ᓈᓚᓚᐅᕈᒃ ᖃᓂᕐᒥᑦ ᐅᐃᕕᕆᒃᓯᖏᑐᒥᑦ ᐱᔪᖅ.

ᐃᓐᖏᕈᑎᑦ 32:2

ᓮᒻᒪᕐᑎᑕᐅᕗᖅ ᐃᓄᒃ, ᐊᑕᓂᐅᑉ ᑍᓯᕕᒋᔪᓐᓃᕐᑕᖓ ᐊᔪᕐᓂᖏᓐᓂᒃ, ᐊᓂᕐᓂᖓᓂᓗ ᐅᐃᕕᕐᕆᒃᓯᓂᕐᒥᒃ ᐱᑕᖃᕈᓐᓃᕐᑐᖅ.

ᐃᓐᖏᕈᑎᑦ 51:6

ᓱᓕᑦᓯᐊᕐᑐᒥᒃ ᐱᔪᒪᕗᑎᑦ ᐃᓗᒥᑦ ᐱᔪᒥᒃ, ᐃᓗᒃᑯᓪᓗ ᐃᔨᕐᓯᒪᔪᒃᑯᑦ ᓯᓚᑐᓂᕐᒥᒃ ᖃᐅᔨᑎᓐᓂᐊᕐᐸᕐᒪ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 2:14

ᑑᕕᖁᑏᒃ, ᕾᕐᑑᑉ ᖁᖕᓈᕈᖏᓐᓂ ᐃᓂᖃᕐᑐᑎᑦ, ᕾᕐᑑᑉ ᐃᔨᕐᓯᒪᕕᖏᓐᓂ, ᑮᓁᑦ ᑕᑯᓚᐅᕐᓚᒍ, ᓂᐲᓪᓗ ᑐᓴᕐᓚᒍ, ᑐᓴᕐᓂᕐᒪᑦ, ᐃᓂᖁᓇᕐᑐᐊᓘᓪᓗᑎᓪᓗ.

ᐂᓮᐊᓯᐅᑉ ᐊᒡᓚᖏᑦ 10:20

ᐅᓪᓗᖅ ᓇᓪᓕᐅᑎᔪᒫᕐᐳᖅ ᐃᓴᕆᐊᓕᒃᑯᓐᓂ ᐊᒥᐊᒃᑰᔪᑦ ᐊᓐᓇᒃᓯᒪᔪᓪᓗ ᔧᑰᑉ ᑭᖑᕚᖏᓐᓂᑦ, ᓵᓚᒋᔨᒋᓚᐅᕐᑕᒥᖕᓂᒃ ᑕᑎᖃᕈᓐᓃᕐᕕᒃᓴᖓᑦ, ᐊᑕᓂᕐᒥᒡᓕ ᑕᑎᖃᓕᕈᒫᕐᐳᑦ, ᐃᓴᕆᐊᓕᒃᑯᑦ ᐃᑦᔪᕐᓁᑦᑐᖁᑎᖓᓂᒃ, ᓱᓕᑦᓯᐊᕐᓂᒃᑯᑦ.

ᐂᓮᐊᓯᐅᑉ ᐊᒡᓚᖏᑦ 29:13

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᐃᓄᐃᑦ ᐅᑯᐊ ᖃᓂᕐᒥᖕᓄᑦ ᖃᓂᑦᑑᓇᓱᐊᕐᐳᑦ ᐅᐱᒋᓪᓗᖓᓗ ᑲᓂᕐᒥᖕᓄᑦ, ᐆᒻᒪᑎᖏᑕᓕ ᐅᖓᓯᒋᕚᖓ, ᐅᕙᓐᓂᒡᓗ ᐃᓕᕋᓱᖕᓂᖏᑦ ᐃᓄᐃᑦ ᐱᖁᔨᓂᖏᓐᓂᒃ ᒪᓕᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 43:21

ᑖᒃᑯᐊ ᐃᓄᖁᑎᓕᐊᕆᓚᐅᕋᒃᑭᑦ ᐅᕙᓐᓄᑐᐊᖅ ᐱᒋᔭᐅᖁᓪᓗᒋᑦ; ᑖᒃᑯᐊᓗ ᓂᕐᑐᕐᓇᕐᓂᕋ ᐅᖃᐅᓯᕆᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 58:2

ᖃᐅᑕᒫᑦ ᐅᕙᓐᓂᒃ ᕿᓂᕋᓗᐊᕐᐳᑦ, ᐊᖅᑯᑎᓐᓂᒡᓗ ᖃᐅᔨᔪᒪᑦᓯᐊᕐᓗᑎᒃ, ᐃᓅᖃᑎᒌᒡᔪᐊᖑᓪᓗᑎᒃ ᓲᕐᓗ ᓇᓛᒎᕐᑐᒥᒃ ᐃᓕᖅᑯᓯᓕᒃᑎᑐᑦ, ᒎᑎᖓᑦᑕ ᐱᖁᔭᖏᓐᓂᒃ ᒪᓕᑦᓯᐊᖏᓐᓇᕐᑐᑎᑐᑦ, ᓈᒻᒪᑦᓯᐊᕐᑐᒥᒡᓗ ᑐᑭᑖᕐᑎᑕᐅᔪᒪᕗᑦ, ᒎᑎᒧᑦ ᖃᓂᒋᔭᐅᔪᒪᓪᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 3:10

ᑍᒤᓕᐅᕋᓗᐊᕋᒥᒃ ᐊᓯᓐᓂᐊᕐᑎᐅᖃᑎᖓᑕ ᔫᑕᐅᑉ ᐅᑎᕐᕕᒋᓚᐅᓐᖏᓛᖓ ᓱᓕᑦᓯᐊᕐᓗᓂ, ᑭᓯᐊᓂᓕ ᐅᑎᓐᖑᐊᑐᐃᓐᓇᓚᐅᕐᐳᖅ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 4:2

ᓱᓕᑦᓯᐊᕈᒪᓕᕐᓗᓯ, ᐊᑲᐅᔪᒥᒡᓗ ᐱᓇᓱᐊᕈᒪᒍᑦᓯ, ᐊᖏᒻᒪᕆᓚᐅᕆᑦᓯ ᐊᑕᓂᐅᑉ ᐊᑎᖓᓂ, ᑕᕝᕙ ᐃᓅᖃᑎᒌᒡᔪᐊᑦ ᓮᒻᒪᕐᑎᑕᐅᓂᐊᕐᐳᑦ, ᐊᑕᓂᕐᓗ ᓂᕐᑐᕐᓂᐊᕐᐹᑦ.

ᐃᓯᑭᐊᓕᐅᑉ ᐊᒡᓚᖏᑦ 22:30

ᑖᒃᑯᓇᓂᓗ ᐃᓄᖕᒥᒃ ᕿᓂᓚᐅᕐᐳᖓ ᐊᕙᓗᕐᔪᐊᒥᒃ ᓴᓇᔪᓐᓇᕐᑐᒥᒃ ᐱᓇᓱᐊᕈᓐᓇᕐᑐᒥᒡᓗ ᐊᕙᓗᕐᔪᐊᑉ ᓯᖁᑦᑎᕐᓯᒪᓂᖓᓂ ᓵᓐᓂ ᓇᖏᕈᓐᓇᕐᑐᒥᒃ ᓄᓇ ᓴᐳᑎᓇᓱᒡᓗᒍ, ᐊᓯᕈᐃᖁᓇᖓ; ᓇᓂᓯᓚᐅᓐᖏᓚᖓᓕ.

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᔪᐊᓇᓯᐅᑉ ᐊᒡᓚᖏᑦ 12:23

ᔩᓱᓯᐅᑉ ᑭᐅᕚᒃ, “ᐃᓅᑉ ᐃᕐᓂᖓᑕ ᓂᕐᑐᕐᓇᕐᑎᑕᐅᕕᐊ ᓇᓪᓕᐅᑎᓯᒪᕗᖅ.

ᔪᐊᓇᓯᐅᑉ ᐊᒡᓚᖏᑦ 16:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂᑦ ᐊᓂᑎᑕᐅᔪᒫᕐᐳᓯ; ᓇᓪᓕᐅᑎᔪᒫᕐᐳᖅ ᓇᓪᓕᐊᑦ ᐃᓕᑦᓯᓐᓂᒃ ᑐᖁᑦᓯᓗᑎᒃ ᒎᑎᒥᒃ ᐱᔨᑦᓯᕋᓱᒋᔪᒫᕐᓂᖓᑦ.

ᔪᐊᓇᓯᐅᑉ ᐊᒡᓚᖏᑦ 16:32

ᓇᓪᓕᐅᑦᑐᒃᓴᖅ ᓇᓪᓕᐅᑎᔪᒫᕐᐳᖅ, ᒫᓐᓇᓗ ᐊᑐᓕᕐᐸᕗᑦ, ᓇᒧᑐᐃᓐᓇᖅ ᓯᐊᒻᒪᕐᑎᑕᐅᕕᒃᓴᓯ, ᐊᑐᓂᑦ ᐊᖏᕐᕋᑦᓯᓐᓄᐊᕐᓗᓯ, ᐅᕙᖓᓗ ᐃᓄᑑᑎᓪᓗᖓ ᕿᒪᒃᑕᐅᓛᕐᐳᖓ; ᑭᓯᐊᓂᓕ ᐃᓄᑑᓐᖏᓚᖓ, ᐊᑖᑕᐅᑉ ᓇᔪᕐᒪᖓ.

ᔪᐊᓇᓯᐅᑉ ᐊᒡᓚᖏᑦ 4:21

ᔩᓱᓯᐅᑉ ᐅᖃᐅᑎᕚ, “ᐊᕐᓈᖅ ᐅᒃᐱᕆᓐᖓ, ᓇᓪᓕᐅᑎᔪᒫᕐᐳᖅ ᐃᓄᐃᑦ ᑕᕝᕙᓂ ᖃᖅᑲᒥ ᔨᕉᓴᓕᒻᒥᓘᓐᓃᑦ ᐊᑖᑕᒧᑦ ᑐᒃᓯᐊᖃᑦᑕᕈᓐᓃᕐᕕᒃᓴᖓᑦ.

ᔪᐊᓇᓯᐅᑉ ᐊᒡᓚᖏᑦ 5:25

ᓱᓕᔪᒥᒃ ᐅᖃᐅᑎᕙᑦᓯ, ᐃᑲᕐᕋᖅ ᓇᓪᓕᐅᑎᓂᐊᕐᓯᒪᔪᖅ ᓇᓪᓕᐅᑎᔭᕇᕐᐳᖅ, ᑐᖁᖓᔪᑦ ᒎᑎᐅᑉ ᐃᕐᓂᖓᑕ ᓂᐱᖓᓂᒃ ᑐᓴᕐᕕᖓᑦ, ᑐᓴᕐᑐᑦ ᑖᒃᑯᐊ ᐃᓅᓂᐊᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 5:28

ᑕᒪᓐᓇ ᑲᒪᓂᐊᕈᑎᒋᓇᓯᐅᒃ; ᐃᑲᕐᕋᖅ ᓇᓪᓕᐅᑎᔪᒫᕐᒪᑦ ᑐᖁᖓᔪᑦ ᐃᓗᕕᕐᒦᑦᑐᑦ ᐃᓘᓐᓇᑎᒃ ᓂᐱᖓᓂᒃ ᑐᓴᕈᒫᕐᒪᑕ.

ᕉᒪᒥᐅᓄᑦ 1:9

ᒎᑎᐅᑉ ᐱᔨᑦᓯᕐᑕᒪ ᐱᔪᓐᓇᕐᓂᓕᒫᓐᓄᑦ ᐊᔪᕆᕐᑐᐃᓂᕐᒥᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᕐᓂᖓᓂᒃ, ᖃᐅᔨᒪᑦᓯᐊᕐᐹᖓ ᐃᖅᑲᐅᒤᓐᓇᕋᑦᓯ ᑐᒃᓯᐊᓕᕌᖓᒪ ᑐᒃᓯᐅᑎᖃᑦᑕᕋᑦᓯ,

ᕉᒪᒥᐅᓄᑦ 8:15

ᐊᓂᕐᓂᕐᒥᒃ ᐱᑎᑕᐅᓯᒪᖏᓐᓇᑦᓯ ᑭᒡᒐᐅᑎᑦᓯᔪᒥᒃ ᓯᕘᕋᓂᕐᒧᑦ, ᐊᓂᕐᓂᕐᒥᒡᓕ ᑐᓂᓯᕕᐅᕗᓯ ᒎᑎᒧᑦ ᕿᑐᕐᖓᕆᔭᐅᑎᑦᓯᔪᒥᒃ. ᑖᑦᓱᒨᓇ ᓂᓪᓕᐊᕗᒍᑦ, “ᐋᐸ ᐊᑖᑖᒃ!”

ᕉᒪᒥᐅᓄᑦ 8:26

ᑍᒫᒃᑕᐅᖅ ᓴᓐᖐᓐᓂᑦᑎᓐᓂ ᐊᓂᕐᓂᐅᑉ ᐃᑲᔪᕐᐹᑎᒍᑦ; ᑐᒃᓯᐊᕈᑎᒋᔭᕆᐊᖃᕐᑕᑦᑎᓐᓂᒃ ᖃᓄᖅ ᓈᒻᒪᒃᑐᒥᒃ ᓇᓗᒐᑦᑕ, ᐊᓂᕐᓂᐅᓪᓕ ᑐᒃᓯᐅᑎᕚᑎᒍᑦ ᐊᓂᕐᓴᐅᒥᓂᒃᑯᑦ ᐊᒡᓛᑦ ᐅᖃᐅᓯᕆᔪᓐᓇᕋᔭᓐᖏᑕᑦᑎᓐᓂᒃ.

ᒐᓔᑎᐊᒥᐅᓄᑦ 4:6

ᕿᑐᕐᖓᕆᔭᐅᓕᕋᑦᓯᓗ, ᒎᑎᐅᑉ ᐃᕐᓂᕐᒥ ᐊᓂᕐᓂᖓ ᐃᓗᑦᓯᓐᓄᐊᕐᑎᑉᐹ, ᑖᓐᓇ ᓂᓪᓕᐊᔪᖅ, “ᐋᐸ, ᐊᑖᑖᒃ!”

ᐃᐱᓯᒥᐅᓄᑦ 6:18

ᑐᒃᓯᐊᑦᓮᓐᓇᕆᑦᓯ ᐊᓂᕐᓂᒃᑯᑦ, ᑐᒃᓯᐊᕈᑎᖃᕐᓗᓯ ᓱᓇᑐᐃᓐᓇᕐᓂᒃ ᕿᓄᓗᓯᓗ. ᐃᒃᐱᒍᓱᑦᓯᐊᕆᑦᓯ ᓴᐱᓕᕐᑍᓕᓗᓯ, ᑐᒃᓯᐅᑦᔨᕙᒡᓗᓯ ᐃᑦᔪᕐᓁᑎᑕᐅᓯᒪᔪᓂᒃ ᑕᒤᓐᓂᒃ,

ᐱᓕᐱᒥᐅᓄᑦ 3:3

ᐅᕙᒍᑦ ᓱᓕᔪᒥᒃ ᑭᐱᔭᐅᓯᒪᕗᒍᑦ, ᒎᑎᒥᒃ ᐱᔨᑦᓯᕐᑐᒍᑦ ᐊᓂᕐᓂᒃᑯᑦ, ᖁᕕᐊᓲᑎᖃᕐᓗᑕᓗ ᔩᓱᓯ ᙭ᔅᑑᓯᒥ, ᑎᒥᐅᑉ ᐱᐅᓯᖓᓂᒃ ᑕᑎᖃᕐᒥᓇᑕ.

ᔮᓱᐊᑉ ᐊᒡᓚᖏᑦ 24:14

“ᒫᓐᓇᓕ ᑍᒤᒻᒪᑦ ᐊᑕᓂᖅ ᓯᕘᕋᒋᓯᐅᒃ, ᐅᐱᒋᑦᓯᐊᕐᓗᒍ ᐱᔨᑦᓯᕐᓯᐅᒃ ᓱᓕᑦᓯᐊᕐᓗᓯ ᓱᖁᓯᔪᐃᑦᑑᓗᓯᓗ; ᓯᕗᓕᓯ ᒎᑎᒋᓚᐅᕐᑕᒋᑦ ᖁᔭᓈᕐᓯᐅᒃ ᑐᒃᓯᐊᕐᕕᒋᓚᐅᕐᑕᖏᑦ ᑰᑉ ᐊᑭᐊᓂ, ᐄᑦᔨᑉᑎᒥᓗ, ᐊᑕᓂᕐᓕ ᐱᔨᑦᓯᕐᓯᐅᒃ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᓴᒧᐃᓕ ᓯᕗᓪᓖᑦ 12:24

ᐊᑕᓂᕐᓕ ᐃᓕᕋᒋᓯᐅᒃ, ᐱᔨᑦᓯᕐᓗᒍᓗ ᓱᖁᓯᔪᐃᑦᑑᓗᓯ ᐆᒻᒪᑎᓕᒫᑦᓯᓐᓄᑦ; ᐃᖅᑲᐅᒪᓗᓯ ᐱᐅᔪᕐᔪᐊᓂᒃ ᐱᓂᐊᕐᓂᖃᓚᐅᕐᒪᑦ ᐃᓕᑦᓯᓐᓄᑦ.