ᔪᐊᓇᓯᐅᑉ ᐊᒡᓚᖏᑦ 19:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᔩᓱᓯ ᖃᐅᔨᒪᓕᕋᒥ ᓱᓇᓕᒫᑦ ᐱᔭᕇᕐᒪᑕ, ᐊᒡᓔᑦ ᓇᓚᐅᑦᓯᖁᓪᓗᒋᑦ, ᐅᖃᕐᐳᖅ, “ᖀᓕᕐᐳᖓ.”

Aglait Ijjurnaittut

²⁸ Jiisusi qaujimalirami sunalimaat pijariirmata, aglait nalautsiqullugit, uqaqpuq, “Qiiliqpunga.”

ᔪᐊᓇᓯᐅᑉ ᐊᒡᓚᖏᑦ 19:28 ပူးပေါင်းရင်းမြစ်များ

ᐃᓐᖏᕈᑎᑦ 22:15

ᓄᑭᒃᑲ ᐸᓂᕐᓯᒪᕗᑦ ᓄᓇᑐᑦ ᐸᓐᓇᕆᒃᑐᑐᑦ, ᐅᖃᕋᓗ ᓂᐱᑉᐳᖅ ᐊᒡᓕᕈᓐᓄᑦ; ᐃᓕᕙᕐᒪᓗ ᑐᖂᑉ ᐳᔪᕐᓗᖓᓄᑦ.

ᐃᓐᖏᕈᑎᑦ 69:21

ᑳᓕᕐᑎᓪᓗᖓ ᓂᕆᓂᐊᕐᑕᒃᑲ ᓱᖓᕐᒥᒃ ᐃᓚᕔᑦ, ᐃᒥᕈᓕᕋᒪᓗ ᕕᓂᒐᒥᒃ ᐃᒥᕐᑎᑉᐹᖓ.

ᓘᑲᓯᐅᑉ ᐊᒡᓚᖏᑦ 12:50

ᐹᑉᑎᑦᔪᑎᒧᑦ ᐹᑉᑎᑕᐅᔭᕆᐊᖃᕐᐳᖓ ᓱᓕ; ᐊᑯᓂᐅᒃᓴᕐᐳᖓ ᑕᒪᓐᓇ ᐊᓂᒍᓚᐅᓕᖁᓪᓗᒍ.

ᓘᑲᓯᐅᑉ ᐊᒡᓚᖏᑦ 18:31

ᔩᓱᓯᐅᑉ ᐃᓕᓐᓂᐊᕐᑎᓂ 12 ᐃᓄᑑᑎᓪᓗᒋᑦ ᐅᖃᐅᑎᕔᑦ, “ᑕᑯᒋᑦ ᔨᕉᓴᓕᒻᒧᐊᓕᕐᐳᒍᑦ, ᐅᖃᐅᓯᐅᓯᒪᔪᑦ ᑕᒪᕐᒥᒃ ᓇᓚᐅᑦᑍᔪᓂ ᐃᓅᑉ ᐃᕐᓂᖓᑕ ᒥᒃᓵᓄᑦ ᑲᔪᓯᑎᑕᐅᓂᐊᕐᐳᑦ.

ᓘᑲᓯᐅᑉ ᐊᒡᓚᖏᑦ 22:37

ᑕᒪᒃᑯᓂᖓ ᐅᖃᐅᑎᕙᑦᓯ; ᐊᒡᓔᑦ ᓈᓚᐅᑦᓯᖁᓪᓗᒋᑦ ᐅᕙᓐᓂᒃ ᐅᖃᐅᓯᖃᕐᓯᒪᔪᑦ, ‘ᐱᐅᖏᑦᑐᓕᔪᕐᔪᐊᓄᑦ ᐃᓚᓕᐅᑦᔭᐅᕗᖅ,’ ᑖᒃᑯᐊ ᐅᕙᓐᓂᒃ ᐅᖃᐅᓯᖃᕐᓯᒪᔪᑦ ᓇᓚᐅᑦᓯᓂᐊᕐᒪᑕ.”

ᓘᑲᓯᐅᑉ ᐊᒡᓚᖏᑦ 9:31

ᑖᒃᑯᐊᒃ ᓴᖅᑭᕐᐴᒃ ᑕᑯᒥᓇᕐᑐᐊᓗᖕᒥᒃ ᖃᐅᒪᓂᖃᕐᓗᑎᒃ ᔩᓱᓯᐅᑉ ᐊᑯᓂᐅᖏᑦᑐᖅ ᐊᐅᓪᓚᕐᓂᐊᓕᕐᓂᖓᓂᒃ ᐅᖃᐅᓯᖃᕐᓗᑎᒃ, ᐊᑐᕐᓂᐊᕐᑕᖓᓂᒃ ᔨᕉᓴᓕᒻᒥ.

ᔪᐊᓇᓯᐅᑉ ᐊᒡᓚᖏᑦ 13:1

ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃᓴᐅᑉ ᓯᕗᓂᖓᓂ, ᔩᓱᓯ ᖃᐅᔨᒪᒐᒥ ᐊᑖᑕᒥᓄᑦ ᐊᐅᓪᓚᕐᕕᒃᓴᖓ ᓯᓚᕐᔪᐊᕐᒥᑦ ᓇᓪᓕᐅᑎᓕᕐᒪᑦ, ᓇᖕᒥᓂᖅ ᐃᓄᖁᑎᓂ ᓇᒡᓕᒋᒐᒥᒋᑦ ᓯᓚᕐᔪᐊᕐᒦᑦᑐᑦ, ᐃᓱᓕᑦᑎᕕᒋᔭᓂ ᑎᑭᓪᓗᒍ ᓇᓪᓕᒌᓐᓇᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 17:4

ᓂᕐᑐᕐᓇᕐᑎᓚᐅᕐᐸᒋᑦ ᓄᓇᕐᔪᐊᕐᒥ, ᐱᓂᐊᕐᓃᓪᓗ ᐱᓇᓱᐊᕐᑕᐅᖁᓚᐅᕐᑕᓕᒫᑎᑦ ᐅᕙᓐᓄᑦ ᐱᔭᕇᓚᐅᕐᐸᒃᑲ;

ᔪᐊᓇᓯᐅᑉ ᐊᒡᓚᖏᑦ 18:4

ᔩᓱᓯᓕ, ᑕᒤᓐᓂᒃ ᖃᐅᔨᒪᒐᒥ ᐱᓂᐊᕐᕕᐅᓂᐊᕐᓂᕐᒥᓂᒃ, ᐸᕐᕆᐊᕐᓗᒋᑦ ᐅᖃᐅᑎᕔᑦ, “ᑭᓇᒦᒃ ᕿᓂᕐᐱᓯ?”

ᔪᐊᓇᓯᐅᑉ ᐊᒡᓚᖏᑦ 19:24

ᑕᕝᕙ ᐅᓇᑕᕐᑐᒃᓮᑦ ᐃᒻᒥᖕᓄᑦ ᐅᖃᖃᑦᑕᐅᑎᕗᑦ, “ᑖᓐᓇ ᐊᕕᒍᓐᓁᕐᓚᕗᑦ; ᓇᓚᐅᑦᓵᕐᓗᑕᓕ ᒪᑭᑦᓯᒋᐊᖃᑦᑕᓕᕐᑕ ᓇᓪᓕᐊᑦᑕ ᐱᓂᐊᕐᒪᖔᒍ.” ᑕᒪᓐᓇ ᐊᑐᕐᑕᐅᓚᐅᕐᐳᖅ ᐊᒡᓔᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᐊᓐᓄᕌᒃᑲ ᐃᒻᒥᖕᓄᑦ ᐊᑐᓂᑦ ᐊᒡᒍᓚᐅᕐᐰᑦ, ᐅᓕᒡᔪᐊᕋᓗ ᓇᓚᐅᑦᓵᕈᑎᒋᓚᐅᕐᐹᑦ.” ᑕᕝᕙ ᐅᓇᑕᕐᑐᒃᓮᑦ ᑍᒤᓕᐅᓚᐅᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 19:30

ᔩᓱᓯ ᖃᓯᓕᓇᕐᑐᒥᒃ ᐃᒥᕋᒥ ᐅᖃᕐᐳᖅ, “ᐱᔭᕇᕐᐳᖅ”; ᐅᑯᓪᓗᓂᓗ ᐊᓂᕐᓇᖏᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 19:36

ᑕᒪᒃᑯᐊ ᐱᓂᐊᕐᓂᐅᓚᐅᕐᐳᑦ ᐊᒡᓔᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᑖᑦᓱᒪ ᓴᐅᓂᖏᑦ ᓇᒡᒍᕐᑕᐅᔪᒃᓴᐅᓐᖏᓚᑦ.”

ᔪᐊᓇᓯᐅᑉ ᐊᒡᓚᖏᑦ 4:34

ᔩᓱᓯᐅᑉ ᐅᖃᐅᑎᕔᑦ, “ᓂᕆᔭᒃᓴᒃᑲ ᑕᕝᕙ ᑎᓕᔨᒪ ᐱᔪᒪᔭᖓᓂᒃ ᓈᓚᒡᓗᖓ, ᐱᓇᓱᐊᕐᑕᐅᖁᓯᒪᔭᖓᓗ ᐱᔭᕇᕐᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 13:29

ᑖᑦᓱᒥᖓ ᐅᖃᐅᓯᖃᕐᓯᒪᔪᑦ ᒎᑎᐅᑉ ᐅᖃᐅᓯᖏᓐᓂ ᑕᒪᕐᒥᑦᓯᐊᖅ ᓇᓚᐅᑦᓯᔭᕇᕐᒪᑕ, ᐊᖅᑲᕐᑎᓚᐅᕐᐹᑦ ᓴᓐᓂᖓᔪᓕᖕᒥᑦ, ᐃᓗᕕᕐᓗᒍ.