ᔪᐊᓇᓯᐅᑉ ᐊᒡᓚᖏᑦ 18:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᐰᓛᑑᓯᐅᑉ ᑭᐅᕚ, “ᔫᑎᐅᓇᓱᒋᕕᖔ? ᓇᖕᒥᓂᖅ ᐃᓅᖃᑎᖕᓄᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᓐᓄᑦ ᑎᒍᔭᐅᓪᓗᑎᑦ ᐅᕙᓐᓄᐊᕐᑕᐅᕗᑎᑦ; ᖃᓄᐃᓕᐅᓚᐅᕋᕕᑦ?”

Aglait Ijjurnaittut

³⁵ Pailaatuusiup kiuvaa, “Juutiunasugivinga? Nangminiq inuuqatingnut tunirrusiqtitsijiillu angajuqqaanginnut tigujaullutit uvannuaqtauvutit; qanuiliulauravit?”

ᔪᐊᓇᓯᐅᑉ ᐊᒡᓚᖏᑦ 18:35 ပူးပေါင်းရင်းမြစ်များ

ᐄᓱᕋᐅᑉ ᐊᒡᓚᖏᑦ 4:12

ᐊᖓᔪᖅᑳᕐᔪᐊᖅ ᖃᐅᔨᒪᖁᕙᑦᑎᒋᑦ ᑍᒃᑯᐊ ᔫᑎᑦ ᑕᒪᐅᓐᖓᓚᐅᕐᑐᑦ ᓄᓇᓕᖁᑎᖕᓂᑦ ᔨᕉᓴᓕᒦᓕᕋᒥᒃ ᓴᓇᒋᐊᓪᓚᓕᕐᒪᑕ ᐱᐅᖏᑦᑐᒻᒪᕆᖕᒥᒃ ᐊᑭᕋᕐᑐᕐᑐᓂᒡᓗ ᐃᒡᓗᒐᓴᖕᒥᒃ, ᐊᕙᓗᕐᔪᐊᒥᒃ ᓴᓇᓯᓚᐅᕋᒥᒃ ᐱᔭᕇᕐᓯᒪᓕᕐᐳᑦ ᑐᓐᖓᕕᓕᐅᓕᕆᓪᓗᑎᒡᓗ.

ᓂᕼᐃᒤᐊᐅᑉ ᐊᒡᓚᖏᑦ 4:2

ᐱᖃᑎᒋᔭᓂ ᓴᒥᐊᕆᐊᒥᐅᓪᓗ ᐅᓇᑕᕐᑐᒃᓴᖁᑎᖏᑕ ᓵᖓᓂ ᐅᖃᓚᐅᕐᐳᖅ, “ᖃᓄᕐᖏᒃᑯᐊ ᔫᑎᕐᓗᐊᓗᐃᑦ ᐱᓇᓱᓕᕐᑐᑦ? ᐃᒃᑯᐊ ᓴᓇᒋᐊᓪᓚᒐᓱᒃᑐᑦ ᐃᒡᓗᒐᓴᖕᓃᒃ? ᐃᒃᑯᐊ ᑐᓂᕐᕈᓯᖃᑦᑕᕐᓂᕐᒥᒍᑦ ᐱᔭᕇᕐᓂᐊᕋᓱᒋᔫᑦ ᓴᓇᔭᒥᖕᓂᒃ ᐅᓪᓗᒥᒃ ᐊᑕᐅᓯᕐᒥᒃ? ᐅᔭᕋᖕᓂᒃ ᓴᓇᔪᓐᓇᕐᐹᑦ ᓱᕋᒃᑎᕐᓯᒪᔪᓂᒃ ᐃᑯᐊᓪᓚᒃᓯᒪᔪᓂᒡᓗ ᖃᓕᕇᕌᓗᖕᓂᒃ?”

ᔪᐊᓇᓯᐅᑉ ᐊᒡᓚᖏᑦ 18:28

ᑕᕝᕙ ᔩᓱᓯ ᑬᐊᐹᓯᐅᑉ ᐃᒡᓗᖓᓂᑦ ᐋᑕᐅᓕᕆᕗᖅ ᕉᒪᒥᐅᑦ ᐊᐅᓚᑦᓯᔨᖓᑦᑕ ᐃᒡᓗᕐᔪᐊᖓᓄᑦ. ᐅᓪᓛᒻᒪᕆᐅᓕᕐᑎᓪᓗᒍ. ᔫᑎᓪᓕ ᐊᖓᔪᖅᑳᖏᑦ ᑕᕝᕗᖓ ᐃᑎᖃᑕᐅᓐᖏᓚᑦ, ᐅᒃᐱᕐᕈᓯᕆᔭᑎᒃ ᒪᓕᓗᒋᑦ ᓴᓗᒤᓕᑎᕈᒪᖏᓐᓇᒥᒃ, ᖄᖏᕐᑕᐅᕕᒃᓯᐅᕈᑎᐅᑉ ᓇᓪᓕᐅᓐᓂᓯᐅᕐᑕᐅᓂᖓᓂᒃ ᓂᕆᔪᓐᓇᖃᑕᐅᔪᒪᒐᒥᒃ.

ᔪᐊᓇᓯᐅᑉ ᐊᒡᓚᖏᑦ 18:34

ᔩᓱᓯᐅᑉ ᑭᐅᕚ, “ᐃᒻᒥᓂᒃ ᑍᒫᒃ ᑕᒪᑐᒥᖓ ᐅᖃᕐᐲᑦ ᐅᕝᕙᓗ ᐊᓯᖕᓂᑦ ᑕᒪᑐᒥᖓ ᐅᖃᐅᑦᔭᐅᓐᓂᕐᐱᑦ ᖃᓄᐃᑦᑑᖕᒪᖔᕐᒪ?”

ᔪᐊᓇᓯᐅᑉ ᐊᒡᓚᖏᑦ 18:36

ᔩᓱᓯ ᑭᐅᕗᖅ, “ᐊᖓᔪᖅᑲᐅᕕᒐ ᓯᓚᕐᔪᐊᕐᒥᑦ ᑕᒪᑐᒪᖓᑦ ᐱᓐᖏᓚᖅ; ᐊᖓᔪᖅᑲᐅᕕᒐ ᓯᓚᕐᔪᐊᕐᒥᑦ ᑕᒪᑐᒪᖓᑦ ᐱᒃᐸᑦ, ᒪᓕᒃᑎᓐᓂᑦ ᐅᓇᑕᕈᑦᔭᐅᒐᔭᕐᐳᖅ, ᑎᒍᔭᐅᖁᓇᖓ ᔫᑎᑦ ᐊᖓᔪᖅᑳᖏᓐᓄᑦ; ᑍᒤᒻᒪᑦ, ᐊᖓᔪᖅᑲᐅᕕᒐ ᓯᓚᕐᔪᐊᕐᒥᑦ ᑕᒪᑐᒪᖓᑦ ᐱᓐᖏᓚᖅ.”

ᔪᐊᓇᓯᐅᑉ ᐊᒡᓚᖏᑦ 19:11

ᔩᓱᓯᐅᑉ ᑭᐅᕚ, “ᐅᕙᓐᓄᑦ ᐱᔪᓐᓇᕐᓂᖃᕋᔭᓐᖏᓚᑎᑦ ᑐᓂᓯᕕᐅᖏᒃᑯᕕᑦ ᑕᑉᐹᓐᖓᑦ; ᑍᒤᒻᒪᑦ ᐅᕙᓐᓂᒃ ᐱᔭᐅᑎᑦᓯᔪᖅ ᐃᓕᖕᓄᑦ ᐊᔪᕐᓂᖃᕐᓂᕐᓴᐅᕗᖅ ᐃᓕᖕᓂᑦ.”

ᔪᐊᓇᓯᐅᑉ ᐊᒡᓚᖏᑦ 19:6

ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖏᑦ ᑐᒃᓯᐊᕐᕕᒡᔪᐊᓪᓗ ᖃᐅᔨᓴᕐᑎᖏᑦ ᑕᑯᒐᒥᒃ ᔩᓱᓯᒥᒃ ᕾᒐᓛᓕᕐᐳᑦ, “ᑭᑭᐊᒃᑐᕐᑕᐅᓕ! ᑭᑭᐊᒃᑐᕐᑕᐅᓕ!” ᑕᕝᕙ ᐰᓛᑑᓯᐅᑉ ᐅᖃᐅᑎᕔᑦ, “ᓇᖕᒥᓂᖅ ᐱᓕᕐᓯᐅᒃ, ᑭᑭᐊᒃᑐᕐᓗᒍᓗ, ᐅᕙᖓᓕ ᓱᒋᐊᕐᑕᐅᑦᔪᑎᒃᓴᖓᓂᒃ ᓇᓂᓯᓐᖏᓚᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 21:38

ᑍᓐᓇᐅᖏᒃᑲᓗᐊᕐᐲᑦ ᐄᑦᔨᑉᑎᒥᐅᖅ ᐅᐃᒪᔮᓕᕐᑎᑦᓯᓚᐅᕐᑐᖅ ᐅᓇᑕᕐᑎᑦᓯᓇᓱᐊᕐᑐᓂᒃ 4000ᓂᒃ, ᐃᓄᖃᖏᑦᑐᒧᑦ ᐊᐅᓪᓚᖃᑎᖃᓚᐅᕐᑐᖅ?”

ᐋᐴᓯᑕᓖᑦ ᐱᓂᐊᕐᓂᖏᑦ 23:29

ᖃᐅᔨᓚᐅᕐᐳᖓ ᔫᑎᑦ ᐱᖁᔭᖏᑦ ᐱᑦᔪᑎᒋᓪᓗᒋᑦ, ᐸᓯᔭᐅᑦᔪᑎᖃᓚᐅᕐᒪᑦ, ᐸᓯᔭᐅᑦᔪᑎᖓᓕ ᖃᐅᔨᓚᐅᕐᐸᕋ ᑐᖁᑕᐅᓂᕐᒧᑦ ᐱᑦᔪᑎᒃᓴᐅᖏᒻᒪᑦ ᑎᒍᔭᐅᓯᒪᓂᕐᒧᓪᓘᓐᓃᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:13

ᐂᑉᕋᕼᐋᒻ ᒎᑎᖓ ᐂᓴᑭᐅᓪᓗ ᒎᑎᖓ ᔧᑰᓪᓗ ᒎᑎᖓᑕ, ᓯᕗᓕᕕᓂᑦᑕᓗ ᒎᑎᖓᑕ, ᐱᔨᓂ ᔩᓱᓯ ᓂᕐᑐᕐᓇᕐᓯᑎᓚᐅᕐᐹ, ᑖᓐᓇ ᐊᖓᔪᖅᑳᓄᑦ ᑎᒍᔭᐅᑎᓚᐅᕐᑕᓯ ᓇᕐᕈᓇᕐᓯᑎᓚᐅᕐᑕᓯᓗ ᐰᓛᑑᓯᐅᑉ ᑕᒃᑯᐊᓂ, ᐰᓛᑑᓯᐅᑉ ᐊᓂᑎᑕᐅᖁᒐᓗᐊᕐᑎᓪᓗᓂᐅᒃ.