ᔪᐊᓇᓯᐅᑉ ᐊᒡᓚᖏᑦ 21:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᔩᓱᓯᐅᑉ ᐅᖃᐅᑎᕔᑦ, “ᕾᓗᓯ ᓂᕆᓕᕆᑦᓯ.” ᐃᓕᓐᓂᐊᕐᑏᓪᓗ ᓇᓪᓕᐊᑦᑕᓘᓐᓃᑦ ᐊᐱᕆᔪᒪᓐᖏᓛ, “ᑭᓇᐅᕕᑦ” ᖃᐅᔨᒪᒐᒥᒃ ᐊᑕᓂᐅᖕᒪᑦ.

Aglait Ijjurnaittut

¹² Jiisusiup uqautivait, “Qailusi nirilirissi.” Ilinniaqtillu nalliattaluunniit apirijumanngilaa, “Kinauvit” qaujimagamik Ataniungmat.

ᔪᐊᓇᓯᐅᑉ ᐊᒡᓚᖏᑦ 21:12 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 22:46

ᑖᒃᑯᐊᓕ ᑭᐅᑦᔪᑎᒃᓴᖃᕈᓐᓃᓚᐅᕐᐳᑦ, ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᑎᒃ ᐊᐱᕆᒃᑲᓐᓂᕈᒪᔪᖃᕈᓐᓃᓚᐅᕐᐳᖅ ᑖᑦᓱᒧᖓ.

ᒫᑯᓯᐅᑉ ᐊᒡᓚᖏᑦ 9:32

ᐃᓕᓐᓂᐊᕐᑎᖏᓪᓕ ᑐᑭᓯᓐᖏᓚᑦ ᐅᖃᐅᓯᕆᔭᖏᓐᓂᒃ, ᐊᐱᕆᔭᕆᐊᒃᓴᕐᓗ ᔩᓱᓯᒥᒃ ᐃᓕᕋᓱᒃᓗᑎᒃ.

ᓘᑲᓯᐅᑉ ᐊᒡᓚᖏᑦ 9:45

ᐃᓕᓐᓂᐊᕐᑎᖏᓪᓕ ᑕᒪᑐᒥᖓ ᐅᖃᕐᑕᖓᓂᒃ ᑐᑭᓯᓚᐅᓐᖏᓚᑦ, ᐅᖃᐅᓰᑦ ᓇᓗᓇᕐᑎᑕᐅᓚᐅᕐᒪᑕ ᑖᒃᑯᓄᖓ ᑐᑭᓯᓚᐅᓐᖏᓚᑦ; ᐃᓕᕋᒋᕚᓗ ᐊᐱᕆᔭᕆᐊᒃᓴᖅ ᑕᒪᑐᒥᖓ.

ᔪᐊᓇᓯᐅᑉ ᐊᒡᓚᖏᑦ 16:19

ᔩᓱᓯᐅᓪᓕ ᖃᐅᔨᒪᒐᒥᒋᑦ ᐊᐱᕐᓱᕈᒪᓂᖏᑦ; ᐅᖃᐅᑎᕔᑦ, “ᐅᖃᕋᒪ, ‘ᐊᑯᓂᐅᖏᑦᑐᖅ ᑕᑯᖃᑦᑕᕐᓂᐊᕈᓐᓃᕐᐸᑦᓯᓐᖓ, ᐊᑯᓂᐅᖏᑦᑐᕐᓗ ᑕᑯᓂᐊᕆᕙᑦᓯᓐᖓ’ ᑕᒪᓐᓇ ᑕᕝᕙ ᐃᓕᑦᓯᓐᓄᑦ ᐊᐱᕐᓲᑎᒋᔭᓰ?

ᔪᐊᓇᓯᐅᑉ ᐊᒡᓚᖏᑦ 21:11

ᑕᕝᕙ ᓮᒨᓂ ᐲᑦᑐᕉᓯ ᐅᒥᐊᒧᑦ ᐃᑭᓪᓗᓂ ᓄᓗᐊᑦ ᓄᓇᒧᑦ ᐅᓂᐊᕐᐰᑦ, ᐃᖃᓗᖕᓂᒃ ᐊᖏᔫᑎᓂᒃ ᑕᑕᑦᑐᑦ, 153ᓂᒃ; ᐃᖃᓗᐃᑦ ᑍᒫᒃ ᐅᓄᕐᑎᒋᒐᓗᐊᕐᒪᑕ, ᓄᓗᐊᑦ ᐊᓕᒃᑕᐅᓐᖏᓚᑦ.

ᔪᐊᓇᓯᐅᑉ ᐊᒡᓚᖏᑦ 21:15

ᓂᕆᔭᕇᕋᒥᒡᓕ, ᔩᓱᓯ ᐅᖃᕐᐳᖅ ᓮᒨᓂ ᐲᑦᑐᕉᓯᒧᑦ, “ᓮᒨᓃ ᔪᐊᓇᓯᐅᑉ ᐃᕐᓂᖓ, ᐅᑯᓇᖔᑦ ᐱᓐᓇᕆᓂᕐᓴᕆᕕᖔ?” ᐲᑦᑐᕉᓯᐅᑉ ᑭᐅᕚ, “ᐃᓛᒃ ᐊᑕᓃᖅ; ᖃᐅᔨᒪᕗᑎᑦ ᓇᒡᓕᒋᒐᒃᑭ.” ᔩᓱᓯᐅᑉ ᐅᖃᐅᑎᕚ, “ᓰᐱᓛᖁᑎᒃᑲ ᓂᕆᑎᓐᓂᐊᒃᑭᑦ.”

ᔪᐊᓇᓯᐅᑉ ᐊᒡᓚᖏᑦ 4:27

ᑍᒫᒃ ᓱᓕ ᐅᖃᕐᑎᓪᓗᒍ ᐃᓕᓐᓂᐊᕐᑎᖏᑕ ᑎᑭᑉᐹᑦ. ᑲᒪᒻᒪᕆᒃᐳᓪᓗ ᔩᓱᓯᐅᑉ ᐊᕐᓇᒥᒃ ᐅᖃᖃᑎᖃᕐᓂᖓᓂᒃ, ᓇᓪᓕᐊᓐᓂᒡᓘᓐᓃᑦ ᐊᐱᕆᔪᖃᓐᖏᓚᖅ ᐊᕐᓇᒧᑦ “ᓱᓇᒥᒃ ᐱᔪᒪᕖᑦ?” ᐅᕝᕙᓗ, ᔩᓱᓯᒧᑦ ᐊᐱᕆᔪᖃᓐᖏᓚᖅ, “ᓱᖕᒪᓄᓇ ᐊᕐᓇᖅ ᐅᖃᖃᑎᒋᕕᐅᒃ?”

ᐋᐴᓯᑕᓖᑦ ᐱᓂᐊᕐᓂᖏᑦ 10:41

ᐃᓄᖕᓄᑦ ᑕᒤᓐᓅᖏᑦᑐᖅ, ᐅᕙᑦᑎᓐᓄᑦ ᒎᑎᐅᑉ ᓂᕈᐊᕐᓯᒪᔭᖏᓐᓄᑦ ᓇᓗᓁᕐᓯᔪᒃᓴᓄᑦ, ᓂᕆᖃᑎᒋᓚᐅᕐᐸᕗᑦ ᐃᒥᖃᑎᒋᓪᓗᒍᓗ ᑐᖁᖓᔪᓂᑦ ᒪᑭᓯᒪᓕᕐᑎᓪᓗᒍ.