ᔪᐊᓇᓯᐅᑉ ᐊᒡᓚᖏᑦ 21:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᔩᓱᓯ ᑕᒪᑐᒥᖓ ᐅᖃᓚᐅᕐᐳᖅ, ᐲᑦᑐᕉᓯᐅᑉ ᑐᖁᑕᐅᓗᓂ ᒎᑎᐅᑉ ᓂᕐᑐᕐᓇᕐᑎᑕᐅᓂᕆᓛᕐᑕᖓᓂᒃ ᐅᖃᐅᓯᖃᕐᓗᓂ. ᑕᒪᑐᒪ ᑭᖑᕐᖓᒍᑦ ᔩᓱᓯᐅᑉ ᐅᖃᐅᑎᕚ, “ᒪᓕᓐᖓ.”

Aglait Ijjurnaittut

¹⁹ Jiisusi tamatuminga uqalauqpuq, Piitturuusiup tuqutauluni Guutiup niqturnaqtitaunirilaaqtanganik uqausiqarluni. Tamatuma kingurngagut Jiisusiup uqautivaa, “Malinnga.”

ᔪᐊᓇᓯᐅᑉ ᐊᒡᓚᖏᑦ 21:19 ပူးပေါင်းရင်းမြစ်များ

ᒨᓯᓯ ᓯᑕᒪᖏᑦ 14:24

ᐱᔨᒐᓕ ᑬᓚᐱ ᐊᑦᔨᒋᓐᖏᑕᖓᓐᓂᒃ ᐊᓂᕐᓂᕐᒥᒃ ᐱᓯᒪᖕᒪᑦ ᐅᕙᓐᓂᒡᓗ ᓈᓚᑦᓯᐊᕐᓗᓂ, ᓄᓇᒧᑦ ᐅᐸᓚᐅᕐᑕᖓᓄᑦ ᑎᑭᓐᓂᐊᕐᐳᖅ, ᑭᖑᕚᖏᑕᓗ ᓄᓇᒋᔪᒫᕐᐹᑦ.

ᒫᑎᐅᓯᐅᑉ ᐊᒡᓚᖏᑦ 10:38

ᓇᓪᓕᐊᑦ ᓴᓐᓂᖓᔪᓕᒃᓴᒥᓂᒃ ᓇᒃᓴᖏᑦᑐᖅ ᒪᓕᒡᓗᓂ ᐅᕙᓐᓂᒃ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 19:28

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ: ᐃᓅᑉ ᐃᕐᓂᖓ ᐃᒃᓯᕙᐅᑕᕐᔪᐊᕐᒥᓄᑦ ᐱᕕᐊᕐᓇᕐᑐᒧᑦ ᐃᖏᓪᓗᓂ ᓄᑖᒥᒃ ᐱᒋᐊᒃᑲᓐᓂᓕᕐᐸᑦ, ᑕᕝᕙ ᐃᓕᑦᓯ ᒪᓕᒃᑎᐅᔪᓯ ᐅᕙᓐᓄᑦ, ᐃᒃᓯᕙᖃᑕᐅᔪᒫᕐᐳᓯ ᐃᒃᓯᕙᐅᑕᕐᔪᐊᓂ 12ᓂ, ᐃᓴᕆᐊᓕᒥᐅᑦ ᑭᖑᕚᕇᑦ 12 ᐊᖓᔪᖅᑲᐅᕕᒋᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 8:22

ᔩᓱᓯᐅᑉ ᑭᐅᕚ, “ᒪᓕᓐᖓ, ᑐᖁᖓᔪᑦ ᑐᖁᔨᐊᒥᖕᓂᒃ ᓇᖕᒥᓂᖅ ᐃᓗᕕᕐᓯᓚᐅᕐᓕᑦ.”

ᔪᐊᓇᓯᐅᑉ ᐊᒡᓚᖏᑦ 12:26

ᓇᓪᓕᐊᑦ ᐅᕙᓐᓂᒃ ᐱᔨᑦᓯᕐᑐᖅ, ᐅᕙᓐᓂᒃ ᒪᓕᒃᑐᒃᓴᐅᕗᖅ; ᓇᔪᒐᓐᓂᓗ, ᓇᔫᑎᔪᒃᓴᐅᕗᖅ; ᐅᕙᓐᓂᒃ ᐱᔨᑦᓯᕐᓂᐊᕐᑐᖅ, ᐊᑖᑕᒪ ᓂᕐᑐᕐᓇᕐᑎᑦᓱᒫᕐᐹ.”

ᔪᐊᓇᓯᐅᑉ ᐊᒡᓚᖏᑦ 12:33

ᑕᒪᑐᒥᖓ ᐅᖃᕐᐳᖅ ᑐᑭᓯᑎᑦᓯᓪᓗᓂ ᑐᖁᑕᐅᓂᕐᒧᑦ ᖃᓄᐃᑦᑐᒧᑦ ᑐᖁᑕᐅᓂᐊᕐᒪᖔᕐᒥ.

ᔪᐊᓇᓯᐅᑉ ᐊᒡᓚᖏᑦ 18:32

ᑕᒪᓐᓇ ᐱᓂᐊᕐᓂᐅᓚᐅᕐᐳᖅ ᔩᓱᓯᐅᑉ ᐅᖃᐅᓯᕆᓚᐅᕐᑕᖏᑕ ᓇᓚᐅᑦᓯᓂᖏᑦ ᓴᖅᑭᑎᑕᐅᖁᓪᓗᒋᑦ ᖃᓄᐃᓕᐅᕐᑕᐅᓗᓂ ᑐᖁᑎᑕᐅᓛᕐᒪᖔᕐᒥ.

ᔪᐊᓇᓯᐅᑉ ᐊᒡᓚᖏᑦ 21:18

ᓱᓕᔪᒥᒃ ᐅᖃᐅᑎᕙᒋᑦ, ᐃᓅᓱᒃᑑᑎᓪᓗᑎᑦ, ᐃᓕᖕᓂᒃ ᑕᑦᓯᕈᓯᕐᓗᑎᑦ ᐂᕙᓚᐅᕐᐳᑎᑦ ᐂᕕᒋᔪᒪᔭᕐᓄᑦ; ᐃᑦᑑᓕᕈᕕᓪᓕ ᑕᓖᒃᑭᒃ ᐃᓴᒍᒫᕐᐹᒃᑭᒃ, ᐊᓯᕕᓪᓗ ᑕᑦᓯᕈᓯᕈᒫᕐᐹᑎᑦ ᐂᑎᓪᓗᑎᑦ ᐂᕕᒋᔪᒪᓐᖏᑕᕐᓄᑦ.”

ᔪᐊᓇᓯᐅᑉ ᐊᒡᓚᖏᑦ 21:22

ᔩᓱᓯᐅᑉ ᐅᖃᐅᑎᕚ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ, ᐃᕝᕕᓪᓕ ᒪᓕᓐᖓ!”

ᐱᓕᐱᒥᐅᓄᑦ 1:20

ᐱᔪᒪᓂᕐᐹᕆᔭᕋᓕ ᓂᕆᐅᒋᓪᓗᒍᓗ ᐱᔭᕆᐊᖃᕐᑕᓐᓂᒃ ᑲᔪᓯᔪᒪᓪᓗᖓ ᑲᓐᖑᓲᑎᒃᓴᖃᕈᒪᓇᖓ, ᓴᐱᖏᑦᓯᐊᕐᓂᖃᕈᒪᓪᓗᖓ ᒫᓐᓇᒥᑦ ᑍᒪᓐᖓᓕᒫᖅ ᐃᓅᓯᕋ ᙭ᔅᑑᓯᐅᑉ ᓂᕐᑐᕐᑕᐅᑦᔪᑎᒃᓴᖓᓄᑦ ᑐᕌᖓᖁᓪᓗᒍ, ᐃᓅᒐᓗᐊᕈᒪ ᑐᖁᒐᓗᐊᕈᒪᓘᓐᓃᑦ.

ᐲᑦᑐᕉᓯ ᐂᑉᐸᖏᑦ 1:14

ᖃᐅᔨᒪᓕᕋᒪ ᑎᒥᓐᓂ ᐃᓅᑯᑖᖕᓂᐊᕈᓐᓃᕋᒪ, ᑍᒫᒃ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᑕᑯᑎᓯᒪᖕᒪᖓ.

ᓴᒧᐃᓕ ᓯᕗᓪᓖᑦ 12:20

ᓴᒧᐃᓕᐅᓪᓗ ᐅᖃᐅᑎᕔᑦ, “ᑲᑉᐱᐊᓱᖏᓪᓗᓯ; ᐱᐅᖏᑦᑐᐊᓗᖕᒥᒃ ᑕᒪᑐᒥᖓ ᐱᓯᒪᒐᓗᐊᕐᑐᓯ, ᐊᑕᓂᕐᒥᓪᓕ ᓴᖑᓗᓯ ᒪᓕᒍᓐᓃᕐᑍᓕᓯᐅᒃ, ᐊᑕᓂᕐᓕ ᐱᔨᑦᓯᕐᓯᐅᒃ ᐆᒻᒪᑎᓕᒫᑦᓯᓐᓄᑦ.