ᔪᐊᓇᓯᐅᑉ ᐊᒡᓚᖏᑦ 16:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᖅᑲᕐᑐᐃᓂᖅ ᐱᑦᔪᑎᒋᓪᓗᒍ, ᓯᓚᕐᔪᐊᑉ ᒪᑐᒪ ᐊᐅᓚᑦᓯᔨᖓ ᐃᖅᑲᕐᑐᕐᑕᐅᖕᒪᑦ.

Aglait Ijjurnaittut

¹¹ iqqaqtuiniq pijjutigillugu, silarjuap matuma aulatsijinga iqqaqtuqtaungmat.

ᔪᐊᓇᓯᐅᑉ ᐊᒡᓚᖏᑦ 16:11 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᐃᓐᖏᕈᑎᑦ 68:18

ᖁᒻᒧᐊᒃᐳᑎᑦ ᖁᑦᓯᒃᑐᒧᑦ, ᑎᒍᔭᐅᓯᒪᔪᑦ ᓇᒃᓴᕐᓗᒋᑦ, ᑐᓂᕐᕈᑎᓂᒡᓗ ᐃᓄᖕᓂᑦ ᐱᑎᑕᐅᕗᑎᑦ, ᐊᑭᕋᕐᑐᕐᑐᓂᑦ ᐊᒡᓛᑦ, ᐊᑕᓂᖅ ᒎᑎ ᐃᓂᖃᖁᓪᓗᒍ ᑍᑲᓂ.

ᒫᑎᐅᓯᐅᑉ ᐊᒡᓚᖏᑦ 12:18

“ᑕᑯᒋᑦ, ᑕᕝᕙ ᐱᔨᒐ, ᓂᕈᐊᕐᓯᒪᔭᕋ, ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋᓗ. ᐊᓂᕐᓂᕋ ᑐᓂᓛᕐᐸᕋ ᑖᑦᓱᒧᖓ, ᐅᖃᐅᓯᖃᕈᒫᕐᐳᖅ ᐊᑦᔨᒌᒃᑎᑦᓯᓗᓂ ᔫᑎᐅᖏᑦᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 12:36

“ᐅᖃᐅᑎᕙᑦᓯ, ᐃᖅᑲᕐᑐᕐᑕᐅᕕᐅᑉ ᐅᓪᓗᖓᓂ ᐃᓄᓕᒫᑦ ᓴᖅᑭᑎᑦᓯᔭᕆᐊᖃᕈᒫᕐᐳᑦ ᐊᑑᑎᖃᖏᑦᑐᓂᒃ ᐅᖃᐅᓯᕆᓚᐅᕐᓯᒪᔭᒥᖕᓂᒃ.

ᓘᑲᓯᐅᑉ ᐊᒡᓚᖏᑦ 10:18

ᔩᓱᓯᐅᑉ ᑭᐅᕔᑦ, “ᓵᑖᓇᓯ ᑕᑯᓚᐅᕐᐸᕋ ᕿᓚᖕᒥᑦ ᑲᑕᒃᑐᖅ ᖃᐅᒻᒫᓪᓚᒃᑐᑎᑐᑦ.

ᔪᐊᓇᓯᐅᑉ ᐊᒡᓚᖏᑦ 12:31

ᒫᓐᓇ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᑕᐅᕕᐊᑦ ᓇᓪᓕᐅᑎᕗᖅ, ᒫᓐᓇᓗ ᓯᓚᕐᔪᐊᑉ ᑕᒪᑐᒪ ᐊᐅᓚᑦᓯᔨᖓ ᓵᓚᐅᓗᓂ ᐊᓂᑎᑕᐅᓂᐊᓕᕐᐳᖅ;

ᔪᐊᓇᓯᐅᑉ ᐊᒡᓚᖏᑦ 14:30

ᐊᑯᓂ ᐅᖃᓪᓚᕕᒋᓂᐊᕈᓐᓃᕐᐸᑦᓯ, ᓯᓚᕐᔫᑉ ᑕᒪᑐᒪ ᐊᐅᓚᑦᓯᔨᖓ ᕾᓕᕐᒪᑦ. ᐅᕙᓐᓄᓪᓗ ᐱᔪᓐᓇᕐᓂᖃᕋᓂ;

ᔪᐊᓇᓯᐅᑉ ᐊᒡᓚᖏᑦ 16:12

“ᓱᓕ ᐊᒥᓱᓂᒃ ᐅᖃᐅᓯᒃᓴᖃᕋᓗᐊᕐᐳᖓ ᐃᓕᑦᓯᓐᓄᑦ, ᒫᓐᓇᓕ ᑐᓴᕈᑦᓯᐅᒃ ᓇᓗᓇᓗᐊᕐᐳᑦ ᐃᓕᑦᓯᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:42

ᑖᑦᓱᒪ ᐱᖁᓚᐅᕐᐹᑎᒍᑦ ᐃᓄᖕᓂᒃ ᐊᔪᕆᕐᑐᐃᖁᓪᓗᑕ, ᓇᓗᓁᕐᓯᓗᑕᓗ ᑖᓐᓇᐅᖕᒪ ᒎᑎᐅᑉ ᐃᖅᑲᕐᑐᐃᔨᒃᓴᓐᖑᕐᑎᓯᒪᔭᖓ ᐃᓅᔪᓄᑦ ᑐᖁᓯᒪᔪᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 24:25

ᐸᐅᓗᓯ ᓇᓗᓇᕈᓐᓁᕐᑎᑦᓯᕗᖅ ᓇᓛᒎᑦᓯᐊᕐᓂᕐᒥᒃ ᓇᖕᒥᓂᕐᓗ ᐱᓯᒪᑦᓯᐊᕈᓐᓇᕐᓂᕐᒥᒃ, ᐃᖅᑲᕐᑐᕐᑕᐅᔪᒫᕐᓂᕐᒥᒃ, ᕖᓕᒃᓯ ᓯᕘᕋᓕᕐᓗᓂ ᐅᖃᕐᐳᖅ, “ᒫᓐᓇ ᐊᓂᑲᓚᐅᕆᑦ; ᐱᕕᒃᓴᑖᑲᓐᓂᕈᑦᑕ ᕾᖁᓛᕆᕙᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᕉᒪᒥᐅᓄᑦ 16:20

ᑕᕝᕙ ᒎᑎᐅᑉ ᐃᓱᒪᔮᓐᖏᑎᑦᓯᓂᕐᒥᒃ ᐱᑕᓕᑐᐊᑉ ᐊᑯᓂᐅᖏᑦᑐᖅ ᓵᑖᓇᓯ ᓱᓇᐅᔪᓐᓃᕐᑎᓂᐊᕋᑦᓯᐅᒃ ᐃᑎᒐᑦᓯ ᐊᑖᓂ. ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᕉᒪᒥᐅᓄᑦ 2:16

ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᕆᔭᒃᑲ ᒪᓕᒡᓗᒋᑦ, ᑕᒪᓐᓇ ᐊᑐᕈᒫᕐᐳᖅ ᒎᑎ ᐃᖅᑲᕐᑐᐃᓕᕐᐸᑦ ᐃᓄᐃᑦ ᐃᔨᕐᓯᒪᔭᖏᓐᓂᒃ ᔩᓱᓯ ᙭ᔅᑑᓯᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᐃᐱᓯᒥᐅᓄᑦ 2:2

ᑍᑦᓱᒪᓂ ᑍᒫᒃ ᐃᓅᓯᖃᕐᑎᓪᓗᓯ ᓯᓚᕐᔪᐊᕐᒥᐅᑦ ᐃᓕᖅᑯᓯᖏᓐᓂᒃ ᒪᓕᓚᐅᕐᐳᓯ, ᓯᓚᕐᔪᐊᓪᓗ ᐊᐅᓚᑦᓯᔨᖓᓂᒃ ᓈᓚᒃᓗᓯ, ᑕᕝᕙ ᐊᓂᕐᓂᕐᒥᒃ ᒫᓐᓇ ᒎᑎᒥᒃ ᓈᓚᓐᖏᑎᑦᓯᔪᒥᒃ ᐃᓄᖕᓂᒃ.

ᑯᓘᓯᐊᒥᐅᓄᑦ 2:15

ᑕᕝᕙᓂ ᐱᔪᓐᓇᕐᓃᑦ ᐊᖓᔪᖅᑲᐅᕖᓪᓗ ᐱᔪᓐᓇᕐᓃᕈᑎᓚᐅᕐᐰᑦ, ᓯᓚᕐᔪᐊᕐᒥᐅᓄᓪᓗ ᑲᓐᖑᓇᕐᓯᑎᓪᓗᒋᑦ, ᓵᓚᒋᓚᐅᕐᐰᑦ ᓴᓐᓂᖓᔪᓕᖕᒥ.

ᐄᑉᕈᐃᓄᑦ 2:14

ᑍᒤᒻᒪᑦ ᕿᑐᕐᖓᐅᔪᑦ ᐃᓄᑐᐃᓐᓇᐅᕗᑦ ᑎᒥᖃᕐᑐᑦ, ᑕᕝᕙ ᔩᓱᓯ ᓇᖕᒥᓂᖅ ᑖᒃᑯᓄᖓ ᐊᑦᔨᒋᔭᐅᓕᓚᐅᕐᐳᖅ ᐃᓄᑐᐃᓐᓇᐅᓪᓗ ᐃᓅᓯᖓᓂᒃ ᐃᓚᖏᐅᑎᖃᑎᒋᓪᓗᒋᑦ, ᑍᒤᓕᐅᓚᐅᕐᐳᖅ ᑐᖁᒥᒍᑦ ᓵᑖᓇᓯ ᓱᓇᐅᔪᓐᓃᕐᑎᑉᐹ, ᑖᓐᓇ ᑐᖂᑉ ᐱᔪᓐᓇᕐᓂᖓᓂᒃ ᐱᖃᕐᑐᖅ,

ᐄᑉᕈᐃᓄᑦ 6:2

ᐃᓕᓮᓗᑕ ᐹᑉᑎᑕᐅᓂᕐᒥᒃ, ᐸᑎᒻᒥᔭᐅᓂᕐᒥᒡᓗ, ᑐᖁᖓᔪᓪᓗ ᒪᑭᕝᕕᒃᓴᖓᓂᒃ, ᐃᖅᑲᕐᑐᕐᑕᐅᓂᕐᒥᒡᓗ ᐃᓱᖃᖏᑦᑐᒧᑦ.

ᐄᑉᕈᐃᓄᑦ 9:27

ᐃᓄᐃᓪᓗ ᐊᑕᐅᓯᐊᕐᓗᑎᒃ ᑐᖁᔭᕆᐊᖃᕐᒪᑕ, ᑭᖑᓂᖓᒍᓪᓕ ᐃᖅᑲᕐᑐᕐᑕᐅᕕᒃᓴᖃᕐᐳᑦ.

ᐲᑦᑐᕉᓯ ᐂᑉᐸᖏᑦ 3:7

ᐅᖃᐅᓯᕐᒧᑦ ᓱᓕ ᑖᑦᓱᒧᖓᑦᓮᓐᓇᖅ ᕿᓚᒡᓗ ᓄᓇᕐᔪᐊᕐᓗ ᒫᓐᓇ ᓴᖅᑭᔮᕐᑑᒃ ᐃᑯᐊᓪᓚᒃᑐᒃᓴᓕᐊᕆᔭᐅᓯᒪᕘᒃ, ᐅᓪᓗᒧᑦ ᐅᑕᖅᑭᑎᑕᐅᓪᓗᑎᒃ ᐃᖅᑲᕐᑐᕐᑕᐅᕕᖕᒧᑦ ᒎᑎᖃᖏᑦᑐᓪᓗ ᓄᖑᑎᑕᐅᓂᕆᓚᕐᑕᖓᓐᓄᑦ.

ᔪᐊᓇᓯ ᓯᕗᓪᓖᑦ 3:8

ᓇᓪᓕᐊᑦ ᐊᔪᕐᑐᓕᔪᖅ ᑖᓐᓇ ᓵᑖᓇᓯᒥᑦ ᑍᒤᑎᑕᐅᕗᖅ, ᐱᒋᐊᕐᓂᖓᓂᑦ ᓵᑖᓇᓯ ᐊᔪᕐᑐᓕᖕᒪᑦ. ᑕᒪᓐᓇ ᐱᑦᔪᑎᒋᓪᓗᒍ ᒎᑎᐅᑉ ᐃᕐᓂᖓ ᓴᖅᑭᓯᒪᕗᖅ ᐊᓯᕈᐃᔭᕐᑐᕐᓗᓂ ᓵᑖᓇᓯᐅᑉ ᐱᓇᓱᐊᕐᓂᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.