ᔪᐊᓇᓯᐅᑉ ᐊᒡᓚᖏᑦ 18:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᔩᓱᓯᐅᑉ ᑭᐅᕔᑦ, “ᐅᖃᐅᑎᔭᕇᕐᐸᑦᓯ ᑖᓐᓇᐅᕗᖓ; ᐅᕙᖓᑐᐊᖅ ᕿᓂᕈᑦᓯᓐᖓ, ᐅᑯᐊ ᐃᓚᒋᔭᒃᑲ ᑲᒪᒋᓇᒋᑦ ᐊᐅᓪᓚᕐᓕᑦ.”

Aglait Ijjurnaittut

⁸ Jiisusiup kiuvait, “Uqautijariiqpassi taannauvunga; uvangatuaq qinirussinnga, ukua ilagijakka kamaginagit aullarlit.”

ᔪᐊᓇᓯᐅᑉ ᐊᒡᓚᖏᑦ 18:8 ပူးပေါင်းရင်းမြစ်များ

ᐲᑦᑐᕉᓯ ᓯᕗᓪᓖᑦ 5:7

ᐃᓱᒫᓗᒍᑎᓕᒫᓯ ᑖᑦᓱᒧᖓ ᐱᑎᓯᒋᒃ, ᑖᑦᓱᒪ ᑲᒪᒋᑦᓯᐊᕈᒪᖕᒪᓯ.

ᐃᐱᓯᒥᐅᓄᑦ 5:25

ᐃᓕᑦᓯ ᐊᖑᑎᐅᔪᓯ, ᓄᓕᐊᓯ ᓇᒡᓕᒋᓯᒋᒃ, ᙭ᔅᑑᓯᐅᑦᑕᐅᖅ ᐅᒃᐱᕐᑑᖃᑎᒌᑦ ᓇᒡᓕᒋᓚᐅᕐᒪᒋᑦ ᐃᒻᒥᓂᒡᓗ ᑐᓂᓪᓗᓂ ᑖᒃᑯᐊ ᐱᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:9

ᐅᖃᐅᑎᓚᐅᕐᐹᖓᓕ, “ᐱᑦᓯᐊᕐᓂᕐᒪ ᐱᔪᓐᓇᕐᑎᑦᓯᓂᖓ ᐃᓕᖕᓄᑦ ᓈᒻᒪᒃᐳᖅ; ᐱᔪᓐᓇᕐᓂᕋ ᓈᒻᒪᒃᑎᑕᐅᕙᖕᒪᑦ ᓴᓐᖐᑦᑐᓂ.” ᑍᒤᒻᒪᑦ ᖁᕕᐊᓱᒡᓗᖓ ᓴᓐᖐᓐᓂᕋ ᓂᕐᑑᑎᒋᔪᒪᓂᕐᓴᕆᕙᕋ, ᙭ᔅᑑᓯᐅᑉ ᐱᔪᓐᓇᕐᓂᖓ ᐅᕙᓐᓂ ᐃᓂᖃᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:13

ᐱᐅᓐᖏᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᑕᐅᕙᒃᐳᓯ ᐃᓄᐃᑦ ᐊᑐᕐᐸᒃᑕᖏᓐᓄᑦ ᑭᓯᐊᓂ. ᒎᑎᓕ ᓱᖁᓯᔪᐃᑦᑑᒐᒥ, ᐱᔪᓐᓇᕐᑕᑦᓯ ᐅᖓᑖᓄᑦ ᐱᐅᓐᖏᑐᒧᑦ ᐱᔪᒥᓵᕐᑕᐅᑎᓐᓂᐊᓐᖏᓛᓯ. ᐱᐅᓐᖏᑐᒧᓪᓕ ᐱᔪᒥᓵᕐᑕᐅᑎᓪᓗᓯ ᓵᓚᒃᓴᕈᑎᒃᓴᑦᓯᓐᓂᒃ ᑐᓂᓯᕕᒋᓂᐊᕐᐹᓯ ᓵᓚᒋᔭᐅᖁᓇᓯ.

ᔪᐊᓇᓯᐅᑉ ᐊᒡᓚᖏᑦ 16:32

ᓇᓪᓕᐅᑦᑐᒃᓴᖅ ᓇᓪᓕᐅᑎᔪᒫᕐᐳᖅ, ᒫᓐᓇᓗ ᐊᑐᓕᕐᐸᕗᑦ, ᓇᒧᑐᐃᓐᓇᖅ ᓯᐊᒻᒪᕐᑎᑕᐅᕕᒃᓴᓯ, ᐊᑐᓂᑦ ᐊᖏᕐᕋᑦᓯᓐᓄᐊᕐᓗᓯ, ᐅᕙᖓᓗ ᐃᓄᑑᑎᓪᓗᖓ ᕿᒪᒃᑕᐅᓛᕐᐳᖓ; ᑭᓯᐊᓂᓕ ᐃᓄᑑᓐᖏᓚᖓ, ᐊᑖᑕᐅᑉ ᓇᔪᕐᒪᖓ.

ᔪᐊᓇᓯᐅᑉ ᐊᒡᓚᖏᑦ 13:36

ᑕᕝᕙ ᓮᒨᓂ ᐲᑦᑐᕉᓯᐅᑉ ᐅᖃᐅᑎᕚ, “ᐊᑕᓃᖅ ᓇᒧᓐᖓᕐᓂᐊᕐᐲᑦ?” ᔩᓱᓯᐅᑉ ᑭᐅᕚ, “ᐅᐸᖕᓂᐊᕐᑕᓐᓄᑦ ᒫᓐᓇ ᒪᓕᒍᓐᓇᓐᖏᓚᕐᒪ; ᑭᖑᕐᖓᒍᓪᓕ ᒪᓕᒍᒫᕐᐸᕐᒪ.”

ᔪᐊᓇᓯᐅᑉ ᐊᒡᓚᖏᑦ 13:1

ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃᓴᐅᑉ ᓯᕗᓂᖓᓂ, ᔩᓱᓯ ᖃᐅᔨᒪᒐᒥ ᐊᑖᑕᒥᓄᑦ ᐊᐅᓪᓚᕐᕕᒃᓴᖓ ᓯᓚᕐᔪᐊᕐᒥᑦ ᓇᓪᓕᐅᑎᓕᕐᒪᑦ, ᓇᖕᒥᓂᖅ ᐃᓄᖁᑎᓂ ᓇᒡᓕᒋᒐᒥᒋᑦ ᓯᓚᕐᔪᐊᕐᒦᑦᑐᑦ, ᐃᓱᓕᑦᑎᕕᒋᔭᓂ ᑎᑭᓪᓗᒍ ᓇᓪᓕᒌᓐᓇᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 10:28

ᐃᓅᓯᕐᒥᒃ ᓄᖑᓱᐃᑦᑐᒥᒃ ᑐᓂᓯᕕᒋᕙᒃᑲ, ᐊᓯᐅᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒃᓘᓐᓃᑦ ᐊᕐᓵᕐᑕᐅᓂᐊᓐᖏᓚᖓ ᑖᒃᑯᓂᖓ ᐱᓯᒪᔭᓐᓂ.

ᒫᑎᐅᓯᐅᑉ ᐊᒡᓚᖏᑦ 26:56

ᑕᒪᒃᑯᐊᓕᒫᑦ ᐱᓂᐊᕐᓂᐅᕗᑦ, ᓇᓚᐅᑦᑍᔫᑉ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᑎᑕᐅᖁᓪᓗᒋᑦ.” ᐃᓕᓐᓂᐊᕐᑎᓕᒫᖏᑦᑕᓕ ᔩᓱᓯ ᕿᒪᑉᐹᑦ ᕿᒫᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 53:6

ᐃᓘᓐᓇᑕ ᓰᐱᑎᑐᑦ ᐊᕝᕗᑎᔪᑎᑐᑦ ᑍᒤᓯᒪᒐᑦᑕ; ᑕᒪᑦᑕ ᐊᑐᓂᑦ ᐱᔪᒪᔭᑐᐃᓐᓇᑦᑎᓐᓂᒃ ᐊᑐᓕᕐᓗᑕ, ᐊᑕᓂᐅᓪᓕ ᐱᐅᖏᓐᓂᕗᑦ ᑕᒪᑦᑕ ᑖᑦᓱᒧᖓ ᐱᑎᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 18:7

ᑕᕝᕙ ᔩᓱᓯᐅᑉ ᐊᐱᕆᒃᑲᓐᓂᕐᐰᑦ, “ᑭᓇᒦᒃ ᕿᓂᕐᐱᓯ?” ᑖᒃᑯᐊ ᐅᖃᕐᐳᑦ, “ᔩᓱᓯ ᓈᓴᕇᑎᒥᐅᖅ.”

ᔪᐊᓇᓯᐅᑉ ᐊᒡᓚᖏᑦ 18:9

ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᐅᕙᓐᓄᑦ ᑐᓂᓚᐅᕐᑕᕐᓂᒃ ᐊᑕᐅᓯᕐᒥᒡᓘᓐᓃᑦ ᐊᓯᐅᔪᖃᓐᖏᓚᖅ.”