ᔪᐊᓇᓯᐅᑉ ᐊᒡᓚᖏᑦ 18:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᔩᓱᓯᐅᑉ ᑭᐅᕚ, “ᑍᒪᓐᖓᑦ ᐃᔨᕐᓯᒪᓇᖓ ᐃᓄᓕᒫᓄᑦ ᐅᖃᓪᓚᖃᑦᑕᓚᐅᕐᐳᖓ; ᐊᔪᕆᕐᑐᐃᖃᑦᑕᓚᐅᕐᐳᖓᓗ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᑐᒃᓯᐊᕐᕕᒡᔪᐊᒥᓗ, ᔫᑎᓕᒫᑦ ᑲᑎᕕᒋᕙᒃᑕᖏᓐᓂ; ᐃᔨᕋᕐᑐᕐᓗᖓ ᐅᖃᓪᓚᓚᐅᕐᓯᒪᓇᖓ.

Aglait Ijjurnaittut

²⁰ Jiisusiup kiuvaa, “Taimanngat ijiqsimananga inulimaanut uqallaqattalauqpunga; ajuriqtuiqattalauqpungalu Juutit ukpirnirmut katimavinginni Tuksiarvigjuamilu, Juutilimaat kativigivaktanginni; ijiraqturlunga uqallalauqsimananga.

ᔪᐊᓇᓯᐅᑉ ᐊᒡᓚᖏᑦ 18:20 ပူးပေါင်းရင်းမြစ်များ

ᐃᓐᖏᕈᑎᑦ 22:22

ᐊᑏᑦ ᐅᖃᐅᓯᕆᔪᒪᕙᕋ ᖃᑕᓐᖑᑎᓐᓄᑦ; ᐅᒃᐱᕐᑑᖃᑎᒌᒡᔪᐊᓪᓗ ᐊᑯᓐᓂᖓᓂ ᓂᕐᑐᕈᒪᕙᒋᑦ.

ᐃᓐᖏᕈᑎᑦ 40:9

ᐅᖃᐅᓯᖃᓚᐅᕐᐳᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᓱᐊᕐᑑᓂᕐᓂᒃ ᐃᓄᒋᐊᒃᑐᕐᔪᐊᑦ ᑲᑎᒪᕕᖓᓂ; ᐃᓛᒃ, ᓂᓪᓕᐊᑦᑍᓕᓚᐅᓐᖏᓚᖓ, ᐊᑕᓃᖅ, ᐃᕝᕕᑦ ᖃᐅᔨᒪᕗᑎᑦ.

ᐂᓮᐊᓯᐅᑉ ᐊᒡᓚᖏᑦ 45:19

ᐃᔨᕋᕐᑐᕐᓗᖓ ᐅᖃᓚᐅᓐᖏᓚᖓ, ᓄᓇᐅᑉ ᑖᕐᓂᖓᓃᑦᑐᒥ; ᔧᑰᑉ ᑭᖑᕚᖏᑦ ᐅᖃᐅᑎᓚᐅᓐᖏᓚᒃᑲ, ‘ᕿᓂᕐᓯᓐᖓ ᑕᒪᐅᖎᓐᓇᖅ,’ ᐅᕙᖓ ᐊᑕᓂᖅ ᓇᓛᒎᕐᑐᒥᒃ ᐅᖃᐅᓯᖃᕐᐳᖓ, ᓈᒻᒪᓈᑦᓯᐊᕐᑐᓂᒡᓗ ᓇᓗᓁᕐᓯᓲᖑᓪᓗᖓ.”

ᐂᓮᐊᓯᐅᑉ ᐊᒡᓚᖏᑦ 48:16

ᐅᕙᓐᓄᑦ ᖃᒡᓕᒋᑦᓯ, ᐅᓇᓗ ᑐᓴᕐᓗᒍ: ᐱᒋᐊᕐᓂᖓᓂᑦ ᐅᖃᕐᐸᓚᐅᓐᖏᓚᖓ ᐃᔨᕐᓯᒪᔪᓂᒃ, ᑍᒪᓐᖓᓂᑦ ᑕᒫᓃᓯᒪᒐᒪ. ᒫᓐᓇᓗ ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕᓗ ᑎᓕᕚᖓ.”

ᒫᑎᐅᓯᐅᑉ ᐊᒡᓚᖏᑦ 24:26

“ᐅᕝᕙᓗ, ᐅᖃᐅᑦᔭᐅᒍᑦᓯ, ‘ᑕᑯᒋᑦ, ᐃᓄᖃᖏᑦᑐᒦᑉᐳᖅ,’ ᑕᐅᕗᓐᖓᕐᑍᓕᒋᑦᓯ; ᐅᖃᕐᐸᑕ, ‘ᑕᑯᒋᑦ, ᐅᕙᓂ ᐃᒡᓗᕈᓯᕐᒥ ᐃᔨᕐᓯᒪᕗᖅ,’ ᐅᒃᐱᕆᓂᐊᕋᓯᒋᒃ.

ᒫᑎᐅᓯᐅᑉ ᐊᒡᓚᖏᑦ 26:55

ᑕᕝᕙ ᔩᓱᓯ ᐅᖃᕐᐳᖅ ᐃᓄᒐᓴᒡᔪᐊᓄᑦ, “ᓴᕕᒡᔪᐊᓕᔭᕐᓗᓯ ᐊᓇᐅᑕᓕᔭᕐᓗᓯᓗ ᐅᕙᓐᓄᑦ ᕾᔭᕆᐊᖃᕐᐱᓰ ᑎᒍᔭᐅᖁᓪᓗᖓ, ᐱᕋᔭᒃᓯᒪᔪᑎᑐᑦ? ᖃᐅᑕᒫᑦ ᑐᒃᓯᐊᕐᕕᒡᔪᐊᕐᒥ ᐃᒃᓯᕚᕐᓗᖓ ᐊᔪᕆᕐᑐᐃᖃᕐᑕᓚᐅᕐᐳᖓ, ᑎᒍᖃᑦᑕᓚᐅᓐᖏᓚᑦᓯᓐᖓ.

ᒫᑎᐅᓯᐅᑉ ᐊᒡᓚᖏᑦ 26:65

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᖓ ᑕᒪᑐᒥᖓ ᑐᓴᕋᒥ ᐊᓐᓄᕌᓂ ᐊᓕᒃᐰᑦ ᐅᖃᕐᓗᓂ, “ᒎᑎᒥᒃ ᐅᖃᕐᓂᕐᓘᑎᖃᕐᐳᖅ! ᖃᐅᔨᓯᒪᔪᒥᒃ ᑐᓴᒃᑲᓐᓂᕆᐊᖃᕈᓐᓃᕐᐳᒍᑦ, ᑕᕝᕙ ᑐᓵᕐᐸᓯ ᒎᑎᒥᒃ ᐅᖃᕐᓂᕐᓘᑎᖃᕐᑎᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 4:23

ᔩᓱᓯ ᒐᓕᓕᐊᓕᒫᒥ ᓇᒧᑐᐃᓐᓇᖅ ᐂᖃᑦᑕᕐᐳᖅ, ᐊᔪᕆᕐᑐᐃᕙᒡᓗᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᐅᖃᐅᓯᖃᕐᓗᓂ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᐊᑦᔨᒌᖏᑦᑐᓂᒃ ᐋᓐᓂᐊᓖᑦ ᖃᓂᒪᔪᓪᓗ ᐃᓄᐃᑦ ᐋᖅᑭᒃᐰᑦ.

ᒫᑎᐅᓯᐅᑉ ᐊᒡᓚᖏᑦ 9:35

ᔩᓱᓯ ᓄᓇᓕᒃᑎᒍᑦ ᐃᒡᓗᒐᓴᒃᑎᒍᓪᓗ ᐃᖏᕐᕋᕗᖅ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᔪᕆᕐᑐᐃᕙᒡᓗᓂ, ᐅᖃᓪᓚᒡᓗᓂᓗ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᐃᓄᐃᓪᓗ ᖃᓄᑐᐃᓐᓇᖅ ᐋᓐᓂᐊᓖᑦ, ᖃᓂᒪᔪᓪᓗ ᐋᖅᑭᒃᐰᑦ.

ᒫᑯᓯᐅᑉ ᐊᒡᓚᖏᑦ 8:32

ᑕᒪᑐᒥᖓ ᐊᓐᖏᒍᑎᓇᒋᑦ ᐅᖃᐅᑎᕔᑦ. ᐲᑦᑐᕉᓯᐅᑉ ᓴᓂᕐᕙᖃᑎᒋᓪᓗᒍ ᐃᓂᕐᑎᒻᒪᕆᓕᕐᐹ.

ᓘᑲᓯᐅᑉ ᐊᒡᓚᖏᑦ 21:37

ᖃᐅᑕᒫᑦ ᔩᓱᓯ ᐊᔪᕆᕐᑐᐃᖃᑦᑕᕐᐳᖅ ᑐᒃᓯᐊᕐᕕᒡᔪᐊᕐᒥ, ᐅᓐᓄᒑᖓᓪᓕ ᐊᓂᕙᒃᓗᓂ ᐅᓐᓄᐊᓕᒫᖅ ᖃᖅᑲᒦᑉᐸᒃᓗᓂ ᓇᐹᕐᑐᓕᖕᒥ ᐸᐅᕐᖓᖃᕐᐸᒃᑐᓂᒃ ᐅᕐᓱᒃᓴᐅᔪᓐᓇᕐᑐᓂᒃ.

ᓘᑲᓯᐅᑉ ᐊᒡᓚᖏᑦ 4:15

ᐊᔪᕆᕐᑐᐃᓪᓗᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᖁᕕᐊᒋᔭᐅᒻᒪᕆᒃᐳᖅ ᐃᓄᓕᒫᓄᑦ.

ᔪᐊᓇᓯᐅᑉ ᐊᒡᓚᖏᑦ 18:21

ᓱᓇᒥᒃ ᑐᑭᓯᕕᒋᔪᒪᕕᖔ? ᐃᓄᐃᑦ ᐊᐱᕐᓱᓚᐅᒃᑭᑦ ᐅᕙᓐᓂᒃ ᑐᓵᖃᕐᑕᓚᐅᕐᑐᑦ ᐅᖃᐅᓯᕆᖃᑦᑕᓚᐅᕐᑕᓐᓂᒃ; ᖃᐅᔨᒪᖕᒪᑕ ᖃᓄᖅ ᐅᖃᐅᓯᖃᖃᑦᑕᓚᐅᕐᒪᖔᕐᒪ.”

ᔪᐊᓇᓯᐅᑉ ᐊᒡᓚᖏᑦ 6:59

ᔩᓱᓯ ᑕᒪᒃᑯᓂᖓ ᐅᖃᐅᓯᖃᓚᐅᕐᐳᖅ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ, ᑲᐲᕐᓂᐊᒦᑦᑐᒥ ᐊᔪᕆᕐᑐᐃᓪᓗᓂ.

ᔪᐊᓇᓯᐅᑉ ᐊᒡᓚᖏᑦ 7:14

ᓇᓪᓕᐅᓐᓂᕐᓯᐅᕐᓂᖅ ᐊᓂᒍᓕᕐᑎᓪᓗᒍ ᔩᓱᓯ ᑐᒃᓯᐊᕐᕕᒡᔪᐊᒧᐊᕐᐳᖅ ᑕᕝᕙᓂ ᐊᔪᕆᕐᑐᐃᓕᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 7:26

ᑕᑯᓕᕆᑦᓯ, ᐃᓄᒐᓴᒡᔪᐊᓄᑦ ᐅᖃᓪᓚᒃᐳᖅ, ᐃᓂᕐᑎᕐᑕᐅᓐᖏᓚᕐᓘᓐᓃᑦ! ᐊᖓᔪᖅᑳᑦ ᖃᐅᔨᓪᓚᕆᓕᕐᐹᑦ ᙭ᔅᑑᓯᐅᓂᖓᓂᒃ?

ᔪᐊᓇᓯᐅᑉ ᐊᒡᓚᖏᑦ 7:28

ᔩᓱᓯ ᑐᒃᓯᐊᕐᕕᒡᔪᐊᕐᒥ ᐊᔪᕆᕐᑐᐃᓪᓗᓂ, ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᖃᐅᔨᒪᓪᓚᕆᒃᐱᓯᓐᖔ? ᖃᐅᔨᒪᓪᓚᕆᒃᑲᓗᐊᕐᐱᓯ ᓇᑭᑦ ᐱᓯᒪᖕᒪᖔᕐᒪ? ᐅᕙᓐᓂᒃ ᑎᑭᑎᓯᒪᖏᓐᓇᒪ; ᐅᕙᓐᓂᒃ ᑎᓕᓯᔪᖅ ᓱᓕᑦᓯᐊᕐᑑᕗᖅ, ᑖᓐᓇ ᖃᐅᔨᒪᓐᖏᑕᓯ.

ᔪᐊᓇᓯᐅᑉ ᐊᒡᓚᖏᑦ 7:4

ᐱᓇᓱᐊᕐᑕᒥᖕᓂᒃ ᐃᔨᕋᕐᑐᕐᑐᖃᕈᓐᓇᖏᓚᖅ ᐃᓄᖕᓄᑦ ᖃᐅᔨᔭᐅᑦᓯᐊᕈᒪᔭᕌᖓᒥᒃ. ᑕᒪᒃᑯᓂᖓ ᐱᓇᓱᐊᖃᑦᑕᕋᕕᑦ, ᓯᓚᕐᔪᐊᓕᒫᒥ ᐃᓕᖕᓂᒃ ᖃᐅᔨᔭᐅᑎᓚᐅᕆᑦ.”

ᔪᐊᓇᓯᐅᑉ ᐊᒡᓚᖏᑦ 8:2

ᐅᓪᓛᒪᕆᒃᑯᓪᓕ ᑐᒃᓯᐊᕐᕕᒡᔪᐊᕐᒧᐊᕆᕗᖅ; ᐃᓄᐃᓪᓗ ᔩᓱᓯᐅᑉ ᐊᕙᑖᓄᑦ ᑲᑎᕗᑦ, ᐃᖏᓪᓗᓂ ᐊᔪᕆᕐᑐᓕᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 8:26

ᐊᒥᓱᓂᒃ ᐅᖃᐅᓯᒃᓴᖃᕐᐳᖓ ᐃᓕᑦᓯᓐᓄᑦ ᐃᖅᑲᕐᑐᐃᑦᔪᑎᒃᓴᖃᕐᓗᖓᓗ; ᑎᓕᔨᒐᓕ ᓱᓕᔫᕗᖅ, ᓯᓚᕐᔪᐊᕐᒥᐅᓪᓗ ᐅᖃᐅᑎᕙᒃᑲ ᑖᑦᓱᒪᓐᖓᑦ ᑐᓴᓚᐅᕐᑕᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:26

ᐊᖓᔪᖅᑳᕐᔪᐊᖅ ᐊᒍᕆᐸ ᑕᒪᒃᑯᓂᖓ ᖃᐅᔨᒪᑦᓯᐊᕐᒪᑦ ᓯᕘᕋᖏᓪᓗᖓᓗ ᐅᖃᐅᑎᑦᓯᐊᕈᓐᓇᕐᐸᕋ; ᖃᐅᔨᒪᒐᒪ ᑕᒪᒃᑯᓂᖓ ᖃᐅᔨᒪᑦᓯᐊᕐᒪᑦ, ᑕᒪᓐᓇ ᐃᔨᕐᓯᒪᓗᓂ ᐱᓇᓱᐊᕐᑕᐅᖏᒻᒪᑦ.