ᔪᐊᓇᓯᐅᑉ ᐊᒡᓚᖏᑦ 17:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑖᒃᑯᓄᖓ ᖃᐅᔨᔭᐅᑎᑉᐸᒋᑦ, ᓱᓕ ᖃᐅᔨᑎᑉᐸᓕᐊᔪᒪᕙᒃᑲ, ᓇᒡᓕᖕᓂᖅ ᓇᒡᓕᖕᓂᕆᔧᑦ ᐅᕙᓐᓄᑦ ᐃᓗᖏᓐᓃᖁᓪᓗᒍ, ᐅᕙᖓᓗ ᐃᓗᖏᓐᓃᓪᓗᖓ.”

Aglait Ijjurnaittut

²⁶ Taakkununga qaujijautippagit, suli qaujitippalliajumavakka, naglingniq naglingnirijait uvannut ilunginniiqullugu, uvangalu ilunginniillunga.”

ᔪᐊᓇᓯᐅᑉ ᐊᒡᓚᖏᑦ 17:26 ပူးပေါင်းရင်းမြစ်များ

ᐃᓐᖏᕈᑎᑦ 22:22

ᐊᑏᑦ ᐅᖃᐅᓯᕆᔪᒪᕙᕋ ᖃᑕᓐᖑᑎᓐᓄᑦ; ᐅᒃᐱᕐᑑᖃᑎᒌᒡᔪᐊᓪᓗ ᐊᑯᓐᓂᖓᓂ ᓂᕐᑐᕈᒪᕙᒋᑦ.

ᔪᐊᓇᓯᐅᑉ ᐊᒡᓚᖏᑦ 14:20

ᐅᓪᓗᖅ ᑖᓐᓇ ᓇᓪᓕᐅᑎᒃᐸᑦ ᖃᐅᔨᔪᒫᕐᐳᓯ ᐊᑖᑕᓐᓃᓐᓇᒪ, ᐃᓕᑦᓯᓗ ᐅᕙᓐᓃᓐᓇᑦᓯ, ᐅᕙᖓᓗ ᐃᓗᑦᓯᓐᓃᓐᓇᒪ.

ᔪᐊᓇᓯᐅᑉ ᐊᒡᓚᖏᑦ 14:23

ᔩᓱᓯᐅᑉ ᑭᐅᕚ, “ᐅᕙᓐᓂᒃ ᓇᒡᓕᒍᓱᒃᑑᑉ, ᐅᖃᐅᓯᒃᑲ ᒪᓕᖕᓂᐊᕐᐰᑦ, ᐊᑖᑕᒪᓗ ᓇᒡᓕᒋᓂᐊᕐᐹ, ᐊᑖᑕᒐᓗ ᐅᕙᒍᒃ ᑎᑭᓛᕐᐸᕗᒃ ᑕᕝᕙᓂᓗ ᐊᖏᕐᕋᖃᓕᕐᓗᓄᒃ.

ᔪᐊᓇᓯᐅᑉ ᐊᒡᓚᖏᑦ 15:15

ᒪᑐᒪ ᑭᖑᕐᖓᓂ ᐱᔨᒥᒃ ᑍᓂᐊᕈᓐᓃᕐᐸᑦᓯ, ᐱᔨ ᖃᐅᔨᒪᖏᒻᒪᑦ ᐊᖓᔪᖅᑳᖓᑕ ᐱᓂᐊᕐᓂᖏᓐᓂᒃ; ᐃᓕᑦᓯᓕ ᐃᓚᓐᓇᕆᔭᓐᓂᒃ ᑍᓚᐅᕐᐸᑦᓯ, ᐊᑖᑕᓐᓂᑦ ᑐᓴᓚᐅᕐᑕᓕᒫᓐᓂᒃ ᓇᓗᓁᕐᓯᕕᒋᓚᐅᕋᑦᓯ.

ᔪᐊᓇᓯᐅᑉ ᐊᒡᓚᖏᑦ 15:4

ᐃᓗᓐᓃᑦᓮᓐᓇᕆᑦᓯ, ᐅᕙᖓᓗ ᐃᓗᑦᓯᓐᓃᓪᓗᖓ. ᓲᕐᓗ ᓇᐹᕐᑐᑉ ᐊᕙᓚᖓᔪᐊ ᐃᒻᒥᓃᓐᓇᖅ ᐸᐅᕐᖓᖃᕈᓐᓇᖏᒻᒪᑦ, ᓇᐹᕐᑐᒦᒃᑯᓂ ᑭᓯᐊᓂ ᐱᕈᕐᑎᑦᓯᔪᓐᓇᕐᐳᖅ, ᑍᒤᒃᑭᕗᓯᑦᑕᐅᖅ ᐅᕙᓐᓃᓪᓗᓯ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 15:9

ᐊᑖᑕᐅᑉ ᐅᕙᓐᓂᒃ ᓇᒡᓕᒍᓱᖕᓂᖓᑐᑦ, ᑍᒫᒃ ᓇᒡᓕᒋᕙᑦᓯ; ᓇᒡᓕᖕᓂᓐᓃᑦᓮᓐᓇᕆᑦᓯ.

ᔪᐊᓇᓯᐅᑉ ᐊᒡᓚᖏᑦ 17:23

ᑖᒃᑯᓇᓃᓪᓗᖓ ᐃᕝᕕᓪᓗ ᐅᕙᓐᓃᓪᓗᑎᑦ, ᐊᑕᐅᓯᓪᓚᕆᐅᓕᖁᓪᓗᒋᑦ, ᓯᓚᕐᔪᐊᕐᒥᐅᑦ ᖃᐅᔨᓕᖁᓪᓗᒋᑦ ᑎᓕᓚᐅᕋᕕᖓ ᓇᒡᓕᒋᒐᕕᒋᓪᓗ ᐅᕙᓐᓂᒃ ᓇᒡᓕᒍᓱᖕᓂᕐᑐᑦ.

ᔪᐊᓇᓯᐅᑉ ᐊᒡᓚᖏᑦ 17:6

“ᖃᐅᔨᔭᐅᑎᓚᐅᕐᐸᒋᑦ ᐃᓄᖕᓄᑦ ᐅᕙᓐᓄᑦ ᑐᓂᓚᐅᕐᑕᕐᓄᑦ ᓯᓚᕐᔪᐊᕐᒥᐅᓂᑦ; ᑖᒃᑯᐊ ᐱᒋᓚᐅᕋᕕᒋᑦ, ᐅᕙᓐᓄᑦ ᑐᓂᓚᐅᕐᐸᑎᑦ, ᐅᖃᐅᓯᕐᑎᑦ ᓈᓚᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 17:8

ᐅᖃᐅᓰᑦ ᑐᓂᓚᐅᕐᑕᑎᑦ ᐅᕙᓐᓄᑦ ᑖᒃᑯᓄᖓ ᐅᖃᐅᓯᕆᓚᐅᕐᐸᒃᑲ, ᑖᒃᑯᐊᓗ ᐃᓚᓕᐅᓚᐅᕐᐰᑦ ᓱᓕᔪᒥᒃ ᖃᐅᔨᓪᓗᑎᒃ ᐃᓕᖕᓂᑦ ᐱᓯᒪᓂᓐᓂᒃ; ᐅᒃᐱᓕᕐᓗᑎᒡᓗ ᑎᓕᓚᐅᕋᕕᖓ.

ᔪᐊᓇᓯᐅᑉ ᐊᒡᓚᖏᑦ 6:56

ᓇᓪᓕᐊᑦ ᑎᒥᓐᓂᒃ ᓂᕆᔪᖅ, ᐊᐅᓐᓂᒡᓗ ᐃᒥᕐᓗᓂ ᑖᓐᓇ ᐅᕙᓐᓃᑉᐳᖅ, ᐅᕙᖓᓗ ᑖᑦᓱᒪᓃᓪᓗᖓ.

ᔪᐊᓇᓯᐅᑉ ᐊᒡᓚᖏᑦ 8:50

ᓂᕐᑐᕐᑕᐅᓂᒃᓴᕋ ᕿᓂᓐᖏᓚᕋ; ᑕᒪᑐᒥᖓᓕ ᕿᓂᕐᑐᖃᕇᕐᐳᖅ ᑖᓐᓇᓗ ᐃᖅᑲᕐᑐᐃᔪᒫᕐᐳᖅ.

ᕉᒪᒥᐅᓄᑦ 8:10

᙭ᔅᑑᓯᓕ ᐃᓕᑦᓯᓐᓃᑉᐸᑦ, ᑎᒥᓯ ᑐᖁᖓᒐᓗᐊᕐᐳᖅ ᐊᔪᕐᓂᕐᒥ, ᐊᓂᕐᓂᓯᓕ ᐆᒪᕗᑦ ᐃᓗᐊᕐᑑᑎᑕᐅᓂᖅ ᐱᑦᔪᑎᒋᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:12

ᓲᕐᓗ ᑎᒥ ᐊᑕᐅᓯᖅ ᐊᒥᓱᓂᒃ ᑭᓱᑐᐃᓐᓇᖃᕐᒪᑦ, ᑕᒪᒃᑯᐊᓗ ᑎᒥᐅᑉ ᐃᓚᒋᖕᒫᖏᑦ ᑎᒥᒧᑦ ᐊᑕᓪᓗᑎᒃ, ᐅᓄᕋᓗᐊᕐᑎᓪᓗᒋᑦ, ᑎᒥ ᐊᑕᐅᓯᐅᖕᒪᑦ, ᙭ᔅᑑᓯᐅᑦᑕᐅᖅ ᑎᒥᖓ ᑍᒤᒃᑭᕗᖅ.

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᐃᐱᓯᒥᐅᓄᑦ 1:6

ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ.

ᐃᐱᓯᒥᐅᓄᑦ 3:17

ᑐᒃᓯᐊᕐᐳᖓᓗ ᐅᒃᐱᕐᓂᑯᑦ ᙭ᔅᑑᓯ ᐃᓂᖃᖁᓪᓗᒍ ᐆᒻᒪᑎᑦᓯᓐᓂ; ᑖᑦᓱᒪᓂ ᐊᒫᖃᓕᖁᓪᓗᓯ ᑐᓐᖓᕕᖃᓕᖁᓪᓗᓯᓗ ᓇᒡᓕᖕᓂᕐᒥ,

ᐃᐱᓯᒥᐅᓄᑦ 5:30

ᑖᑦᓱᒪ ᑎᒥᖓᑕ ᓱᓇᑐᐃᓐᓇᕆᖕᒪᑎᒍᑦ.

ᐃᐱᓯᒥᐅᓄᑦ 5:32

ᑕᕝᕙᓂ ᐅᖃᐅᓯᐅᔪᒥ ᓇᓗᓇᕐᓂᖓ ᐃᑎᔫᒐᓗᐊᖅ ᓇᓗᓇᕈᓐᓃᕐᑎᑕᐅᕗᖅ, ᑐᑭᓯᒐᒃᑯ ᐅᖃᐅᓯᖃᕐᒪᑦ ᙭ᔅᑑᓯᒥᒃ ᐅᒃᐱᕐᑑᖃᑎᒌᓂᒡᓗ.

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᑯᓘᓯᐊᒥᐅᓄᑦ 2:10

ᐃᓅᓯᕐᒥᒡᓗ ᓈᒻᒪᒃᓯᑦᓯᐊᕐᑐᒥᒃ ᐱᑎᑕᐅᓯᒪᕗᓯ ᙭ᔅᑑᓯᒥ, ᑖᓐᓇ ᓂᐊᖁᕆᔭᐅᖕᒪᑦ ᑕᒤᓐᓄᑦ ᐱᔪᓐᓇᕐᓂᕐᓄᑦ ᐊᖓᔪᖅᑲᐅᓂᕐᓄᓪᓗ.

ᑯᓘᓯᐊᒥᐅᓄᑦ 3:11

ᑕᕝᕙᓂ ᐃᓅᓯᕐᒥ ᓄᑖᒥ ᒍᕇᑭᑕᖃᓐᖏᓚᖅ ᔫᑎᑕᖃᕋᓂᓗ, ᑭᐱᓯᒪᔪᖃᓐᖏᓚᖅ ᑭᐱᓯᒪᖏᑦᑐᖃᕋᓂᓗ, ᐅᖓᓯᕐᑐᒥᐅᑕᖃᕋᓂᓗ ᐋᓪᓚᑕᖃᕋᓂᓗ, ᓂᐅᕕᐊᖑᓯᒪᓂᒃᑯᓪᓗ ᐱᔨᑕᖃᕋᓂ, ᐱᔨᐅᖏᕐᑐᖃᕋᓂᓗ, ᙭ᔅᑑᓯᓕ ᑕᒤᓐᓅᕐᐳᖅ, ᑕᒤᓐᓃᓪᓗᓂᓗ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:16

ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ,

ᐄᑉᕈᐃᓄᑦ 2:12

ᐅᖃᓚᐅᕐᐳᖅ, “ᐱᓂᐊᕐᓂᑎᑦ ᐅᖃᐅᓯᕆᔪᒪᕙᒃᑲ ᐅᒃᐱᖃᑎᓐᓄᑦ, ᐃᓚᒌᒃᑐᓪᓗ ᑲᑎᓐᖓᑎᓪᓗᒋᑦ ᓂᕐᑐᕐᓂᐊᕐᐸᒋᑦ.”

ᔪᐊᓇᓯ ᓯᕗᓪᓖᑦ 3:24

ᓇᓪᓕᐊᑦ ᑖᑦᓱᒪ ᐱᖁᔭᖏᓐᓂᒃ ᒪᓕᒃᑐᖅ ᑖᓐᓇ ᑖᑦᓱᒪᓃᑉᐳᖅ, ᑖᓐᓇᓗ ᑖᑦᓱᒪᓃᓪᓗᓂ. ᐃᒫᒡᓗ ᖃᐅᔨᒪᔪᓐᓇᕐᐳᒍᑦ ᐅᕙᑦᑎᓐᓃᓐᓂᓐᖓᓂᒃ; ᐊᓂᕐᓂᕐᒧᑦ ᑐᓂᕐᕈᓯᐊᑦᑎᓐᓄᑦ ᑖᑦᓱᒧᖓ ᖃᐅᔨᑎᑕᐅᓗᑕ.